ظنها دميه بين أصابعه ١

– مش بقول سوده اوي من جوه، اه لو كانت قدامي دلوقتي كنت خنقتها، هو أنا هفضل أكلم في نفسي كده كتير
تمتمت بها ليلى حانقة تشعر بالحنق، لا تستطيع تحمل هذا الوضع

– بلاش يا ليلي تعملي اللي في دماغك، لكن محدش شايفني والكل أكيد نايم هقعد في الجنينة شويه اشم الهوا مش حرام يكون في جنينة بره واقعد كده بتقلب زي السمكة شمال ويمين

حاولت ليلى إقناع حالها أن لا بأس إذا خرجت لحديقة المنزل في هذا الوقت المتأخر فالحارس بالتأكيد قد غفا والعم سعيد يأخذ علاجه في الحاديه عشر ثم يخلد للنوم.

نهضت من فوق الفراش مُقررة إنها اليوم ستستكشف حديقة المنزل ،
غادرت ليلى غرفتها تتسحب على أطراف أصابع قدميها تلتف حولها بقلق لا تعرف سببه رغم سكون المكان

– متخافيش يا ليلى الكل نايم، فرصتك أهي تتفرجي على الجنينة براحتك

دارت بعينيها بالمكان لا تُصدق تلك المساحة الهائلة التي تتمتع بها حديقة المنزل من الخلف

– كنت عايش في العز ده كله يا عمي ورامي بنت اخوك في ملجأ، شوفت أخرتها إيه خسرت كل فلوسك ومت بحسرتك ومراتك باعت كل حاجة

التمعت عينين ليلى بشماته ، وسرعان ما كانت تنتبه على تفاصيل المكان المجهز للترفية , ورغم الإضاءة الخافتة كانت عينيها تلتقط كل ما هو بتلك الساحة
– ديه صالة رياضة، إيه ده كمان ترابيزة بلياردو..

لعقت ليلى شفتيها بطرف لسانها من شدة حماسها فكم هى تحب هذة اللعبة ولكن لسوء حظها حينما اجادة هذه اللعبة التي لا تليق بالفتيات كانت الدار تتخلى عن الطاولة

فركت كفيها بحماس أشد تنظر نحو الصالة الفسيحة المظلمة
– اه بس لو أعرف ادخل جوه كنت رجعت بطولاتي العظيمة وكسبت البت زينب الخيبة

تلاشى حماسها بعدما تذكرت أن زينب ليست معها هنا، خرجت تنيهدة حارة من شفتيها
– يا ترى زينب عاملة إيه دلوقتى
وسرعان ما كانت تلطم جبهتها من شدة غبائها، فبالتأكيد زينب غافية في هذا الوقت

…….

ارتفعت عصاة السيدة كريمة فوق اجسادهن بقوة فتراجعت كلتاهما من شدة الألم

– لازم أربيكم، أنتوا فاكرين الملجأ بيت اهاليكم وكل يوم ألاقي واحده ماسكة في التانية

التصقت زينب بالجدار تشعر بتخدر جسدها من شدة الألم، تكتم صوت شهقاتها
– أنا مصدقت خلصت من صاحبتك هتجيلي أنتِ كمان وتعمليلي مشاكل
– يا ابله كريمة.. زينب معملش حاجة غير بعد ما صابرين استفزتها، وده مش النهاردة بس ده من ساعة ما ليلى مشيت