خطايا برئيه ج الاخير

🦋الاربعون🦋 هناك دوما ما اسمه الفرصة التي تعقب الفرصة الأخيرة، ما بعد الأخيرة، إنها الفرصة التي يمنحها لنا القدر ، يمنحها لسبب ما. \ - عمرو الجندي -------------------- تقلصت معالمه وفتح عينه بتثاقل شديد ثم اغلقهم مرة ثانية ثم لبعض ثوانِ معدودة كرر المحاولة إلى أن استطاع اخيرًا أن يسيطر على ردة فعله ويفتح عينه يقلبها في كل ما حوله مشوشًا، ليرفع يده الواهنة ويجذب قناع التنفس و يهمس بتحشرج وبصوت ضعيف النبرات وبحلق جاف لم يسعفه إلا بنطق اسمها: -"نادين" -حمد الله على سلامتك يا نضري قالتها الممرضة وهي تقوم باللازم واستدعاء الطبيب الذي أتى مهرولًا ليعاينه، في تلك الاثناء كانت "ثريا "تجلس في الرواق تستأنث بقرب ولدها حين خرج الطبيب وهرولت إليه متلهفة، ليطمئنها قائلًا: -متقلقيش مريضكم فاق وشوية وهيطلع غرفة عادية وتقدرو تشفوه وتطمنوا عليه بنفسكم رفرف قلبها وتهللت أساريرها وقبلت باطن يدها وظهرها حامدة وعيناها تزف فرحة نجاة ولدها: -الحمد لله...الحمد لله...الحمد والشكر ليك يارب...الحمد والشكر ليك يارب ----------------- طرقات على باب الغرفة جعلتها تصدق على كلمات الله وتغلق كتابه العزيز وتسمح للطارق بالدخول لتندفع الممرضة ذاتها تُبشرها: -چوزك فاج يا بتي واول ما نطج…نطج بأسمك لم تستوعب وهبت من جلستها قائلة بنبرة مرتعشة غير مصدقة وهي على حافة البكاء: -فاق…بجد احلفي انا مش مصدقة أكدت لها وهي تربت على ذراعها: -يابتي والله العظيم زي ما بجولك تعالي وهتتأكدي بعينك نمت بسمة على ثغرها رافقت دمعاتها وهي تخوض حالة من الاضطراب لا مثيل لها وتمتمت بقلب يرتجف مثل سائر جسدها: -الحمد لله... الحمد لله... الحمد لله...انا عايزة اشوفه وديني ليه الله يخليكِ... هزت رأسها وسحبتها خلفها وما ان وصلوا لتلك الغرفة التي تم نقله بها وجدت "ثريا" تقف على اعتباها بوجه تكاد البسمة تشقه من شدة سعادتها قائلة: -فاق يا بنتي الحمد لله ادخليله وانا هروح اتوضى واصلي ركعتين حمد وشكر لله هزت رأسها بحركة بسيطة ثم اقتربت بخطوات وئيدة متعثرة في حين هو همس بضعف ما أن سقطت ناعستيه الواهنة عليها: -وحشتيني يا مغلباني تسمرت بأرضها فور رؤيته و وضعت يدها على وجهها واخذت تهز رأسها بحركة هستيرية تدل على عدم تصدقيها، تضحك تارة وتبكي تارة أخرى وكأنها فقدت عقلها من شدة سعادتها ...ف الله استجاب لدعواتها وابتهالها ومنحه القوة كي يعود لها. . ليهمس بأسمها من جديد: -"نادين"... ابتسمت من بين دمعاتها وهرولت باكية إليه كتلك الطفلة ذاتها صاحبة الضفائر التي تعودت أن تحتمي به وتحظي بالأمان بقربه. فقد وقفت على بعد خطوة واحدة منه مضطربة لا تعلم ماذا تفعل أتقترب وترتمي بأحضانه أم ستؤلمه، كانت خائفة والشيء الوحيد الذي صدر منها انها كانت تطالعه وكأنها اخيرًا وجدت ضالتها بنظرات صادقة تتلخص بها مزيج من لهفتها وعشقها واحتياجها وقلقها وخوفها مما جعله يطمئنها بنظراته ويهمس بضعف: -أنا كويس كفاية عياط… شجعها أن تقترب بمد يده لها لتتشبث هي بها وتجلس بجواره على طرف الفراش بحذر ليمد يده الأخرى يمررها بخصلاتها قائلًا بصوت مبحوح من شدة الوهن: -كنت خايف مشوفكيش تاني تمسكت بكلتا يداها بذراعه ثم مالت عليه واغمضتت عيناها وارتعش فمها و وضعت جبهتها على خاصته واخذت دموعها تنساب بغزارة حتى غرقت وجهه القريب معها، ليرفع يده ويكوب وجنتها ويهمس بملامح مُتعبة وهو يمرر إبهامه على وجنتها: -بلاش دموعك بتقتلني... هزت رأسها بطاعة وهي مازالت تسند جبهتها على خاصته ثم فتحت عيناها تكوب وجنته كما يفعل هو و قالت بنبرة مختنقة متألمة نال منها العذاب بما يكفي: -انا مش مصدقة انك رجعتلي...أنا كنت هموت من غيرك يا "يامن"... همس بضعف وهو يتحامل بكل طاقته: -بعد الشر عليكِ يا قلب وروح "يامن"... لتنكس نظراتها بخزي وتقول نادمة: - اللي حصلك كان بسببي سامحني يا "يامن" علشان خاطري سامحني انا غلطت كتير في حقك وكنت غبية انا مستهلش حبك ومستهلش أي حاجة في الدنيا تنهد مثقلًا من حديثها الذي شعر انه استمع له من قبل وقال بعشق خالص لها: - قولتلك قبل كده اللي يحب ميعرفش يكره ومبيعرفش غير يسامح...بلاش تأنبي نفسك وتحمليها فوق طاقتها كان يتحدث هامسًا ومع كل جملة يختطف قُبلة عابرة من رحيقها الذي اشتاق إليه حد النخاع تقطعت انفاسها أثر قُبلاته الممزوجة بملوحة دموعها ثم صرحت بصدق وهي تحاوط خصره وتتفادى موقع إصابته: -انا اكتشفت أنك انت محور حياتي و كل اللي ليا في الدنيا أنت حبيبي وجوزي وسندي وضهري وعزوتي أنا من غيرك ولا حاجة يا "يامن"... اتسعت بسمته وتحدث مشاكسًا رغم ما يجتاحه من وهن كي يزيح حالة الكآبة والحزن التي هي عليها: -ياااه كان فين الكلام ده من زمان يعني كان لازم اتضرب بالنار علشان تعقلي وتكتشفي الاكتشافات العظيمة دي انا لو اعرف كده كنت وصيت خالك يقوم بالواجب من زمان ابتعدت برأسها وقالت من بين دمعاتها ببسمة عابرة: -لسة رخم مرر انامله على وجنتها يجفف دمعها وهمس بصوت مبحوح و بنظرة تفيض بمكنون قلبه المُولع بها: -بس بتعشقيني مش كده! أكدت بعدما اندثر حزنها وتسللت الفرحة لتكسو تقاسيمها: -اه كده واكتر من كده كمان اتسعت بسمته مما جعل قلبها يتهاوى بين ضلوعها وهي تهيم به بنظرات صادقة مفعمة بما يعتمل في قلبها فقد تعانقت نظراتهم الوالهة كي يعوضون بها تلك الأيام العجاف القاسية التي انهكت كل منهم لحين همس هو معاتبًا وهو يتلمس بأنامله موضع بطنها: -خبيتي عليا ليه؟ ابتلعت ريقها واستغربت معرفته بالأمر، ليوضح هو: -انا كنت حاسس بيكِ وسامع كلامك وكان نفسي ارد عليكِ واطمنك بس مكنتش قادر ابتسمت بتنهيدة مثقلة و وضعت يدها فوق كف يده الذي يستقر على بطنها ثم اجابته بتلك الأفكار القديمة التي كانت ترسخ بها: -كنت خايفة ترجع علشانه مش علشاني -بس انا رجعت علشان روحي متعلقة بيكِ ومكنتش اعرف حاجة عنه...وانتِ وضعت يدها على فمه راجية: -بلاش تكمل...أنا اسفة واللهِ اسفة... سامحني -مسامحك يا "نادين" ومش هتكلم في اللي فات...أنا بس عايزك تعرفي إني عمر ما في حاجة عرفت تغير حبي ليكِ لتغيم عيناها من جديد وتقول بمشاعر صادقة وبنظرات تعدت العشق بمراحل عدة: -كلمة بحبك متوفيش حقك اللي جوايا ليك اكبر من كده …زمان مكنتش بستوعب لما بتقولي( أنا نقطة ثابتة في ارضك) لكن دلوقتي استوعبت…أنت محور الكون بالنسبالي يا "يامن" ومش عايزة حاجة غير ابقى جنبك لتتنهد مُسهدة تحت نظراته االدافئة التي تفيض فيض بمكنونها، وتوعده بوعد صادق تقسم أنها لن تخل به مهما حدث: -إن دعيت ربنا ليل نهار أن ربنا يرجعك ليا و وعد مني ربنا شاهد عليه هعوضك عن كل اللي فات كان قلبه يرفرف مع كل كلمة تخرج منها واكثر ما راقه بحديثها انه استشعر ندمها الصادق وادرك ايضًا خوفها أن تفقده بعد ما اصابه جعلها تتخلى عن تمردها وعنادها وكم تمنى أن يكون للأبد، لذلك عقب على وعدها وهو يزم فمه ويدعي حسرته: -اه بصراحة انا اتبهدلت كتير ومحتاج دلع... ليرفع سبابته ويعتلي حاجبه وهو يضيف: -ولعلمك بقى انا اتكروت في الجوازة دي وده ميرضيش ربنا لينظر لها نظرة جريئة ذات مغزى اخجلها وجعل وميض تلك الليلة الجامحة يترأى امامها: -دي مكنتش بروفة دي؛ اللي مفيش تجارب بعدها شهقت وقطمت شفاهها وهمهمت كي تتستر على خجلها وتلك القشعريرة بسائر جسدها: -على فكرة أنت رخم... وقليل الأدب قهقه هو على حرجها وتدرج وجهها لدرجة انه تأوه متألمًا وتمسك بصدره وعندما رأى لهفتها وخوفها تحامل وشاكسها من جديد بقلة حيلة : -واللهِ انا كان نفسي ابقى معدوم الأدب زي ما وعدتك بس للأسف عندي وعكة صحية... اوعدك بعدها -"يامن" بَطل -هبطل يا مغلباني قالها ببسمة حانية وبتنهيدة مُسهدة وهو يجذب رأسها ويجعلها تستقر بين طيات عنقه لتهمس هي بعدما سَكن قلبها: -لو بنت هسميها "غالية" -ولو ولد هسميه بُرعي شهقت ونكزته برفق بيده ليتأوه و يتدارك قائلًا ببسمة واسعة: -بهزر واللهِ بهزر يا مغلباني لتتنهد مبتسمة وتتشبث بذراعيه وتمرغ وجهها بين طيات عنقه مغمضة العينين مستمتعة بتلك الطمأنينة والأمان الذي لم تحظى به سوى في كنفه. —------------------ رفضت إتمام عقد القران إلا عندما تتحسن ظروف صديقتها مما أثار حنقه وهاهي تحاول إقناعه قائلة بعدما حضر لمنزلها كما طلبت منه: -يا "حمود" علشان خاطري مش هعرف ابقى مبسوطة من غير "نادين" تنهد وأجابها: -انا مصدقت ابوكِ رضا عننا و وافق ومن يومها وانا بعد الايام… وبعدين احنا أجلنا مرة و هي بنفسها طمنتك وقالتلك انه فاق و بقى احسن وكلها كام يوم ويخرج من المستشفى -بس انا مش هيهون عليا افرح وهي في الظروف دي تنهد حانقًا وهب واقفًا يواليها ظهره دون أن يعقب بشيء، لتقترب منه قائلة: -"حمود" متزعلش... انت اكتر حد عارف أن من يوم قراية الفاتحة وانا عقلي طار وبعد الثواني والدقايق مش الأيام علشان ابقى ليك بس... -من غير بس يا "ميرال" اعملي اللي يريحك... انا ماشي -"حمود" استنى …. لم ينصاع لها وغادر مما جعلها تدب الأرض تحتها ويحتل الحزن معالم وجهها وهي تشعر بحيرة لا مثيل لها. ----------------- -"سعاد" متجننيش؟ قالتها "رهف" وهي تدور حول نفسها عبر الهاتف بعدما أخبرتها "سعاد" بتخمينها التي اصرت عليه مرة أخرى: -مش يمكن يا "رهف" ليه لأ كل شيء جايز توترت واجابتها: -"سعاد" الله يخليكِ انا بكلمك افضفض معاكِ متعصبنيش بتخميناتك انا اصلًا مش فكراه اجابتها "سعاد" من الطرف الأخر: -بس انا فكراه وفاكرة مامته هو مكدبش عليكِ وبصراحة كلامه ملوش معني تاني غير اللي قولتهولك يا"رهف" لترد بتوتر بالغ: -وافرضي انا اعمل ايه يعني! -مش مطلوب منك تعملي حاجة غير انك تستنيه يكملك الحكاية هو مش قالك في كلام لسة مجاش وقته اكيد مستني فرصة مناسبة -انتِ عارفة اللي بتقوليه ده معناه ايه؟ -عارفة...وبقولك الحياة مش هتقف...ويمكن ربنا جمع بينكم علشان يعوضك وانتِ بنفسك قولتيلي أنه ذوق اوي معاكِ و وقف جنبك اكتر من مرة ده غير انه شهم وجدع وتصرفاته كلها سوية يبقى ايه المشكلة زفرت هي حانقة وقالت بنبرة مختنقة بسبب انين قلبها: -المشكلة فيا أنا يا"سعاد" حتى لو زي ما انتِ بتقولي بس انا معنديش استعداد اخوض تجربة تانية...حاسة إني متلغبطة وضايعة ومعنديش طاقة لأي حاجة غير لولادي ولنفسي وشغلي وبس -المشكلة مش فيكِ يا "رهف" أنتِ كنتِ الحد الصح مع الشخص الغلط... و"نضال" حد كويس ومفيش وجه مقارنة بينه وبين "حسن" لتتنهد وتعبر عن هشاشتها التي تخالف تلك القوة التي لطالما تتحلى بها أمام الجميع: -بس "حسن" استنفذ كل حاجة جوايا يا "سعاد" انا حاسة أن جوايا فراغ ومعنديش مشاعر ولا حاجة أقدر اقدمها لحد. -"رهف" علشان خاطري حاولي تدي لنفسك فرصة تانية الوقت كفيل يغير كل حاجة -تفتكري ممكن يا "سعاد"؟ -اه ممكن والله انا متفائلة بس أنتِ فكيها كده وخلي الراجل يتلحلح ويتكلم ...عارفة واللهِ انا عذراه تلقيه مرعوب منك هو اللي عملتيه فيه شوية ده انتِ كنتِ قليلة الذوق بشكل والله ما عارفة جاب طولة باله عليكِ دي أزاي... ابتسمت "رهف"وردت وهي تقلب عيناها وتشعر بالخزي من عجرفتها السابقة: -"سعاد" اقفلي انا غلطانة إني كلمتك -خلاص خلاص حقك عليا هقفل بس اوعديني أنك متخليش بمعاهدة السلام اللي بينك وبينه وهتخليكِ على حياد ومش هتخسريه -حاضر يا "سعاد" هحاول -خلي بالك من نفسك ومن الولاد -حاضر لتغلق معها الهاتف وتتنفس براحة اكبر ثم تجلس على اقرب مقعد وتظل تفكر جديًا في حديثها ومواقف ذلك ال "نضال" تترأى أمام عيناها لتؤكد لها تخمين ابنة عمها.فيبدو أن عقلها قد استوعب الأمر ولديه قابلية لتقبله...ولكن ماذا عن انين قلبها! ---------------- طرقات صاخبة على باب شقتها جعلتها تهرول قائلة: -يوه ما براحة ياللي على الباب هي الدنيا طارت -اه طارت يا "شهد "وطار عقلي معاها بسبب اخوكِ قالتها "ميرال" بعدما فتحت الباب لها، لتعقب "شهد "على حديثها: -والنعمة انتو جوز مجانين وهتجننوني معاكم -يا "شهد" هو اللي مش عايز يريحني وهنا قالت "شهد" بصراحة متناهية : -انا اه بحبك وادافع عنك برقبتي بس هو معاه حق ...صاحبتك واطمنتي على جوزها وأجلتي مرة بسببهم...وبعدين هي بنفسها قالتلك افرحي يبقى ايه لزمتها -ما انا جاية علشان اقوله إني اقتنعت ومعنديش مانع -بس انا عندي قالها وهو يخرج من غرفته ويجلس بسأم على أحد مقاعد السفرة امامها، لتشهق هي بخوف وتهرول له متسائلة: -هو ايه اللي عندك! اجابها وهو يكبت بسمته بصعوبة بالغة على خوفها ويدعي الغضب: -مانع يا "ميرال"...عندي مانع …ومش موافق فرت الدماء من وجهها وتلعثمت وهي على حافة البكاء: -"محمد" انت بتقول ايه؟ نكزته "شهد" بذراعه ووبخته وهي تحتضن "ميرال": -بس يا خويا اقعد كده...قال مش موافق قال ده انت هتموت عليها ...وبعدين اتلم ومتخلنيش اسيحلك واجرصك عندها ابتسم هو بلا فائدة لتربت هي على ظهر" ميرال" وتطمئنها: -سيبك منه ده بينغشك هزت رأسهاوسألته بملامح تشبه الجرو الوديع دون أن تخرج من أحضان "شهد": -بجد! قلد صوتها وكرر قولها ببسة مشاكسة وهو يهز رأسه: -بجد...اه بجد...انا عارف مش هسلك معاكِ و"شهد" في صفك عقبت "شهد"دون مجاملة وهي تخرج "ميرال "من أحضانها: -اه ياخويا في صفها وعلى أد حبي ليك على أد ما بحبها امتنت "ميرال" لها: -ربنا يخليكِ ليا يا "شهد"...انتِ الوحيدة اللي مش بهون عليكِ هنا عاتبها هو بعيون ضيقة: -هي بس اللي مش بيهون عليها تزعلك مش كده -اه ما انا هونت عليك تنهد بعمق وقال بنبرة صادقة: -عمرك ما تهوني يا "ميرال" انا بجد مقدر اللي حصل ومقدر شعورك ناحية صاحبتك...ومش قاصد ازعلك وعلشان كده سبتك براحتك أنتِ اللي تقرري -طب انا قررت واستأذنت بابي ومعندهوش مانع نكتب الكتاب بكرة تنهد بأرتياح وقال مرحبًا: -ولا انا عندي مانع… اتسعت بسمتها وهللت فَرحة: -طيب حيث كده بقى انا يدوب احضر نفسي ومحتاجة اشتري شوية حاجات من المول وعايزة "شهد "معايا عقبت "شهد" بعفوية على طلبها: -معاكِ فين انا مفهمش في شرى المولات بتاعكم ده وبعدين البت "طمطم "عند حماتي وكنت شوية وهروح اجيبها -علشان خاطري يا "شهد" انتِ عارفة ظروف "نادين" و"نغم " مسافرة ومليش حد تاني ينزل معايا عاتبتها "شهد" وهي تضع يدها في خصرها: - ايه مليش حد دي! امال انا ايه وانتِ فكرك هسيبك ولا هتخلصي مني ده انتِ اختي الصغيرة يابت اقتربت و وضعت قبلة على وجنتها قائلة بأمتنان حقيقي: -ربنا يخليكِ ليا يا "شهد" وميحرمنيش منك ابدًا -ولا منك شاكسهم هو بعدما شَهد على ما يدور بينهم ضارب كف على أخر بقلة حيلة: -اتفقتوا ربنا يستر ماشي أمري لله اخرجوا بس ياريت متتأخروش علشان "طمطم " هزت رأسها بطاعة وبينها وبين نفسها تحمد ربها أنه عوض احتياجها وحرمانها بأنتمائها لهم. —---------------------- ابتاعوا الكثير من الاشياء حين وقفت هي مشدوهة أمام أحد العارضات الزجاجية لأحد المحلات لتباغتها "شهد" مستغربة: -في ايه مال وشك جاب سبع الوان كده ليه! أجابتها بخجل ووجهها يتوهج حد الاشتعال: -هاا…ابدًا أصل… قالتها وهي تشير بنظراتها على أحد المعروضات التي جعلت "شهد "تعقب على حرجها: -اصل ايه! ده لانچري يا موكوسة ايه اول مرة تشوفيه -لأ بس عريان اوي! هو في ناس بتلبس كده ! لوت "شهد" شدقيها واخبرتها وهي تجذبها من رسغها ليجلسون على احد المقاعد بالساحة الواسعة داخل ذلك المركز التجاري : -اه يا ختي الحاجات دي عادي بعد الجواز شهقت وقالت قبل أن ترفع الكوب البلاستيكي لفمها كي ترتشف جرعة وفيرة من محتوياتها حتى تداوي جفاف حلقها: -ازاي بس يا "شهد "انا اموت من كسوفي لو لبست حاجة كده -بيتهيئلك وكسوفك ده مش هيبقى ليه لازمة لما تاخدي عليه هزت "ميرال" رأسها بشيء من الأقتناع لتتسائل "شهد": -هو انتِ مش شايلة حاجات من دي للجواز نفت برأسها وقالت بحرج وهي تلملم خصلاتها: -لأ… انا اصلًا اتكسف اشتريها. لوت "شهد" فمها وعقبت على حرجها: -على رأي البت" طمطم" انتِ ابيضة معقول معندكيش خلفية عن حاجة -وانا هعرف منين يا" شهد" انا طول عمري لوحدي لا عندي اخت ولا أم ولا حتى صاحبة عاقلة جربت وتفهمني تنهدت" شهد "بحزن على حالها وكم شعرت بالمسؤلية تجاهها: -انا معاكِ يابت اعتبريني امك واختك وصاحبتك ومش هسيبك وكل قشاية في قلب بيتك هجهزها معاكِ تهللت اسارير "ميرال" وشكرتها من قلبها وتسائلت بعدها: -تعرفي إني عمري ما سألتك عن جوزك الله يرحمه -الله يرحمه -احكيلي عنه يا "شهد "اتجوزتيه عن حب -لأ… بس كان ابن حلال وطيب ويتحب ولما اتقدملي "حمود" ارتحله وقالي انه هيبقى أمين عليا والشهادة لله كان محترم والخلق كلها بتشهد بكده وعمري ما شوفت منه غير كل خير -هو مات ازاي اجابتها بتنهيدة وبملامح متهدلة: - كان صنايعي و وقع من على السقالة وراح وفاتني انا والبت واستها "ميرال" وهي تربت على يدها المسنودة على الطاولة: -معلش ربنا يرحمه ابتسمت "شهد "وامنت على دعوتها،ثم قالت: -طب مش عايزين نتأخر زي ما قال "حمود" علشان "طمطم" عند حماتي -حاضر…بس شكل حماتك طيبة علشان كده لسه بتوديها لغاية دلوقتِ -اه طيبة ويتموت فيا وعلطول دعيالي اصل انا مش بسيبها وبتقي ربنا فيها … ما انا عندي بت وربنا هيقعدو فيها لتضيف ذلك المثل الشعبي القديم المتوارث : -اصل كل حاجة سلف ودين حتى المشي على الرجلين قهقهت "ميرال" بقوة على ذلك المثل العجيب الذي لأول مرة تسمعه وعقبت: -انتِ بتقولي حاجات عجيبة يا "شهد" لوحت بيدها التي تحمل كوب عصير مثلها وقالت بخفة: -مش اعجب من الكوكتيل اللي انتِ طلبهولي ده والنعمة وجع بطني هو ماله الشاي بالقرنفل على الأقل اعرفه وعمره ما قصر معايا لتقهقه "ميرال" من جديد وتشاركها هي ضحكاتها حين وصلهم صوته وهو يقترب منهم: -"ميرال" ايه الصدفة الحلوة دي مقولتيش انك جاية هنا… اندثرت ضحكات "شهد" ونظرت له نظرة عابرة متوترة في حين قال هو دون مصافحة: -ازيك يا مدام "شهد " هزت رأسها بمعنى انها بخير،بينما "ميرال" قالت مرحبة: -اهلًا أبيه "كاظم" بتعمل ايه هنا! -ابدًا كنت بحاول اشتري فستان ل "سنا" لكن فشلت فشل ذريع...هو ينفع تسعدوني في اختياره -اكيد يا أبيه هنيجي معاك زجرتها "شهد" بنظراتها وجذبتها لتهمس بأذنها: -نروح معاه فين هنتأخر و"حمود" هيعلقنا.. ترجتها "ميرال " بصوت خفيض للغاية لم يصل له: -معلش مش هنتأخر هنجيب الفستان بسرعة اصل عيب نكسفه… تنهدت" شهد "موافقة ونهضت مضطرة معهم وهي تشعر بعدم الراحة فرغم تحفظه وهيبة شخصيته إلا أنها توترت وشعرت انها تحت المجهر بحضرته. بينما هو كان يشعر بلأمتنان لتلك الصدفة التي قدرها الله كأشارة مُبشرة تمهد لمشيئته. —-------------------- -سيبوني خد مني كل حاجة كل حاجة... ده ذنبها...ذنبها... وذنب ناس كتير انا مش عايزة اعيش سيبوني... ذلك ما كانت تصرخ به حين حاول أحد الأطباء اعطائها حقنة المهدئ المعتاد الذي وصف لحالتها بعد ذلك الانهيار العصبي التي انتابتها بعد فعلته بها فلم تعي على ذاتها إلا وهي بالمشفى بعدما وجدتها خادمتها حين عودتها بالصباح تنزف بشدة وبحالة مريعة يرثى لها فقد قامت بالإبلاغ وتم نقلها لأقرب مشفى بعد أن تم اغتص\ابها بكل وحشية وتم فعل كل الأفاعيل بجسدها بشكل لا ينتمي للأدمية بشيء لا والأنكى أنه لم يكتفي بذلك بل سرق كل مالها ومصوغاتها التي جَنتهم من خلف سذاجة الرجال وقهر نسائهم فكانت لسوء حظها تحتفظ بكل شيء في منزلها ولم يمر الأمر عليه فهو ليس بذلك الغباء حتى انه لم يترك شيء يدينه ومحى أي أثر له يدل على دخوله منزلها من الأساس، وأثبتت التحقيقات التي اجرتها الشرطة فور اتهامها له أنه فر من البلد تاركها تجني ثمار ما جنته يديها وتتجرع مرارة القهر التي أذاقته لغيرها. ------------------------ -بارك الله لكما وبارك عليكما وجمع بينكم في خير . قالها المأذون بعدما انتهى من عقد قرانهم وفور نطقه لأخر جملة تعالت الزغاريد والمباركات من حولهم وهاهي بعد انقضاء الحدث السعيد تصحبه معها كي تريه ذلك الركن المحبب لها بالحديقة الخاصة بالقصر حيث زهور الأقحوان...فكانوا يسيرون معًا ونظراتهم متشابكة والبسمة لا تفارق وجههم يتنهدون تنهيدات مُسهدة مفعمة بسعادة قلوبهم، يخلل هو اصابعه بين اناملها بعناق قوي لم تعهده منه من قبل أما هي فكانت تتشبث بيدها الأخرى بذراعه وكأنه هو طوق نجاتها... فقد مال بجزعه وجذب احد الورود ودسها في خصلاتها قائلًا بوله تام وبنظرات حالمة: -اخيرًا بقيتِ حلالي يا حلو هزت رأسها و وضعت يدها تحتضن موضع خافقها وقائلة بسعادة متناهية: -اخيرًا يا "حمود" انا قلبي دقاته بترقص وخايفة يقف من الفرحة تنهد تنهيدة محملة بالكثير وهمس وهو يلملم خصلاتها ويضعها خلف اذنها: -سلامة قلبك ودقاته يا حلو...ربنا يقدرني واسعدك - انا مش عايزة حاجة تانية من الدنيا انت كل احلامي يا "حمود " وهنا صرح بنظرات حالمة أفقدتها عقلها: -وانتِ سر قلبي اللي معرفتش ادفنه جوايا...و النجمة البعيدة اوي اللي عمري ما اتخيلت إني اوصلها أو امتلك قلبها يا "ميرال" -أنت مملكش قلبي وبس أنت امتلكت روحي وعقلي وكل كياني أنا بحبك اوي يا "حمود" بحبك لم يستطيع كبح رغبته أكثر من ذلك بعد حديثها فقد ترك العنان لرغبة قلبه حين جذبها بغتة له كي ينعم بقربها ويحقق تلك الرغبات المكبوتة التي كانت تؤرق مضجعه منذ وقوعه بها ولكنه لطالما خاف ربه وكبحها...فقد عانقها عناق قوي مفعم بـ الدفء والأهتمام وملفح بتلك المشاعر الجارفة التي تأججت بقوة حين تسللست رائحتها المسكرة لكافة حواسه وبعثرته على الأخير...بينما هي فكانت تشعر أنها استحوذت على دفء وحنان وطمأنينة العالم أجمع بين يده حتى أنها كانت تشعر بقلبها يتراقص ويتراقص بجنون بين ضلوعها لتهمس بخفوت وهي تمرغ وجهها بصدره: -حضنك حلو أوي يا "حمود" -مش حضني بس على فكرة رفعت رأسها دون أن تفصل عناقها لتجد نظراته بها نظرة راغبة لأول مرة يطالعها بها، لتبتلع ريقها وتستند بكفوفها على صدره ضائعة مترقبة في حين هو كاد يموت من شدة توقه لترياقها لذلك مال بوجهه والتقم شفاهها بقبلة هادئة، حالمة،متمهلة يصعب وصفها، وكأنه أراد يكافئ ذاته على قوة احتماله وتحامله من أجل إِجازة نيلها...بينما هي كانت مغيبة، مأخوذة به وبحلاوة مذاقها...فصل قبلته التي فاقت كافة تخيلاته الجامحة ثم قال لاهثًا وهو يحتوي وجهها بين يده: -أنتِ ازاي حلوة كده حرام عليكِ كانت تشتعل من شدة خجلها وتحاول تنظيم انفاسها تنظر له مستغربة تلك الجرأة التي أصبح عليها، ليعقد حاجبيه الكثيفين ويتفهم ما يدور بذهنها ويمد أنامله يلملم خصلاتها التي تعيق رؤيته لوجهها ويهمس وبندقيتاه تهيم بها: -عارف أنك مستغرباني بس انا عمري ما كنت هغضب ربنا فيكِ قبل كده واحنا مفيش بينا رباط شرعي...كنت عايز ربنا يرضا عننا ويباركلنا...لكن دلوقتي أنتِ مراتي يا "ميرال" قدام ربنا وصدقيني لومكنتش عملت كده دلوقتِ كان هيحصلي حاجة -بعد الشر عليك يا حبيبي همست بها بلهفة وخوف قبل أن تطرق رأسها وتعي لزلفة لسانها، لتتسع بسمته ويشاكسها وهو يرفع وجهها بطرف انامله: -قولتي ايه؟ -"حمود" خلاص بقى متكسفنيش -يخربيت "حمود" وسنين "حمود" دي... ده يا سبحان من كان مصبرني على "حمود" اللي كانت بتطلع منك تقومي تقوليلي يا حبيبي لأ انا كده مضمنش نفسي بصراحة والشيطان زي ما انتِ عارفة شاطر قالها وهو يقرب وجهه أكثر ويلفحها بأنفاسه الثائرة وهو ينوي تكرار الأمر، لكنها شهقت بخجل ودفعته بصدره وتخطته مدعية غضبها: -أنت بقيت غريب! انا مش عرفاك! فين "حمود" قهقه هو بكامل صوته الرجولي وطوح رأسه للخلف بطريقة رفرفت قلبها وجعلتها تتسأل ترى للمرة الكام التي وقعت بها بحبه لتهدأ ضحكاته ويلتقط نظراتها ثم يقول مشاكسًا: -متبصليش كده بقى علشان ارجع مؤدب...وبطلي جر شكل انا ماسك نفسي بالعافية ومش عايز اغرغر بيكِ شهقت متفاجئة من جرأته الغير معهودة ثم دبت الأرض بحذائها وكأنها تود ان تنشق وتبتلعها كي تخفي خجلها: -أنت غلس وهمشي واسيبك كادت تخطوا خطوتين بعيد عنه ولكنه لحق بها وهو بالكاد يخفي بسمته المستمتعة: -خلاص ياحلو ... ميبقاش زعلك وحش... نفت برأسها ليضيف مشاكسًا: -شكلك عايزة تتصالحي مش كده قالها بغمزة من عينه ذات مغزى، تفهمته هي وتوجست خيفة منه و تقهقرت بخطواتها: -لأ خلاص انا مش زعلانة...