فراشه اعلي الفرقاطة ج الاخير

ثم أمسكت بهاتفها المحمول ، و…
-إيلين بنبرة شبه جــادة وهي مطرقة لرأسها : بصي ده رقمي ، خليه معاكي ، ولو في اي حاجة حصلت ، أرجوكي كلميني على طول ، هتلاقيني موجودة ..
-شيماء وهي توميء برأسها إيماءة خفيفة : حاضر

ثم دونت رقمها بعد أن هاتفتها .. ومن ثم قبلتها في وجنتيها ، واستأذنت الجميع بالإنصــراف ..
………………..

أشـــارت شيماء بعينيها لزوجها آدم ، فنظر لها بنظرات متفحصة ، وحــاول أن يقرأ ما تقوله بشفتيها بخفوت ، وخاصة أن يزيد كان يوليهما ظهره ، ومحدقاً بباب غرفة فــرح ..
أومىء آدم برأسه موافقاً على ما تقول ، ثم تحرك في اتجاه يزيد ووقف إلى جواره ، ووضع يده على كتفه ، وتنحنح في خفوت ، ثم …
-آدم بنبرة هادئة ، ونظرات حائرة : احم .. هاتعمل ايه الوقتي ؟

تنهد هـــو في إرهـــاق ، ثم التفت برأسه ناحيته و…
-يزيد بنبرة متعبة : ولا حاجة
-آدم متسائلاً بنبرة حائرة : يعني هاتمشي ولا آآ…
-يزيد بجدية شديدة ، ونظرات ثابتة : انت بتقول ايه ؟ أنا أعد هنا مع فرح ، أكيد مش هامشي طبعاً

استدار آدم برأسه نصف استدارة ، ثم أومىء برأسه لزوجته شيماء ، ومن ثَم عــاود النظر إلى يزيد و…
-آدم بنبرة شبه متلعثمة : آآ.. طب .. طب احنا هنستأذن الوقتي عشان يعني آآ..
-يزيد وهو يهز رأسه بحركة متكررة ، وبنبرة خافتة : روحوا انتو ، أنا عارف انكم تعبانين معانا من امبارح

تحركت شيماء في اتجاه يزيد ، ثم أشارت بيدها و…..
-شيماء بجدية ، وبنظرات مترقبة : انت هتلاقينا عندك من النجمة ، بس انت عارف ، احنا سايبين سلمى لوحدها عند ماما ، وآآ…
-يزيد مقاطعاً بهدوء : مافيش داعي لأي مبرر ، كتر خيركم على اللي عملتوه معانا
شيماء بنبرة عازمة ، ونظرات جدية : إن شاء الله هتلاقينا عندك من صباحية ربنا
-آدم مبتسماً بهدوء : بالظبط .. يعني ادينا كام ساعة وهتلاقينا فوق دماغك
-يزيد بنبرة عادية : خدوا راحتكم ، أنا موجود ، ولو احتاجت حاجة هاقولكم على طول
-آدم بنبرة متعشمة : بالله عليك لو في أي حاجة كلمني
-يزيد وهو يوميء برأسه بإيجاز : طيب

ثم صافحه ، ونظر إلى شيماء بإمتنان ، ومن ثم انصرف كلاهمـــا ..

………………………………..

في قصر هايدي بالمريوطية ،،،