نادين ومدين 13-14 الاخير
نادين ومدين 13-14 الاخير
ها هو صباح جديد يملؤه التفاؤل والإرتياح والتصالح مع النفس.. برغم من الأمس حزين إلا إنها اخيرًا تعرفت
على هويتها.. تشعر بمشاعر أول مرة تراودها.. لأول
مرة وجدت نفسها تفكر وتخطط لجذب مدين إليها
ولجت المطبخ خلف حماتها فشعور الجوع بدأ فى مهاجمتها.. ثم حدثتها بملامح مشرقة
-صباح الخير.. أساعدك أنا جعانة مۏت
إستدارت ترمقها بإبتسامة شاحبة هاتفة:
-صباح النور يا نادين.. خلاص خلصت يلا بينا
قطبت حاجبيها بإستغراب هاتفة:
-مالك انتِ متضايقة
-لا بس حال البيت كله حزن وۏجع وأنا صعبان
عليا أشوفكم كدا
صمتت قليلًا قبل أن تجيبها:
-مدين وظهور أبوه وعمه أتدخل بيلح عليه عشان
يقابل ابوه ومدين بين نارين.. وسنا متخانقة مع جوزها
وبقالها يومين مخرجتش من جوا
رمقتها بنظرة حانية قبل أن تجيبها هاتفة:
-مدين حقه يرفض وماحدش يقدر يلومه.. كفاية إللى هو
أتحمله.. وأنا متأكدة مدين هيعمل الصح ومتقلقيش عليه
أما سنا هو بعد اللى حصل ينفع أدخلها؟!
أبتسمت حماتها وهى تقول بتأكيد::
-ينفع طبعًا خدى الصينية وروحي أفطرى معاها أنا كنت رايحة أنا وأمك السوق وهنغيب شوية
إبتلعت نادين ثم سألتها بإحراج:
-طب كنت عايزة أعرف إيه أكتر أكلة بيحبها مدين
أتسعت إبتسامتها وهى تربت على كتفاها:
-طاجن البامية باللحمة.. ربنا يهدي سركم إوعي تصدقي
كلامه اللى قالهولك مدين بيحبك بجد
ظهر الندم على وجهها قبل أن تجيبها بجدية مقترنة
بخجل:
-عارفة
-طب ألحق أنا.. وعلى فكرة خلاص كدا أكلكم يبقى
فوق كفاية لحد كدا أنا جوزته عشان أرتاح