مش زعلانة قهقه من جديد على ردة فعلها ثم عقب يطمئنها: -طب خلاص تعالى نرجع و وعد مش هغلس عليكِ تاني حانت منها بسمة هادئة وهي ترى نظراته الصادقة وهزت رأسها بموافقة ليختصر هو المسافة التي صنعتها ويعانق يدها بقوة وكأنه ملك العالم بأمتلاكها ويشاكسها مرة اخيرة بغمزة من بندقيتاه: -بصي علشان ابقى صريح هو مش وعد اوي يعني... ويجوز اخل بيه -"حمود" -يخربيت "حمود" قالها وهو يقلب عينه بنفاذ صبر وببسمة واسعة وهو يكمل سيره معها وبينه وبين ذاته يحمد الله الذي أتم نعمته عليه على خير. ------------------ بينما في الجانب الأخر للقصر وخاصًة على تلك الأرجوحة الكبيرة كانت تجلس الفتاتان وتقوم هي بدفعهم برفق حين قالت "سنا" وهي تتلمس جديلة شعر "طمطم": -تسريحة شعرك حلوة اوي يا "طمطم" انتِ اللي عملاها انا نفسي اعمل شعري كده -لأ ماما اللي عملهالي تهدلت معالم "سنا" وقالت بحزن: -انا معنديش ماما علشان تعملهالي حديثها قطع نياط قلبها وجعلها تقول وهي توقف الارجوحة: -خدوني جنبكم هو انا مليش نفس ولا ايه رحبوا بها وافسحو لها بينهم ، لتقول وهي تجلس و تدير "سنا" لتواليها بظهرها : -هعملك ضفيرة إنما ايه احلى من بتاعت البت "طمطم" ألف مرة وهعلمك تعمليها كمان بطريقة سهلة اتسعت بسمة "سنا "وقالت بسعادة: -بجد يا طنط "شهد" هتعلميني اعملها كمان اكدت "شهد" لها وهي تقوم بتفريق خصلاتها الشقراء الناعمة إلى ثلاث ثم قامت بجدلهم وهي تشرح لها كيفية عملها وإن انتهت احتارت في ايجاد شيء يحكم أخرها لتحل حجابها وتنزع رابطة شعرها الحريري الذي انساب كشلال متدفق حالك السواد ليعيق رؤيتها ويعيق معه حركة ذلك الذي تسمر بأرضه هناك منبهر بها، لم تنتبه لوجوده قط فقد هزت رأسها للخلف ترجع شعرها و وضعت حجابها مرة اخرى على رأسها ثم ربطتت رابطتها بشعر "سنا" كي تنهي مظهرها قائلة: -ايه رأيك بقى بقيتي شبه البت ربنزل ضحكت "طمطم" تزامنًا مع قهقهت "سنا "وتفقدت الجديلة بأنبهار بعدما وضعتها على كتفها و قالت فَرحة وهي ترتمي بأحضانها: -دي حلوة اوي اوي يا طنط "شهد" شكرًا انا بحبك اوي ابتسمت "شهد" ودثرتها بحنو بين احضانها قائلة بعدما وضعت قبلة حانية على قمة رأسها: -والنعمة انا اللي حبيتك ودخلتي قلبي من اوسع ابوابه خرجت" سنا" من بين احضانها ببسمة واسعة لتقترح طمطم عليها: -طب تعالي نلعب بقى وعايزة اشوف حوض الورد إنصاعت "سنا" لرغبتها ولكن بعد أن وضعت قبلة خاطفة على وجنة "شهد" جعلتها تبتسم بسمة متحسرة على يُتم تلك الصغيرة التي قطعت حاجتها للأهتمام نياط قلبها -البنات مبسوطين اوي مع بعض اجفلها صوته لتشهق متفاجئة وعقبت متسرعة وهي تضع يدها اعلى صدرها: -يالهوي...مش تحمحم ولا حاجة يا اسمك ايه والنعمة خضتني اعتذر بلباقة وبكل أدب وهو يقف على بعد مسافة كافية منها: -انا اسف مكنش قصدي اخضك تنهدت وصوبت نظراتها نحو لهو الفتاتان من جديد: -خلاص محصلش حاجة تحمحم هو وحاول أن يتجاذب معها أطراف الحديث: -"سنا" حبت "طمطم" جدًا واتعلقت بيها اجابته بعفوية ومازالت عيناها على الصغار: -وانا و"طمطم" كمان حبناها اوي وبصراحة بنتك أسم الله عليها تتحب بسرعة وتدخل القلب من غير استئذان أكثر ما يروقه بها هو عفويتها وصراحتها المتناهية التي تنم عن قلب لا يعرف الضغينة ولا يوجد به ذرة لؤم واحدة وحقًا بعد تعامله المُتحفظ معها أمس عن قرب وما فعلته مع ابنته الأن ورأه بأم عينه تأكد ان قراره بمحله، لذلك حاول أن يلمح لها: -مش لوحدها ...في ناس من كتر ما هي بسيطة ومريحة تدخل القلب برضو ومن غير استئذان استشعرت بفطنتها ما يرمي له ولكنها حاولت أن تتروي وهي تحاول اقناع ذاتها أنه لم يتعمد أن يغازلها فهيئته بعيدة كل البعد عن هؤلاء الرجال الذين يستهون العبث، ولكنه استأنف ليزعزع رأيها: -زيك كده يا "شهد" … وهنا لم تستطيع كبح لجام لسانها وقالت بشراسة متسرعة دون لحظة تفكير واحدة وهي تهب من على الأرجوحة: -لأ بقولك ايه انا مش مرتحالك من الأول؟ أقف معوج واتكلم عدل...إلا كلامك مايل ومش لايق على هيبتك. توقع ردة فعلها لذلك حاول تهدئتها: -اهدي علشان اعرف افهمك واكمل كلامي -تفهمني ايه اصلًا مفيش كلام بينا وابعد من سكتي بقى أنا لولآ مش عايزة انكد على اخويا كان ليا تصرف تاني معاك قالتها وهي تخطوا بعيد عنه ولكنه لحق بها قائلًا: -على فكرة أنا مستئذن "محمد" إني افاتحك واتكلم معاكِ -مش فاهمة -طيب بصراحة كده انا طلبت ايدك من اخوكِ احتلت الصدمة وجهها وانحشر الحديث بحلقها ليستأنف هو برزانة وبنبرة عقلانية هادئة: -اسمعيني لو سمحتِ انا عارف أنك متعرفنيش كفاية وعارف أننا شوفنا بعض مرات قليلة لكن أنا ارتحتلك ولقيت فيكِ حاجات مصدفتهاش قبل كده... مش هقولك حبيتك واضحك عليكِ وعلى نفسي بس هقولك معجب جدًا بيكِ وبشخصيتك ولقيت فيكِ مميزات كتير أنا وبنتي محتاجينها...وصدقيني لو وافقتي هبقى اسعد حد في الدنيا واوعدك أنك مش هتندمي حديثه وترها بشدة وجعل وجيب قلبها يتعالى..فدون قصد منه عزز ثقتها بنفسها و ايقظ مشاعر كامنة كانت تناستها بعد وفاة زوجها...فشعور كونها مازالت مرغوبة كان أكثر من مرضي لها ولكن ما يطلبه هو لم تفكر به قط من قبل وكانت ترفض رفض قاطع كل من يتقدم لها وتوبخ بشدة من يحاول إقناعها بالأمر ولكن الأن لاتعلم ما اصاب لجام لسانها الذي نطق على غير عادته مترويًا: -هو "محمد" قالك ايه؟ اجابها بنظرات مُتحفظة وببسمة مريحة هادئة: -قالي أنتِ صاحبة القرار زاغت نظراتها بتوتر واطرقت برأسها ثم تهربت قائلة: -انا هروح اشوفه فين علشان لازم نمشي الوقت اتأخر -"شهد" جمدها بأرضها فلا تعلم لمَ ارتجف بدنها حين نطق بأسمها مجرد دون ألقاب لتلتفت له بملامح متوترة حين استأنف برزانة وبنبرة هادئة: -هسيبك تفكري براحتك ومش هضغط عليكِ بس بتمنى يكون قرارك في صالحي ابتلعت ريقها وتهربت بنظراتها متلعثمة: -اللي فيه الخير يقدمه ربنا...عن اذنك لتحين منه بسمة متفائلة ويدعو الله أن تكون من قسمته فمنذ الوهلة الاولى التي رأها تجسدت بها تلك السَ\كينة و الانتماء والدفئ الذي طالما كان يفتقده في سنوات غربته. ---------------------- طرقات على باب منزلها جعلتها تهرول تفتح الباب لتتفاجئ به أمامها، ترددت لوهلة قبل أن تدعوه قائلة: -ادخل يا بشمهندس اتفضل انصاع لها ببسمة باهتة وإن فعل هرولو اطفاله له مهللين: -بابي... وحشتنا -وانتو كمان يا ولاد تعمدت ان تمنحه بعض الوقت معهم وجلست تباشر عملها على حاسوبها وبعد بعض الوقت طلب هو منهم بأرهاق ظهر جلي على تقاسيم وجهه: -معلش يا ولاد انا تعبان من الطريق ومحتاج اروح ارتاح لتدخل هي: -يلا ياولاد علشان هتصحوا بدري عندنا مدرسة الصبح انصاعوا لها وقاموا بتركهم لتتسأل هي بأهتمام: -"يامن" عامل ايه دلوقتي؟ اجابها وهو يحل اول زرار بقميصه: -الحمد لله فاق وكلها كام يوم ويخرج من المستشفى -إن شاء الله هيبقى احسن وهيخرج بالسلامة متقلقش هز رأسه يستبشر بحديثها ثم اخرج مفاتيح سيارتها قائلًا: -معلش مقدرتش ارجعهالك قبل كده مكنش ينفع اسيب خالتي… انا حتى هرجع لهم تاني بس بعد ما اشوف الشغل -لو عايز خلي العربية معاك نفى برأسه وهب واقفًا ينوي المغادرة: -لأ ملوش لزوم... انا همشي محتاج ارتاح -استنى قالتها وهي تفرك بيدها ولا تعلم من اين تبدأ مما جعله يتأهب بأهتمام بالغ لحديثها وهو يظن انها ستعدل عن قرارها بينما هي كادت تفاتحه بأمر مساعدتها له بشأن عمله ولكن منعه رنين هاتفه الذي صدح بألحاح عجيب جعله يضغط زر الألغاء و يزفر حانقًا ثم يتسائل بترقب وبنبرة صدرت منه راجية: -اتكلمي يا "رهف" انا سامعك -رد طيب على التليفون قالتها بعدما تكرر رنين هاتفه ليجيب حانقًا على الطرف الأخر: -ألو خير؟ وعندما اتاه الرد من الطرف الأخر ليسقط الهاتف من يده وتتجهم معالمه بشدة وتتشوش رؤيته لدرجة انه كاد يفقد اتزانه وترنح بوقفته مما جعلها تقترب منه تحاول ان تُسنده متسائلة بقلق: -"حسن" مالك في ايه؟ ايه اللي حصل؟ عجز عن نطق شيء من شدة جفاف حلقه النابع من صدمته... لتتمسك هي ذراعه كي تدعمه ولكن حالته تفاقمت واخذ يلهث وكأنه يعاني ليلتقط انفاسه ثم دون سابق انذار كان جسده يتهاوى مثل قلبها اسفل قدمها. 🦋الواحد والاربعون🦋 وإذا أساءَ إليكَ حبيب فقل له إنني أغفرُ لكَ جنايتكَ علىَّ.. ولكن هل يسعني أن أغفر لك ما جنيتهُ على نفسك بما فعلت؟ هكذا يتكلم عظيم الحب، لأنه يتعالى حتى عن المغفرة والإشفاق. ------------------ جلست ساهمة بعيون تحجر الدمع بها داخل احد اروقة المشفى ذاته الذي شَهد على خسارتها، فكانت تشعر رغم ثباتها إلا أن الأرض تدور بها و ومضات عابرة وأصوات متداخلة تطن برأسها للعديد والعديد من المواقف التي جمعت بينهم فنعم رغم ما فعله بها إلا أنها لا تتمنى له السوء ابدًا. تعالى بكاء أطفالها ليطغو على عاصفة ذكرياتها لتضمهم لحضنها وتحاول أن تجعلهم يكفوا عن البكاء ولكن بلا فائدة ليغمغم "شريف" باكيًا: -بابي هيموت يا مامي ويسبنا لتعقب "شيري" ايضًا وهي تنتفض مختنقة بشهقاتها: -مش هنشوفه تاني تمزق قلبها حسرتًا على أبنائها وواستهم متفائلة: -هيبقى كويس...هيبقى كويس بطلوا عياط لم يكفوا عن بكائهم لترجهوهم هي بانهيار بعدما كوبت وجهه تخفي هشاشتها وضعفها: -كفاية...كفاية متوجعوش قلبي اسكتوا كان يقف في الزاوية البعيدة يطالع ما يحدث بعيون جامدة، وبملامح ثابتة تخالف تلك الأعاصير الموجعة بداخله فقد تفاجئ بها وبصغارها داخل المشفى اثناء مداومته وشَهد على خوفها ولكن كعادته ألتزم بثباته الانفعالي وتقدم منهم ببسمة يجيد اقتناصها في أكثر اوقاته المُحزنة ينحني أمام مقعدهم بجذعه ويقول للصغار محفزا: -ابوكم هيبقى كويس متخافوش نفى "شريف" برأسه و غمغمت "شيري": -لأ بابي هيسبنا على طول ومش هنشوفه تاني أزاحت هي يدها وكشفت عن بهوتها وطالعته بنظرة حزينة ضائعة جعلته يزفر انفاسه يستجمع قواه ثم جلس بجوار "شيري" و يربت على شعرها قائلًا بنبرة حنونة مطمئنة وبكل بساطة كي يستوعب عقلها: -هو مش انا دكتور و كشفت عليكِ وخفيتي بعدها هزت الصغيرة رأسها ليستأنف هو: -وزميلي دكتور زي وكشف عليه وبيطمنكم هيخف ويبقى كويس -بجد ياعمو -اه بجد انا مش هكذب عليكم وبعدين مينفعش ابوكم يفوق ويلاقيكم بتعيطوا كده هزت "شيري" رأسها وكفكفت دمعاتها ثم سَكنت بين احضان والدتها، أما عن "شريف" فقد وقف مواجه له متسائلًا: -انت طيب يا"نضال" ومش بتكدب عليا صح ابتسم بسمة عابرة ثم جفف دمعات "شريف" بكف يده وأخبره محفزًا: -احنا اصحاب وانا مستحيل اكدب عليكِ اجمد وخلي ابوك لما يفوق يحس انه ساب بَطل بجد هز "شريف" رأسه باقتناع و جفف وجهه بطرف كمه قائلًا: -انت عندك حق انا مش هعيط علشان بابي يتبسط مني -طيب روح اغسل وشك في الحمام هناك في اخر الممر ده هز رأسه واستأذن من "رهف" التي كانت تتناوب النظرات بينهم مشدوهة من امكانيته في إقناع وتهدئة ابنائها بعد فشلها، لتسمح له وإن ركض من أمامهم ضمت رأس "شيري "التي غفت على حجرها وسألته بعيون يتحجر الدمع بها: -شكرًا لم يعير شكرها اهمية بل تسائل بأهتمام: -ليه جبتيهم معاكِ مسبتهمش ليه مع "كرملة"؟ اجابته بملامح متهدلة: -لما "حسن" وقع عقلي وقف ومكنتش عارفة اتصرف حتى معرفش اتصلت إزاي بالإسعاف لترفع رماد عيناها له وتسأله: -هو صحيح هيبقى كويس تنهد وأجابها وهو ينزع نظارته الطبية ويمسد منحدر أنفه: -اتعمل التحاليل والفحوصات اللازمة متقلقيش دي غيبوبة سكر عادية ألقت سؤالها مستغربة: -بس هو معندوش السكر -مش شرط السكر زي الضغط و ممكن يكون اتعرض لضغط عصبي خلي نسبة السكر تعلى في الدم -فعلًا هو جاله مكالمة و تعب بعديها هز رأسه وألتزم بثباته رغم تلك الأعاصير التي تعصف بدواخله لتستأنف هي: -الولاد يقدروا يشوفوه -هو دلوقتِ بيتعمله اللازم وهستأذلك الدكتور اللي بيتابع حالته انكم تدخلوله هزت رأسها وتنفست براحة اكبر جعلته يهب من جلسته ويتهرب قائلًا قبل أن يفتضح امره: -انا همر على المرضى... مكتبي اخر اوضة على اليمين لو حبتي تقعدي الولاد فيها عقبال ما تطمني عليه معنديش مشكلة... هزت رأسها دون حديث ليتنهد ويواليها ظهره كي يغادر وكونه يعلم ترددها وتلك المسافة الأمنة التي تتعمد أن تكون بينهم ألتفت من جديد واضاف بأهتمام بالغ لم يستطيع أن يكبح ذاته عنه : - انا هنا يا بشمهندسة ومش همشي من المستشفى و ارجوكِ لو احتجتي حاجة متتردديش اومأت له ببسمة باهتة لم تمسس رماد عيناها ثم نكست رأسها تشرد من جديد ليزفر هو انفاسه ويغادر من أمامها وهو يلعن حظه العسر فكان يظن أنه على أعتاب أن يصارحها ولكن بعدما حدث أدرك أن ذلك ال" حسن" كان ومازال عائق يحيل بينه وبين امنيته البعيدة. ---------------------- كلما تذكرت قُبلته وذلك العناق الدافئ الملفح بالأهتمام تتورد بشدة وتنتابها قشعريرة لذيذة وها هي تبتسم شاردة أثناء جلوسها مع ابيها أمام التلفاز فقد لاحظ ما بها وقال كي يقطع شرودها: -يا بخته اللي واخد عقلك أطرقت برأسها ولملمت خصلاتها قائلة بخجل: -يوه بقى يا بابي -بتحبيه اوي كده! -بحبك انت اكتر -يا اونطجية بتقوليلي كده علشان تهربي من السؤال - لا مش بهرب وبحبه …بحبه اوي يا بابي انا مش عارفة كنت عايشة من غيره ازاي انا كنت ضايعة قبل ما اعرفه. ليتمتم هو نادمًا: -سامحيني يا بنتي وحقك عليا انا جيت عليكِ كتير وكنت فاكر إني بحافظ عليكِ -خلاص يا بابي اللي فات مات على رأي "شهد" وانا نسيت وفرحانة اوي أننا قربنا من بعض وبقيت جنبي علطول ومش بتسافر تنهد بضيق ثم استرسل بندم: -انا معنديش في الدنيا اغلى منك وكنت بحفر في الصخر علشان أأمنلك مستقبلك...بس بعد اللي حصل اكتشفت أن الفلوس ملهاش قيمة وأن في حاجات كتير كان مفروض اعملها أهم من جمعها...انا خلاص مش هعيش أد اللي عيشته وضيعت بغبائي احلى سنين عمري وخايف اموت قبل ما اشبع منك واشوف ولادك ارتمت بحضنه قائلة: -بعد الشر عليك يا بابي ربنا يخليك ليا ربت على ظهرها بحنو قائلًا: -ويخليكِ ليا يا حتة من قلب بابي -الله الله ده ايه الأحضان دي قالها "كاظم" وهو يدخل الغرفة ويجلس على أحد المقاعد المواجهة لهم، لترحب "ميرال": -اهلًا بالعريس المنتظر - يسمع من بؤك ربنا قهقهت هي وشاكسته: -ايه يا أبيه مالك فين التقل انا مش اخدة عليك كده زجرها "فاضل "قائلًا: -بنت عيب كده -عيب ايه يا بابي ده أبيه فاق كل التوقعات بصراحة انا كنت مصدومة لما "محمد "قالي انه طلب ايد "شهد " -فعلاً الموضوع غريب ليكِ حق! تسائل" كاظم "مستنكرًا: -ليه ايه الغريب في الموضوع هو انا منفعش ولا ايه يا عمي! أوضح "فاضل" وجهة نظره: -لأ يا ابني متفهمنيش غلط بس أنت كنت عايش برة وشوفت ستات اشكال والوان وكمان مراتك كانت ايطالية يعني مش شايفها غريبة تعجبك واحدة زي" شهد" شهقت" ميرال "ودافعت وهي تضع يدها بخصرها: -هي "شهد" وِحشة ولا ايه يا سي بابي دي قمر وبعدين كفاية حنيتها و طيبة قلبها ابتسم "كاظم" وايدها بكل اقتناع: -بالظبط كده زي ما قالت "ميرال" يا عمي اللي عجبني فيها طيبتها وتلقائيتها ورغم انها حد بسيط جدًا ومش متكلف إلا أن فيها جاذبية غريبة وحاجات ملقتهاش في غيرها... وانا وبنتي محتاجنها -على العموم دي حياتك وأنت المسؤول الأول والأخير فيها...عن اذنكم انا طالع انام تصبحوا على خير ردو تحية المساء وإن ابتعد "فاضل" تسأل "كاظم" بنبرة متلهفة: -طب مفيش اخبار منها...انتِ كلمتيها بعدها. نفت "ميرال" برأسها واخبرته: -لأ بس بكرة هنزل انا وهي و"محمد "نشتري شوية حاجات للفرح وهنشوف القاعة وهبقى اتكلم معاها هز رأسه بتفهم لتستأنف "ميرال" ببسمة واسعة: -مبسوطة اوي بأختيارك ليها يا ابيه علشان هي حد طيب اوي وكتير وقفت جنبي -احكيلي يا "ميرال" حابب اعرف عنها اكتر. -هحكيلك مواقفي معاها بس اسفة يا أبيه في حاجات مش هينفع اقولهالك ولازم تعرفها منها مش مني أومأ لها بتفهم لتسترسل "ميرال" حديثها عنها وتقص عليه كيف ساندتها ودعمتها ضد شقيقها، مما جعله يستمع لها ببسمة هادئة رزينة تنم كون حدثه لم يخطئ ابدًا بشأن اختياره لها. ------------------- دست المعلقة بطبق الحساء كي تطعمه ولكنه رفض قائلًا: -شبعت يا "نادين" واللهِ كفاية -لازم تاكل كويس علشان تخف بسرعة تسائل بخبث وهو يرفع حاجبه: -عايزاني اخف بسرعة ليه؟ يارب يكون لأغراض من الي بالي بالك -"يامن" بَطل كلامك ده ماما "ثريا" ممكن تسمعنا -طب ما تسمعنا هو احنا بنسرق انتِ مراتي وبعدين هو انا قولت حاجة ده انا بس بطمن أن نواياكِ دنيئة نحيتي ابتسمت بلا فائدة و وضعت طبق الحساء بالصينية التي تعتلي الكمود ثم قالت باشتهاء شديد: -هي من ناحية دنيئة فهي دنيئة وأولها انا نفسي في أم الخلول بصراحة بقالها كتير هافة عليا -وساكتة ليه عايزة ابني او بنتي يطلعلهم ملخلولة في وشهم… طلباتك أوامر هكلم "حسن" يجيب من القاهرة وهو جاي هزت رأسها بحماس ليتسأل وهو يقرص وجنتها: -اشمعنا أم الخلول نفسي اعرف ! - بحبها هز رأسه ببسمة واسعة وقال ماكرًا: -طب تعالى اقولك حاجة في بؤقك ليلاحق ما إن شهقت متفاجئة: - قصدي في ودنك بلاش تبقى متسرعة وتفهميني صح … هزت رأسها بلافائدة ليستأنف وهو يمط فمه: -بصراحة انا كمان نفسي في حاجة من ساعة ما فوقت هموت عليها -ايه هي يا حبيبي قول اجابها بنبرة عابثة وهو يُسبل عيناه: -بوسة يرضيكِ ابقى مطخوخ علشانك وتبخلي عليا -"يامن" احنا في المستشفى وبعدين ماما "ثريا "معانا علطول ازاي بس -طب ما هي برة انتِ مش قولتي خرجت من الاوضة علشان تكلم "رهف" يعني لسه قدمها شوية دي لما بتتفتح مع "رهف" بذات بتتأخر -يا سلام اقنعتني كده صح قرص على شفته السفلية وهو يحاول جذبها: -لازم تقتنعي ولا انتِ بتستغلي إني راقد ومقدرش اقوم شاكسته بمكر لكي تغير سير الحديث: -شوفت بقى انك لسه جعان خليني اكملك اكلك لم يحتمل مكرها فقد جذبها من مؤخرة رأسها والتهم شفاهها بقبلة لحوحة تفيض فيض بتوقه الشديد لها الذي جعله يحتضنها غير عابئ بألم جرحه الذي لم يلتئم بشكل كامل بعد. دفعته عنها برفق كي يفلت حصارها خوفًا أن يتأذى جرحه ولكنه كان مُصر أن يسلب انفاسها بقبلاته، فقد استسلمت له وفي غضون ثوان توقف عما يفعله وابتعد عنها وقال بأنفاس متلاحقة وهو يسند ظهره للخلف ويدعي الألم: -آه ه ه ه ه حرام عليكِ عمال اقولك تعبان ... هو انتِ معندكيش قلب و مش عتقاني شهقت من حديثه واستغربته كثيرًا ولكن حين اتاها صوت الممرضة من خلفها ودت أن تنشق الأرض وتبتلعها من شدة حرجها: -واه بالهوادة على نفسك يا ولدي واختشي -الحب بهدلة يا حجة والله قالها بقلة حيلة وهو يغمز ل "نادين" لترد الممرضة ببسمة محرجة: -اه منيكم يا أهل البندر عليكم حاچات غريبة... بس خابر هي تستاهل العشج الِبنية جلبها كان مخروع عليك زجرته بنظراتها ونهضت كي تخفي ارتباكها ثم همهمت بأنفاس مضطربة وهي تضع يدها على فمها: -اه قوليله...انا هدخل الحمام اغسل وشي -ينفع اجي معاكِ... قالها بغمزة من ناعستيه جعلتها تستغل ان الممرضة توليهم ظهرها وتقوم بتغير المحلول له لتميل عليه وتقترب من وجنته ليظن هو انها ستنصاع لرغبته ولكن باغتته هي بغرس اسنانها دون الضغط عليها وقولها بمشاكسة: -علشان تحرم قلة أدب تأوه هو كي يلاعبها: -آآآه يا عضاضة والله انتِ مفترية هو انا ناقص ده شكل هرمونات الحمل هتطلع عليا -بالظبط كده يا رخم قالتها وهي تخرج لسانها له بحركة لطالما ذكرته بتلك الطفلة صاحبة الضفائر الطويلة ذاتها لتتسع بسمته شيء فشيء ويشعر أن قلبه المُولع بها زاد فيضه وأطاح بالباقي من عقله في سبيل عشقها. ------------------ -يعني ايه رأيك؟ تنهدت واجابتها مترددة: -معرفش -يا "شهد" حرام عليكِ بقالي ساعة بقنعك وبحكيلك عنه -يوه وانا اعمل ايه طيب هي الحاجات دي مبتجيش خبط لزق كده لازم تأني -طب هتتأني أد ايه علشان اطمن أبيه -انا صليت استخارة واللي في الخير يقدمه ربنا لتتسأل" ميرال " بألحاح مستميت: -يعني في أمل…مش كده -هو انت متعرفيش أن امل ماتت محروقة قالها وهو يجلس على الاريكة بجوارها بعدما انتهى من ارتداء ملابسه ليستعد للمغادرة معهم، شهقت هي ونكزته: -يا "حمود" انت بتحبطني ليه ده بدل ما تحاول تقنعها معايا -سيبيها براحتها يا "ميرال" دي حياتها وهي حرة فيها -طب انت ايه رأيك؟ -انا معنديش مانع وشايفه حد محترم جدًا واللي عجبني فيه أنه لا لف ولا دار ويعرف الأصول كويس رغم عيشته بره تأففت "شهد" ونهضت تقول بتردد شديد: -برضو انا لازم اخد وقتي أصل يعني عيشته مش زي عيشتنا …ولازم برضو اشاور "طمطم" و أعرض الموضوع على حماتي قالت "ميرال" رأيها: -معتقدش أن "طمطم" هترفض هي متكرهش تشوفك مبسوطة وموضوع حماتك فأنا بصراحة مش شايفة داعي لده -لأ ازاي لازم اقدرها واحطها في الصورة مش هاخد بنتهم وادخل بيها لراجل غريب يبقى لازم تعرف وترضى كمان. -بس… قاطعها "محمد" بعقلانية: -خلاص يا "ميرال" سيبيها براحتها وتاخد الوقت اللي محتجاه هزت رأسها بطاعة لتقول" شهد "وهي تهم وتخرج من الغرفة: -انا هروح ألبس علشان نلحق نشتري لوازم الفرح ده خلاص مفضلش غير كام يوم لترجوها "ميرال": - بس بسرعة يا "شهد" فور نطقها كان يضع كتفه حولها ذراعها ويهمس بعبث وهو يضمها له و يضع قُبلة خاطفة على خدها: -سيبيها براحتها متستعجلهاش علشان في وعد ناوي اخل بيه شهقت هي وبرقت عيناها وهبت من جلستها مهرولة للخارج: -لأ مفيناش من كده خديني معاكِ يا شهد -استنى يا حلو هقولك نفت برأسها وتوهجت بشدة مما جعله يقهقه على خجلها وتتعالى صوت ضحكاته لترفرف قلبها وتجعلها تتنهد وتقول بتنهيدة حارة وعيون مُسبلة وهي تضع يدها موضع قلبها: -يخربيت جمال ضحكتك —-------------- رغم حُزنه الشديد على أبيه ولكن لم يطاوعه ضميره أن يغضب عليها كونها شَهدت بالحق وكيف يفعل وهو ذاته كان لا يرضى بتضليله.ولكن لا ينكر انه يموت قهرًا لمَ آل إليه حال ابيه وكم لعن ذلك الشيطان اللعين الذي استغل ضعف نفسه أمام المال و اقحمه في ذلك المأزق اللعين. ففور أن تعافى بعض الشيء خرج من المشفى و جاء إليه وهاهو يجلس في غرفة الضابط المسؤول ينتظر قدومه بعدما اخذ أذن بزيارته...وفور دخول "عبد الرحيم" للغرفة تهللت اساريره وهرول يحتضن و لده قائلًا بفرحة عارمة: -وَلدي حمد الله على سلامتك يا نضر ابوك انت زين طمني شدد "حامد "على عناقه وأخبره بملامح حزينة متهدلة بأسى: -انا بجيت زين يا ابوي...زين هنا انسحب الضابط من الغرفة قائلًا: -طيب هسيبك يا "حامد" مع ابوك بس عشر دقايق مش اكتر رد "حامد" ممتنًا وهو يفصل عناق أبيه: -تشكر يا بيه بينما نظر "عبد الرحيم "متمعنًا بوجهه وكأنه يتأكد انه لم يهيأ له كون ولده أمامه وبخير ثم قال حامدًا: - حمد والشكر لله أنه ريح جلبي عليك يا وَلدي نظر له" حامد" نظرة مطولة جعلت "عبد الرحيم" ينكس رأسه حين سأله مؤنبًا: -ليه يا ابوي! اجابه بخزي من نفسه: -سامحني يا ولدي انا مدريتش بحالي من جهرتي عليك ليستأنف عتابه: -چوز بت عمتي كان ممكن يموت من ورا عملتك المغفلجة دي رد "عبد الرحيم" بحسرة وكأن لم يتعظ: -ياريته كان مات وريحنا منيه بس الغريب بسبع ارواح هز "حامد"رأسه بلا فائدة وتابع عتابه المضني وهو يجذبه ليجلسه على الاريكة الجلدية التي خلفهم: -واني كُمان يا ابوي كنت هموت لولا ستر رَبنا...كيف مفكرتش أن الرصاصة اللي صابتني كانت رصاصة رحمة علشان تفكرك إن ربنا مش غافل عن نواياك وعايزك تتوب وتتعظ لكن انت تنيتك على عنادك نكس "عبد الرحيم " رأسه واجابه: -كنت رايد ارچع حجي في مال خيتي إحنا اولا بيه من الغريب ولما لجتيك غرجان في دمك مدرتش بحالي... -المال كان هيغنيك عني وعن راحة بالك يا ابوي... كنت هتبجى مرتاح لما تجتله وتحرج قلب امه ومَرته عليه... كنت هتحط جتتك كيف على فرشتك وتنعس يا ابوي من غير ما يوجعك ضميرك! ليه عملت إكده وهينت شيبتك وضيعت هيبتك يا ابوي -اني راضي بأيتها حاچة يا ولدي غير أن يصيبك سوء -بس اني كان نفسي تربي ولدي لما يجي وتنضره بيكبر جصاد عنيك تقلصت معالم "عبدالرحيم" مستغربًا والتمع بعينه السؤال ليجيبه "حامد": -مرتي حِبلة ياابوي هنا هب "عبد الرحيم" من جلسته وقال بضغينة دون أن يعير الخبر أي أهمية: -واه يبجى عشان إكده شَهدت علي بكل عين وچباير وحبلها جوي جلبها وخلاها تِشهد علي وتودرني... -بلاش تظن السوء فيها يا ابوي هي خبرتني باللي حوصل وهي مظلمتكش يا ابوي هي جالت الحَج وكل الخلج شَهدت عليكِ حتى الغفير جال على اللي حوصل في التحجيجات -لولا هي سبجت مكنش حد فيهم اتچرأ وفتح خشمه كلالتهم هيعملولي ألف حساب -عشان خايفين منيك يا ابوي ومن چبروتك لكن لما نطجت هي بالحَج كل واحد چيت عليه واستجويت ردهالك -واه بكفياك انت جاي تجف جصادي عشان تنجرزني ولا ايه ده بدل ما تچبلي محامي يطلعني منيها تهدلت معالم "حامد" وقال بيأس شديد من ذلك الكِبرالذي مازال يسيطر على قلب أبيه: -مش جصدي انجرزك ولا اجف جصادك إني بس حزنان عشان لساتك على عنادك و مكابرتك... أطرق "عبد الرحيم" رأسه ولم يجيبه ليستأنف "حامد": - انا چبت محامي زين هيتولى كل حاچة... وهدعيلك يا ابوي ربنا يهديك ويزيح عنك شيطانك قالها تزامنًا مع دخول الضابط و أحد الأمناء الذين اعلنوا نهاية زيارته، وإن قبض الأمين على ذراعه وبدأ في سحبه معه ليرجعه للحبس صدر قول "عبد الرحيم" بنبرة راجية اكثر منها متسائلة وعينه متعلقة على ولده: -هتبجى تعاود تزورني يا ولدي...