ظنها دميه بين أصابعه ١

نظرات السيدة كريمة حملت الوعيد ، فارتعشت شفتيها وأخذت تدلك كفيها
– ردي على مدام مشيرة يا زينب
أسرعت تُلبي أمر السيدة كريمة حتى لا تنال من بطشها بعدما تغادر تلك السيدة الأنيقة
– أصل أنا بحب أفضل لوحدي
– مش قولتلك يا مدام مشيرة
اقتربت منها مشيرة تقربها منها ترسم فوق شفتيها ابتسامة مطمئنة
– المرة اللي جاية عايزة اشوفك مع البنات وتعالي يلا خدي هديتك زيهم ده طبعا بعد أذن مدام كريمة
والسيدة كريمة تنظر لها حتى تُنفذ دون كلمة

……

– إزاي يا مامي قابله الإهانة ديه، هو ده السيد رضوان اللي صممتي تتجوزي وعرضتي كلامنا واحترامنا قرارك عشان كان حبك الأول قبل ما تتجوزي بابي الله يرحمه

احتقنت ملامح بثينة تشيح عيناها عن أبنتها، فقد اهانها ابن رضوان دون أن يأخذ لها حقها رضوان وكيف سيأخذ حقها وكل شئ تحت سلطته

همهمت بغضب ساحق حاولت بشدة أن تخفيه ليلة أمس وهى تُغادر معه عائدة لبيت المزرعة
– طول عمرك سلبي يا رضوان، وكل حاجه خطت ليها ضاعت خلاص
– بتقولي حاجه يا مامي
– هبه أرجوكي كفايه كلام، أنا ضغطي عالي من أمبارح بسبب اللي حصل
أسرعت هبه نحوها تطمئن عليها في لهفة
– أجيبلك دكتور يا ماما
– مين محتاج دكتور يا هبه

ارتسمت ابتسامة مجاملة فوق ملامح هبه ، هى حتى هذا اليوم لا تتقبل زواج والدتها من هذا الرجل رغم مرور عامين على زواجهم ولكن لن تنكر أنه رجل كريم و ودود معهم

– مافيش حاجة يا رضوان
تولت بثينة أمر الجواب عليه، تنظر لأبنتها حتى تصمت وقد فهمت الأمر وغادرت المكان متعلله برغبتها في مهاتفة زوجها

– لو كنت فارقة معاك يا رضوان مكنتش سمحت لابنك يطردني، إظاهر إني غلطت لما قررت اسيب ذكرى زوجي الأول واتجوزك يا رضوان

احتقنت ملامح رضوان فعن أي زوج تتحدث هذه المرأة، اقترب منها يجذبها إليه في تملك

– بثينة بلاش كلامك اللي بيعصبني

لمحت بثينة الغيرة مشتعلة داخل عينيه، فاسبلت أهدابها تلومه على صمته أمس تتجاهل مؤقتً تركه لكل شئ تحت سيطرة ولده المتجبر

– مش قادرة أنسى إني اتهانت قدامك يا رضوان، ابنك طردني قدام بنتي، عارف يعني إيه
– متزعليش يا بثينة

دنى منها يلثم جبينها محاولاً إرضائها

– أنا عمال أصالحك من امبارح، غير أنتِ عارفه كويس كنتِ بتعملي إيه في سلمى طول ما كنا قاعدين في القصر، ده برضوه اللي كنت موصيكي عليه، سلمى حاله خاصه عايزه اللين والحب