فراشه اعلي الفرقاطة ج الاخير

اعتلت شفتيه ابتسامة صافية عقب عبارة الصغيرة التي تحمل البراءة ، فانحنى برأسه على جبينها وضمها إلى صدره و..
-يزيد مبتسماً في سعادة : انتي مافيش زيك يا لوما

ثم بدأ في دغدغة الصغيرة لتتعالى ضحكاتها البريئة في أرجـــاء الغرفة ..
-سلمى بنبرة ضاحكة : هههههههههه خلاص آمــو زيت ، خلاص هههههههههههه

توقف يزيد عن دغدغتها ، وقبلها مجدداً على جبينها ، وربت على ظهرها في عاطفة أبوية و..
-يزيد بنبرة مليئة بالحنو : حبيبتي يا لوما
-سلمى بنبرة طفولية هادئة : آمــو زيت ، أنا مس حب لبس فلح ( أنا مش بحب لبس فرح ) ، سكله وحس ( شكله وحش )
-يزيد وهو يلوي فمه في امتعاض : عندك حق يا لوما ، هي عندها حاجات أحلى من كده
-سلمى متسائلة في فضول : طب فلح مس إلبسه ليه ؟
-يزيد بنبرة منزعجة : هي حابة تلبس ده
-سلمى بنبرة بريئة : بس فلح إلبس زي آلوستى بالبي تبقى حووة ( بس لو فرح لبست زي عروستي باربي هتبقى حلوة )

وضع يزيد يده على فكه ، وضيق عينيه قليلاً ، ثم فكر في أن يستغل تلك الصغيرة في التخلص من ملابس فرح الكئيبة ، لذا بادر بـ …
-يزيد بنظرات لئيمة ، ونبرة خافتة : طب ايه رأيك لو خلينها تلبس حاجات تانية حلوة وملونة زي عروستك دي
-سلمى بحماس طفولي : ماسي
-يزيد متابعاً بنبرة اكثر لؤماً : بصي يا لوما أنا عاوزك تعملي اللي هاقولك عليه عشان فرح تلبس الحاجات الحلوة دي

أومـــأت الصغيرة برأسها في سعادة ، وبدأ يزيد في سرد خطته البسيطة لها ..
وبعد أن انتهى ، ابتسم في خبث ، و..
-يزيد بنبرة خافتة ونظرات واثقة للغاية : وكده أبقى ضمنت الجزء الأول من خطة استرداد الفراشة !

…………………….

في غرفة فرح ،،،،،

تململت فرح في الفراش بعد سماعها لصوت ( خرفشات ) تصدر من داخل غرفتها ، فإستدارت بجسدها على الجانب ، وأزاحت الملاءة عن وجهها قليلاً لتنظر بأعين ناعسة إلى تلك الصغيرة الجالسة القرفصاء على أرضية الغرفة ..
في البداية ، ابتسمت لها فرح في رقة ، ثم أمعنت النظر جيداً فيما تفعله ، فوجدتها تعبث بملابسها السوداء ، وتقصها بالمقص بعد أن لطختها بألوان المياه الملونة ، كما أنها كانت ترتدي إحدى قمصان النوم الحريرية الخاصة بها … فاتسعت عينيها في صدمة ، وفغرت شفتيها في ذهـــول ، ثم نهضت عن الفراش بفزع ، وركضت في اتجاه الصغيرة ، وجثت على ركبتيها أمامها ، ثم جذبت منها المقص ، وحدقت في قصاصات القماش بأعين مصدومة و…
-فرح بصوت متحشرج : انتي عملتي ايه يا سلمى ؟؟!!!!!
-سلمى مبتسمة في براءة : تُنت بآمل فستان لآلوستى ( كنت بأعمل فستان لعروستي )
-فرح بنبرة متجهمة : بهدومي !!
-سلمى ببراءة مصطنعة : ايه لأيك ، حوو ؟ ( ايه رأيك حلو )
-فرح بنبرة متشنجة للغاية وهي تشير بيدها : لأ مش حلو خالص ، اللي انتي عملتيه غلط يا سلمى ، مايصحش تاخدي حاجة مش بتاعتك ولا تعملي فيها اللي انتي عملتيه ده !!