ولا هتجاطعني استشعر رجاءه بنبرته فلم يطاوعه قلبه أن يتركه دون أن يطمئنه فرغم افعاله المخزية إلا انه مازال أبيه لذلك تنهد بعيون غائمة وبقلب يتألم هرول إليه يلاحق خطواته ثم بقلة حيلة انحني على يده يقبلها قائلًا ودمعاته تزف حسرته: -هعاود يا ابوي...ومش ههملك واصل وهدعيلك ربنا يفك كُربتك ويرچعك لينا سالم ربت" عبد الرحيم" على كتفه ثم دون حديث استجاب لجذب الامين له، تارك ولده ينظر لآثاره بقلة حيلة وبعيون دامعة متحسرة. ------------------- كانت في المسجد تأخذ درس في تلاوة و تجويد القرآن الكريم كما تعودت في المواظبة عليها قبل سفرها تلك العطلة الصغيرة التي حظت بها مع والدها وعائلته في احد محافظات الوجه البحري.وبعد انتهائها وأثناء سيرها خارج المسجد ودون أن تخرج من ساحته الواسعة لمحت شخص هيأ لها انها تعرفه يقوم مع مجموعة شباب مثله بأعمال تطوعية تخص نظافة المسجد. تجمدت بأرضها تستوعب كونه هو وكم استغربت هيئته المختلفة كل البعد عن سابقتها استغفرت الله بسرها كونها اطالت النظر ثم التفتت كي تغادر ولكن اتاها صوته حين رأها و تقدم منها دون النظر لها مباشرتًا: -ازيك يا "نغم" التفتت بمضض وردت بإقتضاب: -الحمد لله يا "فايز"... كادت أن تغادر ولكن فضولها دفعها لسؤاله بتحفظ: -هو انت بتعمل ايه هنا؟ اجابها "فايز" بفخر ظهر جلي في نبرته: -انا انضميت للزملاء في خدمة بيوت الله هزت رأسها بتفهم وقالت بتحفظ: -ربنا يجازيك خير ...اللي بتعمله ده من باب تعظيم حرمات ربنا وتعظيم شعائره، وربنا سبحانه وتعالى قال: "وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ". ابتسم بسمة صافية واخبرها وهو مطرق الرأس يتحاشى النظر لها: -الحمد لله على نعمته ...ليتحمحم ويتسأل بتردد: -كنتِ منقطعة من فترة طويلة يارب يكون المانع خير استغربت سؤاله ولكنها أجابته بتحفظ: -اه فعلًا كنت مسافرة مع بابا اجازة البلد...بس غريبة انت عرفت منين! -كنت بشوفك وانتِ مروحة من الدرس بتاع الحجة "فاطمة" اصل انا كمان بحفظ قرآن بقالي فترة ومواظب الحمد لله مع الشيخ "خضر" هزت رأسها وكادت تعتذر وتغادر ولكن فضولها دفعها كي تسأله: -ايه اللي غيرك كده انا مش مصدقة ان ده انت "فايز" اياه صاحب "طارق المسيري" وضله اللي مكنش بيفارقه أجابها بنبرة استشفت بها حزنه: -(يُضِلُّ اللَّهُ مَنْ يَشَاءُ وَيَهْدِي مَنْ يَشَاءُ) وبعدين "طارق" اتوفى الله يرحمه ويسامحه -الله يرحمه…اكيد زعلت عليه صح ده كان صاحبك اوي -بعد موته دخلت في حالة اكتئاب لغاية ما ربنا جمعني ببعض الزملاء اللي و وجهوني لطريق الصواب -ربنا يتقبل منك عن اذنك لازم امشي -"نغم" هو ممكن اخد رقم والدك عقدت حاجبيها و سألته مستغربة: -ليه مش فاهمة؟ ناولها هاتفه وطلب بأدب دون أن يدخل في تفاصيل: -هتفهمي كل حاجة بعدين بس ممكن تسجليلي الرقم هنا...علشان ميصحش وقفتنا كده وآسف إني وقفتك بالطريقة دي فعلت ما أراد وهي مرتبكة للغاية وإن انتهت هرولت مُسرعة من أمامه مما جعله يبتسم على خجلها ويدعوا الله أن يرزقه وصالها في الحلال. ------------------ -واه بكفياك يا جلب جمر قالتها بعيون دامعة وبنبرة مواسية وهي تمسد على رأسه المسنودة على حجرها بحنو شديد، ليضيف هو بدمعات حارقة: -مش هاين علي اشوفه إكده يا جمر جلبي كان بيتجطع جطيع عليه واللي جاهرني اكتر إن المحامي هيجول أن عجوبته مش هتجل عن خمستاشر سنة شهقت "قمر" وضربت على صدرها نادمة: -يامري ...يامري... ياريت كان لساني انجطع...إني السبب اعتدل بجلسته وقال وهو يمرر كف يده على وجهه: -انتِ جولتي الحَج وما افترتيش عليه وبعدين هو اللي ودر حاله لحاله... نكست رأسها وتسائلت بتقريع ضمير: -يعني أنت مش عاتب عليّ يا "حامد" أجابها بثقة وهو يجذب يدها بين راحتيه بيد وباليد الأخرى يمررها على خدها كي يزيح تلك الدمعات التي تضامنت معه: -جولتلك لع يا جلب "حامد" الساكت عن الحَج شيطان اخرس وإني لو عندي شك واحد أن ابوي مظلوم كنت مش بس عتبت عليكِ كنت جصيت لسانك كُمان هزت رأسها بتفهم وردت دون مجادلة: -وجتها كان حجك تعمل فيا اللي انت رايده بس يعلم ربنا أني مظلمتهوش ولساني نطج من جهرتي وحرجتي عليك ضمها له وقال بعدما وضع قبلة حانية على قمة رأسها: -خابر زين يا حبة جلبي وخابر كُمان ان جواك كيف اللبن الحليب مهيعرفش اللوع حانت منها بسمة عاشقة ممتنة لثقته المتناهية بها ثم رفعت رأسها دون أن تخرج من احضانه و تسائلت بأهتمام: -طب وايه العمل مينفعش چوز "نادين" يتنازل او نشوف طريجة تهون الحكم عليه. تنهد تنهيدة مثقلة ثم اجابها بملامح متهدلة: -لولا ستر ربنا الحكومة ملجتش اللي طخني وابوي مچبش سيرته واتجيدت ضد مجهول و المحامي هيجول أن الجضية التانية طالما چناية واتحولت للمحكمة مهينفعش تنازل وحتى لو غير اجواله مبجاش ينفع مع شهادة أهل البلد يعني خلاص ملهاش مخرج وابوي هيتحكم عليه يجضي الباجي من عمره بعيد عنِنا كان يتحدث بنبرة حزينة مغلفة بالأسى قطعت نياط قلبها وجعلتها تدفن وجهها بصدره تخفي دمعاتها كي لاتزيدها عليه ثم شددت على ضمه لجسدها وكأنها تود أن تتقاسم معه ما يشعر فليس هين عليها رؤيته على ذلك الحال فقلبها يأن مثل قلبه وضميرها ينهش بها ولكن ليس لما اقدمت عليه بل من أجل حُزن زوجها. ------------------- مر يومان على رقدته ومن حينها وهي لم تفارق موضعها هي واطفالها كي تطمئن عليه و اول شيء رأه حين فتح عيناه كانت هي ببسمتها المعهودة التي ذكرته بذلك الربيع الذي كان يهفهف على قلبه بعدها، رمش عدة مرات يود أن يتأكد كونه لم يهيأ له، لتتحدث هي: -حمد الله على سلامتك يا "حسن" حانت منه بسمة ضعيفة باهتة وهمس بضعف: -"رهف" هو ده انتِ صح انا مش بحلم مش كده معقول فضلتي جنبي -أنت ابو ولادي يا حسن ومكنش ينفع اسيبك …إن شاء الله هتبقى احسن الدكتور طمني ويومين وهيكتبلك على خروج -هو ايه اللي حصل؟ -الدكتور قال غيبوبة سكر جعد حاجبيه مستنكرًا لتستأنف هي: -كنت زيك مستغربة بس الدكتور قالي أن السكر زي الضغط بيتأثر بالعوامل النفسية والظاهر أن الخبر اللي سمعته هو السبب تجهمت معالم وجهه واخبرها بنبرة واهنة: -مواد البناء والمعدات اللي جوة الموقع اتسرقت كلها -ازاي وفين بتوع الحراسة؟ -الشغل واقف والمرتبات وقفت معاه وكل الموظفين وحتى شركة الحراسة انسحبت من الشركة و مكنش فاضل غير الغفير ولقوه مضروب ومتربط واللي قهرني أن اللي بلغني قال إن "منار" هي اللي ورا كل حاجة واعترفت على ابن***اللي اسمه "حسام" -وليه مبلغكش في ساعتها ؟ -انا كنت قافل تلفوني وانا عند" يامن "علشان اتهرب من المستشار القانوني بتاع الشركة اللي متعاقد معاها اصله طالبني بالشرط الجزائي ومكنتش عارف هتصرف ازاي تنهدت حانقة ثم طمئنته: -متقلقش انا هتصرف وهحل كل حاجة المهم دلوقتِ تشد حيلك وتقوم بالسلامة -هتتصرفي ازاي يا "رهف" ؟ -مش واثق فيا يا "حسن" مش كده -انا مبقتش واثق فأي حاجة ليها علاقة بيكِ انتِ اتغيرتي اوي عن "رهف" اللي كنت اعرفها -قصدك اللي أنت غيرتها..في فرق كبير بين الاتنين لكن دايمًا كان في حاجة ثابتة بينهم أنك أنت ابو ولادي اللي عمري ما اتمناله حاجة وحشة سألها بتنهيدة مثقلة بالندم: -انا ازاي ضيعتك من ايدي يا "رهف" -السؤال اجابته انت عارفها كويس يا "حسن" -"رهف" انا لسه… كان على وشك محاولة استعطافها لكن قاطعه اندفاع الباب ودخول سيدة في الثلاثين او أكثر من عمرها ويظهر القلق جلي على تقاسيم وجهها، عقدت "رهف" حاجبيها وسألتها بأدب: -حضرتك مين؟ رمقتها بطرف عيناها ثم اجابتها متعجرفة: -انا جاية اطمن على مستر "حسن " انا شغالة عنده في الشركة رحبت "رهف" بها بملامح ثابتة: -تمام اتفضلي تقدمت من فراشه وانحنت بجزعها عليه بطريقة لا تنتمي للحياء بشيء ثم وضعت باقة الورود بيده قائلة: -حمد الله على سلامتك يا مستر "حسن" تحمحم هو ثم تناوب نظراته بتوتر بينهم و أجابها بإقتضاب وهو يضع الباقة اعلى الكومود بلا اكتراث: -شكرًا... ابتسمت واخبرته : -اسمي "سميرة" وشغالة في قسم الحسابات انا من ضمن اللي لسه مسابوش الشغل ومخلصين لحضرتك أومأ لها وعينه لاتفارق" رهف "يتوجس من ردة فعلها ويخشى أن تظن به السوء فهو يقسم أن تلك المرة الأولى التي يرى بها تلك ال "سميرة"غريبة الأطوار بينما هي كانت تتناوب نظراتها بينهم بملامح ثابتة لم يستشف منها شيء وزادت من توتره، لتجلس الأخرى على المقعد المواجه لفراشه وترشق "رهف" من أعلاها لأخمص قدمها ثم تشدقت بسؤالها: -مش أنتِ طليقة مستر" حسن "برضو ولا بيتهيئلي ردت "رهف" ببرود وهي محتفظة بثباتها: -اه انا في مشكلة نفت برأسها وصبت كافة تركيزها عليه قائلة بأهتمام فائق: -حمد الله على سلامتك يا مستر "حسن" انا اول ما عرفت جيت جري علشان اطمن عليك لتزفر "رهف" انفاسها وتخبره بهدوء يخالف تلك العاصفة التي تقصف بها: - لما الزيارة اللطيفة دي تخلص هجيب الولاد يطمنوا عليك اصل ما حبتش يشوفوك قبل ما تفوق كادت تفتح الباب لتغادر الغرفة ولكن سؤاله اوقفها: -هما الولاد فين؟ اجابته ببسمة استفزته على الأخير وجعلت نيران الغيرة تشتعل بقلبه: -في أوضة الدكتور "نضال" اصل انت في نفس المستشفى اللي بيشتغل فيها ذلك أخر ما قالته قبل أن تترك الغرفة تاركته يزمجر غاضبًا من سيرة ذلك ال "نضال" التي تثير جنون غيرته أما عن تلك الزائرة كانت تستغرب ما اعتراه وتسألت: -هو أنت كويس يا مستر" حسن"! لعنها بسره واجاب بإقتضاب وبملامح متجهمة: -كويس ------------------- دفعت باب مكتبه وهي تظنه غير متواجد بداخله ولكن خالف ظنونها و وجدته يجلس يربع قدمه ويتوسط اطفالها ويتناول معهم الطعام وحين رأوها شهقوا متفاجئين بها وهدر هو بخفة وهو يدس قطعة البيتزا بأكملها بفم "شريف" المنفرج صدمتًا من حضورها الغير متوقع : -احيه قفشتنا!وملحنقاش نداري الجري\مة قهقهوا الصغار بقوة حتى كادو يختنقوا بطعامهم بينما هي كادت البسمة تتسلل على ثغرها ايضًا ولكنها قلبت عيناها بلافائدة و ظلت على ثباتها معاتبة: -كده برضو يا ولاد بتاكلوا أكل من برة أنتو مش عارفين أنه مضر ومش مفيد ابدًا عقبت "شيري" على حديثها بعدما اندثرت ضحكاتها: -سورى يا مامي بس كنا جعانين اوي وزهقنا من السندوتش ابتلع "شريف" ما بفمه بصعوبة واعتذر مثلها: -سوري يا مامي هو "نضال" سألنا واحنا اللي طلبنا منه تنهدت هي ونظرت له نظرة مطولة مؤنبة جعلته يهب من جلسته ويقول ببساطة دون تعقيد: -بلاش تبصيلي كده كانوا جعانين يعني اقف اتفرج عليهم وبعدين حرام بقالهم يومين مش بياكلوا غير ساندوتشات وزهقوا منها -تقوم تسمع كلامهم يا دكتور تنهد بقلة حيلة واجابها وهو ينظر لهم بنظرات حانية: -طب بذمتك ازاي عايزاني اصمد قدام اتنين زيهم وبعدين كنتِ عايزاني اعمل ايه!اجبلهم اكل من بتاع المستشفى اللي بيطفشوا العيانين بيه كان لازم اتصرف وبعدين مرة واحدة مش هتضر يا بشمهندسة اصهب في شرح الموقف لها بطريقة اقنعتها وجعلتها تزفر انفاسها وتهز رأسها دون حديث ثم جلست على المقعد المواجه لمكتبه ساهمة مما اثار ريبته وجعله يطلب من صغارها: -طيب عارفين طريق الحمام روحوا اغسلوا ايدكم و وشكم يا ولاد ليربت على خصلات" شيري" ويستأنف مشاكسًا: -بس اوعي يا زقردة تبلي هدومك وتلعبي في الماية زي عوايدك هزت رأسها بطاعة ولكن لم يتحركوا خطوة واحدة إلا حين هزت "رهف" رأسها ليركضوا سويًا من أمامها، ليتسأل هو: -مالك حاجة حصلت؟ تنهدت وهزت برأسها، ليلح هو: -لو حابة تتكلمي هسمعك تحدثت دون تفكير وبتنهيدة متثاقلة غير عابئة بتلك النيران التي ستندلع به بعد حديثها: -في حاجات كتير جوايا مش عارفة اترجمها وحاسة إني تعيسة وضايعة ومتلخبطة شعر بقلبه يحترق بين احشائه من تصريحها الذي يعلم انه نابع من تأثرها بما حدث ل "حسن" ثم اجابها بتلك البسمة التي يجيد اقتناصها في أكثر أوقاته بؤسًا وهو يجلس مواجه لها: -بس أنا اتعس منك زفرت بضيق ومررت يدها على وجهها قائلة بضجر: -مش فايقة بجد لهزارك اجابها بكل ثبات انفعالي كعادته وهو محافظ على بسمته: -انا مش بهزر انا حاسس إني اتعس واحد في الدنيا وكل ما اقرب خطوة الظروف تعاندني وارجع ألف لورا استشعرت بحدثها ما يلمح له وحينها دق ناقوص الخطر وجعلها تود الفرار: -انا هروح اشوف الولاد واخليهم يطمنوا على ابوهم قالتها وهي تهب واقفة كي تغادر مكتبه ولكنه منعها قائلًا وهو يقبض على رسغها برفق: -عارف إنك عايزة تهربي بس متهيئلي جه الوقت تعرفي بقيت الحكاية عاندت هي ورفضت قائلة: -ارجوك انا مش عايزة اسمع حاجة سيبني اخرج أصر بنبرة يائسة تملك الاحباط منها: -مش هسيبك غير لما تسمعيني اعتبريها محاولة من واحد بائس محبط مبقاش فاضله أي أمل -"نضال" لو سمحت حانت منه بسمة مختلفة عن سابقتها وهمس بغصة تسكن احشائه منذ زمن: -تعرفي أن اسمي حلو أوي منك كان نفسي اسمعه من سنين -ارجوك اسكت مهما كان اللي عايز تقوله مش هيغير حاجة -لأ هيغير يا "رهف" -ليه قررت تتكلم في التوقيت ده ! اجابها بنبرة مرتعشة متألمة وهو يشعر بيأس لا مثيل له: -علشان حاسس إني هخسرك للمرة التانية بسببه و عارف أن لو اتحطيت في مقارنة معاه هتختاريه هو مش انا... -وليه احطك معاه في مقارنة اصلًا… جمدت خضراويتاه لثوانِ لايصدق انها الى الان لم تتفهم مشاعره نحوها ولأول يشعر أنه ضئيل مقارنتًا بالآخر وبما تكنه له لذلك تسأل محبطًا: -افهم من كده ان مفيش وجه مقارنة بينا بالنسبالك ؟ وأن انتمائك هيفضل ليه مش كده؟ زفرت و نزعت يدها من قبضته مبررة: -"نضال" افهم... تعبه مش هيغير حاجة... انا وقفت جنبه علشان هو ابو ولادي -بس خوفك عليه بيقول غير كده -"نضال "لو سمحت انا موعدتكش بأي حاجة ومفيش حاجة تذكر بينا غامت عينه وقال بنبرة مُوجعة يكشف الستار عن تلك القصة التي يملك طرف وحيد بها و لم تواتيه الشجاعة سابقًا أن يصرح بتفاصيلها: -يمكن ده بالنسبالك بس...بس انا عمري ما عرفت انساكِ بسببك سافرت واتغربت علشان انسى انك بقيتي لراجل تاني عارف إني اتأخرت وقتها ومصرحتكيش بمشاعري بس ظروف مرض ابويا وموته وتعب امي منعوني إني اتقدملك و مكنش عندي الشجاعة ولا القوة وقتها إن اصارحك بمشاعري -ده نصيب وبعدين ما انت كمان اتجوزت استرسل بنبرة مختنقة بائسة وخضراويتاه الدامعة تحاول اقناعها: -امي هي سبب جوازي من" هاجر" وكانت بتقنعني بشتى الطرق ومش معنى ده إني مقدرتهاش؛ بالعكس انا كنت بحترمها وبقدر مشاعرها وكان عندي استعداد اكمل عمري معاها او مع غيرها بس يمكن ربنا رتب كل حاجة من تاني علشان يديني فرصة تانية انا بجد محتاجها لتفر دمعة عاصية من سجن عيناه ويتلاشى ثباته الانفعالي ويستأنف بنبرة مختنقة متحسرة يذكرها بذلك اليوم المشؤوم: -انا لما جريت على صريخ" سعاد" ولقيتك غرقانة في دمك وقفت عاجز قدامك وحسيت بروحي بتنسحب... وكان قلبي هو اللي بينزف مش انتِ واتمنيت اروح اقتله بس بأي حق كنت هعمل كده...أنا كنت مستغرب أزاي واحد زيه يخون ويهين ويأذي ويبقى ناقم وبيقلل من نعمة أنه متجوز واحدة هي كل احلام وامنيات راجل تاني لاتعلم ما اصابها كل ما تعلمه أن دمعاتها كانت تتساقط من عيناها دون ارادة...وبعد ثوانِ من الصمت المعذب من كلاهما لم يكن يسمع غير انين دمعاتهم غمغمت هي: -قولتلك كلامك مش هيغير حاجة يا "نضال"...انا آسفة على كل حاجة بس انا معنديش حاجة اقدر اديهالك سامحني وحاول زي ما عشت سنين من غيري تكمل حياتك أنت راجل أي ست في الدنيا تتمناك ابتلع غصته المُعذبة وصارحها بكل وضوح: -بس مش عايز غيرك استرسلت بنبرة مختنقة بأنين جرحها: -مش هينفع صدقني هظلمك انا واحدة مبقاش جواها حاجة تديها لحد...وحتى لو فكرت أنا مش هقدر اخسر ولادي صدقني انا معنديش استعداد ولا طاقة لكده حاول دعمها وكأنه يتوسل حبها: -حبي ليكِ هيقويكِ يا "رهف "وصدقيني أنا هبقى راضي بأقل القليل منك نفت برأسها ثم غمغمت من بين دمعاتها التي لاتعلم سببها: -مش هينفع... احتل اليأس معالمه وتنهد تنهيدة حارقة محملة بأنين ذلك القلب المعذب ثم غمغم وهو يمرر يده على وجهه بنبرة مختنقة مغلفة بحزن مرير: -مشكلتك أنك مش عارفة تصالحي نفسك ولا تسامحيها على اللي فات وبتحاولي تباني قوية… وزي ما اتأذيتي بتحاولي تأذي كل اللي حواليكِ… خليكِ صريحة مع نفسك قبل أي حد و صدقيني لو حبيتيها واتصالحتي معاها الأول هتشوفي كل حاجة بمنظور تاني و هتتأكدي انك تستاهلي فرصة تانية صراحته تقتلها وتعريها دائمًا أمام نفسها فكيف يستطيع أن يسبر أغوارها لهذا الحد و تكون مكشوفة هكذا أمامه لذلك كرهت الأمر و استنكرت ضعفها بقولها التي لم تعنيه حقًا ولكن تفوهت به كي تحافظ على ماء وجهها : -يمكن أنت معاك حق بس مش معني كده أن الفرصة التانية دي هتبقى معاك نظر لها نظرة مطولة متألمة بسبب ذلك النصل التي غرسته بقلبه لتوها بحديثها، فما كان منها غير أن تقطع أخر السبل معه كي لا يتأمل هباءٍ: -أنا هبعد يا "نضال" وارجوك حاول تقدر موقفي حانت منه بسمة ممزقة متألمة ورد بسخرية مريرة يسخر بها من حظ قلبه اللعين الذي لم ينفك طوال سنين من حبها: -موقفك...على العموم انا مش هفرض نفسي عليكِ اكتر من كده ومش ضروري تبعدي انا هبعد وهضغط على الزرار وانساكِ واوعدك بعدها مش هعترض طريقك ابدًا... أنا حتى لو شوفتك في حتة هدور وشي وهعمل نفسي معرفكيش... ليرفع رأسه بكبرياء ويضيف متهكمًا: -تأمريني بحاجة تانية يا بشمهندسة نفت برأسها وهرولت مغادرة و رغم أن ما فعلته هي راضية عنه إلا ان دمعاتها كانت تلاحق خطواتها وهي تشعر بشعور لم يراودها من قبل شعور غريب يتعدى التشتت و الضياع بمراحل عارمة. 🦋الثاني والأربعون🦋 ستفقد كل الفرص التي سنحت لك بمجرد أنك قررت عدم محاولة استغلالها. – واين جريتزكي —------------------- جلست بعيون ذابلة وملامح متهدلة بزاوية الغرفة أمام النافذة شاردة لا تعلم ما بها نعم ذلك ما ارادته ولكن لم تشعر بالضيق ولما ايضًا تشعر أنها فقدت شيء عزيز على قلبها ترى هو محق هل من المفترض أن تعطي فرصة لذاتها...ترى هو حقًا سيكون هو جدير بها ولكن مهلًا ماذا عن أنين قلبها وماذا ايضًا عن خوائها... حقًا لا تعلم اجابة واحدة لتسائلاتها كل ما تعلمه أن قواها خارت ورغبتها منعدمة نحو كل شيء، تعالت ضحكات صغارها لتنتشلها من افكارها لتجدهم يجلسون بجانبه على الفراش ويقوم هو بدغدغتهم معًا وسط قهقهاتهم وضحكاتهم المستمتعة، حانت منها بسمة باهتة على ذلك المشهد النادر الذي لم يتكرر سوى مرات تعد على أصابع اليدين، وتسائلت هل ياترى هي ظلمت ابنائها بأنفصالها، يعلم الله أنها تهاونت من اجلهم كثيرًا وكانت دائمًا تتغاضى و تتدبر السُبل كي تحيا بسلام ولكنه خزلها وهدم كل سُبلها ولم يقدر تضحياتها فلم تفعل ما فعلته إلا حين فاض بها…نعم على أتم الاستعداد أن تفعل أي شيء من اجل ابنائها ولكن ماذا عنها وعن حق ذاتها عليها، إلا يحق لها أن تستعيد كيانها وتستقل بحياتها. لاحظ هو شرودها ليتوقف عن ما يفعله ويضمهم له متسائلًا: -مالك يا "رهف" نفت برأسها وتمتمت ببسمة باهتة: -مفيش حاجة مرهقة بس شوية -طب لو حابة تروحي ترتاحي انتِ والولاد أنا معنديش مشكلة تنهدت وأيدت اقتراحه: -فعلًا انا محتاجة ارتاح والولاد كمان انا هروح دلوقتي وهبقى ارجعلك الصبح...الدكتور قال أنه هيكتبلك على خروج بكرة وهنا اشرأب" شريف "برأسه متسائلًا: -مامي هو بابي هيروح معانا البيت تعلقت نظراتهم ببعض ولم تجيب هي، لتضيف "شيري" وهي تعانق ابيها: -مامي بابي مش ينفع يقعد لوحده ولازم نبقى معاه انتظر جوابها بفارغ الصبر ولكنها زفرت انفاسها وقالت كي تخيب رجاءه في غفرانها: -مش هنسيبه لوحده يا ولاد هنبقى نزوره متقلقوش -"رهف "انا بجد محتاجلكم خلينا نرجع نتلم من تاني والولاد يتربوا وسطينا حاول اقناعها ولكنها اغمضت عيناها بقوة تلعن شتاتها، ودون أن تضيف كلمة واحدة تريح قلبه كانت تنهض وتتوجه نحو الخزانة تدس يدها بملابسه التي كان يرتديها تخرج مفاتيح شقته قائلة: -أنا هدفع حساب المستشفى قبل ما امشي وهجيبلك بكرة هدوم من البيت قبل ما اجيلك انا والولاد... وهبعت حد ينضفه ويعملك أكل علشان لما تخرج ...عايز حاجة تانية اجبهالك قبل ما اجي -عايزك تريحيني يا"رهف" -راحتك مش اهم من راحتي يا "حسن" ...حمد الله على سلامتك ذلك آخر ما قالته قبل أن تغادر الغرفة مصطحبة اطفالها تاركته ينظر لآثارها وهو يبتلع غصة مريرة مر الحنضل من شدة ندمه كونه خسرها. ------------------------ عادو للمنزل بعد انقضاء بضع ايام بالمشفى وقد تحسنت حالته كثيرًا وطمئنه الطبيب أن يمارس حياته العادية، فقد اصرت "ثريا" فور وصولها أن تذهب كي تطمئن على "حسن"... وها هي "نادين" تجلسه على طرف الفراش قائلة بسعادة هائلة: -حمد الله على سلامتك البيت نور -البيت وحشني اوي ابتسمت بسمة هادئة ثم انحنت كي تنزع عنه كنزته كي تساعده في ارتداء غيرها قائلة: -كان مضلم من غيرك نزعت عنه كنزته ثم رفعتها لأنفها تستنشقها بعمق مستمتعة ليباغتها هو ويجذبها من رسغها ويجلسها بجواره متسائلًا بمشاكسة: -بتعملي ايه ما انا قدامك اهوا؟ اجابته بتنهيدة مُسهدة: -ريحتك وحشتني أوي يا "يامن" تعرف إني اقدر اميزها من بين ألف ريحة غيرها اجابها بتلقائية: -اه البرفان ده حلو انا كمان بحبه ومتعود عليه نفت برأسها وهي تميل تقبل كتفه قبلة مطولة وهي مغمضة العينين: -مش ريحة البرفان ....ريحة جسمك ابتلع ريقه عندما دفعته برفق تمدده على السرير ثم مالت عليه دون أن تضع حمل جسدها عليه ثم اخذت تقبل صدره وخصوصًا موضع ضمادته كأنها تواسي جرحه وتطيب خاطره كي يطيب على الأخير جف حلقه ثم رفع رأسها بأنامله وقال بنبرة متهدجة: -"نادين" حرام عليكِ ابتسمت تلك البسمة الماكرة التي أوقعته بها ثم اقتربت من وجهه بشكل خطير هامسة بنبرة غريبة هي ذاتها تستغربها: -وحشتني اوي... احضني يا "يامن" ابتلع ريقه وقال بأنفاس لاهثة وهو يجذبها من مؤخرة رأسها: -هي تقريبًا الهرمونات دي هتكون مفيدة اوي قهقهت هي ولكنه كتمها حين اطبق على شفاهها بقبلة عاصفة أطاحت بدفعاتها وجعلته يرتشف من رحيق ثغرها. ----------------- اليوم هو اليوم الموعود التي طالما انتظرته بفارغ الصبر فقد اتموا كافة التحضيرات وتم حجز أحد القاعات الصغيرة التي تناسب إمكانياته فلم يقبل مساعدة من "فاضل" بأي شكل من الأشكال وكم كانت فخورة هي به وبعزة نفسه بعدها فهي لا ترغب في حفل زفاف اسطوري بل كل ما تطمح به هو حفل صغير يسعها بقربه والأقربون لقلبها. -يخربيت جمالك والنعمة هعيط قالتها "شهد" بعدما انتهت خبيرة التجميل من وضع اللمسات الاخيرة لها لتبرز جمالها وحين انتهت نهضت "ميرال" بفستانها الابيض الزاهي الذي يضيق من عند الصدر وينسدل باتساع من عند الخصر بعدة طبقات من الشيفون المطرز بذلك اللؤلؤ البراق الذي انعكس ضيه داخل عيون الجميع واولهم "نادين" التي قالت بانبهار: -تحفة يا "ميرال" تجنني اتسعت بسمتها وهي ترى انعكاسها في المرآة ثم قالت بسعادة تتقافز من عيناها: -بجد حلو يعني هعجب "حمود" -يابت بطلي سهوكة بقى القلوب اللي طالعة من عينك ملت الأوضة قالتها "نغم" بمشاكسة مما جعل "ميرال" تجيبها وهي تخرج لسانها: -وماله مهو بقى جوزي...جوزي ....