دموع ممنوعه ٤

عاد عادل بظهره للخلف وهو يتابع جده ويتأمل وجهه وهو يقول ما يقول ، تابع الرجل كلامه من سب وإهانة لفريدة وعادل يستمع فى صمت
حتى لاحظ جده صمته ، فتوقف عن الكلام قائلا
… انت مش عاجبك كلامى ولا ايه ؟

أجاب عادل بشكل تقريرى دون أن يتحرك
… تصدق انا أوقات مش بصدقك اصلا …

… نعم ..

.. والله بجد ، انت ازاى كدة ، فريدة ايه اللى السبب فى كل اللى بيحصل ، بتضحك عليا ولا بتضحك على نفسك …

ضر,ب الجد بعصاه فى الأرض بغضب وهو يقول
… ايه ده ياعادل ، انت اتجننت ولا ايه …

.. اتجننت ايه بس ، فريدة هى اللى خلت عمى إبراهيم يضحك عليك ويسرق فلوسك ويعمل بيها شركة تانية فى السر ، ولا يمكن هى اللى خلت أمى تعمل اللى طول عمرها بتعمله ، ولا تبيع بنتك لمدير أعمالك ، ولا تتفق مع مرات عمى يسرقوا الملفات ويبيعوها، ولا خلت عصام يعمل اللى عمله ، ولا ايه ولا ايه ،كل اللى عملته فريده أنها عرفتك اللى بيحصل حواليك ، دا اذا كنت أنت عارف اصلا وساكت …

وقف الجد وهو فى قمة غضبه وقال
… كفاية ياعادل …

وقف عادل هو الآخر بمقابلته قائلا وهو مازال محتفظ بهدوئه
… لا مش كفاية ياجدى ، خد بالك كويس انك تقريبا كدة خسرت عمى أكرم ، فى الشغل وفى البيت كمان ، ولو فضلت تفكر بالطريقة دى ، يبقى هتخصرنى انا كمان ، لو سمحت ولاخر مرة ، ابعدوا عن فريدة خالص ، وإلا هخرجها من البيت ده وهخرج معاها …

استمر جده ينظر له بدهشة وكأنه يراها لأول مرة
تابع عادل دون أن يهتم برد فعل جده … فعلا همشى ، غير أنى اصلا بدأت أندم انى ضغطت عليها عشان ترجع اصلا ، بعدها كان أفضل ليها وليكم. ..

ثم تركه وخرج دون حتى أن يستأذن للخروج ،
خرج وتركه لا يتخيل انه سمع للتو هذا الكلام من حفيده الأقرب والذى لآخر لحظة انه تخيل انه الباقى له من جميع أولاده وأحفاده .

دموع ممنوعة
هناء النمر

الجزء التانى ،، الفصل الثالث عشر ،، بارت اتنين

وقف إبراهيم وغضبه بدأ فى الطغيان على ملامحه
… ايه ، اصفى الشركة ؟

… ايوة ، تصفيها ، يااما تضمها للشركة الأساسية …

… مستحيل ، ده شقى العمر ، انا داخل على خمسين سنة ، وأول مرة فى حياتى يكون فى حاجة باسمى انا ، بتاعتى ، تيجى دلوقتى تقولى اصفيها أو حتى اضمها ، ده فى احلامكم …