جوزي كررت اخر كلمة وهي تدور حول نفسها مما جعلهم يقهقهون على جنانها وتعقب "نغم": -لاحول ولا قوة إلا بالله البنت كانت بعقلها لتسايرها "نادين" وهي تتذكر مالك قلبها وتقبل دبلته التي تزين بنصرها بتنهيدة مُسهدة: -معلش معذورة الحب بيعمل اكتر من كده رفعت "نغم" سبابتها بوجههم محذرة: -وانتِ كمان …لأ بقولكم ايه انا سنجل راعو مشاعري وبطلوا نحنحة منك ليها قهقهوا من جديد تزامنًا مع دخول "مُحبة" التي فور رؤيتها أخذت تبكي من شدة سعادتها، لتعاتبها "ميرال": -بتعيطي ليه يا دادة حرام عليكِ دلوقتِ اجابتها "مُحبة" وهي تكفكف دمعاتها: -مش مصدقة يا بنتي إني عيشت وشوفتك بالفستان الابيض احتضنتها "ميرال" قائلة: -ربنا يخليكِ ليا يا دادة ويديكِ طولة العمر علشان تربي ولادي كمان ربتت" مُحبة" على ظهرها بحنو ثم فصلت عناقها وأخذت تطلق الزغاريد هي و"شهد " حتى تردد صداها ليبعث البهجة في في الأجواء التي بدأت لتوها حين دلف "فاضل" إليها كي يصطحبها ليسلمها لزوجها وفور رؤيته إياها دمعت عينه ودثرها بين احضانه متأثرًا: -زي القمر يا بنتي ربنا يسعدك مررت "ميرال" يدها على ظهره بحنو داعية: -ربنا يخليك ليا يا بابي فصل عناقه قائلًا بغيرة ابوية: -هياخدك مني الولد ده -محدش يقدر ياخدني منك أنت حبيبي قبل منه قرص وجنتها مبتسمًا بسعادة متناهية ثم اخذ يدها يعلقها بذراعه وتقدم بها عبر ذلك الرواق الكبير الذي يوصل لتلك القاعة التي سيقام بها الزفاف وحين لمحته يقف من بعيد يواليها ظهره تقافزت ضربات قلبها وتعالت انفاسها وهي تشعر أنها بحلم جميل وكل ما يمر بها هو من نسج خيالها ربت ابيها على يدها المسنودة على ذراعه وحثها كي تتقدم منه من أجل تلك اللقطات التصويرية التي يحرصون المصورون رصدها كي تخلد تلك الذكرى للأبد، نقرت هي على كتفه ليلتفت لها بتلك الطلة المبهرة مرتديًا بذلة سوداء ذات تصميم رجولي مميز للغاية تحتها قميص أبيض زاهي اللون وبيبيون لتكمل اناقته. لثوانِ وقف كل منهم منبهر بالأخر دون حديث وكأن كافة امانيهم واحلامهم متجسدة أمامهم لتتسع بسمته شيء فشيء مع بسمتها ثم تقدم نحوها وبتنهيدة تنم عن راحة عارمة كونه فاز بها طبع قبلة مطولة على جبهتها. تعالت الزغاريد تزامنًا مع وضعه ليدها بذراعه ثم سيره بها لداخل القاعة الصغيرة التي تضم عدد قليل من الاقارب والاصدقاء وقد صدحت أصوات الأغاني الدارجة تعلن عن بدء فقرات حفل الزفاف كما هي متعارف عليها -------------------- وقفت تتأملهم من احد الزوايا اثناء رقصهم تلك الرقصة الهادئة حين باغتها هو: -عقبالنا يا "شهد" ابتسمت قائلة بخجل: -إن شاء الله -طب امتى مش هترضي عني بقى -قولتلك إني موافقة بس بعد ما اطمن على "حمود" و"ميرال " -انا معاكِ ومستعد استناكِ العمر كله يا "شهد" تهربت بنظراتها منه واشتعل وجهها حرجًا من جملته ولم تعرف ماذا تجيب، ليزيدها هو عليها: -على فكرة أنتِ مختلفة النهاردة ابتسمت بهدوء وهي تطالع فستانها النبيذي المحتشم وتسألت بتوجس وهي تتأكد بأناملها من لفة حجابها: -حلوة يعني! -لأ. شهقت متفاجئة في حين اكمل هو برزانة: -انتِ علطول حلوة يا "شهد" مش النهاردة بس ومش ده اللي اقصده -أمال ايه أنت بتقول فوازير يا "كاظم" ابتسم بسمة هادئة على نطقها لأسمه ثم عقب بإعجاب شديد: -منكرش الفستان والميكب ظهروا جمالك اكتر بس انا بحب اشوفك على طبيعتك من غير رتوش فركت يدها متوترة وقالت بتلقائية: -والنعمة دي عيونك حانت منه بسمة مستمتعة على تلقائيتها وهمس بعيون مُسبلة: -على فكرة عيونك أنتِ احلى صافية وفيها دفى غريب بيخلي الواحد يرتاح بعد ما يبص فيها مهلًا هل الأرض تدور بها أم ذلك أثر حديثه، فقد رفعت نظراتها كالمغيبة ثم ابتلعت رمقها من نظراته التي ارجفت اوصالها وكشفت الستار عن تلك المشاعر الكامنة التي كانت تناست تواجدها من الأساس... لتتلعثم بحرج: -نهار اسوح...براحة عليا...ربنا يخليكِ تنهد وقال وهو يشمل خجلها بنظرة تعدت الاعجاب بمراحل عارمة: -انا مقولتش حاجة لسه يا "شهد" شهقت واستنكرت وهي تتهرب من نظراته: -كل ده ولسه مقولتش لأ انا همشي من قدامك احسن واروح اشوف البنات قالتها وهي تهرول من امامه هاربة حتى لا يغدقها اكثر بأقاويله التي تكاد تبعثرها وتفقدها اتزانها. بينما على الجانب الأخر كانت تجلس بجواره على الطاولة تتنهد تنهيدات حالمة وهي تشاهد "ميرال" و"محمد" يتمايلون على أنغام تلك الرقصة الهادئة، ليباغتها هو: -تحبي ترقصي هزت رأسها واسندت رأسها على كتفه قائلة: -لأ يا حبيبي أنت لسه تعبان ومش عايزة اتعبك كفاية جيت معايا -انا بقيت كويس على فكرة والدكتور بنفسه قالك كده ليه مش مقتنعة -ايوة مش مقتنعة يا "يامن" وهفضل خايفة عليك لغاية متأكد بنفسي أنك أحسن رفع حاجبه بمكر وتسائل: -طب وهتتأكدي ازاي؟ تنهدت وقالت بعدم معرفة: -هاا...معرفش باغتها بجرأة وبنظرات ماكرة اخجلتها: -لازم تكونِ مش عارفة ما أنتِ من ساعتها واخرك البوس كتمت فمه بيدها ونهرته قائلة: -هتفضحنا يا "يامن" اسكت تحدث من تحت كف يدها فلم تفهمه لتزيح يدها ويقترح هو بمغزى تعلمه هي تمام المعرفة: -طيب سبيني اكدلك بطريقتي لما نروح اجابته ببسمة ماكرة: -نبقى نعمل مفاوضات ونشوف قلب عينه وحاول استعطافها: -حرام عليكِ والله انا لو في حاجة تعباني فهو انتِ وضعت يدها على وجنته وعقبت بنظرات مغوية: -هتبقى مفاوضات سلمية يا "يامن" تأهب متسائلًا: -بجد سلمية من غير شغب ولا احتجاج هزت رأسها ب لا لتتسع بسمته البشوشة ويقول مشاكسًا: -طب حيث كده يلا بينا عايز اروح دلوقتِ بس قبلها هوديكِ مكان هيعجبك -هتوديني فين؟ -متستعجليش هتعرفي… -طب خلينا شوية وطالما اعترفت انك بقيت احسن تعالى نرقص الأول قالتها وهي تجذبه من يده لحلبة الرقص ويشاركون العروسان رقصتهم أما عنهم فكانوا يتمايلون على أنغام تلك الأغنية الرومانسية الهادئة حين كانت هي تتشبث به وكأنه طوق نجاتها التي لن تفرط به مهما حدث مما جعله يميل على اذنها مشاكسًا: -هو انتِ ماسكة حرامي يا "ميرال" نكزته برفق بكتفه ورفعت نظراتها له قائلة ببسمة واسعة: -اه حرامي سرق قلبي وعقلي وكل كياني -كل ده لأ ده الموضوع خطير ومش لازم يتسكت عليه -لأ ما انا مسكتش واتجوزته وهحبسه في قفص الزوجية ومستحيل هطلق سراحه ابدًا قهقه هو بكامل صوته الذكوري وطوح رأسه بأستمتاع على حديثها...لتهيم بضحكته كعادتها وتهدر قائلة بنبرة تعدت العشق بمراحل عارمة: -يخربيت جمال ضحتك والله بحبك بحبك يا "حمود" قالتها وهي تدس رأسها بصدره من جديد ليقبل هو اعلى رأسها ويهمس بعشق يضاهي عشقها: -وانا بحبك اكتر يا حلو أما عن "نغم" فكانت تجلس برفقة والدها تشاهدهم من موقعها ببسمة هادئة ولوهلة أتى هو برأسها وتذكرت مقابلته لابيها بأحد الايام السابقة و تذكرت ايضًا تلك الدقائق المعدودة التي تحدثت معه بها فقد وعدته انها ستستخير ربها ويبدو أن تلك الراحة التي تَسكن قلبها مبشرة بالخير. لتتنهد تنهيدة عميقة مطولة ثم تهمس لذاتها: -اللهُم اجعله سند كسند الرّسول لِعائشة حين إحتمت خلف ظهره خوفاً من أبيها. كانت الأجواء مبهجة للغاية والسعادة تعم على الجميع لحين انتهى الحفل وكاد يغادر بها لولآ أن "فاضل" اقترب منه قائلًا وهو يربت على كتفه: -خلي بالك منها يا "محمد"..."ميرال" امانة في رقابتك ارجوك حافظ عليها ابتسم هو قائلًا بثقة عارمة دون لحظة تردد واحدة وهو يحاوط خصرها: -"ميرال" في عيني وجوة قلبي يا "فاضل" بيه متقلقش عليها ابتسم "فاضل" بارتياح، لتقترب "شهد" ايضًا وتقول بسعادة وبدمعات حانية وهي تحتضن "ميرال": -مبروك يا "ميرال" ربنا يهنيكم ويسعدكم يارب -الله يبارك فيكِ يا "شهد" عقبالك لتقترب وتهمس بأذنها: -حرام عليكِ تاخري اكتر من كده أبيه على آخره نكزتها "شهد" ببسمة عابرة من بين دمعاتها الفرحة في حين هو جذبها لأحضانه وقبل جبهتها قائلًا بحنو اخوي: -بطلي عياط يا بركة ولا عايزة تنكدي عليا في يوم زي ده -لا يا اخويا ربنا يعلم أن فرحتي بيك الدنيا مش سيعاها فصل عناقه وعاتبها وهو يسحب منديل بدلته ويجفف به دمعاتها: -طب بطلي عياط بقى واديني زغروتة حلوة من بتوعك أنصاعت له واطلقت زغرودة فرحة مجلجلة وإن انتهت رفع يدها وقبلها ثم من بعدها جبهتها داعيًا: -ربنا يخليكِ ليا يا "شهد" ابتسمت "شهد" باتساع وأخذت تدعوا لهم وأمنوا الجميع على دعواتها حتى تلك المختبئة هناك التي أتت خصيصًا بعد هجر سنوات كي ترى ابنتها التي تخلت عنها يوم زفافها. غادروا العروسان وانصرف الجميع وإن كاد يغادر هو تجمد بأرضه وهو يراها تسير بخطى وئيدة متعثرة. في بادئة الأمر هيأ له أن الأمر من نسج خياله ولكن حين دقق بها تأكد انها هي اسرع بخطواته إليها زاعقًا بأسمها: -"صافيناز" توقفت مشدوهة والتفتت له تطالعه بنظرات خاوية ليتحدث هو بشدوه تام: -بتعملي ايه هنا! -جاية اشوف بنتي يا "فاضل" ولا دي كمان عايز تحرمني منها -مش قصدي انا... قاطعته هي: -انت السبب يا 'فاضل" انا عمري ما سمحتك -انتِ اللي عمرك ما حبتيني ولا اتمسكتي بيا وبنتك -انت اللي خيرتني ومكنش عندي استعداد اقضي الباقي من عمري مزلوله ليك علشان بس ترضى غرورك وانانيتك وإذا كان عن الحب ده مش بأدينا وغصب عننا ملناش سُلطة عليه -انا لومت نفسي كتير بعد اللي حصل وصدقيني لو رجع الزمن بينا كنت احترمت رغبتك ومحرمتكيش من بنتك رددت كلمته بنبرة مريرة: -بنتي... -ليه مباركتلهاش؟ -هقولها ايه يا "فاضل" مهما حصل مش هتسامحني إني اتخليت عنها واسبابي مش هتقنعها انا اخترت حياتي زمان بكامل ارادتي ومنكرش إني عمري ما نسيتها مفيش أم بتنسى ولادها...بس مكنتش عندي الشجاعة اواجهها لا زمان ولا دلوقتِ -سامحيني يا "صافيناز" انا اللي.. قاطعته من جديد بإقتناع: -ده اختياري انا يا"فاضل" ومش ندمانة عليه ومتأكدة أن ربنا عوض بنتي عن اذنك "عزت"مستنيني و زمانه قلقان عليا هو والولاد ولازم ارجع على اول طيارة ذلك آخر ما نطقت به قبل أن تغادر تاركته يبتسم بسمة ساخرة على ذلك الزمن الذي لم يغير بها شيء حتى تفضيلها لذلك ال "عزت" التي تخلت من أجله عن كل شيء واولهم قرب ابنتها. ------------------------ -ايه رأيك؟ قالها وهو يقف بها على أعتاب تلك الڤلا الكبيرة التي ابتاعها مخصوص من أجلها جالت المكان بعيناها منبهرة بكل شيء وتسائلت: -رأي في ايه يا "يامن" الڤلا تجنن بتاعة مين وجايبني ليه هنا! اجابها بنظرات حالمة: -بتاعتنا يا قلب "يامن" كنت عاملهالك مفاجأة قبل ما.... ابتلع باقي حديثه ولم يشاء أن يتذكر الأمر، لتتفهم هي وتقترب تحتضنه قائلة: -حبيبي بس ده كتير عليا اوي -مفيش حاجة تغلى عليكِ -بس انا بحب البيت هناك ومش عايزة اسيبه ده كل ركن هناك لينا ذكرى فيه -بس انتِ وعدتيني نبدأ من جديد...صحيح لينا ذكريات جوة البيت القديم بس انا عايزة نعمل ذكريات تانية اجمل من اللي فاتت والبيت ده هيشهد عليها -طب وماما" ثريا" هترضى؟ -امي المهم عندها تشوفنا مبسوطين واكيد مش هتمانع تنهدت ببسمة واسعة ثم تعلقت بعنقه قائلة بسعادة عارمة: -ربنا يخليك ليا يا "يامن" -ويخليكِ يا قلب وروح "يامن" ويقدرك علشان تمليلي الڤلا دي كلها عيال -لأ هما ولد وبنت بس ونحمد ربنا على كده -لأ انا عايز خمس بنات وكلهم شبهك شاكسته هي بحاجب مرفوع مستخدمة طُرفته السابقة: -طب وبُرعي نسيته مط فمه وشاكسها: -صح عندك حق و بُرعي علشان يبقوا نص دستة قهقهت على مشاكسته ثم سحبته من يده قائلة: -طب تعالى فرجني على بقية الڤلا -لأ بقولك انا مش بحب تضيع الوقت انا هفرجك على أوضة النوم الأول والمفاوضات السلمية تبقى فوق وياسلام بقى لو طاوعتني و جربنا السرير قطمت شفاهها وقالت بتطلب غريب والاثارة تقطر من نظراتها: -هو الحمل طالب حاجات غريبة معايا وبصراحة معنديش مانع قهقه هو بقوة على حديثها ثم شاكسها بغمزة من عينه: -انا قولت الهرمونات دي هتخدمني مصدقتنيش قهقهت من جديد وداعبت تلك الشعيرات النامية بذقنه بأناملها هامسة: -أنا كلي ملكك يا "يامن" بهرمونات أو من غير انا نفسي اعمل أي حاجة علشان اسعدك واعوضك عن كل حاجة تنهد مُسهدًا وهمس وهو يهيم بها بعيون احتلتها الرغبة بالفعل: -اموت فيكِ وانتِ حنينة وعايزة تدلعيني -طب يلا بقى قبل ما الهورمونات تشتغل و ارجع في كلامي قالتها وهي تجذبه من يده فما كان منه غير يسبقها بخطواته التي تنم عن توقه الشديد لها وبينه وبين ذاته فكان يتوعد لها بليلة جامحة كي يعوض حرمانه من نعيم قربها. --------------------------- دلفوا لشقتهم الصغيرة معًا وهو يحملها مثل تلك الأفلام الكلاسيكية التي كانت تشاهدها مع ابيها، فكانت تتعلق بعنقه وتهيم به بنظراتها التي قابلها بأخرى حالمة حين انزلها وأغلق باب الشقة، انتفضت من موضعها واخذت تفرك بطرف طرحة فُستانها بتوتر بالغ يكاد يوقف قلبها. تحمحم هو واقترب يحاوط خصرها من الخلف هامسًا بنبرة ملتاعة متشوقة وهو يلثم كتفها: -اخيرًا هيتقفل علينا بيت يا حلو أنا مش مصدق أنك هنا معايا وأن خلاص كل احلامي اتحققت بيكِ حاوطت يده التي تحتضن خصرها وهمست بنعومة وهي تميل رأسها بتجاوب مع لمساته وقُبلاته الحارة المتقطعة التي أخذ ينثرها ويصعد بها لعنقها: -ولا انا يا "حمود" حاسة أن قلبي هيقف من كتر الفرحة ادارها إليه دون أن يفُك حصار يده من خصرها ثم ضمها لجسده بعناق حميمي افقدها اتزانها: -سلامة قلبك ودقاته يا حلو ايام وفرحة قلب "حمود" مرغت وجهها بصدره كالقطط ثم همست بتخدر متأثرة بذلك العناق الحميمي الدافئ الملفح بالاحتياج: -نفسي افضل العمر كله في حضنك وبين ايديك يا "حمود" اتسعت بسمته وقال ويده تسير على ظهرها بحركات حانية مطمئنة بثت القشعريرة بها: -وانا نفسي اغرق فيكِ الباقي من عمري يا "ميرال" -اوعدني أن مهما كان اللي بينا عمرك ما هتسبني انام زعلانه بره حضنك وعدها بصدق وبأنفاس ثائرة وهو يدس أنفه بخصلاتها يستنشق رائحتها المسكرة التي تُسكر كافة حواسه بكل اريحية وكأنه يعوض تلك الايام التي كانت تزلزل ثباته بها حين يشمها عن بُعد: -اوعدك يا حلو رفعت رأسها له ودون أن تفصل عناقهم تسائلت: -ليه دايمًا بتقولي يا حلو اجابها بوله تام وهو يسند جبهته على خاصتها: -علشان أنتِ حلوة اوي يا "ميرال" وكل حاجة فيكِ حلوة...ليقترب ينثر قُبلاته على كل أنش بوجهها ويهمس همس متقطع جعل القشعريرة من جديد تنتاب كافة اوصالها: -ضحكتك...رقتك...عيونك...صوتك كسوفك...عفويتك كُلك على بعضك حلو... قال آخر جملة بأنفاس متثاقلة وقبل أن تستوعب أو تتدارك الأمر لمواكبته كان يلتقم شفاهها بقُبلة متناغمة تواقة للمزيد والمزيد كي يرضي شغفه بها أما هي فكانت مأخوذة وبهيمنته الطاغية حتى انها تعلقت بعنقه بعدما شعرت أن قدميها كالهلام ولم يعودوا يحملوها لذلك تشبثت به بقوة وكأنه طوق نجاتها لتنفلت شهقة متفاجئة من بين شفاههم تخصها حين رفعها من خصرها واخذ يسير بها نحو غرفتهم لتتملص هي وتهمهم بعيون مُسبلة و بنبرة متخدرة افقدته آخر ذرة تعقل به: -هتعمل ايه مش قولتلي هنصلي الأول وتؤم بيا؟ اجابها وهو بالكاد يتحكم بانفاسه: -ايوة اكيد مش هاتفوتني هنصلي الأول ليستأنف بتوق شديد محذرًا: - بس ياريت متقاطعنيش تاني ومتسأليش عن أي حاجة بعديها ردت بعيون مُسبلة وبرقة متناهية و بطاعة راقته للغاية: -حاضر يا "حمود" بس نزلني تأوه من فرط شوقه ثم قال بنفاذ صبر وهو يستأنف سيره بها: - يخربيت كده! اسكتي متقوليش "حمود" دي ! ابتسمت على لهفته ثم دفنت وجهها بين ثناياه كي تداري خجلها ليخطوا هو بها نحو الغرفة وإن دخل اغلق الباب خلفه بكعب حذائه وهو ينوي اولًا القيام بصلاة ركعتين لحمد الله وشكره على النعم التي أنعم عليه بها ثم بعدها لا شيء سيردعه كي يرتوي حد الاكتفاء من ينبوع عشقها. 🦋الثالث والأربعون🦋 كلما كنت أحتاجك وجدتك على الفور إلى جانبي قبل أن أطلب منك ذلك حتى، سبحان من جعل منك سندًا لي وعونًا في هذه الحياة القاسية التي لا ترحم أحدًا. —---------------------------- وقفت تباشر الخادمة وهي تعد الطعام بملامح متقلصة نافرة جعلت الخادمة تتسائل مستغربة: -واه كنك يا ست چمر وضعت يدها تسد انفها وقالت بنفور: -مخبراش ريحة الوكل كنها عِفشة كده ليه! -واه ده انا طبيخي زين و طبخاه بالسمن حتى دوجي قالتها وهي ترفع المعلقة معبئة بمهروس البامية المطبوخة الذي يسمى ويكا لديهم، لتنفي "قمر" برأسها وترفض قائلة: -لع مش لادد عليّ اني مش هاكل منيها ابجي چيبيلي خرطة چبنة جديمة من البلاص -بس ياست جمر أنتِ لازمك غذى والعيل اللي في حشاكي لازمه وكل عشان يطلع صحته زينة -مش جادرة معدتي مش جابلة الوكل نفسي رايحة للچبنة -بس يا ست جمر -واه اسمعي الكلام اللي هجولك عليه من سكات وعند أخر جملة صدرت من "قمر" كانت تدلف "ونيسة" للمطبخ ولم تسمتع إلا لسواها لذلك هدرت بحدة متهكمة: -والله وبجيتي تأمري وتنهي يا"جمر" من غير ما تعملي اعتبار لحد -انا مجولتش حاچة يأما "ونيسة" دي... قاطعتها "ونيسة" بقسوة وبسوء نية: -اسمعي لو فكرك أن بحبلك هتبجي الحاكمة الناهية في الدار تبجي غلطانة انا هنا ست الدار والكلمة كلمتي وإياك يكون فكرك أن وَلدي خرع وياكِ هتركبينا كيف المواشي وتدلدلي شهقت الخادمة بينما هي نكست رأسها ولم تجرأ على الرد عليها احترامًا لزوجها الذي كانت غافلة كونه استمع لحديث والدته بالصدفة حين اشتاق لها و اتي يبحث عنها، لتستأنف "ونيسة" وهي تلوي شدقها: -واه كنك ماهترديش ليه حديتي مش لادد عليكِ ولا ايه! -بكفياكِ يا أما قالها وهو يقف على أعتاب المطبخ لتلتفت "ونيسة "له قائلة: -وانا جولت ايه؟ اتشطر على مرتك اللي سيجاك كيف البهيمة غامت عيناها ونكست رأسها ثم استئذنت قائلة بنبرة مختنقة على وشك البكاء: -عن اذنكم تنهد هو بضيق لرؤيتها بتلك الحالة ثم قال لوالدته معاتبًا: -ولدك راچل يا أما وانتِ خابرة إكده زين ومحدش يجدر يسوجه وهي مجالتش حاچة هنا تدخلت الخادمة قائلة: -ايوة صوح يا سي "حامد" هي مجالتش حاچة دي كانت هتطلب مني اطلعلها حتة چبنة من البلاص واني كنت هتحايل عليها عشان تاكل وكل زين للي في بطنها واخر ما زهجت مني جالتلي اسمعي الحديت من سكات على داخلة ست "ونيسة" هز "حامد" رأسه متفهمًا ثم طلب منها أن تغادر المطبخ وقال مؤازرًا زوجته: -اهه سمعتي بودنك يا أما -هتدافع عنيها ولا كأنها سحرالك ده بدل ما تطلجها وترميها لأهلها عشان طلعت جليلة الأصل وخانت عيشنا وملحنا وخبصت على ابوك -مرتي مش جليلة الاصل مرتي ست البنات وشَهدت بالحَج وعاملة بأصلها بدليل انها مفتحتش خشمها وياكِ بنص كلمة ولا ردت على حديتك الواعر ليها ونجرزتك جَبِل سابج -يعني ايه هتجسيك عليا انا كُمان إياك كيف ما جستك على ابوك -لع يا أما مفيش جوة تجدر تجسيني عليكم وهفضل طول ما ربنا عطيني عمر ابركم واتجي الله فيكم...وهجبل أيتها حاچة منيكم لكن مش هجبل على مرتي ويكون في معلومك لو تنيتك بتعامليها إكده أني هخدها ونسيب الدار وهروح اعيش مع أهلها في أسيوط لطمت "ونيسة" صدرها و ولولت قائلة: -عاوز تهملني لحالي يا "حامد" إكده دي اخرتها يا وَلدي -انا عمري ما اجدر اهملك يا أما بس انتِ هتچبريني لكده... ليتنهد بعمق ولم يطاوعه قلبه حين رأى الحزن والكسرة تحتل تقاسيم وجهها: -يا أما الله يرضى عليكِ افهميني وريحيني انا هحبها ومعوزش حاجة تنغص عيشتى وياها وخصوصًا أن ربنا عوض صبرنا خير بِحبلها، بلاش يا أما تكونِ سبب في تنغيص عيشتي ولو عندي خاطر عندِك حني عليها دي مفيش اطيب من جلبها وبكفاية أن ولدك هيعشجها وروحه فيها هزت "ونيسة" رأسها بشيء من الاقتناع في سبيل عدم تركه لها لينحني هو ويقبل يدها ويتحدث بعطف وحنان شديد: -ربنا يخليكِ فوج روسنا يا أما --------------- اخذت حمام دافئ كي تريح جسمها وفور انتهائها جلست بروب الاستحمام على ذلك المقعد الصغير أمام مرآتها تمشط شعرها. فكانت شاردة تتذكر حفل زفاف "ميرال" وكم كان رغم بساطته إلا أن سعادتهم طغت على كل شيء وكانت دليل قاطع كون السعادة لم تكن يومًا بالمال...فكم كانت تأمل من قبل بحفل زفاف مثل حفلها ولكن الآن اختلفت قناعاتها ورغم أنه ألح كي يستأنف تحضيراته إلا أنها رفضت رفض قاطع وعارضته فيكفي ان الله عوضها به وأعاده لها لتنعم بقربه وبتلك القطعة التي تأمل أن تشبهه و تنمو بين أحشائها. -سرحانة في ايه يا مغلباني قالها وهو يستند على إِطار الباب ويكتف يده، لتلتفت له وتقول ببسمة هادئة: -فيك يا حبيبي اتسعت بسمته الدافئة ثم اقترب منها بعد ان اقفل الباب ثم جلس على طرف الفراش القريب من جلستها ثم ادارها من جلسته على ذلك المقعد الدائري و دفن وجهه بين خصلاتها المبتلة هامسًا: -بطلي أونطة يا مغلباني وقوليلي كنتِ سرحانة فأيه... أجابته وهي تنظر لانعكاسهم بالمرآة: -ابدًا...الفرح امبارح كان يجنن و"ميرال" و"محمد" كانوا مبسوطين اوي هز رأسه يؤيدها ثم تناول المشط من على التسريحة أمامها وتحدث وهو يمشط به شعرها بحركات حريصة متباطئة: -ربنا يسعدهم "محمد" جدع ويستاهل كل خير تأهبت قائلة بدفاع قوي: -و"ميرال" كمان تستاهل كل خير مش "محمد" لوحده اجابها ببسمة مشاكسة وهو منشغل في تمشيط خصلاتها: -خلاص متتحمقيش بصراحة مكنتش برتحلها الأول بس بعد وقفتها معاكِ ودفاعها عنك غيرت رأي فيها هزت رأسها بتفهم ثم التفتت من جديد له ولكن بكامل جسدها قائلة: -انا مبسوطة اوي علشانها ونفسي كمان افرح ل "نغم" تخيل أن "فايز" اتقدملها -"فايز" مين؟ تلعثمت وهي تنكس رأسها: -"فايز"...صاحب ط... قاطعها قبل أن تنطق بأسمه: -متكمليش عرفته بس ده عيل فاقد ومش شبهها -انا كمان كنت فاكرة كده بس هي بتقول أن ربنا هداه وبقى حاجة تانية خالص أومأ لها ودون ارادة منه تغير مزاجه على ذكر ذلك الشخص الذي عنفه من قبل كي يخبره بمخطط صديقه اللعين بذلك اليوم المشؤم، لاحظت هي وجوم وجهه وتسائلت: -"يامن" مالك نفى برأسه ببسمة باهتة وأجابها: -واضح كده ان لو حصل نصيب مش هجتمع معاهم ابدًا تنهدت هي وحاوطت خصره قائلة وهي تمرغ وجهها بذراعه: -كلنا كنا ضايعين زمان وربنا هدانا واتغيرنا علشان خاطري بلاش تقرر من غير ما تشوفه مش يمكن تبقو اصحاب...وبعدين ربنا غفور رحيم إحنا يا بشر مش هنسامح تنهد بقوة وهمس وهو يضع قبلة اعلى رأسها: -هحاول علشان خاطرك اتسعت بسمتها ورفعت رأسها له متمتمة بسعادة متناهية: -"يامن" هو انا قولتلك قبل كده إني بحبك؟ هز رأسه بنعم لتستأنف هي: -طب زيد عليهم دي اقتربت واضعة قُبلة على ثغره خاطفة وهمست بعدها: -بعشقك يا "يامن" والحب كلمة ملهاش قيمة من كتر اللي جوايا ليك ضمها اكثر له ورفعها من مقعدها الصغير جاذب جسدها إليه وتراجع بها على الفراش خلفهم حتى تمددو ثم همس بشغب لامثيل له وهو يحتوي مؤخرة رأسها : -قلب وروح "يامن" أنتِ يا مغلباني ربنا ما يحرمني من قربك ابدًا ابتسمت باتساع وهامت به قائلة وهي تكوب وجهه: -متقلقش... انا هفضل لازقة فيك العمر كله ومش هتخلص مني ابدًا ادار جسدها ليشرف عليها هامسًا بنبرة لعوب تعرف ماذا سيحدث بعدها: -احب ما على قلبي قربك انا اصلًا مش بعرف اتنفس وانا بعيد عنك -بحبك شاكسها بنبرة لعوب: -لأ اثبتي معلش انا مش عايز كلام انا عايز أفعال قهقهت على دعابته الماكرة ثم تعلقت بعنقه هامسة وهي تضغط على كل حرف وتتبعه بقبلة خاطفة على شفاهه: -ب...ح...ب...ك اعترض بمكر: -اثباتاتك ضعيفة اوي معجبتنيش تسمحيلي بقى اوريكِ ازاي وقبل أن تعطيه موافقتها كان يقبل شفاهها بقبلة متلهفة للمزيد من سيل عطائها التي اغدقته به لتعوضه عن تلك الأيام الصارمة. ----------- دخلت هي الشركة التي تعمل بها و تملكها صديقتها بخطوات اعتيادية رتيبة في طريقها لمكتبها وما إن وصلت وكادت تضغط على مقبض الباب حين استمعت لصوته الرخيم وجمدت بأرضها فقد رأته يقف مع "سارة" أمام غرفة مكتبها -متشكر جدًا يا بشمهندسة "سارة" انا كده سددت قيمة التكاليف كلها وبجد سعيد إني اتعاملت مع حضرتك -الشكر كله ل "رهف" هي اللي خلصت العيادة في وقت قياسي وطلبت مني اسلمهالك هز رأسه بحركة بسيطة وابتلع غصة قلبه قائلًا: -اشكريها بالنيابة عني عن اذنك لتسمح له "سارة" ببسمة عملية ويلتفت كي يغادر ولم يلحظ وجودها ولكن حين أَن قلبه علم انها قريبة منه، فقد تناول نفس عميق كي يدعم قلبه الذي يختنق من شدة الألم واكمل طريقه بنظرات ثابتة على باب الخروج دون أن يعيرها أي اهتمام اوحتى يمنحها نظرة خاطفة، مما جعلها تتبع ظهره بنظراتها وتشعر بشيء يثقل قلبها، فتلك ليست أول مرة تراه بها بعد ماحدث فقد تعددت الصدف بحكم جيرتهم ولكن هو يتعمد في كل مرة أن يفي بوعده ويتجاهل وجودها حتى انه يتصرف وكأنه لم يصادفها قط بحياته وبطريقة ما يحزنها الأمر ويثقل قلبها ولا تعرف تفسير لذلك إلا أن وضوحه معها وتحليله لنفورها اخجلها من ذاتها ودون قصد قامت بإيذائه كما تأذت هي. ------------------- أخذها للطبيبة كي يباشر حملها ويطمئن على صحة الجنين وهاهم ثلاثتهم يجلسون داخل العيادة ينتظرون دورهم، فكانت تتأمل كل النساء من حولها بأنتباه شديد حين مال عليها هامسًا: -"نادين" مالك بطلي بحلقة في الناس تنهدت ونكست نظراتها وقالت متوجسة: -"يامن" هو انا هبقى شبهم كده الشهور الجاية رفع منكبيه وكأنه شيء بديهي، لتشهق هي وتقول برعب: -معقول هبقى شبه البالون كده لأ انا مش عايزة اتخن انا بحب جسمي كده استمعت "ثريا" لأعتراضها وطمئنتها قائلة: -متقلقيش يا بنتي جسمك بيرجع زي الأول بعد الولادة كلنا كنا كده -ايوة يا امي طمنيها وبعدين متقلقيش شوية رياضة هيرجعوكِ احلى من الأول ليضيف بهمس ماكر امام اذنها: -لو إني حبيت جسمك وهو كده اكتر... شهقت بخجل ونكزته برفق بذراعه موبخة بنظرات زائغة تخشى أن يكون استمع إليهم احد: -بَطل يا معدوم الادب هتفضحنا ضحك باستمتاع على خجلها ثم همس من جديد متوعدًا: -هبطل دلوقتِ بس لما نروح هعرفك معدوم الادب هيعمل فيكِ ايه هزت رأسها بلا فائدة وثبتت نظراتها على معانقته ليدها و تحاول ان تتغلب على توترها وتستمد القوة منه كعادتها ليشدد هو اكثر على كف يدها وكأنه يطمئنها انه معها ويؤازرها بكل اوقاتها وحين رفعت نظراتها إليه غمز لها بتلك البسمة البشوشة الدافئة التي لطالما اشعرتها بالطمئنينة والأمان... بعد دقائق عدة كانت الطبيبة تقوم بفحصها واتمت الأمر بتمديدها على تلك الاريكة المكتنزة خاصة الكشف وتمرير الاداة الخاصة بجهاز الموجهات فوق الصوتية على بطنها، ساد الصمت لدقائق لحين ابتسمت الطبيبة وهي تتمعن بشاشة الجهاز...لتتسائل "ثريا" مترقبة: -خير يا دكتورة طمنينا ربنا يكرمك هزت الطبيبة رأسها وقالت مطمئنة: -خير يا حجة نادي ابنك علشان يشوف ولاده توقفت "ثريا" عند أخر كلمة وتسائلت غير مصدقة: -ولاده ازاي يعني -المدام حامل في توأم يا حجة الظاهر قدامي كيسين حمل مبروك تهللت اسارير "ثريا" وقالت بفرحة عارمة وهي تربت على كتف "نادين" التي كانت مصدومة وغير مصدقة: -يا ألف نهار ابيض يألف نهار مبروك...الحمد والشكر لله...ربنا يقومك بالسلامة يا بنتي ويجعلهم بارين بيكِ وبأبوهم انا هروح اندهله ده هيطير من الفرحة وبالفعل ما إن فعلت كاد يجن جنونه وهرول إليها بخطوات متلهفة تزف سعادته ليبتسم بأتساع حتى كادت البسمة تشق وجهه وهو يرى انعاكسهم المموه على شاشة لتقول الطبيبة وهي تجفف الچل الداعم عن بطنها بأحد المناديل الورقية: -مبروك يا استاذ يتربوا في عزك وقف مشدوه لا يعلم ماذا يفعل وكأن عقله شل من المفاجاءة ثم حين نهضت هي قام بجذبها واحتضنها قائلًا بسعادة متناهية: -مش مصدق يا "نادين" مش مصدق دفنت وجهها بعنقه وتسائلت بعيون غائمة: -بجد مبسوط يا "يامن" اجابها وهو يفصل عناقها ويطالعها بذات النظرات التي تفيض فيض بمكنون قلبه الذي لطالما كان مُولع بها: -مبسوط ايه انا طاير من فرحتي بيكِ وبيهم -ربنا يخليك لينا يا حبيبي -ويخليكِ ليا يا قلب وروح "يامن" تحمحمت الطبيبة كي تقاطعهم : -طيب يا مدام "نادين" هكتبلك على ڤيتامينات وشوية تحاليل تعمليها واسبوعين وهشوفك تاني علشان اقولك على جنسم هزت رأسها ببسمة واسعة ليتناول هو من يدها الروشتة التي خطتها وتضيف "ثريا" قائلة قبل أن يغادروا عيادتها: -ربنا يكرمك ويريح قلبك يا دكتورة زي ما فرحتينا ابتسمت الطبيبة ممتنة لدعواتها بينما هو احتضن يدها وسار بها وهو يشعر أنه امتلك العالم واكتملت كافة امانيه بفضلها. --------------- كانت تود أن تأخذ وقتها ولذلك جعلته ينتظر قليلًا، فقد أدلت بموافقتها بالفعل من قبل وتم عقد قرانهم اخيرًا بعد شهرين من زفاف اخيها وبعد احتفال بسيط ضم الأصدقاء والاقربون اصطحبها هي وبناتهم إلى أحد القرى الساحلية كي يقضوا بها شهر العسل وبعد أن اطمأنوا على بناتهم برفقة دادة "مُحبة" التي أصر هو أن يصطحبها كي تقوم برعايتهم خصيصًا، فقد سار برفقتها إلى ذلك الجناح الفخم الذي قام بحجزه مخصوص لها بأحد الفنادق السياحية الفاخرة. طالعت "شهد" الجناح الخاص بهم بنظرات منبهرة للغاية وببسمة هادئة لحين باغتها هو من خلفها بمحاوطة خصرها وضمه لها بعناق متلهف جعل جسدها ينتفض بين يده، ليقول هو مطمئنًا: -متخافيش مني يا "شهد" تلعثمت وتوترت وهي تحاول تنظيم انفاسها: -مش خايفة بس يعني متوترة شوية -التوتر هيضيع متقلقيش وبكرة تاخدي عليا هزت رأسها تؤيده ليستأنف وهو يدير جسدها كي تواجهه: -طيب ممكن تقلعي اتسعت عيناها وشحب وجهها وانفلتت كلمة واحدة من زمام لسانها: -نعـــــــــــــــــــــــــــم! تدارك خوفًا من زمام لسانها: -مش قصدي اللي فهمتيه...قصدي الحجاب يا "شهد" تنهدت براحة متراجعة وهزت رأسها بطاعة وماإن مدت اناملها كي تنزع دبوس حجابها جذبه هو برفق من على رأسها لينسدل ليل خصلاتها بانسيابية على وجهها ويعيق رؤيتها، تنهد هو تنهيدة مُسهدة وأخذ يطالعها بنظرات متمعنة جعلتها تطرق برأسها وهي تشعر أنها قاب قوسين او ادنى أن تفقد وعيها من شدة خجلها، مد انامله يرفع ذقنها ثم أمرها بنبرة حنونة: -بصيلي يا "شهد"عايز ادوب في دفى عنيكِ اسكرها بحديثه وشعرت أن الأرض تميد بها حين رفعت عيناها، ليتنهد و يضيف هو: -انتِ جميلة اوي يا "شهد" قالها وهو يرجع خصلاتها الحريرية كي يتمكن من رؤية وجهها الذي اشتعل من شدة الخجل، ليتنهد مرة أخرى ولكن تلك المرة مُسهدًا ويهمس وهو يرفع خصلة من شعرها يشتمها بنظرات راغبة: -اتمنيت اشمه اوي واعرف ملمسه ابتلعت ريقها وحاولت أن تتراجع بخطواتها ولكنه جذبها من خصرها يقربها منه ثم حذرها قائلًا: -اوعي تبعدي عني وتغربيني تاني...أنا معاكِ بحس أني كنت في غربة ولقيت الأمان والراحة والدفى اللي مبتتحسش غير الوطن... وأنتِ وطني اللي كنت متغرب عنه يا "شهد" تعالت وتيرة انفاسها وتلجم لسانها وكاد توترها أن يقضي عليها ولكنه زادها عليها وهمس بحاجة راجيًا: -احضنيني يا "شهد" محتاج حضنك اوي نفذت رغبته وقد حاولت أن تسيطر على توترها وتدثره بأحضانها ليتنهد هو براحة عارمة ويزفر أنفاسه دفعة واحدة وكأنه كان هائم يبحث عن المأوى و وجده اخيرًا بقربها. ----------------------- مر أكثر من شهرين عليها وقد حرصت خلالهم أن تواظب مع طبيب نفسي كي يساعدها على ترميم ذاتها ويصالحها عليها مثلما اقترح "نضال" لا تنكر أن قرارها في اللجوء للاستشاري النفسي اتى متأخر ولكن منذ ذلك اليوم التي تحدث معها في المشفى وصرح لها وشيء يثقل قلبها ويشتت عقلها، و رغم ذلك كان حديثه حافز لها فنعم قد ادركت انه محق هي بحاجة أن تتصالح مع ذاتها اولًا حتى لا تأذي من حولها مثلها...وبالفعل تشعر الآن أن السلام سَكن دواخلها فلم تعد تشعر بالسوء من "حسن" بل ايقنت أن ما فعله لم يكن إلا بسبب خضوعها وضعفها والسماح له باستغلال نقاط ضعفها مما اعدم ثقتها بنفسها وتلك كانت علتها التي تخطتها وتعافت منها فلم تعد تلك الضعيفة التي يستطيع الاستخفاف بها، فقد ساندته بمحنته وتكفلت بكل شيء في سبيل ابنائها فلم يهن عليها أن تقف مكتوفة الأيدي وتتركه يخسر كل شيء و رغم إلحاحه عليها الذي لم ينفك عنه إلا أنها لم تود أن تكرر المحاولة وكيف تفعل وتعيش تحت سطوته من جديد وهي تستمتع بالاستقلالية المطلقة. تلك القناعات التي أصبحت تؤمن بها فلا حاجة لرجل لتتجسد به سعادتها هي ناجحة ولديها كل الإمكانيات الممكنة لتستطيع جلبها لذاتها فيكفي انها ستحيا بسلام وبكرامة مع ابنائها وعلى ذكر ابنائها اوجعها ضميرها، ورغم اقتناعها التام برفضها إلا أن مع تعلق ابنائها ومطالبتهم بقربه نمى شعور بالذنب بأحشائها وظل يطعن بها، فمنذ وعكته الصحية وعلاقته بهم قد توطدت، ويراودها دومًا أنها جارت على حقهم بأنفصالها، وهنا عدة تساؤلات منطقية لاحت بعقلها ماذا إن عادت له ولمت شملهم من اجل ابنائها؟ هل سيستريح قلبها ويَسكن ضميرها؟ هل يتوجب عليها تحاشي نظرة المجتمع والتضحية من أجل ابنائها؟ وإِن فعلت هل ستسطيع أن تتعايش معه من جديد وهل سيتقبل تغيرها أم سيحاول هدمها، ، حقًا لا تعلم ما يتوجب عليها فعله فالخيار شديد الصُعوبة بالنسبة لها يأما تُرضي ذاتها وتظل على رفضها يأما أن تتخلى عن حقها وتبدي مصلحة ابنائها و تضحى براحتها التي لا تضمنها معه وتعود من أجل أبنائها. حقًا لا تعلم ما يتوجب عليه فعله، فكل ما ينغص حياتها أنها مؤنبة وضميرها ينهش بها تجاه ابنائها ذلك ما كان يدور برأسها وهي مُمدة في فراشها تتوسط ابنائها و تشعر أن شيء ينقصها رغم اكتمالها. -مامي عايز اشرب انتشلها صوت الصغير من شرودها لتعتدل وتناوله كوب الماء الموضوع اعلى الكمود ليرتشف منه ويرده لها متسائلًا: -مامي منمتيش ليه؟ -ابدًا يا "شريف" في حاجة شغلاني -اكيد عيد ميلاد بابي أصله بكرة ضيقت عيناها تتذكر الأيام وكم تعجبت كونها تناست يوم كذلك وسابقًا كانت تعد عدة الاحتفال به من قبلها بعدة أيام، ليضيف الصغير: -مامي انا عايز اروحله ونحتفل معاه ونجيب تورتة وهدية كبيرة وافقت هي ببسمة هادئة: -حاضر يا حبيبي بكرة هنروح نزوره بس هنتصل بيه قبلها -لأ يا مامي خليها مفاجأة -تمام حاضر اللي أنت عايزه...يلا بقى نام علشان ننزل بكرة بدري نشتري الهدية أومأ لها ثم وضع قبلة على وجنتها واندس بأحضنها لتعود هي لشرودها وتفكر جديًا بشعور الذنب الذي ينغص حياتها. --------------- -هار اسوح جايبلي خمرة يا "كاظم" ده انت يومك مش فايت قالتها "شهد" بإندفاع كعادتها المتأصلة وهي تهز بجسده المستلقي أمامها، فز من غفوته القصيرة وقال متفاجئاً: -في ايه يا "شهد" حرام عليكِ حد يصحي حد كده رفعت زجاجة الشراب أمام نظراته وتخصرت قائلة: -في دي يا استاذ يا محترم! لتلوي ثغرها يمينًا ويسارًا متحسرة: - ياخسارة الهيبة اللي حلت بعديها الخيبة زفر انفاسه وحاول تهدئتها: -طب ممكن تهدي ومتكبريش الموضوع -لأ بقولك ايه انت مستقل بغضب ربنا أنت مُسلم واكيد عارف انها حرام تحمحم بحرج: -عارف -وبتغضب ربنا ليه طالما عارف ده احنا بنتشعبط في رضاه حاول التفسير لها: -لما كنت في ايطاليا الخواجات بيشربوه بدل الميه علشان يدفيهم وبصراحة دي خصلة مش كويسة خدتها منهم وهنا قالت بقناعات تربت عليها ورسخت بها: -لأ احنا لازم نبقى على نور من اولها انا لا يمكن اقبل بكده أنا عارفة أن في فرق بين عيشتي وعيشتك زي السما والأرض وفي فوارق كتير ما بينا بس غضب ربنا مفهوش فوارق تنهد وهز رأسه بتفهم ثم نهض يحاوط خصرها ويرفع يدها يلثمها قائلًا: -أخر مرة اوعدك...انا بس قولت علشان نحتفل بأول ليلة لينا مع بعض شهقت وضربت اعلى صدرها: -ده انت كأنك قاصد ربنا ما يكرمناش ولا يباركلنا -مش قاصد وبعتذر يا "شهد" مش هتتكرر تاني واوعدك عمري ما هحطها على بقي تنهدت وهزت رأسها ليضع قبلة على وجنتها ويهمس راجيًا: -حقك عليا -خلاص سماح المرة دي قالتها متنهدة لتلفحه بأنفاسها الدافئة وهو يحتضن خصرها ويرتمي بحضنها، بينما هي ابتسمت بسمة هادئة بوجه يكاد يشتعل من شدة خجلها فكل شيء معه مميز وغريب عليها وتشعر أنها المرة الأولى التي تكتشف بها بواطن تلك المشاعر الكامنة لتتنهد وتضمه لها وتستسلم لاستكانته بين أحضانها وهي تعلم ما سيحل بعدها. ----------- ابتاعوا قالب كيك كبير كتب عليه حروف اسمه والعديد من بالونات الهيليوم الملونة وقد جلبت له ساعة ذهبية قيمة والعديد من الملابس التي كان يفشل في شرائها وكانت تتكفل هي بها وهاهم وصلوا امام باب الشقة يطرقون عليه طرقات متتالية متحمسة ولكن حين فتح الباب وأطلت عليهم تلك السيدة تجمدوا بأرضهم حين صرخت بهم: -جرا أيه منك ليها بتخبطوا كده ليه على الباب؟ هو بيت ابوكم! تشبثوا الصغار بساق "رهف" بخوف لتقول هي بشراسة وهي ترمقها شذرًا من اخمص قدمها لاعلى رأسها: -اه بيت ابوهم واتكلمي عدل أنتِ مين وبتعملي ايه هنا؟ اجابتها وهي تلوك علكتها بطريقة فظة وتتخصر أمامها: -آآآه افتكرتك انت طليقته اظن فاكراني انا اللي جيت سألت عليه في المستشفى ابتلعت "رهف" غصة بحلقها واعادة صياغة سؤالها: -ايوة عرفت بس بتعملي ايه هنا بالمنظر ده مش فاهمة! طالعت "سميرة" قميص نومها الصارخ الذي يظهر من أسفل مأذرها الشيفون ثم أجابتها ببسمة منتصرة وكأنها فازت بجائزة: -هو انا مقولتلكيش أصل مستر "حسن" كتب عليا ليلة امبارح أصله ياعيني وحداني وعايز حد يونسه وملقاش احسن مني شهقوا الصغار بينما هي ظلت لثوانِ متجمدة بأرضها لا تستوعب ما نطقت به وحين فعلت نمت بسمة على ثغرها وظلت تتسع إلى أن تحولت إلى ضحكات هستيرية متلاحقة -بتضحكي على ايه عايزة افهم؟ قالتها هي بصوت جهوري وهي تضع يدها بخصرها وتنظر لهم بنظرات جعلت الصغار يرتعبون منها تزامنًا مع خروجه يرتدي روب الاستحمام ويجفف شعره بمنشفة صغيرة وماإن رآهم شحب وجهه وسقطت المنشفة من يده وهمس بأسمها: -"رهف" هزت رأسها وتزايدت ضحكاتها ثم تخطتها وتقدمت منه تضع بحضنه قالب الكيك وتلك الاشياء التي كانت يساعدوها ابنائها في حملها ثم قالت متهكمة بسخرية مريرة: -اه "رهف"...مبروك يا عريس فرحتلك...أنا وولادك كنا جاين نحتفل بعيد ميلادك بس يظهر أنك احتفلت بطريقتك...مبروك زاغت نظراته وحاول التبرير وتقمص دور الضحية كعادته: -"رهف" انتِ فاهمة غلط خليني افهمك...انا اتجوزتها علشان تشوف طلباتي... صدر صوت ساخر من فم "سميرة" ولوت فمها على خنوعه وتبريره لها التي عقبت عليه مستنكرة: -طلباتك ده ايه؟ شايفني الفلبينية اللي بتدفعلها بالدولار وبعدين انت خايف منها ليه قولها أنك كنت هتموت عليا واتجوزتنى علشان أدلعك بعد النكد اللي عيشتك فيه زعق بها بعصبية كي يخرسها: -اسكتِ الله يخربيتك ابتسمت "رهف" بسخرية ونفت برأسها بلافائدة وعقبت على حديثها وكأن الأمر لم يعد يعنيها: -متتعصبش يا "حسن" هي من غير ما تقولي أنا عارفة كويس اسبابك واظن شرحتها ليا باستفاضة في مرة قبل كده … لتهزأ من ذاتها ومن ذلك القرار الغبي التي كادت أن تقدم عليه لولا رأفة ربها: -عارف أنا كنت فاكرة اللي فات غيرك وكنت بحاول اقنع نفسي اعيش معاك علشان خاطر الولاد بس انت رغم ندمك قبل كده إلا أنك اثبت بكل براعة أن اللي فيه طبع عمره ما يقدر يغيره نكس رأسه بخزي بينما هي تنهدت بضيق و صوبت نظراتها لأطفالها وتسألت: -تحبوا تقعدوا مع بابي يا ولاد تحتفلوا معاه وارجع اخدكم نفوا الاثنين سويًا وهم ينظرون بخوف ل "سميرة" التي تقف تتخصر وتهز قدميها، لترشقها "رهف" بنظراتها ثم تسترسل: -طيب قولوا لبابي كل سنة وهو طيب علشان نمشي عايدوه الصغار ثم غادرت بهم وهي تبتسم بسخرية مريرة وتهز رأسها بلا فائدة لتثور "سميرة" عليه ويتعالى صراخها وكان رده عليها انه زمجر غاضبًا ورمى ما بيده وهو يسبها بفجوج منفعل ويهدد بضربها كي يخرسها. ولكن كان ردها عليه قوي يدل على انثى لا يستهان بها فقد قذفته بأول شيء طالته يدها وإن تفاداها انهالت عليه بوابل من الكلمات اللاذعة التي جعلته يلعن الساعة التي أوقعته بها وهو يعجز عن ردعها. ليجلس يكوب رأسه منهزم ينعي غبائه الذي جعل الندم يتفاقم بصورة مضاعفة فكم كان يطمح من جديد في حب امتلاك أم ابنائه ولكن هي صَعب عليه نيل غُفرانهاو أفسد الأمر من جديد بغبائه وقراراته البالية التي أوقعته في نفس الخطأ للمرة الثانية ولكن يبدو أن عواقب تلك المرة لا يستهان بها. 🦋الرابع والأربعون🦋 تمر بك أيام تشعر فيها بان كل شيء يثقل على صدرك الذين يحبونك والذين يكرهونك والذين يعرفونك والذين لا يعرفونك تشعر بالحاجة إلى أن تكون وحيدا كغيمة أن تعيد النظر بأشياء كثيرة أن تعود إلى ذاتك مشتاقا لتنبشها وتواجهها بعد طول هجر أن تفجر كل القنابل الموقوتة التي تسكنك -غادة السمان ------------------- مرت عدة شهور عليها بروتينية تامة دون جديد وهاهي تدفع عربة المشتريات وتقوم بوضع مختاراتها داخلها، حين لمحت تلك السيدة العطوف جارتها، تتقدم منها و وحين لمحتها "كريمة" ابتسمت بسمة عابرة وقالت بنظرات حزينة: -ازيك يا بنتي -الحمد لله ازيك انتِ يا طنط -الحمد لله على كل شيء ...بعد اذنك ابتلعت "رهف" غصتها وتسائلت وهي تلاحق خطواتها: -انتِ زعلانة مني؟ نفت "كريمة" برأسها وهمهمت بنبرة متحسرة: -زعلانة من الزمن وعلى حظ ابني -طنط "كريمة" انا اسفة بس الحاجات دي نصيب وانتِ اكيد عارفة هزت "كريمة" رأسها وعاتبتها قائلة: -عارفة يا بنتي بس هو بيحبك وكان امنية حياته تبقى ليه...ابني عمره ما كان مبسوط غير لما قربتوا من بعض لا تعلم لمَ تزايد تثاقل قلبها و وجدت ذاتها تنطق دون اي ارادة من عقلها: -هو كويس؟ تنهدت "كريمة" بحزن وردت على سؤالها بسؤال أخر وضعها بمواجهة مع ذاتها: -بتسألي ليه!يهمك أمره؟ زاغت نظراتها ونكست رأسها دون أن تجيبها لتزفر "كريمة "وتخبرها: -على العموم هجاوبك...أخد قراره انه هيسافر ويسيب البلد...وبيحضر في الورق هيرجع تاني لشغله بره مصر اخذ الأمر منها بعض الثوانِ لتستوعب حديثها ونطقت بعدها بحروف تضاهي تثاقل قلبها: -هيسافر! أومأت لها وأكدت: -ايوة يا بنتي علشان يبعد زي ما وعدك -بس انا مطلبتش منه يسافر -من غير ما تطلبي ابني طالما وعدك يبقى عمره ما هيخلف وعده وهو شايف انه علشان يوفي بالوعد ده لازم يبعد شعرت بالضيق من ذاتها وكادت أن تستأنف حديثها ولكن "كريمة" استئذنت منها وسبقتها بخطواتها...لتضع هي يدها على موضع قلبها الذي ينتفض عاصيًا بين ضلوعها وهي لم تتفهم ما الذي يصيبها... ------------------ تغيرت حياتها بعد انتقالها لتلك الڤيلا التي ابتاعها من أجلها كي ينشأ بها ذكريات مميزة وبالفعل كان يجاهد كي يفعل ولكن يعيقه في التفرغ لها انشغاله بعمله وبأملاكها التي تولى إدارتها من جديد و رغم تقصيره معها إلا انه لم تشعر بالسوء منه فستقبل بأقل القليل وسوف ترضى فطالما كان يمنحها كافة اهتمامه و يغدقها بمشاعر عاشقة تذيب قلبها فلديه ما يكفي من الرصيد بقلبها ويكفي انها تشعر أن كل ما مضى لايذكر مقارنًا بسعادتها الآن كونه عاد لها. فكانت تتململ بفراشها حين تسللت رائحته التي تميزها من وسط ألف رائحة غيرها، ابتسمت وهمست والنعاس مازال يسيطر عليها: -صباح الخير يا حبيبي حانت منه بسمة حانية وأجاب وهو يجلس يتأملها كعادة ملازمة له منذ زمن: -اصحي خلي شمسي تطلع بنور عنيكِ رفرفت بأهدابها واتسعت بسمتها ثم اعتدلت بنومتها وهي تفرك عيناها وإن انتهت وجدت فستان أبيض معلق أمام سريرها، انتفضت من نومتها واخذت تتأمله بنظرات حالمة فكان مطرز تطريز بسيط من خامة الستان المتداخل مع الشيفون الكرستالي بتصميم رقيق يناسب جسدها -ايه ده يا "يامن"؟ اجابها وهو يقترب يلمس وجنتها بأنامله: -فُستان عايزك تلبسيه بليل علشان هنخرج نتعشى مع بعض معلش أنتِ عارفة أد ايه كنت مشغول الفترة اللي فاتت ومكنتش بعرف اخرجك هزت رأسها وقالت وهي تتعلق بعنقه: -حبيبي أنا عذراك وبعدين حتى لو مقصر انا راضية المهم أنك معايا تنهد وبينه وبين ذاته مازال مؤنب رغم رفضها: -انا معاكِ بروحي قبل جسمي ونفسي أعملك حاجات كتير بس انتِ بقى اللي دماغك ناشفة نفت من جديد برأسها واخبرته بإقتناع تام: -أنت كفاية عندي مش عايزة حاجة تانية ابتسموا معًا ولكن ظل السؤال يطن في رأسها ونطقت به: -هو ليه جبته ابيض مش أي لون تاني! اجابها بنظرات معاتبة ذات مغزى تخص رفضها لاقامة حفل زفاف: -عايز اشوفك بالأبيض ولا دي كمان هتعارضيني فيها نفت برأسها وقالت بطاعة: -لأ مش هعارضك يا حبيبي حاضر لتصوب نظراتها للفستان وتستأنف بإعجاب: -الفستان حلو اوي وذوقك يجنن بس يارب يجي مقاسي بعد الكرش قالتها ببسمة حالمة وهي تحتضن بروز بطنها الذي ظهر بشكل ملحوظ في الآونة الاخيرة ليجلس على طرف الفراش ويقربها أثناء وقفتها منه ويقبل بطنها ثم يحاوط خصرها و يسند جانب وجهه عليها قائلًا بتنهيدات تنم عن سعادة عارمة: -مش مصدق أن في حتتين مني جواكِ انا بحمد ربنا على نعمته و هديته التانية والتالتة ليا مررت يدها بخصلاته رأسه التي تستقر على بطنها وسألته مستغربة: -التانية والتالتة! اجابها وهو يرفع ناعستيه التي تفيض بمكنون قلبه المُولع بها: -ايوة هديتي الاولى كانت انتِ يا "نادين" انحنت تقبل وجنته وتحاوط عنقه قائلة: -أنت اللي كتير عليا اوي يا "يامن" ربنا يخليك أنت واشيائك ليا احتضنت بطنها تقصد ابنائها ثم مطت فمها وكأن الأمر لاح في عقلها لتوه -بس انا خايفة البت "غالية" لما تيجي تاخد الدلع مني ابتسم وشاكسها وهو يقرص وجنتها: -طب ما انا كمان خايف لما الواد بُرعي يجي ياخدك مني شهقت من ذلك الأسم الذي يتعمد ان يثير جنونها به: -مش هسميه بُرعي بطل رخامة…ايه بُرعي دي انت عايز تعقد الولد حرام عليك قهقه على جنونها وسايرها قائلًا: -خلاص بلاش برعي هنسميه حموكشة صرخت ونكزته بصدره لتتعالى ضحكاته ويتدارك قائلًا: -خلاص متزعليش انا مش فارق معايا الاسامي المهم أنه ميخدكيش مني ابتسمت ومطت فمها بدلال يعشقه: -مفيش حد يقدر ياخدني منك يارخم ليبتسم بسمة واسعة و يحاوط خصرها ويقربها لكي يغرق بين ثنايا عنقها، ويحمد ربه أنه لم يخيب رجاءه في عشقها. ------------------------- جلس شاردًا، ينظر لمحيط المكان بعيون فارغة لم يعد يُسكنها إلا الألم، مخطئ هو حين ظن أنه سيتمكن من نسيانها وكيف يفعل وهو لسنوات لم يستطيع أن يفعل دون أن يتعلق بها ما بالك الآن بعد ان ظن انه اخذ خطوات بطريقها، فقد خذلته بنفورها ودفعت به لنقطة واهية لا وصول لها. ورغم صموده والتزامه بوعده لها إلا أنه يجاهد ذاته في نزع حبها من قلبه؛ قلبه الذي أَن بين اضلعه بألم مصاحب لرائحة عبيرها، زفر انفاسه حانقًا ولعن تلك الهواجس التي تنتابه بقربها ثم أخرج من درج مكتبه جواز سفره واخذ يتأمله وكأنه وسيلته الوحيدة للفرار من هلاك عشقها. -ادخلك اخر كشف يا دكتور قالتها الممرضة التي تعمل معه بعيادته كي تنتشله بها من شروده فقد أعاد وضع ما بيده بالدرج كما كان واغلقه قائلًا: -هو لسه في حد تاني انا مش قولتلك متخديش حالات تانية وتعتذري وتبلغيهم إن العيادة هتتقفل -حصل يا دكتور بس الحالة صممت تقابلك وتكشف عليها زفر أنفاسه وقال بعملية: -طيب دخليها -حاضر يا دكتور ليتنهد وينزع نظارته ويغمض عيناه وأخذ يمسد موضعها على أنفه بأبهامه وسبابته لحين اتاه صوتها ليؤكد حدث قلبه -ازيك يا دكتور... فتح خضراويتاه دون أن ينظر لها وابتلع ريقه ثم حرك رأسه ببطء كي يتأكد من صاحبة ذلك الصوت الذي تسلل لقلبه قبل مسامعه، لتتجمد نظراته لثوانِ قبل أن يضع نظارته وكأنه يشكك برؤيته دون أن ينبث ببنت شفة، لتبادر هي من جديد: -مش هتقولي اتفضلي؟ تحمحم يجلي صوته وهو يلعن ذلك القلب اللعين الذي هوى فور رؤيتها وتناسى تجريحها و نفورها، لتتجمد ملامحه ويتدارك بثبات انفعالي ويهب من مقعده مرحبًا بعملية شديدة: -اهلًا يا بشمهندسة اتفضلي بتشتكي من ايه؟ تنهدت وسارت بخطوات وئيدة تجلس في المقعد المواجه لمكتبه وهي لا تعلم ماذا تقول أو من اين تبدأ لتبتلع ريقها وتقول ببسمة متوترة: -بتمنى تكون العيادة عجبتك لما استلمتها -سؤالك متأخر تلت شهور يا بشمهندسة...ليصمت لهنيهة ويستأنف: -على العموم انا بلغت بشمهندسة "سارة" تبلغك امتناني لمجهودك ردت ببسمة باهتة وهي تفرك بيدها: -اه قالتلي هز رأسه بثبات وتسأل بعملية وترتها: -طيب قوليلي بتشتكي من ايه يا بشمهندسة علشان اقدر افيدك زادت من فرك يدها متوترة وتلعثمت قائلة: -أنا آسفة -تساءل بثبات انفعالي دومًا يفحمها به: -على ايه؟ ارتعش فمها من شدة توترها وصدر حديثها متقطع وهي تخبره: -انا...كنت قليلة الذوق... وجرحتك... بس أنا... قاطعها ببسمة يبرع دومًا في اقتناصها في أشد اوقاته بؤسًا: -وايه الجديد ده طبعك يا بشمهندسة وانا اللي أسف أنتِ عندك حق مكنش في بينا شيء يذكر وحتى لو الموضوع اختلف بالنسبالي أنتِ ملكيش أي دخل بيه لأن انا الطرف الوحيد في الحكاية. تنهدت واخبرته بنفاذ صبر بعد أن فشلت فشل ذريع في أن تترجم ما بداخلها: -"نضال" متصعبش الموضوع عليا اكتر من كده...أنا معرفش انا جيتلك ليه كل اللي أعرفه إني مش عيزاك تسافر...لتصمت لبرهة وتستأنف موضحة: -قابلت مامتك وقالتلي اعتلى حاجبيه وباغتها بسؤاله: -ليه مش عيزاني اسافر؟ محتاج اجابة واضحة وصريحة لأسبابك اغمضت عيناها بقوة وقالت وهي تمرر يدها بخصلاتها البندقية بأنامل مرتعشة: -مفيش اسباب...غير أن عايزاك جنبي… ابتسم بسخرية مريرة وهز رأسه قائلًا وهو يسند جانب وجهه بقبضة يده: -استبن يعني، مش كده؟ اغتاظت بشدة من ثباته وسخريته فما كان منها غير أن تهب من جلستها وتنوي المغادرة قائلة: -لأ مش كده ويظهر غلطت لما جتلك عن اذنك نهض من مقعده وفي لمح البصر كان يلحق بها ويمنعها من المغادرة قائلًا بعدما جذبها من رسغها: -مش هسيبك تهربي قبل ما تكوني واضحة وصريحة مع نفسك قبل مني تعالت وتيرة انفاسها وشعرت أنها تائهة داخل غابات الزيتون خاصته فور حديثه الذي استأنفه متسائلًا وعينه متجمدة على رمادها: -اتكلمي يا "رهف" اجابته متلعثمة وهي تسحب ذراعها و تشيح بنظراتها وتتقهقر بخطواتها: -الفترة اللي بعدت فيها كنت حاسة أني مضايقة ومكنتش فاهمة ليه طالما ده اختياري لكن لما مامتك قالتلي أنك هتسافر حسيت بأحساس غريب مش عارفه افسره ولا فيه مصطلح يتماشى معاه بالنسبالي غير إنك حد مريح و برتاح معاه تنهد وبصيص الأمل يلوح بداخله ثم تسأل متلهف لجوابها: -عايزاني افضل جنبك بأي صفة! نظرت لكل شيء عداه واجابته: -سميها زي ما تحب بس علشان خاطري خليك ومتسافرش تنهد وقال بتفهم شديد استغربته: -انا مقدر خوفك يا "رهف" ومستعد مسافرش ومستعد استنى الباقي من عمري بس اديني أمل مررت يدها بخصلاتها وقالت بعد أن زفرت انفاسها دفعة واحدة وتقدمت تجلس من جديد: -أنامش خايفة انا مرعوبة يا "نضال" خايفة ادي لنفسي فرصة تانية زي ما بتقول أخسر ولادي وابوهم ياخدهم مني...لتهز برأسها وكان عقلها يرفض حتى التفكير بالأمر وتستأنف: -ولو خسرتهم هحملك أنت الذنب وعمري ما هعرف اسعدك تقدم لمقعدها ثم جثى مقابل لها يحفزها بنظراته قبل يديه التي تجرأت لأول مرة واحتضنت كف يدها وكأنه يريدها أن تستمد القوة منه: -قولتلك حبي ليكِ هيقويكِ انا مستحيل اخليه يعمل كده أنا عارف أن الحضانة هتسقط لو اتجوزتيني بس في قواضي كتير في المحاكم ويمكن مش كلها اللي بتقدر الأم تحتفظ بالحضانة بس أنا وانتِ مش هنيأس لو حكمت هروح لغاية عنده وهنفذله أي طلب يطلبه علشان ميحرمكيش منهم، وهخليه يتأكد بنفسه إني هبقى أمين عليهم وهقدرهم ولادي اللي ربنا ما اردش يرزقني بيهم، انا هعرف اقدر النعمة كويس يا "رهف"علشان جربت وجع إني اتحرمت منها قال آخر جملة بعيون غائمة تنم عن صدق حديثه الذي رغم انها استشعرته إلا أنها تخوفت قائلة: -طيب وافرض... قاطع سيل مخاوفها وطمئنها بتفاؤل و بإيمان قوي: -سيبيها على ربنا ومتقدريش البلا قبل وقوعه...وخليكِ متأكده و واثقة فيا أن مهما حصل مستحيل هتخلى عنك او عن ولادك هزت رأسها باقتناع ومنحته الأمل ببسمة هادئة لفحت قلبه وجمدت انفاسه من روعة ربيعها لتتسع بسمته شيء فشيء ويتنهد تنهيدات متتالية تدل على فرحة ذلك القلب الذي لطالما مال لها وأخذ دفعة للأمام بطريقها ورغم تلك التعثرات التي تنتظره يقسم أنه سيصمد وسيفعل المستحيل من اجلها ومن اجل ابنائها فلن يفوت تلك الفرصة الذهبية الأخيرة دون أن يحظى بقلبها قبل قربها. -------------- أصر أن ترتدي ذلك الثوب الذي جلبه لها يتناسب مع جسدها ومع ذلك البروز الطفيف ببطنها و وعدها أن يصطحبها بسهرة لن تنسى وكما توقعت توقف بسيارته أمام مطعمه وماإن ترجل من السيارة التفت لبابها وقام بفتحه لها بطريقة مسرحية مادد يده لها وكأنه أمير هارب من احد اساطير القديمة ويصحب اميرته لتتويجها، فكانت تبتسم باتساع وهي تضع يدها بين راحته وتنزل بتأني من السيارة لينحني هو ونظراته متعلقة بها يقبل يدها ومن ثم يعلقها بذراعه ويتقدم بها، وحين وقفت على بُعد خطوات من ساحة مطعمه الخارجية و استغربت تلك البالونات البيضاء التى تغطي أرضها بالكامل معادا ذلك الممر الطويل المزين بالورود ويحاوطه من كل جانب شموع مشتعلة وممتدة لمرمى بصرها، جعدت حاجبيها متسائلة: - ايه ده يا "يامن" انت عملت كده علشاني؟ غمز لها وحمسها قائلًا: -تعالي بس ده انا لسه هبهرك تجمدت نظراتها لحين جذبها واكمل سيره بها وإن تخطوا الممر معًا وجدت المكان يتوهج بدفء والإضاءات الخافتة لتشهق متفاجئة وهي ترى طاولة عريضة حافلة بالطعام وتضم أصدقائها والاقربون لها متأهبين في انتظارها: -ايه ده دول كلهم هنا! قالتها ببسمة فرحة واسعة ليهز رأسه ويجيبها بنظرات حانية: -جمعتهم كلهم علشان اعوض فرحتك اللي اتنازلتي عنها هنحتفل بس بطريقتنا وهنغني ونرقص للصبح وفور نطقه بأخر جملة انطلق في السماء العاب نارية ملونة استحوذت على نظراتها و خطفت انفاس الجميع واولهم انفاسها فكانت تنطلق بصخب مبهج وكأنها تزف سعادتها وتخلد تلك الذكرى بأعماقها فقد هللت ببسمة تكاد تشق وجهها وهي تعانق كلتا يديها بخاصته: -الله تجنن...تجنن...تجنن ربنا يخليك ليا يا "يامن" انا مبسوطة اوي ليداعب وجنتها وهو يقف مواجه لها ويهمس عاشقًا: -ربنا يقدرني وابسطك علطول يا قلب وروح "يامن" ابتسمت بوله تام ثم وضعت قبلة خاطفة على وجنته: -ويقدرني و اعوضك يا حبيبي عن كل اللي فات تنهد كل منهم تنهيدة حالمة لحين غمز لها كي ينضموا لهم فكانوا الجميع حاضرون وأولهم ثريا ونغم و شهد وطمطم وكاظم وسنا وميرال ومحمد وقمر وحامد وحتى خالها سعيد وزوجته هانم فقد حضروا جميعهم لمشاركتهم سعادتهم. وإن قاموا بمباركتها همس "محمد" بضجر وهو يميل على أُذن "ميرال": -نص ساعة ونمشي انا عريس جديد ومضمنش نفسي قدام الناس اكتر من كده... شهقت "ميرال" ونكزته برفق وعقبت على جرأته الغريبة منذ زواجها: -بقالنا شهور عرسان يا"حمود" وعلى فكرة الجواز غيرك اوي ارجع مؤدب لو سمحت… ابتسم ساخرًا ثم قال متحسرًا وهو يضرب كف بأخر: -مؤدب...وماله… حاضر هو انا كان قلبي حاسس أن الجوازة دي منظورة من اولها... ابتسمت هي ونهضت تحتضن "نادين" وتتشارك معها هي و"نغم" و"شهد" و"قمر" الهمسات النسائية التي تعبر عن سعادة كل منهم فقد كانت البسمة طوال الحديث لم تفارق وجوههم. وفي تلك الأثناء اتى هو برفقة أطفاله، وتقدم من "يامن" مباركًا: -مبروك يا صاحبي التفت "يامن" له وهدر بنفس جملته يقصد زيجته الجديدة: -ومبروك ليك أنت كمان يا صاحبي زفر "حسن" وقال ساخطًا وهو يتذكر نكبته التي أوقع ذاته بها: -مبروك ايه؟ والنبي متفكرني ده انا بضرب نفسي ميت جزمة بس خلاص مفيش مفر والهانم حامل لأ وكمان قرفاني ومطلعة البلا عليا قهقه "يامن"ونكزه بصدره قائلًا بتشفي نابع من عدم رضاه عن افعالها المخزية: -مش خسارة في طيبة قلبك والله ده ذنب "رهف" لكزه "حسن" بكتفه وعقب بغيظ: -رغم انك رخم على رأي مراتك بس إن جيت للحق أنا ظلمتها لما قولت عليها قليلة الاصل بصراحة وقفتها معايا بميت راجل وخلتني أحس أن أد ايه كنت غبي لما خسرتها تدخلت "ثريا" هنا وهي تقترب منهم: -من ناحية الغباء فأنت طمعت فيه لوحدك بس هنعمل ايه ربنا يصلح حالك آمن على دعائها لترحب بصغاره ببسمة حانية وهي تعانقهم وتقبلهم: -وحشتوني ياولاد كويس انكم جيتوا مع ابوكم عانقوها مبتسمين واخبرها "شريف ": -مامي هي اللي قالت لنا نيجي مع بابي علشان نشوفك يا تيتة ونطمن على عمو "يامن" انحني "يامن" وقبل كل منهم قائلًا: -حبايب عمو "يامن" انا اصلًا كنت هزعل لو مجتوش لتنظر "ثريا" ل "حسن" وتقول ببسمة حانية: -ايوة كده ريحوا قلبي وخلوا الشمل يتلم تنهد "حسن" واقترب يقبل جبهتها ثم تحسر بنبرة نادمة لطالما تخص حديثه عنها رغم هدمه بغبائه لكل سُبلها: -مش هنفترق تاني يا خالتي بس كان نفسي "رهف" تبقى معانا تنهدت "ثريا" واخبرته: -كلمتها ومرضتش تيجي علشان متشوفش وش مراتك الجديدة لتضيق عيناها وتضيف متسائلة: -قولي هي مجاتش ليه معاك؟ زاغت نظراته وتستر على رفض "سميرة" وتسلط لسانها التي اغدقته به حين ألح عليها أن ترافقه: -اصلها مش بتحب الدوشة والحمل في اوله و تاعبها ياخالتي لوت "ثريا" ثغرها بعدم رضا...لتنفلت ضحكة من "يامن" فشل في كبتها ليلكزه "حسن" من جديد بغيظ كي يكف عن التشفى به تزامنًا مع اقتراب "نادين" من "يامن" الذي بدوره حاوط خصرها لينظر "حسن" لها ويعتذر وهو يراها ترشقه بنظرة قاتلة: -عارف ان اعتذاري اتأخر بس آسف على اللي قولته انا اعصابي كانت بايظة من خوفي عليه وقتها تنهدت ولم تجيبه ليربت "يامن" على خصرها تربيتات خفيفة ويحثها بعينه أن تقبل اعتذاره فقد اخبرته سابقًا بتلك المُشدة التي قامت بينهم أثناء وعكته، لترفض هي وتهز رأسها لتتدخل "ثريا" راجية: -حقك عليا انا يا بنتي انا عارفة انه غبي ومتسرع وبيحدف دبش بس صدقيني اتكلم كده من خوفه على "يامن" رغم أن خالته شتمته لتوها إلا انه رد وكأنه يشعر بالفخر من طباعه المُنفرة: -والله ما حد فاهمني غيرك يا خالتي. تنهدت و تناوبت النظرات بينهم لثوانِ قبل أن تقول: -انا هسامحك علشان خاطر ماما "ثريا" ربتت "ثريا" على ظهرها وقالت داعية: -ربنا يخليكِ يا بنتي لتحتضنها "نادين" وتستانف بمحبة صادقة: -ويخليكِ لينا يا ماما "ثريا" وميحرمناش منك ابدًا -طب هو انا مش هيجي دوري ولا ايه في الاحضان اللي انتِ بتوزعيها دي؟ قالها مشاكسًا وهو يفتح ذراعيه لاستقبالها، لتفصل عناق "ثريا" وتهرول إليه كتلك الطفلة ذاتها التي لطالما اتخذته مأوى وحصن منيع لها،وإن فعلت دثرها بين مستمتع بملاذها وبعد ثوان أعطى إشارة بيده وفصل عناقه غامزًا أن تنظر لمرمى بصره وإن فعلت وجدت لافتة كبيرة بكبر مبنى مطعمه تدلى من فوقه لتظهر هي بفُستانها في تلك الصورة التي أصر أن يلتقطعها بهاتفه قبل خروجهم من المنزل وطبع عليها بخط كبير(أنتِ الروح لروحي بحبك يا نادين) اتسعت عيناها وصفقوا الجميع مهللين لتتناوب نظراتها ببسمة غير مُصدقة تكاد تشق وجهها وتتعلق بعنقه واضعة قبلة خاطفة بين ثنايا عنقه ثم همست بعشق وبعيون دامعة من شدة سعادتها: -أنا كمان بحبك يا نقطة ثابتة في حياة وقلب "نادين" ومن هنا بدأت السهرة التي كانت مبهجة، صاخبة، راقصة مفعمة بالمحبة ومترابطة لحد كبير فكل منهم كفر عن خطيئته ونال ما يستحقه من الألم ولكن دائمًا عوض الله جميل. 🦋خاتمة(١)🦋 --------- بعد مرور عشرة أشهر على ابطالنا منهم من استقرت حياته و تغيرت قناعاته ومنهم من مازال يسعى لذلك بعد أن تبدلت اولوياته مثل ذلك الساخط الذي كان لايعلم أين يكمن الرضا، فها هو يجلس يتناول الفطور معها بهدوء مؤقت بسبب نوم صغيره الذي لم يكمل شهرين من عمره. فقد دست "سميرة" لقمة في فمه مغمسة بالجبن وانتظرت حتى لاكها ثم تبعتها بمناولته كوب العصير الخالي من السكر قائلة بأهتمام حاني رغم صعوبة طباعها: -كُل كويس قبل ما تنزل لشغلك هز رأسه ببسمة هادئة وأخذ يتأمل هدؤها النسبي الذي يروقه كثيرًا بعيون لامعة فقد اصبح يعشق اهتمامها ويتقبل طباعها التي تشعره كونه طفل صغير ليس بحاجة للرعاية والاهتمام والدلال فقط بل للتقويم ايضًا. نعم يعترف بتسرعه في زيجته منها، ولكن هو كرجل ضعف أمام اهتمامها التي اغدقته به في اكثر توقيت كان بحاجة لأحد بجانبه كي يلبي احتياجاته و يقوم برعايته بعد وعكته الصحية وكيف يفوت فرصة كونها لم يسبق لها الزواج من قبل وقد نسب إليها ذلك اللقب المقيت(عانس) الذي فرضه المجتمع ليكون الزواج منها الإختيار الأمثل والفوز العظيم لكل مطلق أو ارمل او مُعيل كي يستحوذ عليها كما فعل هو. يعلم أن" رهف" لم تقصر معه حينها ولكنه يأس من غفرانها وحتى بعد محاولته العدة في استعطافها واستعطاف صغاره والتقرب منهم كي يؤثرون عليها ولكن هي ظلت مُصرة على رفضها؛ وبعد زيجته من" سميرة "اندثر الأمل وعدم بتسرعه وغبائه كافة سبل العودة لها. ورغم حُزنه أنه خسر امتلاكها من جديد إلا أنه بدأ يعتاد حياته الجديدة ويهفو لاستقرارها. -سرحان في ايه يا ابو "علي" قالتها هي كي تنتشله بها من دوامة أفكاره، ليتحمحم يجلي صوته ويتناول من يدها الدواء وكوب الماء قائلًا: -ابو "علي" ده ايه الرضا ده يا "سميرة" تنهدت هي واخبرته بنبرة هادئة: -طول ما انت كويس معايا ومش بتقول كلام مستفز يعصبني زي عوايدك هتلاقيني راضية عنك هز رأسه بتفهم، وتناول دوائه امام تتبع نظراتها وحين انتهى قالت هي: -انا عايزة اروح متابعة ب "علي" عند الدكتور وعايزاك تيجي معايا تحجج هو: -انا مش فاضي وعندي شغل روحي انتِ وابقي طمنيني شهقت بخفوت ثم هدرت بعدم رضا: -اطمنك ده أيه انت رجلك على رجلي هو ابني لوحدي أنت لازم تشاركني في كل كبيرة وصغيرة -بس ده واجبك انتِ ومتهيئلي تعرفي تقومي بيه لوحدك -لأ معرفش انا اعرف اطبخ، اروق، اغسل، لكن أي حاجة تانية أنت ملزم تشاركني فيها حاول إقناعها كي تعفيه من تلك المهام التي تفرضها عليه منذ زيجته منها: -"سميرة" انا مش فاضي للكلام ده وعمري ما روحت بعيل عند دكتور، ده حتى الطلبات بترفضي البنت اللي بتساعدك تجبهم وبتفرضي عليا أنا اعمل كده وانا عمري مانزلت اشتري حاجة للبيت زي ما بعمل معاكِ من ساعة ما اتجوزتك لوت فمها واسندت وجنتها بسبابتها متهكمة: -أمال مين اللي ينزل أنا...أنا طول عمري مُعززة مُكرمة في بيت أهلي وطول عمري كنت بشوف ابويا بيعمل كده ومكنش بيرضى يخلي أمي تنزل تجيب قشاية من الشارع وكل حاجة كانت بتيجي لغاية عندها لتعتدل في جلستها وتجعد حاجبيها الرفيعين متعجبة: -اومال كنت بتعمل إيه مع الاتنين اللي اتجوزتهم قبلي! اجابها بحنق وهو يحل رباط عنقه بعض الشيء: -ام الولاد كانت هي اللي بتتولى كل كبيرة وصغيرة في البيت أما بقى التانية كان ليها اهتمامات تانية قال أخر جملة متبوعة بذلك الصوت الساخر الذي يصدر من فمه، يهزأ به من نفسه ومن تفكيره ومبرراته التي كان يدعي برائتها وقتها. طالعت حالته ثم لوت فمها وتهكمت: -ليه حاسة أنك بتتحسر عليهم... نفى برأسه واستنكر قائلًا وهو يربت على يدها المسنودة: -ابدًا أنتِ فاهمة غلط...صدقيني يا "سميرة" أنتِ مختلفة كفاية أنك عرفتيني معنى الاستقرار من تاني تنهدت واخبرته ببسمة واثقة: -طب كويس أنك عارف انا مش زي حد و الحاجات اللي أنت مكنتش متعود عليها دي الصح ومش ذنبي أن الاتنين اللي قبلي كانوا خايبين رغم لذوعة تعبيرها إلا أنه اعتاد طريقتها وقرر مسايرتها تجنبًا لغضبها: -خلاص بلاش نتكلم في اللي فات واوعدك إني هعمل كل اللي يريحك يا "سميرة "بس… صمت لبرهة يفكر كيف يراوغها كي يتوصل لنقطة معينة بالحديث ويحاول اقناعها: -نفسي انتِ كمان ترضي عن اللي يريحني زفرت انفاسها وهي تعلم إلى ماذا يرمي ولكنها تسائلت: -وايه اللي يريحك إن شاء الله! -موضوع الولاد يا "سميرة" وهنا كأنه نزع فتيل لسانها واطلق سراح شياطينها فقد اعترضت قائلة: -تاني هتقولي الولاد قولتلك اعمل اللي تعمله عايز تجبهم يقعدوا معانا هاتهم بس ابقى اخدمهم أنت انا كفاية عليا مسؤولية ابنك وبصراحة مش حمل خدمة عيلين زفر انفاسه ومرر يده بخصلاته الفحمية قائلًا بمسايرة على أمل إقناعها: -هجيب حد يراعيهم معاكِ وكل اللي طالبه منك انهم يقعدوا معايا كام يوم قبل اجازتهم ما تخلص ونفسي بلاش تتعصبي وتزعقي زي كل مرة بررت هي بكل بوضوح دون تجميل عباراتها: -ما انا بزعق ليه ما هما اللي اشقية وبيبهدلو البيت ده غير طلباتهم مبتخلص وبعدين أنت بتجبهملي اخدمهم وتريح دماغ امهم منهم احتدت نظراته ورفع سبابته يحذرها: -ملكيش دعوة بأمهم وبعدين دي رغبتي وانا اللي حابب كده وانتِ مفروض تريحيني وتتحمليهم علشاني -اريحك اه... بس مش على حساب نفسي -بس دول ولادي وليهم حقوق عليا وانتِ لما اتجوزتيني كنتِ عارفة كده -اه كنت عارفة بس مكنتش اعرف انهم هيقرفوني كل شوية -يقرفوكِ للدرجادي دول مش بيجوا غير يوم في الاسبوع -يجوا يوم اهلًا وسهلًا علشان تشوفهم ويشوفوك وكده عداني العيب تأفف بعدم رضا وزمجر غاضبًا من تبريرها وكاد تثور ثائرته لكنها اخرسته بقولها: -بقولك إيه وفر الشويتين بتوعك دول واسمع مني أنت مش مقصر معاهم لتتخصر وتستانف متهكمة: -وبعدين لوكنت مش قادر على بُعدهم اوي كده مكنتش اتجوزتني وكنت حافظت على امهم اكفهرت ملامحه وجلس يكوب رأسه ولم يسعفه عقله بكلمات مناسبة كي يبرر، وكيف يفعل وهو بقرارة نفسه يعلم أنها محقة هو من خرب كل شيء. ساد الصمت لثوانِ كانت تنتظر ان يجيبها ولكن حين لم يفعل تأكدت أن حديثها اصابه في الصميم إلى ان كسر الصمت صراخ الصغير الذي أخذ يتعالى، لتتنهد وتقول هي تهرول إليه: -ارتحت اهوا "علي" صحى على صوتنا وملحقتش ارتاح...هروح اشوفه ذلك آخر ما قالته قبل أن تدخل غرفة النوم كي تسكت صغيرها تاركته ينظر لآثارها ويلعن حاجته للاستقرار والرعاية التي حُرم منها وقدر قيمتها حين كان وحيدًا، ويبدو ان لذلك السبب يتحمل يباس رأسها ولذوعة لسانها حتى أنه خالف كل التوقعات و تقبل قلة حيلته في ردعها. ----------------- أما عن تلك المتمردة التي تغيرت قناعاتها، فكانت نائمة في سلام وسَ\كينة على صدره بعد ليلة جميلة فقد رفرفت بأهدابها حين همس هو: -كل ده نوم يا مغلباني ابتسمت وهي تتثائب بكسل ثم حاوطت خصره قائلة: -مشبعتش نوم خليني شوية في حضنك انت بقيت بتوحشني وانت معايا يا "يامن" وبعدين مش كفاية غايب عني اسبوع -روحي وأنتِ كمان بتوحشيني والله بس غصب عني المشاكل مش بتخلص في الفروع التانية رفعت ذقنها تستند على صدره قائلة بثقة وبمحبة خالصة لمؤازرته: -حبيبي أيه رأيك اساعدك وانزل الشغل معاك ده لو معندكش مانع يعني ناقشها بكل حيادية: -انتِ عارفة إني مش ضد شغلك وقولتلك بدل المرة ألف انا هشجعك مهما كان قرارك…بس الولاد -الولاد مش هغيب عنهم غير كام ساعة بس ومامتك ودادة "منيرة" معاهم هز رأسه بتفهم وهدر وهو يمرر يده بخصلاتها: -بس الشغل مسؤولياته كبيرة وهتتعبي معايا أجابته بثقة: -حبيبي متقلقش أنا أدها ومش مهم تعبي المهم إني اريحك واشيل عنك أنت كتير تعبت علشاني تنهد تنهيدة حارة وعيناه تفيض بعشقها، لتضيف هي ببسمة هادئة: -وبعدين وقتها هيبقى عندك وقت اكتر علشان تقعد معايا ومع الولاد بدل ما الشغل علطول أخد كل وقتك و واخدك مني لامس خصلاتها الفحمية وهمس ببسمته الحانية: -حبيبتي انا مفيش حاجة تقدر تاخدني منك اعتلى حاجبيها متهكمة: -واللهِ...لأ في...واولهم "غالية" بتاعتك اللي مشاركاني فيك وبتغير عليك مني قهقه على غيرتها وقال وهو يرفع ذقنها ويلثم ثغرها بقبلة خاطفة: -بصراحة معذورة وليكِ حق تغيري منها اصلها احلى منك وبتعرف تثبتني شهقت بغيظ و نكزته بصدره متمتمة باعتراض: -انت رخم وبنتك رخمة زيك اوعى سبني اقوم منعها وهو يكبل خصرها ويحكم حصارها: -رايحة فين هو أنا هعتقك ده انا مصدقت الولاد اتأخروا في النوم -"يامن "بطل رخامة وسيبني اقوم نفي برأسه ثم دون أن يمهلها فرصة للاعتراض كان يقتنص قبلة من شفاهها وحين بدات تبادله تعالى طرق الباب واتاه صوت نحيبها و لعثمتها بحروفها الغير مفهومة من خلفه: -با...با... ابتعدت عنه ونظرت له نظرة بمعني ارأيت ليقلب عينه ويزفر أنفاسه الثائرة، و يزيح بجسده عنها ويهب يرتدي ملابسه لتسبقه هي وتتناول مأذرها وتغلقه وتهندم خصلاتها و تتجه لباب الغرفة تفتحه و تتناول صغيرتها من يد المربية التي قالت بحرج مطرقة الرأس: -حقك عليا يا ست هانم بس مش راضية تسكت -ولا يهمك يا "منيرة" سيبيها...قوليلي "حمزة" صحى -لأ يا ست لسه نايم هزت "نادين" رأسها واشارت لها تغادر لتغلق الباب وهي تهدهد صغيرتها التي لم ترضى أن تكف عن بكائها إلا حين رأته توقفت عنه تلقائيًا واخذت تفتح وتغلق قبضة يدها الصغيرة تعلن رغبتها في أن يحملها وبالفعل ذلك ما فعله فقد تناولها منها وأخذ يناغشها ويهدهدها بطريقته الحانية إلى أن استكانت برأسها على كتفه بسلاسة كادت تفحمها حتى انها علقت مستغربة: -شوف أزاي دي كانت مش راضية تبطل عياط من شوية ببساطة كده عرفت تسكتها اعتلى حاجبه بمكر وقال كي يغيظها: -دي قدرات يا مامي معندكيش منها وضعت يدها بخصرها وقالت وهي تهز رأسها وتأرجح خصلاتها الفحمية التي استطالت: -لأ دي مش قدرات ولا حاجة هي البت دي طالعة مسهوكة ومتعلقة بيك بزيادة عن زومي قهقه واجابها وهو يميل برأسه ويقبل وجنة صغيرته ويملس على خصلاتها بعدما تأكد انها استكانت وهدأت على كتفه: -"حمزة" هادي وطالع عاقل ليا أما دي حبيبة ابوها وبعدين انتِ غيرانة ولا إيه أنتِ الأصل يامغلباني اخرجت لسانها له كحركة ملازمة لها حين تغتاظ منه وقلدت طريقته قائلة: -"حمزة" عاقل ليك و"غالية "مجنونة ليا مش كده -روحي أنتِ احلى مجنونة شوفتها في حياتي نمت بسمة على ثغرها وردت: -بقيت اونطجي اوي على فكرة بعد ما بقيت بابي... قهقه هو لتتسع بسمتها وتخبره: -طيب طالما سكتت خليها معاك عقبال ما أخد شاور بسرعة وأحضر الفطار نفى برأسه وهو ينظر لها نظرة تعلم ما المغزى منها: -هودي "غالية" ل "منيرة" وهرجعلك علشان نكمل مفاوضات ابتسمت بدلال ونفت بسبابتها أمام نظراته قائلة: -لأ أجل المفاوضات -يوه بقى مش مسامح على فكرة وزعلان لتمنحه قبلة خاطفة على وجنته وتوعده بدلال وهي تغمز بعينيها قبل أن تهرول للمرحاض: -هبقى اصالحك بعدين لتتسع بسمته متحمسًا ويتنهد تنهيدة عميقة مُسهدة وهو يطالع أثرها بعشق لم ينتقص قط بل تفاقم حد الهوس بها. ------------------- دخل شركته التي استعاد مجدها بمزاج عكر للغاية، فقد دلف لمكتبه وجلس على مقعده ثم زفر انفاس حانقة متقطعة وهو يتناول هاتفه ويقوم بالأتصال بخالته، وإن اتاه ردها قال في ضيق: -ازيك يا خالتي اجابته "ثريا" من الطرف الأخر: -تمام الحمد لله عامل يا ابني -زفت زفت يا خالتي... -ليه يا ابني مالك.. تحدث بإندفاع منفعل يفض مخزون قلبه: -"سميرة" كل ما اجبلها سيرة العيال يركبها ميت عفريت …وانا كان نفسي يجوا يقعدوا معايا كام يوم في الاجازة بس هي الله يسامحها بقى مش راضية تريحني وبتتحجج ب "علي" أنه تاعبها أتاه تنهيدتها من الطرف الأخر ثم ردها: -ربنا يصلح الحال يا ابني... لتضيف بحياد كي لايتحفز نحو الأخرى ويخرب الأمر بغبائه المعهود: -معلش اصبر عليها أكيد ابنك تاعبها انت عارف العيال بتبقى متعبة في الشهور الاولى وإذا كان على ولادك انت بتقدر تشوفهم في الوقت اللي انت عايزه و"رهف" مش بتتأخر أقر بعرفان: -عارف يا خالتي وبصراحة هي مش مقصرة في الموضوع ده -"رهف" اصيلة وعمرها ما تقدر تحرمك منهم...المهم قولي بتاخد بالك من اكلك ومن مواعيد الدوا بتاعك -"سميرة "مرعياني يا خالتي و رغم ان فيها طباع زفت بس بصراحة من الناحية دي بتعمل اللي عليها معايا -ربنا يهديهالك يا ابني ويصلح حالكم يارب -آمين يا خالتي... ليتحمحم ويضيف: -معلش بقي ياخالتي قولي ل "رهف" الاسبوع ده تجيب الولاد عندك علشان اشوفهم بدل البيت عندي علشان مش عايز وجع دماغ زي كل مرة تنهدت "ثريا" وقالت قبل ان تغلق الخط: -حاضر يا ابني هبلغها...مع السلامة -مع السلامة ليغلق ويتنهد براحة أكبر كونه سينعم بقرب أطفاله دون صراخها. -------------- أما عن حياة تلك التي تصالحت اخيرًا مع ذاتها فكانت بزيارة ودية لبيت "كريمة" التي توطدت الاُولفة بينهم في الآونة الاخيرة، فكانت تساعدها في المطبخ حين استمعت لصياح "نضال" الحماسي الذي اعتادت عليه مع أطفالها: -انت بتخم قالها يعترض بها على لعب "شريف" الذي يشاركه في احد الالعاب الالكترونية، قهقه "شريف" وأخبره بحماس طفولي: -انا لازم ارد هزيمة المرة اللي فاتت ضيق خضراويتاه ورد معاتبًا: -بقى كده طب استنى عليا قالها وهو يضغط على أزرار أداة التحكم الموصول باللعبة ويصب كافة تركيزه على الشاشة أمامه يحاول أن يمرر هدف ولكن الصغير كان أفرص منه وتحكم في أحد لاعبيه وجعله أن يأخذ الكرة ويسددها في مرماه ليهلل ويقفز من جلسته هو وشقيقته التي كانت تشَاهد ادائهم: -واو كسبتك...كسبتك...كسبتك رمقهم "نضال" بغيظ ثم جذب "شريف" لحجره وأخذ يدغدغه بقوة مشاكسًا: -أنت مالك فرحان فيا كده انت بتعايرني بالهزيمة قهقه الصغير وتعالت ضحكاته مرددًا من بينها: -انا اشطر منك رد بخفة مستنكرًا وهو مازال يدغدغه: -اشطر مني فين أنت أي نعم بطل في الحقيقة بس في اللعبة بتخم لتدافع "شيري" وهي تهز رأسها: -"شريف" شاطر مش بيغش يا "نضال" ضيق عينه وقال بخفة وهو يجذبها هي ايضًا ويقوم بدغدغتها: -بقى كده بتدافعي عنه وانا اللي كنت فاكرك في صفي يا زئردة طب تعالي بقى تعالت ضحكات الصغار أثناء وقوفها على اعتاب الغرفة محملة اطباق الكيك التي أعدته بذاتها لتستمع لما دار بينهم و ترى ذلك المشهد الذي أسر قلبها فكانت متجمدة بأرضها ولا تعلم ما بها غير أن ذلك ال"نضال" قد سبر أغوارها وكيف لا يفعل وهو حنون، متفهم، واضح بشكل مريح ومطمئن لها وأكثر ما يؤثر بها حقًا أنه عطوف مع ابنائها...فبعد ذلك اللقاء بينهم في عيادته والحديث المطول بينهم التي منحته به الأمل منذ عدة شهور وهو لا يضغط عليها بتاتًا ويكتفي بأقل القليل منها كما وعدها، حتى انه يحترم تحفظها معه وألتزم بتلك الحدود التي وضعتها لتوطيد علاقتهم وذلك بشكل ما يريحها فمع استمرارها ومواظبتها على زيارة الطبيب النفسي، قد تغيرت حياتها وأصبحت أكثر وضوحًا مع ذاتها، واقتنعت انها تستحق فرصة ثانية لذلك تقدر تحامله من أجلها ومن أجل قرارها، الذي يبدو أنها على وشك أن تتخذه بالفعل كي تريح قلبه وتحظى بعوضها وعند تلك الفكرة أخذت تدعوا الله من صميمها أن لا يتعكر صفوها فهي تعلم أنها ستخاطر بقرب أبنائها ولكن لديها يقين أن الله سيلطف بها. -وقفة كده ليه يا بنتي! قالتها "كريمة" التي خرجت من المطبخ لتوها محملة صنية بها عدة اكواب وفي طريقها لها. تركزت نظراته عليها ولحظ وجودها ليتوقف عن ما يفعله حين تلعثمت هي: -ابدًا يا طنط انا كنت مستنياكِ هللوا الصغار حين انتبهوا لها وأخذو يقصون عليها خسارته في حين هو نهض يتناول من والدته اولًا ثم منها قائلًا: -عنك يا أم البطل... ابتسمت بسبب ذلك اللقب الحديث الذي أصبح يطلقه عليها، وكأنه يعزز فخرها بولدها الذي شارك بالفعل في أحد بطولات الأندية، ألتقطت بسمتها وتسائل بعيون ضيقة مترقبة: -اوعي تكوني بتضحكي علشان شمتانة فيا زيهم… قالها وهو يضع ما بيده على المنضدة الصغيرة لتهز رأسها مستنكرة: -محصلش كبتت بسماتها بصعوبة ليضيف هو: -لعلمك بقى مش مصدقك وضحكتك كشفتك هزت رأسها تلك المرة وهي تنفجر ضاحكة ليعقب بحاجب مرفوع متعجبًا: -يظهر أن في حاجات مشتركة بينك وبين ولادك غير حضرتك اللي مبتنزليش من زور دي تعالت ضحكاتها هي وصغارها حتى انها جلست وضمتهم لها وكأنها تؤكد له، ليمط فمه يدعي حزنه ويضيف: -على العموم الله يسامحكم وهنا تدخلت "كريمة" وقالت مشاكسة: -هيسامحهم وبصراحة معذورة تضحك عليك اصل اللي يشوفك وانت بتلعب وسطيهم يستغرب ازاي بتنزل لمستوى عقلهم هز رأسه مستنكرًا حديثها: -انا مش بنزلهم يا "كرملة" بالعكس انا بحاول أرتقي بتصرفاتي علشان اوصل لحدود برائتهم… استغربت "رهف" بشدة تقيمه للأمر الذي إن دل على شيء دل على محبته الخالصة لهم، لتعقب "شيري" وهي تتقدم منه و تشده من بنطاله: -"نضال" أكلني كيك انحنى يربت على وجنتها ثم جلس وأجلسها بجواره قائلًا: -برنسيس "شيري" تأمر قالها وهو يتناول قطعة من الكيك بشوكته ويدسه بحرص بفمها، لتعترض "رهف" بعدم رضا وهي تقلد طريقة بنتها: -"نضال" أكلني...طب ما انا اهوا واقدر أكلك ليه بتطلبي من "نضال" اجابتها الصغيرة موضحة براءة أسبابها: -علشان هو بيأكلني براحة لغاية ما أشبع يامامي ومش بيبرق لي ولا بيزعقلي ويقولي خلصي طبقك اغتاظت وضيقت عيناها وهدرت متوعدة: -بقى كده ماشي يا "شيري"! قهقه هو على هيئتها ورد بحماية: -متقدريش تزعليها دي في حمايتي شهقت وقالت وهي تمط فمها: -انا غلطانة إني مش عايزاها تتعبك حانت منه بسمة حانية وهو يمسح بأحد المحارم الورقية البقايا العالقة بفم الصغيرة ثم أجابها بنبرة صادقة لم تشكك بها: -تعب أيه بس...ده انا بعشق الوقت اللي بتقضوه معايا وببقى في قمة سعادتي لما بيثقوا فيا ويطلبوا أي حاجة مني... ليضع قبلة اعلى رأس "شريف" الذي جلس بجواره من الجهة الأخرى ويستأنف بحاجب مرفوع بتسلية كي يشاكسها: -وبعدين اطلعي أنتِ منها دول حبايبي وعلى قلبي زي العسل ابتسمت بسمة مغتاظة وهزت رأسها بلا فائدة، ليتناول كوبه ويرتشف منه ثم يقطم من قطعة من الكيك قائلًا بتلذذ: -تسلم ايدك يا "كرملة" الكيك تحفة انتِ اتطورتي اوي خرجت "كريمة" عن صمتها بعدما كانت تكتفي فقط في أن تشهد على حديثهم ومناقرتهم بنظرات متأملة في لم شملهم: -تسلم يا حبيبي...بس دي عمايل "رهف" اتسعت بسمته وعقب مشاكسًا وهو يتناول قطعة اخرى وينوي أن يضعها في فمه: -واضح ان عندك مواهب كتير مدفونة يا بشمهندسة...تسلم ايدك اتسعت بسمتها من إطرائه ومشاكسته الحثيثة التي يتعمد أن يكون حريص كي لا يخترق حدود تحفظها، بينما عقبت "كريمة": -اومال "رهف" ست بيت شاطرة واحلى حاجة بقى أنها بعد الجواز هتخليك تبطل العادة الهباب دي بتاعت الأكل الجاهز ردت هي بتلقائية دون ان تنتبه لوقع جملتها عليه: -إن شاء الله يا طنط جمدت خضراويتاه عليها لثوانِ وتنهد تنهيدة حالمة وهو يتخيل ذلك اليوم التي ستكون له ويجمعهم بيت واحد، لتلتقط هي نظراته وتتفهم المغزى منها ورغم أنه لم يتحدث أو يعبر عن رغبته إلا أن عيناه كانت كفيلة أن تعكس ما بداخله، دام تشابك نظراتهم لثوانِ عدة لحين باغتتهم "كريمة" بقولها: -ربنا يهنيكم ياولاد ويسعدكم وتريحوا قلبي بلم شملكم أطرقت برأسها وأخذت تبحث عن كلمات مناسبة كي تعلن عن موافقتها لأتمام الأمر ولكن لم يسعفها لسانها، وإن طال صمتها تنهد هو وهمهم بنبرة هادئة لا يتناسب مع ما يشعر به: -إن شاء الله يا "كرملة" كل شيء بأوان ليبتسم بسمته المعتادة ويستأذن منهم ويخرج للشرفة كي لا تخور عزيمته فقد وعدها ان لا يضغط عليها لحين تقرر هي ولكن يقسم أنه يتوق لقربها وقلبه يأَن متلهف لعطائها، تناول نفس عميق من الهواء وزفره على دفعات متقطعة حين شعر بها تقف خلفه، لم يلتفت لها وانتظر حديثها لتهمهم هي: -هو انت زعلت! هز رأسه واجابها: -أنا وعدتك يا "رهف" مش هضغط عليكِ ومستعد استناكِ سنين مش شهور… أقرت بتقديرها لتحامُله: -وانا مقدرة ده صدقني.. هز رأسه وألتفت لها ويستند بخصره على سور الشرفة ثم تناول نفس عميق وزفره على دفعات متقطعة و تسائل متوجسًاوهو ينظر لكل شيء عداها هي: -"رهف" لو موضوع الخِلفة ده هو اللي مخليكِ مترددة أنا... قاطعته هي بكل ثقة: -لأ..."نضال" احنا اتكلمنا في الموضوع ده قبل كده وأنت عارف رأي فيه كويس… زفر وقال بنبرة فضحت رغبته: -كل اللي أنا عارفه دلوقتِ إني صعبان عليا العمر اللي بيعدي وانا مش جنبك اجابته بإرتباك وهي تفرك بيدها: -بس أنت جنبي و بقيت اقرب حد ليا نظر في صميم عيناها وقال بتنهيدة مُثقلة: -مش ده القرب اللي اقصده. اربكتها جملته وتلجم لسانها وهي تشعر بقشعريرة طفيفة تدب بجسدها، فما كان منه غير يزفر أنفاسه ويخبرها وهو يتخطاها: -تعالي ندخل للولاد ابتلعت رمقها ولملمت شتاتها ثم همست بأسمه : -"نضال" اغمض عينه لبرهة يتلذذ بحرف أسمه التي خرجت من ثغرها ثم التزم ثباته والتفت بجسده يجيبها: -نعم اقتربت خطوة واحدة ثم قالت بعدما استجمعت شجاعتها كاملة: -أنا جوة معرفتش ابدأ ازاي او ملقتش كلام اعرف اعبر بيه عقد حاجبيه وبمجرد النظر لوجهها تفهم ما يدور بخلدها لتتأهب كافة حواسه ويهمس متسألًا: -عايزة تقولي ايه اتكلمي أنا مش بَعُض يا بشمهندسة لاحت بسمة ناعمة على ثغرها من جملته المعتادة الذي يشجعها على الحديث بها ثم أخذت تلملم خصلاتها البندقية قائلة بإقتناع وبثقة اكتسبها هو بكل جدارة: -انا...موافقة نحدد معاد كتب الكتاب وأنا متأكدة أن قراري ده عمري ما هندم عليه… رمش عدة مرات لم يستوعب حديثها ثم تسائل مترقبًا: -احلفي كده أن اللي سمعته صح! هزت رأسها تؤكد له ثم كررت ببسمة أسرت قلبه بصفوها: -موافقة اتجوزك وممكن تحدد المعاد اللي يناسبك اتسعت بسمته شيء فشيء وهو يشعر أنه على حافة الجنون بقرارها ليهمس بعدها بنبرة تتراقص نبراتها من شدة سعادته: -أنا مش بحلم يا "رهف"صح اتسعت بسمتها التي تلفح قلبه وتجمد أنفاسه من روعة ربيعها وتحدثت وهي تتيه بغابات عينيه المزدهرة بعشقها: -مش بتحلم يا "نضال" انا فعلًا عايزة اكمل الباقي من عمري معاك مرر يده بخصلاته وكأن يتأكد أن عقله مازال بموضعه ثم هدر بسعادة عارمة وبسمته تكاد تشق وجهه: -يبقى بلاش نضيع وقت اكتر من كده كفاية اللي ضاع من عمرنا هزت رأسها تؤيده: -اللي تشوفه بس قبل أي حاجة في زيارة لازم نعملها ضيق عيناه وتسائل متوجسًا: -زيارة ايه؟ تنهدت تنهيدة مُثقلة بذلك الخوف الذي مازال يحتل قلبها رغم قرارها ثم اجابته: -هقولك... ------------------ بابي هو انت عرفت مامي ازاي قالتها تلك الصغيرة بفضول شديد يقطر من فيروزتاها التي تشابه خاصة والدتها، ليتحمحم هو يجلي صوته الأجش ويجيبها: -حبيتها... واتجوزتها يا ام نص لسان -ومامي كانت بتحبك؟ هز رأسه يؤكد لها، لتستأنف الصغيرة وهي تتنهد وكأنها قررت الأمر: -بابي انا كمان لما اكبر هتجوز "لؤي" صاحبي هب من جلسته وقال بدماء حامية وهو يمسك الصغيرة من ذراعها: - "لؤي"مين يابت!! اجابته الصغيرة بعفوية مطلقة: -زميلي في المدرسة يا بابي شهق وقال بحنق: -زميلك...انا كان قلبي حاسس انك مش هتجبيها لبر -يا بابي وفيها ايه ده هو بيحبني ضيق بندقيتاه وانقض عليها متسائلًا: -هو قالك انطقي -لأ بس بيبصلي زي ما أنت بتبص لمامي، وكل يوم بيجبلي شوكولاتة ليصيح بحمئة ويتوعد بجدية: -نهارك مش فايت انتِ وهو انا هروح المدرسة واهدها على دماغه هو واللي خلفوه ليتمتم مع ذاته بمخاوفه ضاربًا كف على آخر: -من دلوقتي وبتقولك بيبصلي زي ما بتبص لمامي أومال لما يكبروا هيعملوا إيه؟ ده شكل خلفة البنات دي هتختم على جناني قهقهت الصغيرة وقالت وهي تكتم فمها وتؤشر عليه بالآخرى ساخرة: -أنت بتكلم نفسك يا بابي زمجر بقوة وعقب على سخريتها بنبرة قاطعة: -بت أنتِ اسمعي انا معنديش الكلام ده وإِياك يا أم نص لسان تنطقي بس اسمه قدامي نفت الصغيرة وقالت وهي تمط فمها وتربع ذراعها دليل على عدم رضاها: -اشمعنى انت ومامي مليش دعوة رد بغيظ و بندقيتاه تطلق شرار مشتعل يعكس ثورة دمائه الحامية : -إحنا كبار وانتِ لسة مفعوصة... وإن شاء الله لما يجي آوانه جوزك انا اللي هختاره بنفسي ولازم توافقي عليه ورجلك فوق رقبتك وهنا احتجت الصغيرة وهي تقف فوق الاريكة وتضع يدها بخصرها: -ايه رجلي فوق رقبتي دي! هلعب جمباز يا بابي؟ - ده مجازاً يأم نص لسان ولعلمك بقى انا اللي هقوله هو اللي هيمشي...فاهمة ولا لأ -فاهمة...فاهمة بس برضو لما أكبر مش هتجوز غير "لؤي" مليش دعوة -دعوة مين انتِ هتجننيني قولت مفيش "لؤي" عارضت الصغيرة بهتاف حماسي وهي تفر من أمامه هاربة: -في "لؤي" هرول هاتفًا مثلها وهو يحاول اللحاق بها: -مفيش "لؤي" ظلت الصغيرة مُصرة على هتافها أثناء ركضها: -لأ يا بابي في "لؤي" كاد يلحق بها كي يقتص منها على إصرارها ولكن تعثرت قدماه في أحد أرجل الطاولة وسقط بأرضه يتأوه صارخًا بنفس جملته الاعتراضية: -مفيش لــــــــــــــــــــــــــــــــــؤي قالها بصوت مسموع وهو يهب من نومته ليفزعها ويجعلها تستيقظ وتسأله بهلع: -"حمود" في إيه مالك؟ زفر هو براحة وأجابها بأنفاس متلاحقة وهو يضع يده على صدره الناهج: -الحمد لله انه حلم -خير يا "حمود"! قالتها وهي تعتدل بجسدها وتناوله كوب الماء الموضوع على الكومود، ليتناول من يدها ويرتشف القليل ثم يضعه ويقول وهو يتحسس انتفاخ بطنها: -خير متخافيش انا بس قلقان علشان معاد ولادتك قرب -وضعت يدها على وجنته وهمست بحماس: -هانت يا حبيبي بكرة تيجي ست الحُسن والجمال وتملا علينا الدنيا - والله أنا ما خايف غير من ست الحُسن بتاعتك دي لما تشرف شكلي هشوف العجب -لأ هي هتطلع بنوتة هادية وكيوت أنا قلبي حاسس نفى برأسه وهو يتذكر حلمه وهدر ساخرًا: -كيوت قال... ليعتلي حاجبه ويحذرها بسبابته: -بقولك ايه اعملي حسابك أي حد اسمه "لؤي" هيقرب من بنتك ولا يبصلها هقتله تعجبت هي: -مش لما تبقى تيجي الأول وبعدين إشمعنا اسم "لؤي" رد بنفاذ صبر ومازال متأثر بحلمه: -يووه أنتِ هتقوليلي إشمعنا زيها وهتجنوني -زيها مين! انا مش فاهمة حاجة! -يووه متخديش في بالك تنهدت هي وهدرت وهي تزحزح جسدها للأسفل في الفراش وتدثر نفسها: -طيب كمل نوم يا "حمود" اعترض وهو يزيح عنها الغطاء: -نوم إيه!...تعالي هنا هي مش في تعليمات دكتورة لازم تتنفذ ولا إيه... مطت فمها وراوغته: -"حمود" وبعدين خليك مؤدب قلد طريقتها وقال بنبرة ساخرة: -خليك مؤدب… انا مش عارف غير إني اكون مؤدب ده كفاية ابوكِ اللي متأمر عليا ومطلع عيني في الشغل و من يوم ما عرف أنك حامل وهو مقعدنا في القصر جنبه برقت بعيناها حين شعرت بمغصة اسفل بطنها ولكنها تجاهلتها وظنتها عابرة كغيرها وعقبت على حديثه: -"حمود" بابي بيثق فيك وبيحبك وعلشان كده اعتمد عليك في الشغل زفر انفاسه واجابها وهو يميل عليها ويداعب طرف أنفه بأنفها: -عارف وربنا يعلم بعزه أد إيه…ليضيف بمشاكسة: - بس ده ميمنعش برضو اني ضحك عليا وكان بياخدني على أد عقلي لما وافق نعيش لوحدنا كوبت وجهه القريب منها وتحدثت وهي تستعطفه بنظراتها: - بابي متعلق بيا وملوش غيري وانا مش مرتاحة علشان بعيدة عنه يعني افرض تعب او احتاجني لازم ابقى قريبة منه ده بابي يا"حمود" وليه حق عليا تنهد وأجابها بعقلانيته المعهودة وبندقيتاه تفيض بدفئها: -لأ يا حلو أنا مقدرش اكون سبب في تقصيرك مع ابوكِ ومقدرش امنعك تبقي جنبه -يعني موافق نفضل معاه علطول تنهد و رد ببسمة راضية نابعة من طيب اخلاقه: -موافق بس عندي شرط ياحلو تأهبت بنظراتها لتستمع لشروطه ولكنه باغتها وهو يقترب أكثر من وجهها قائلًا بمشاكسة أمام ثغرها: -هخدك استفرد بيكِ من وقت للتاني في شقتنا وبصراحة انا عايز بس ربنا يقومك بالسلامة وسنة بالكتير و اخاوي البنت واجبلها ولد يشكمها اتسعت بسمتها وهي تتعلق بعنقه: -هيبقى انت وهو عليها عصابة بقى! -اه عصابة مش انا حرامي وسرقت قلبك قبل كده هزت رأسها وأكدت بعدما اندثرت بسمتها و أخذت تقاوم مغصتها بملامح متقلصة: -ايوة حرامي وهفضل حبساك في القفص الدهبي العمر كله مال يتنفس رائحتها المسكرة التي يعشقها من بين ثنايا عنقها وتسأل بأنفاس متثاقلة: -ده انتِ بتحبيني بقى! اجابته بصوت جهوري اجفله : -آه....آآآآآآآآآه ليكتم فمها ويقول باستياء من صياحها: -في إيه خلاص عرفت مش لازم تعلي صوتك وتسمعي البيت كله دلوقتِ ولا انتِ عايزة ابوكِ يجي يقولي بتعمل ايه في بنتي ويفهمني غلط برقت عيناها بشدة وهزت رأسها بملامح متألمة وما كان منها غير قطم يده التي يضعها على فمها كي تنفث عن ألمها، ليتأوه هو صائحًا وهو ينزع يده بصعوبة من بين اسنانها: -يا بنت العضاضة ابوكِ مكنش بيأكلك لحمة اكيد وهنا صرخت متألمة بعدما تزايدت وتيرة الألم بمغصات متقاربة بوطأة أشد عن التي قبلها: -انا بولد...بولد...آآآآآآآآآآآه ألحقني وقف مشدوه أمامها واستغرق الأمر منه بضع ثوانِ ولم يستوعب الأمر إلا حين تعالى الطرق على باب غرفتهم واتاه صوت ابيها الذي حضر فور صراخها، لينتفض كالملسوع من وقفته يفتح باب الغرفة ليندفع "فاضل" نحو ابنته متسائلًا بقلق عارم: -مالك يا بنتي لم تجيبه "ميرال" بل كانت تتمسك بأسفل بطنها وتبكي من شدة الألم لينوب هو عنها بنبرة متعجلة وهو يرتدي اول شيء طالته يده: -بتولد يا عمي حضر العربية بسرعة الله يخليك طمأنه "فاضل" ابنته وهرول كي يفعل كما طلب منه بينما هو فقد البسها اسدالها وهو يطمئنها ويهدأ من روعها ثم حملها وركض بها إلى سيارة ابيها الذي أسرع واشعل محركها وانطلق بهم إلى أقرب مشفى تحت صرخاتها ونواحها. —----------------- -ب...با...با.... كلمة متقطعة بحروف متكسرة بالكاد تفهم صدرت من طفله أثناء هدهدته له في حضورها، فقد تجمدت ملامحه لثوانِ ولم يستوعب الأمر وإن أعادها الصغير اتسعت بسمته شيء فشيء وهدر متفاجئاً وهو يوجه حديثه لها: -واه كني سمعته هينطج يا"جمر" ابتسمت هي حتى ضاقت عيونها الكاحلة واجابته وهي تدع الملابس التي كانت تطويها جانبًا وتقترب من جلسته فوق الفراش: -صوح يا "حامد" ده نطج أني بردك سمعته ليقول بسعادة هائلة وهو يدثر الصغير بين أحضانه ويربت على ظهره بعيون لامعة: -يافرج الله والله أني ما مصدج نطجت ياحبيبي ابوك لتضع هي يدها على وجنته وتتسأل بحنان: -واه چرالك إيه! أنت هتبكي يا"حامد" هز رأسه ودمعاته تفر واحدة تلو أخرى تزف سعادته: -كنت بدعي ربنا عشان يكرمني بحتة منيكِ ياحبة الجلب وربنا كريم وحجج دعوتي ليتنهد براحة وهو يقبل رأس الصغير ويستأنف حامدًا: -وكُمان خلاني أسمع الكلمة اللي في عمري كلاته متمنتش اسمع اچمل منها ربتت على كتفه داعية بنبرة صادقة للغاية نابعة من صميمها: -ربنا يديمك لينا يا"حامد" ويفرحك بولدك ويجعله بار بيك وبيا أمن هو على دعائها، ثم استفاض معها وهو يسند رأس الصغير على كتفه: -آمين يا حبة جلب "حامد" خابرة النهارده يوم زين من أوله شكلي اصطبحت بوشك الصبوح ابتسمت بخجل ثم تسائلت: -ليه أيه اللي حوصل في چديد عن عمي "عبد الرحيم" أجابها مستبشرًا: -اليوم عَشية كلمت المحامي وجالي إن الطلب والتجارير اللي جدمتها في التعاون الدولي في مكتب النائب العام بتتفحص وبيتأكدوا من صحتها والمحامي طمني وجالي انهم هيشكلوا لجنة طبية وهيعملوا تجرير نهائي يثبت أن مرض ابوي واعر وإن شاء الله في أمل يخرچ إفراچ صحي والخبر ده فرحني جوي يا "جمر" وحتى امي لما جولتلها فرحت جوي وجالت ده هيبجى يوم المنى ردت هي داعية بدعوات صادقة نابعة من طيب أصلها: -ربنا يرده لينا بخير يا "حامد" والله بدعيله ونفسي وَلدي يكبر جصاد عينه كيف ما بتتمنى لتغيم عينه ويقول بحزن على ما توصل له حال ابيه: -ابوي الحبس غيره يا"جمر" والمرض اللي چاله چوة هد جواه ده لو تنضريه جلبك هيتجتطع عليه تنهدت بحزن ثم قالت داعية: -ربنا يشفيه ويعافيه و يفك حبسه ويفرچ كُربته أمن على دعواتها وهو يضع الصغير الذي غلبه النوم بجانبه على الفراش ثم استأنف وهو يقترب منها ويمددها بجانبه: -يارب يا"جمر" اني خابر انك متتمنلهوش حاچة عِفشة وخابر كُمان أنك اصيلة وبنت اصول وهتتجي الله في امي في غيابي هي أي نعم من ساعة مجولتلها ههملها لحالها واتدلى اعيش في اسيوط وهي هتعاملك زين وطايرة طير ب "عبد الرحيم" الصغير لكن أني خابر أمي وعارف طبعها وأكيد مش بتسلمي من نجرزتها في غيابي ورغم ده كلاته مفتححيش خشمك ولا تشتكي قال آخر جملة بعرفان وبعيون يلتمع بهم الامتنان وهو يكوب وجنتها الممتلئة بحنان، فما كان منها غير مرغ جانب وجهها بكف يده وقولها برضا تام وبمودة خالصة: -أمك كيف أمي تمام وزي ما أنت جولت ده طبعها وغصب عني لازمنًا اشيلها فوج راسي وكله يهون لجل خاطرك يا جلب "جمر" وبعدين اشتكي ليه بكفايا الهموم اللي فوج ضهرك وجسماه؛ أني واچبي أهون عليكِ مش ازود همك تنهد وشملها بنظرة متيمة ثم همس مُسهدًا: -خابرة يا"جمر" كل هموم الدنيا تهون جُدام نظرة حب من عنيكِ المتكحلة بعشجي همست وهي تتيه في عمق عيناه التي تهيم بها: -أنت شج روحي يا"حامد" ورزجي من الدنيا و معوزاش غير نعيم جُربك أنت و وَلدي ذلك أخر ما قالته قبل أن يميل بوجهه و يضع قُبلة مُطولة على قمة شعرها ثم يضمها له بيد لتستلقي تمامًا على صدره أما باليد الآخرى كان يضم صغيره لحضنه من الجهة الآخرى ويشدد عليهم وكأنه يود أن يخفيهم بين اضلعه؛ فهم أثمن اشيائه واقربهم لقلبه هما وابويه، الذي لطالما سعى لبرهم، ومازال لديه يقين بداخله أن الله سييسر أمر أبيه ويجمع شملهم. الخاتمة (٢) استبد القلق بالجميع وخاصًة هو فكان يخطوا كالثور الثائر ذهابًا وايابًا من شدة القلق أثناء تواجدها بغرفة العمليات فكاد يجن ويفقد اعصابه ليطمئن عليها لولآ أن "شهد " حاولت تهدئة روعه قائلة: -متقلقش يا اخويا بإذن الله هتقوم بالسلامة -يارب يا "شهد"...يارب قالها من صميم قلبه الذي ينهشه القلق وهو يدعوا الله بسره أن يطمئنه عليها، بينما "فاضل"كان يجلس مهدل الكتفين ويبتهل لله بملامح تعكس خوفه وقلقه الشديد على ابنته، وبعد بعض الوقت خرجت الطبيبة ليندفعون إليها بلهفة ويتسائل هو بملامح شاحبة: -طمنيني بالله عليكِ يا دكتورة نزعت الطبيبه غطاء فمها الطبي واجابته ببسمة مُبشرة: -حمد الله على سلامتها المدام جابتلك بنوتة زي القمر هز رأسه وتسائل بتلهف شديد والقلق مازال ينهش قلبه: -مراتي كويسة؟ ابتسمت الطبيبه وطمأنته: -كويسة متقلقش دقايق وهتخرج زفر براحة عارمة وتهللت أساريره وردد حامدًا وهو يقبل باطن وظهر يده بالتناوب: -الحمد والشكر ليك يارب...الحمد لله...الحمد لله… ليتسائل "فاضل" بلهفة لاتقل شيء عن لهفته: - وحفيدتي طمنيني عليها -البنوتة بخير هي بس هتروح الرعاية يعملولها اللازم وشوية وتقدروا تطمنوا عليها هزوا رأسهم بامتنان للطبيبة وشكروها وإن تركتهم ربت "فاضل" على كتفه وباركه ببسمة واسعة: -مبروك يا ابني اللي جابلك يخليلك رد "محمد" ببسمة واسعة: -الله يبارك فيك يا عمي ربنا يديك الصحة و يخليك لينا ثم من بعده باركته "شهد "بسعادة عارمة: -مبروك يا خويا تتربى في عزك يارب -الله يبارك فيكِ يا "شهد" عقبالك أنتِ كمان لما تجيبي "حمود" الصغير -هانت ادعيلي يا "حمود" ده انا من ساعة ما عرفت انه ولد و الفرحة مش سيعاني تسائل هو مندهش: -غريبة طول عمرك بتقولي تربية الصبيان صعبة أيه اللي جد اجابته بتنهيدة مطولة: -اللي جد أن "كاظم "كان نفسه في ولد يكون سند وظهر ليه وللبنات وبصراحة كنت بدعيها من قلبي علشانه والحمد لله ربنا كريم أومأ لها وشاكسها كعادته: -الحمد لله تقريبًا كده صدقت أنك بركة زي ما بتقولي نكزته ببسمة واسعة و يقهقه هو تزامنًا مع مجيء "كاظم" الذي اعتذر قائلًا: -آسف اتأخرت بس كان لازم واحد فينا يحضر الأجتماع هزو رأسهم بتفهم، ليتسائل هو: -طمنوني "ميرال" عاملة ايه؟ -طمأنته "شهد" قائلة: -الحمد لله قامت بالسلامة والدكتورة طمنتنا على البنت -حمدلله على سلامتها يا عمي اجابه "فاضل" بسعادة لا يضاهيها شيء: -الحمد لله يا "كاظم " ليبتسم "كاظم" ويوجه حديثه ل "محمد": -مبروك يا ابو" چوري" تتربى في عزك -الله يخليك يا جوز أختي عقبال "شهد" كده لما تجبلك ولي العهد وتقوم بالسلامة شهقت هي متفاجئة حين تلمس بروز بطنها بحنية مبالغ بها أمام الجميع، وقال بتلهف وبعيون لامعة: -يارب يا "محمد" ده انا بعد الايام والله ابتسم "محمد" لسعادة زوج شقيقته وألتهى بعد ذلك بالحديث مع" فاضل" لحين خروجها، لتتنهد "شهد" وتتمسك بظهرها، ليجذب "كاظم " يدها ويعلقها بذراعه ويخبرها أن ترتمي بثقلها عليه بعدما استشعر تعبها البادي عليها ويسير بها لأحد المقاعد القريبة كي يريحها، لتزفر هي براحة ما أن أجلسها وتهمس داعية: -ربنا يديمك ليا ولولادك يا "كاظم" ويفرحك بيهم -فرحتي اللي بجد أن ربنا رزقني بيكِ وكرمني بأم زيك ليهم يا "شهد" ربتت على يده وأخبرته ببسمة هادئة: -وانا كمان ربنا عوضني بيك ده كفاية انك ابن أصول وشايل بنتي في حباب عنيك ومش عامل فرق بينها وبين بنتك -"طمطم "زي "سنا" بالظبط بالنسبالي وانتِ وهي غيرتوا حياتي أنا وبنتي وخليتوني أعرف يعني إيه عزوه وبيت ودفى وفتحتوا عيني على حاجات كتير كانت غايبة عني ومش عارف قيمتها -وانا كمان معاك بحس إني مسنودة ومطمنة أي نعم اخويا طول عمره سند وضهر ليا بس أنت حاجة تانية يعني لو اتعريت مش هجري عليه هجري اتحامي واتداري فيك أنت ابتسم تلك البسمة الرزينة الهادئة التي تذيبها ثم وضع ذراعه فوق كتفها وهمس بصدق شديد وبشعور صادق اكتسبه بالفعل من عِشرته الطيبة لها: -بحبك يا "شهد" ومقدرش اعيش من غيرك لتبتسم هي وتربت فوق كف يده المسنود على كتفها بحنان شديد وكأنها ارادت أن تؤيد ذلك الشعور المتبادل الذي تسلل بالفعل مع مرور الأيام لقلبها. -------------------- تأملها بعيون لامعة وهي تستكين بين احضان والدتها فحقًا لا يصدق أن تلك الصغيرة التي تشابه الملائكة هي ثمرة عشقه لها. نظرت له "ميرال" نظرة حالمة رغم وهنها لتتسع بسمته شيء فشيء و يتنهد براحة عارمة ثم يقول والفرحة تتراقص ببندقيتاه وهو يجلس بجوارها ويزيح خصلاتها خلف اُذنها: -الحمد لله على سلامتك يا حلو كنت هتتجنن عليكِ -مبروك يا "حمود" رد بنبرة عاشقة تفيض بسعادته: -أنا مبسوط أوي يا "ميرال" -أنا مبسوطة اكتر منك كفاية ان ربنا عطاني حتة منك… بص حتى شبهك ازاي قالت أخر جملة وهي تضم صغيرتها وتتلمس وجهها بأناملها ليشملهم هو بنظراته الحانية، ويخص صغيرته التي تشبه الملائكة بنومتها بنظرة مميزة لم تسكن عينيه مسبقًا لترفعها هي وتضعها بين يده بحرص، لتتجمد نظراته عليها لثوانِ وكان عقله توقف ولا يستوعب أنها تخصه ليهمس بعيون يلتمع بهم الدمع: -بسم الله ما شاء الله دي جميلة أوي يا "ميرال" وشبهك بالملي ابتسمت هي وهمهمت: -لأ دي شبهك أنت -شبهي مين عايزة البنت تتعقد -هو انت وِحش ده انت احلى راجل شافته عينيا يا"حمود" تنهد تنهيدة مُسهدة واجابها وهو ينظر لها: -دي عيونك الحلوة يا حلو هامت به ببسمة واسعة وظلت نظراتهم الفرحة عالقة لحين قاطعهم "فاضل" بنفاذ صبر: -انتوا بتتعزموا على بعض هي ولا شبهه ولا شبهك حفيدتي شبهي انا وهاتها بقى انا ساكت لكم من بدري قالها بلهفة وسعادة متناهية وهو يأخذ الصغيرة من يد أبيها ويقبلها من جبهتها قائلًا بدموع أخذت تتهدل من شدة سعادته بها: -بسم الله ماشاء الله ربنا يحفظها ويبارك في عمرها لينهض "محمد" من جلسته يطلب بأدب: -طب ممكن ترجعلي بنتي يا عمي أَأذن في ودنها اجابه "فاضل" بكل إصرار وثقة: -انا اقدر اعمل كده خليك أنت جنب مراتك واطمن عليها قهقه الجميع على تشبث "فاضل"بالصغيرة واستحواذه عليها، بينما ضرب هو كف على آخر و جلس بقلة حيلة بجانب "ميرال" وشاكسها قائلًا: -شكلي كده انا وابوكِ مش هنتفق الفترة الجاية لتعلق هي ببسمة هادئة: -انا اول مرة اشوف بابي فرحان اوي كده لتعقب "شهد" على حديثها بذلك المثل المأثور: -اومال لازم يفرح ده والنعمة صدق اللي قال أعز الوِلد ولد الولد هزت "ميرال" رأسها وظلت تتطلع لهم ببسمة هادئة وهي تشعر بسعادة متناهية و تدعو الله أن يمدها بالقوة كي تكون أم جيدة لابنتها وتقسم بينها وبين ذاتها انها ستعوض بها كُل ما حُرمت هي منه بسبب انانية والدتها التي تخلت عنها. ----------------- أما عنه فقد مر عدة أيام وهاهو حضر لبيت خالته كي يرى اطفاله ككل اسبوع، فقد أحضر لهم العديد من الألعاب والأشياء التي يفضلونها على أمل أن يعوضهم ولو بجزء بسيط من ذلك الأهتمام الذي لطالما كان مقصر به في حقهم. فقد رحبت به "ثريا" ولكن تلك المرة كان يشعر أنها متوترة وعلى غير عادتها ولكنه أجل سؤالها حين استئذنت منه وتحججت كي تذهب تلقي نظرة على أحفادها لكي تطمئن والدتهم التي تهاتفها كل نصف ساعة لتطمئن عليهم فاليوم يومها الأول بالعمل ولذلك اخبرته انها لابد أن تقدر قلقها. لم يعير الأمر أهمية أكبر وكل ما حاول فعله بعد أن تركته هو استغلال الوقت لكي يحظى بقرب ابنائه، فقد هللت "شيري" اولًا بحماس طفولي وهي تتفقد محتوى الحقائب الورقية: -وااااو كل دي حاجات حلوة يا بابي أجابها "حسن" بحنان: -كل ده علشانك انتِ واخوكِ أومأت له وشاركت اخيها كما تعودت ليجلس "حسن" ابنه بجانبه ويتسأل: -قولي عامل إيه في البتاعة بتاعتك دي اللي مضيعة وقتك على الفاضي تهدلت جفون الصغير من قلة تقديره لموهبته وتحدث بإقتضاب: -كويس يا بابي هز "حسن "رأسه واستأنف: -إن شاء الله لما تخلص الاجازة مفيش الكلام ده انا هكلم امك واقولها مش عايز حاجة تلهيك عن المذاكرة ساد الحزن معالم الصغير وأخبره: -بس انا بذاكر كويس يا بابي ومامي كمان بتذاكرلي وكل المدرسين مبسوطين اوي مني رد "حسن" دون حيادية ودون أن يقدر رغبة الصغير واهتماماته المُحفزة له: -وبعدين معاك اسمع الكلام انا عايز مصلحتك نكس الصغير رأسه بحزن ثم أومأ له بطاعة، في حين اقتربت" شيري" بعد أن فشلت في فض غلاف الشوكولاته التي احضرها بين الأغراض: -مش عارفة افتحها يا بابي افتحهالي واكلني تنهد وتناول من يدها وحين انتهى اخبرها بنفاذ صبر: -كُلي انتِ لوحدك أنتِ مش صغيرة تنهدت الصغيرة بضجر وقبل أن تشرع في قطم الشوكولاته كسرت نصف اللوح كي تشارك اخيها كما تعودت ولكن "شريف" رفض قائلًا: -مش عايز يا"شيري"سناني هتوجعني تاني وانا بخاف لتضع ما بيدها جانبًا بعد أن فقدت شهيتها وتتحدث وهي تمط فمها: -خلاص وانا كمان مش عايزة أَكُل ليتسأل "حسن": -ليه سنانك بتوجعك مالها؟ اجابه "شريف" بإقتضاب: -ضرسي كان بيوجعني وكنت بعيط ومش عارف انام بس مامي اخدتني هي و"نضال" للدكتور صاحبه فور ذكر الصغير لأسم "نضال "شعر بدماء حارة تفور برأسه وأن كل خلية به تنبض بالغضب حتى أنه قال بحدة اجفلت الصغير: -وسي زفت ده يروح معاكم ليه؟ أجابه "شريف" متلعثمًا: -هو... صاحبي يا بابي... وبيحبني وبيلعب معايا زمجر "حسن" غاضبًا وهو يتمسك بذراعه بقسوة لم يتعمدها: -ازاي يعني صاحبك! تلجلج الصغير واجابه بعيون زائغة وهو على حافة البكاء: -يعني بيلعب معايا بلاي ستيشن وساعات بيكون في النادي وبيحضر معايا التمرين ويشجعني اشتعلت نيران دواخله وغمغم بغضب وهو يترك يد الصغير ويمرر يده على وجهه كي يهدأ من روعه: -وطبعًا كل ده وامك معاك مش كده؟ هز الصغير رأسه والخوف يسيطر على تقاسيمه، بينما قالت" شيري" ببراءة وكأنها تهدئة بدفاعها: -"نضال" طيب يا بابي وهنا لم يتحمل وهب من جلسته يصرخ بهم والغضب يعمي عينه: -متجبوش سيرته قدامي وملكمش دعوة بيه وانا ليا كلام تاني مع امكم ليرفع سبابته محذرًا وهو يوجه حديثه ل "شريف": - وانت مفيش حاجة اسمها صاحبي دي فاهم انتفضوا الصغار بخوف من صراخه المنفعل و انكمشوا على ذاتهم وقالوا في نفس واحد: -حاضر يا بابي وهنا حضرت "ثريا" على صراخه لتتسأل بريبة: -في إيه يا ابني بتزعق ليه؟ زفر وهو يمرر يده بخصلاته الفحمية بعصبية ولم يجيبها بل كان ساهم وكأنه يحاول كبح شياطينه لتسأل الصغار: -إيه اللي حصل ياولاد عملتوا إيه عصب ابوكم كده؟ اجابتها "شيري" وهي تتحامى خلف ظهر اخيها: -مش عملنا حاجة إحنا بس قولنا أن "نضال" طيب يا تيتا تنهدت "ثريا" حين أدركت أن الصغار سهلوا عليها مهمتها ومهدوا لحديثها التي كانت لاتعلم من أين ستبدأه، فقد تداركت الموقف قائلة: -طب روحوا يا ولاد ألعبوا في الجنينة شوية عقبال ما اتكلم مع ابوكم انصاعوا لها الصغار وهرولوا للخارج، ليصيح هو فور خروجهم: -شوفتي الهانم اللي علطول بتدافعي عنها كدبت عليا لما سألتها ايه اللي بينك وبينه وطلعت مقضياها معاه احتدت نظرات" ثريا "و اخرسته قائلة: -عيب كده دي أم ولادك و متعيبش في أخلاقها ده انت اكتر واحد عاشرتها وعارفها -اومال تفسري كلام العيال بأيه وتفسري قربه منهم ومنها بأيه ياخالتي انتِ عايزة تجننيني -هي قالتلك قبل كده مش هتستأذنك ولا هتاخد منك الاذن لو فكرت تربط مصيرها براجل تاني بس هي اصيلةوعلشان خاطر هما ولادك طلبت مني ابلغك وافهمك الوضع وبصراحة الراجل ابن حلال وطالب حلال ربنا وهي لسه صغيرة ومن حقها تجرب حظها مرة تانية صدر ذلك الصوت الساخر من فمه وهدر بإنفعال: -وهو كان ماله حظها معايا تنهدت "ثريا" بنفاذ صبر وقطعت وصلة مبرراته وادعائه للبراءة قائلة: -مش هتعيدو من تاني يا "حسن" أنت عارف عملت ايه ومش مرة واحدة؛ دي مرتين أجابها بعنجهية رجل شرقي: -انا راجل اعمل اللي اعمله أتجوز، أطلق، أو حتى اصاحب انا حر ومحدش يقدر يحاسبني لكن الهانم لأ...وطالما معاها عيال ورفضت ترجعلي يبقى لازم تتحمل مسؤوليتهم ومينفعش تتجوز لم تيأس وحاولت إقناعه بحديثها: -وهي مش هتقصر معاهم وكمان الدكتور ربنا ما كرمهوش بولاد وهيعامل ولادك زي ولاده بالظبط زمجر غاضبًا يدور حول نفسه و الشياطين تتراقص امام عينه: -ده على جثتي مش هيحصل اقتربت "ثريا" من وقفته تربت على كتفه بحنو واستأنفت محاولاتها: -يا ابني اسمع الله يخليك واللهِ الدكتور محترم واخلاقه عالية ويكفي انه جه لغاية عندي واتعهد قدامي وقدام ربنا أنه هيحط الولاد على راسه واديك سمعت بودانك من ولادك أنهم بيحبوه وهو حنين عليهم نفى برأسه بعدم اقتناع وغمغم غاضبًاوهو ينقر على صدره بسبابته: -بس دول ولادي أنا ومش هسيبهم لراجل غيري مهما حصل الهانم عايزة تتجوز تتجوز بس تاني يوم هاخدهم منها واظن وقتها محدش يغلطني ده حقي اللي الشرع والقانون ادهولي -يا ابني محدش هيخاف على عيالك ولا يراعيهم اكتر من امهم دي هي اللي قطعاهم من لحمها ليصمم هو: -بس امهم مش هتبقى فضيالهم وانا اولى بيهم تابعت "ثريا "لكي تذكره في محاولة منها أن تقنعه: -لاحول ولا قوة إلا بالله بلاش يا ابني تبقى أنين في حياتها وحياة ولادك وافتكر انها مقصرتش معاك ده يوم ما وقعت هي اول حد كان جنبك ده غير أنها ساعدتك في شغلك ومهانش عليها تشوفك بتضيع قدامها عقب على حديثها وشيء من المنطقية تطفوا على حديثه: -وانا مقولتش حاجة ومقدر ده بس لو هتفكري فيها هتلاقيها هي السبب والفلوس اللي هي ساعدتني بيها دي أنا ليا فيها انا اللي كبرتها وشغلتها -طب يا ابني انا هفرض معاك أنك خدت الولاد هتعرف تتحمل مسؤوليتهم أجابها بتسرع دون تفكير: -اه هعرف لتذكره بمعضلته بسؤالها: -طب و"سميرة" هتوافق؟ زاغت نظراته وقال بنبرة مهتزة: -غصب عنها لازم توافق... تنهدت "ثريا" بضيق وجلست على أحد المقاعد القريبة متسألة بريبة: -يعني هتغصبها تتحمل ولادك يا "حسن" أجابها بأندفاع: -اه هعمل كده أسندت "ثريا "ذقنها بسبابتها وابهامها وقالت متهكمة: -طب وحتى لو غصبتها تتقبل عيالك هتعمل كده قدامك علشان هتعملك حساب لكن تفتكر هتبقى أمينة عليهم في غيابك تأفف من حديثها الذي يعلم انه بمحله ورغم ذلك عاند واقترح وهو يرتمي على الأريكة ويمسد جبهته: -هجبلهم حد يراعيهم معاها نفت "ثريا "برأسها بعدم رضا وتحدثت: -مفيش حد هيبقى احن من امهم عليهم لتنهض تجلس بجواره وتربت على ظهره ناصحة بحنو: -علشان خاطري يا ابني ربنا يهديك سيبها تشوف حياتها وانت كمان عيش حياتك من غير ما تنغصوا حياة بعض والولاد تدفع التمن اغمض عينه بقوة ليكبح تلك الأفكار المتضاربة داخل رأسه ويقول بضع كلمات نابعة من طباعه وأفكاره العُرفية التي لا نفع منها: -ما قولتلهاش هي ليه الكلام ده فيها ايه يعني لو كانت اتنازلت وسامحتني؛ انا اتجوزت على سُنه الله ورسوله واللي عملته حلال كان مفروض من الأول رضت وعاشت علشان خاطر عيالها ذكرته "ثريا" بأخطائه الفادحة التي لم يستوعب مدى فداحتها بالنسبة لها ومازال يدعي برائتها ويستخف بها رغم ندمه على فقدانه لامتلاكها: -فيها أنك خذلتها ورغم كل اللي شافته منك ومن غبائك كانت بتفكر ترجعلك علشانهم بس أنت اللي بخيبتك بوظت كل حاجة وكأنك مبتتعلمش تأفف وهو يلوح بيده ساخطًا: -يوووه بقى يا خالتي انا مش ناقص بهدلة خلاص اللي حصل حصل لتباغته هي بالحقيقة التي يحاول التهرب منها بشتى الطرق: -أهوا علشان اللي حصل ده؛ لازم تتقبل وترضى علشان انت عارف كويس اوي ان مراتك مش هتتقبل ولادك واظن انت بنفسك اللي قايلي أن بيركبها ميت عفريت لما بتجيب سيرة عيالك و بتتلكك علشان متجبهمش البيت ما بالك بقى لو قولتلها هاخدهم من امهم علشان يعيشوا معاك نعم تلك الحقيقة القاسية ومعضلته معها ولكن ماذا يفعل هي لايستهان بها ويصعب عليه ترويضها أو جعلها تقدم فروض الطاعة كغيرها...وعلى ذكر غيرها تقلصت معالم وجهه واكفهرت وغمغم بتراجع وهو يشعر أن النيران تتأكل دواخله: -وحتى لو قبلت … انا مش هقدر اتخيل "رهف" مع راجل غيري يا خالتي انا ممكن اموت أو يحصلي حاجة لو ده حصل أنبته "ثريا "قائلة: -شوفت بقى ان احساس وحش ازاي وشوفت هي اتوجعت أد ايه لما انت عطيت نفسك نفس الحق ليتناول نفس عميق ويهمس برأس منكسة يكوبها بين يديه: -أنا عارف إني عمري ما رَيحتها وانها مستحيل هترجعلي بس انا… كاد يسترسل ولكنها قاطعته: -من غير بس يا ابني ارضى بحياتك الجديدة اللي انت اخترتها...وسيبها هي كمان تجرب وإذا كان على الولاد مفيش قوة في الدنيا هتحرمك منهم وهنا نهض يلقي نظرة على اطفاله من زجاج النافذة التي تطل على الحديقة يتأمل ركضهم ولهوهم بقلب محترق و بعيون تفيض بحيرته ما بين عنجهيته وأنانيته التي ترفض تنازله عنهم، ومابين عجزه في جعل زوجته صاحبة الرأس اليابس التي لايستهان بها أن تتقبل أمرهم. ---------------- مر بضع أيام وقد شاركته إدارة أملاكها كي تخفف عنه عبئها، فكان هو أكثر من مُرحب بالأمر فقد شجعها وشدد من أزرها حتى أنه كان أكثر من فرح بقرارها و وعدها أنه سيظل يدعمها إلى أن تثبت ذاتها وتحقق طموحها وهاهي بعد انتهائها من بعض المهام الخاصة بالعمل قررت أن تفاجئه بحضورها وحين وصلت لمقر مطعمه تدلت من سيارتها وسارت للداخل بخطوات متلهفة وببسمة واسعة وحين اقتربت من مكتبه المخصص له داخل مطعمه وجدت بابه مفتوح وحينها اندثرت بسمتها وهي ترى تلك الفتاة التي لطالما شعرت بالغيرة منها تقف تتحدث معه ببسمة تكاد تشق وجهها لا والأنكى أن هو ايضًا كان يبتسم مما جعل الغيرة تنهش قلبها وما أن انتبه لوجودها همس متفاجئ بأسمها: -"نادين"ايه المفاجأة الحلوة دي ابتسمت ل "رقية "بمجاملة رغم شعورها وهي تجيبه: -وحشتني وجيت علشان نروح مع بعض للولاد أصل ماما "ثريا"مش موجوده معاهم النهاردة معاهم المُربية بس...هز رأسه بتفهم لتصمت هي لهنيهة وتتسائل بترقب: - هواناعطلتكم؟ قالتها وهي تتناوب نظراتها بينهم، ليبتسم ويقول بتلقائية اغاظتها وهو يقترب من وقفتها ويضع قبلة خاطفة على وجنتها: -لأ يا حبيبتي معطلتناش ولا حاجة إحنا مكناش بنتكلم في الشغل أصلًا ضيقت عينيها ببسمة مغتاظة وقالت من بين اسنانها: -أصلًا...اصلًا هز رأسه وهو بالكاد يكبت ضحكته على طريقتها، لتتنهد هي وتوجه نظراتها ل "رقية" قائلة: - اخبارك ايه يا "رقية "؟ اجابتها "رقية" بود وهي مطرقة الرأس بحياء: -الحمد لله يا مدام "نادين" المطعم نور والله لسه كنت بسأل استاذ "يامن" على حضرتك وعلى "غالية "و"حمزة" اجابتها "نادين "ببسمة هادئة: -الحمد لله كلنا كويسين مرسي لسؤالك... ابتسمت "رقية" وقالت بعشم: -انا كنت جاية اخد إجازة علشان فرحي الاسبوع الجاي تهللت أسارير "نادين "فور معرفتها للخبر الذي كبح فضولها وقالت وهي تحتضنها: -بجد مبروك ربنا يتملك بخير... فصلت "رقية "عناقهم الودي وطلبت بخجل: -الله يبارك في حضرتك كان نفسي تشرفونا رحبت هي: -إن شاء الله اكيد يا "رقية" ليعقب هو على الأمر: -"رقية "عايزة تاخد شهر اجازه يا "نادين" وبصراحة مش عارف همشي الشغل أزاي من غيرها جزت على نواجذها و لم تستطيع التحكم بأعصابها حين قالت دفعة واحدة: -متقلقش كله هيبقى تمام وانا معاك وبعدين شهر إيه ده شوية سيبها براحتها لازم تتبسط يعني شهرين تلاتة لتمط فمها وتستأنف متمنية: - وياسلام بقى لو ربنا كرمها وحملت و ولدت لأ وكمان البيبي محتاج رعاية بعد كده فياريت تديها أجازة مفتوحة انفلتت بسمته على غيرتها الواضحة في حين عقبت "رقية": -لأ مش للدرجة دي يا مدام "نادين" انا كل اللي طلباه شهر وبإذن الله هرجع بعده ملتزمة زي الأول تمتمت ببعض الكلمات الغير مفهومة بصوت خفيض وهي محتفظة ببسمتها، ليتدارك وينهي الموقف: -تمام براحتك يا "رقية "تقدري تتفضلي -شكراً لحضرتك عن اذنكم ذلك آخر ما قالته قبل أن تغادر مكتبه، لتضرب هي بكعب حذائها وتهرول لباب المكتب تغلقه بواسطة المفتاح الساكن بفتحته وإن تأكدت انها وسدته التفتت له وقامت برفع كميها لساعديها قائلة بتوعد وهي ترشقه بنظرات مشتعلة بغيرتها: -بقى مش عارف هتمشي الشغل ازاي من غيرها هاا انفجر هو ضاحكًا على هيئتها، لتزمجر هي وتخطو نحوه ليحاول تهدئتها وهو يتراجع للخلف: -اهدي يا مجنونة إحنا مش في البيت هتعملي إيه! -بقى أنا أجي ألقاك فاتح بوقك من هنا لهنا وقاعد تتساير معاها...هقتلك يا "يامن" قالتها وهي تندفع نحوه ولكنه لف من الجهة الآخرى كي يتهرب منها وصوت ضحكاته تكاد تميتها غيظًا لتزمجر مرة أخرى وتحاول الإمساك به ولكنه لم يمنحها فرصة لذلك بل تعمد اثارة اعصابها اكثر بقوله وهو يقف خلف الاريكة يحتمي بها: -ياروحي انا ميت فيكِ من غير حاجة متتعبيش نفسك وتقتليني صرخت ودبت الأرض بكعب حذائها: -بلاش تستفزني… ادعى البراءة وهو يرفع يده مسلمًا: -انا معملتش حاجة -معملتش اومال مين اللي كان بيضحك ويقولها هحتاس من غيرك شاكسها ضاحكًا: -البنت جدعة وبعدين انا بتكلم عن الشغل بطلي افترى انا نيتي بريئة -انت كمان بتمدح فيها قدامي قالتها بإنفعال وهي تلقي عليه الوسادات الصغيرة الموضوعة على الأريكة التي تحيل بينهم، ولكنه تفاداها جميعًا وفي لمح البصر كان يقفز لجهتها و يكبل خصرها بذراعيه القوية ويسقطها على الأريكة ويسقط فوقها قائلًا ببسمة عابثة مستمتعة تحت مضضها: -خلاص اهدي يا مغلباني انا كنت بغيظك مش اكتر علشان اشوف جنانك ده لما بتغيري ظلت تنكزه بصدره وحاولت ابعاده عنها مستنكرة: -على فكرة بقى انا مش بغير اعتلى حاجبيه وهو يكبل يدها الاثنين بين قبضته ثم همس بشغب أمام وجهها: -لأ بتغيري وتصرفاتك كشفتك صممت على عنادها بأنفاس متسارعة: -قولتلك مش بغير...مش بغير احتضنها وصوب ناعستيه نحو عيناها بحيلة يعلم انها ستجدي معها: -طب عيني في عينك كده رفعت عيناها لخاصته التي تهيم بها وتخترق دفعاتها لتصرح متأففة وأنفاسه الساخنة تلفح وجهها وتذيب حصونها: -يووه بقى اه بغير وببقى هتجنن لما بتضحك أو تتكلم مع ست غيري انت بتاعي لوحدي ومش من حق حد يشوف ضحكتك اللي بتخطف القلب دي غيري اتسعت بسمته وهمس وهو يضع قبلات متقطعة على ثغرها: -ضحكتي بس اللي بتخطف القلب مش أي حاجة تانية أجابته وهي تنزع يدها من خاصته وتكوب وجهه القريب منها: -كل حاجة فيك يا"يامن" بعشقها -وأنا كمان بعشقك يا قلب وروح "يامن" قالها بأنفاس لاهثة قبل أن يلتقم شفاهها بقبلة شغوفة أطاحت بدفعاتها..بعد وقت ليس بقليل ابتعد عنها قليلا فهمست : -إحنا في المطعم وممكن حد يدخل علينا... هز رأسه وهو يدفن وجهه بين ثنايا عنقها وهمس برغبة وهو ينثر قبلاته على عنقها: -أنتِ قفلتي الباب بنفسك وبعدين متقلقيش محدش يقدر يطلع طول ما انتِ هنا حاولت دفعه وهمست راجية: -لأ يلا بينا نروح زمان داده "منيرة" محتاسة بيهم لوحدها هز رأسه بعدم اقتناع ورد وهو غارق بعينهاها : -بقولك ايه انا مش هبعد … - يا" يامن "انت اتجننت رسمي -اه اتجننت و لعلمك بقى أنا من ساعة الهرمونات ما راحت لحالها و وحشني التفاوض معاكِ وضعت يدها على وجهها وقالت وهي تشعر بالعار من ذاتها: -يووه انسى بقى ده أنا كنت قليلة الأدب وقتها قرص على شفاهه بحركة عابثة وقال ببسمة مشاكسة: -وأنا بموت في قلة الأدب ياريتك فضلتي كده علطول قلبت عيناها بلا فائدة واجابته مُصرة على موقفها وهي تقاوم أنامله التي تتحرك بحرية: -طيب ممكن نروح ونتفاوض في البيت ميصحش هنا وبعدين زمان ماما "ثريا"خرجت وانا قلقانة على الولاد تنهد بعمق ولاح بخاطره سؤال عفوي: -هي امي راحت فين مش بعادة تخرج لوحدها تنهدت واجابته: -النهارده كتب كتاب "رهف" تقلصت معالم وجهه وازاح بجسده عنها قائلًا وهو يعتدل بجلسته بجوارها: -ازاي نسيت انا كان لازم ابقى مع "حسن"... رفعت جسدها بنصف جلسة وتساءلت بريبة: -وتبقى معاه ليه ماخلاص يا "يامن" هما انفصلوا و"حسن "اتجوز وخلف كمان عايز ايه منها -ما انتِ عارفاه غبي وممكن يبوظ الدنيا -مش مامتك اقنعته وكلمته وقالت انه موافق الولاد يقعدوا معاها ومع الدكتور… - "حسن" متضمنيش رد فعله اه هو وافق بس ده ميمنعش انه هيسيبهم ومش هيخترع اي حاجة بغبائه علشان ينكد عليهم -بصراحة بقى ابن خالتك ده غريب اوي ده مفروض يعمل خاطر لوقفتها جنبه رغم اللي عمله فيها -هو مقدر بس صعب عليه يتقبل أن حاجة كانت بتاعته وضامنها تروح من ايده ويملكها غيره -بس ده كده يبقى حب تملك و أنانية مش اكتر نهض يهندم ملابسه قائلًا: -ممكن يكون ده مفهومك أنتِ لكن بالنسبة ليه عمره ما هيشوفه كده -طب انت هتعمل ايه؟ قالتها وهي تنهض وتعدل من خصلاتها، ليجيبها وهو يتناول هاتفه ومفاتيح سيارته من فوق سطح مكتبه: -هروح اشوفه فين ومعلش روحي أنتِ للولاد وانا مش هتأخر علشان نتفاوض على رواقة قال آخر جملة مصحوبة بغمزة من ناعستيه لتتسع بسمتها وتهز رأسها بطاعة يعشقها منها فما كان منه غير أن يطبع قبلة على وجنتها ويصطحبها لسيارتها وإن غادرت انطلق بعدها وهو ينوي ان يعثر على "حسن" قبل أن يخرب الأمر ويفسد سعادتها التي يرى من منظوره الخاص أنها تستحقها. -------------------- أجواء هادئة مفعمة بالأُلفة والسَ\كينة جمعت الأهل والأقارب احتفالًا بعقد قرانهم داخل أحد بيوت الله حسب رغبتها التي احترمها و لم يريد أن يعارضها بها، فكانت هي ترتدي فُستان أبيض شاهق اللون بوردات من الچيبير المتناثرة وياقة عالية و بأكمامه من الشيفون المُبطن المتسع الذي يزم من عند رسغها وينساب برقة تليق بها...وقد تركت خصلاتها البندقية تنساب بحرية على ظهرها و وضعت وشاح من نفس اللون عليهم احترامًا لحُرمة المكان وقد اكتفت بالقليل من مساحيق التجميل التي برزت شجن عيناها وملامحها الهادئة. فكانت بارعة الجمال وكان يطالعها وكأنها اثمن واقيم أشيائه التي فاز بها. وفور انتهاء المأذون من عقد قرانهم ومغادرتهم للمكان و وقوفهم في ساحته الخارجية قال بسعادة متناهية وهو يعانق يدها ويحتويها بين قبضته وكأنه ود أن يخبرها بطريقة محسوسة أن أقدارهم ترابطت ولن يسمح بتفكهها مهما حدث: -مش مصدق أن امنية حياتي الوحيدة اتحققت...مبروك يا حبيبي خجلت من كلمته الأخيرة التي لأول مرة يخصها بها وهمهمت وهي تطرق برأسها: -الله يبارك فيك يا "نضال" تنهد تنهيدة تنم عن راحة عارمة وهمس بنبرة صادقة نابعة من صميم قلبه: -كل يوم وانتِ معايا لازم يتقالي ألف مبروك يا"رهف" انا بجد مبسوط اوي وحاسس اني هطير من الفرحة رفعت نظراتها إليه وهمست بسعادة تضاهي خاصته: -وانا كمان مبسوطة اوي ابتلع ريقه وأخذ يتأمل خجلها بعيون تفضح تلك المشاعر الكامنة التي نفذ صبرها وفاضت فيض مع نظراته لها. تزامنًا مع اقتراب "ثريا "منهم تقطع ذلك التواصل البصري قائلة وهي تجذب "رهف " وتقبل وجنتها: -مبروك يا"رهف" ربنا يسعدك يا بنتي احتضنتها واجابتها ببسمة ممتنة صادقة: -الله يبارك فيكِ يا ماما "ثريا "ربنا يخليكِ ليا... فرحتي ما كنتش هتكمل غير بيكِ ربتت" ثريا" على ظهرها بحنو وما ان فصلت عناقها مدت يدها لتصافح "نضال" وتبارك له ولكنه مال على يدها يقبلها تبجيلًا لها وقال بإمتنان حقيقي: -الله يبارك فيكِ يا أمي بجد أنا ممنون اوي ليكِ ربتت "ثريا" على كتفه ودعت لهم: -ربنا يسعدكم يا ابني ويهنيكم ذلك آخر ما قالته قبل أن تغادر، لتنظر "رهف" لآثارها وتهمس له: -انا بحب الست دي اوي يا "نضال" هز رأسه ببسمة هادئة متفهمة لتستأنف هي بتنهيدة مطولة: -كان نفسي "سعاد" تبقى معايا اوي وتشاركني فرحتي في يوم زي ده رد بنبرة حنونة وهو يميل برأسه عليها: -معلش هي وعدتك هتنزل في اقرب فرصة... هزت رأسها ببسمة هادئة تزامنًا مع اقتراب الصغار برفقة "كريمة "التي باركت بدورها لهم وعانقتهم بعيون دامعة من شدة سعادتها، وبعد مباركتها انحنى "نضال" يقبل الصغار الذين هتفوا بصوت واحد: -مبروك يا "نضال " لتقول "شيري" بعفوية طفولية اربكتهم: -انا مش هقولك يا "نضال "تاني هقولك يا بابي علشان انت اتجوزت مامي شحب وجه "رهف" واندثرت بسمتها وكادت أن تجيب لولآ أنه ناب عنها وقرص وِجنة الصغيرة بمداعبة قائلًا بسلاسة دون أن يجور على حق أبيهم: -لأ...يا زئردة انا "نضال "وبس... وبعدين بابي بتاعكم هيفضل هو بابي و مفيش حاجة هتتغير ابتسمت هي لأجابته التي زادت من احترامها له وثقتها بحكمته في احترام هذا الحيز الشائك بحياتها وحياة أطفالها، تزامنًا مع اقتراب "سليم "الذي اتى خصيصًا كي يشارك صديقه الوحيد فرحته: -مبروك يا دكتور ال... اعتدل "نضال" في وقفته وقاطعه قبل أن يسترسل باقي جملته: -الله يبارك فيك يا وَحش وحشتني هو لازم اتجوز علشان اشوفك رد "سليم " مبررًا: -الله غالب ما انت عارف مسؤوليات صاحبك أجابه "نضال" بغمزة من عينه وهو يتحسس بروز بطن "سليم" بمكر: -عارف وبان عليك ورق العنب بصراحة نكزه بكتفه وهدر من بين أسنانه: -احترم نفسك بدل ما اسيحلك قدام المدام وهنا تراجع "نضال" ببسمة واسعة ورفع يده مستسلمًا: -لا يا وَحش أنا أسف الله يكرمك بلاش دبش من بتاعك دي ليلة مفترجة قهقه "سليم" بخشونة واعتلى حاجبيه الكثيفين حين همس بمكر: -طب هسكت بس على الله ترفع راسنا يا دكتور الحريم -أنا كنت بحلم باليوم ده يا" سليم "ولغاية دلوقتي مش مصدق انها بقت ليا قالها بتنهيدة مُسهدة وهو ينظر لموضعها بين أطفالها التي ألتهت بهم عن حديثهم بنظرة فاضت بلهفة قلبه وتوقه لها ليعتلي حاجب "سليم" من جديد ويلتوي فمه ببسمة نادرة ويحثه بعينه أن يذهب لها وبالفعل ذلك ما فعله فقد أقترب منها وتوسط ابنائها ثم عانق يدها من جديد لتتشابك نظرتهم لثوانِ معدودة وتتحاكى بالكثير قبل أن تنهال عليهم المباركات قبل مغادرتهم التي استقبلوها بحفاوة وببسمات فرحة مستبشرة، أما هناك بأحد الزوايا مالت والدتها على أُذن تلك التي تكاد تموت قهرًا وتتأكلهم بنظراتها: -شايفة بيبصلها إزاي ده هيكولها بعنيه… -اسكتي ومتزودهاش عليا -وازودها ليه يا خايبة ما انتِ اللي سبتيه وكنت مفكرة انك اتجوزتي اللي احسن منه واهوا اتطلقتي وخربتي بيتك وقعدتي في اربيزي من تاني -يوووه بقى يا ماما كفاية انا هسبقك بدل ما تقعدي تحسريني اكتر من كده قالت جملتها وهي تسير مغادرة جارة ابنها صاحب الخطوات المتعثرة خلفها، أما عنهم كان لايشغلهم شيء سوى سعادتهم فقد تشابكت بالفعل أقدارهم ومنحه الله إياها ليكتفي بها هي وأطفالها وها هو يتوسطهم ببسمة واسعة ويسير معهم لسيارته وهو لا يصدق ان تلك الأمنية البعيدة التي كان يظن أن يستحيل تحقيقها قد كافأه الله بها فكانت سعادتهم غامرة لا تفي الكلمات لوصفها حتى انهم كانوا غافلين تمامًا عن نظرات تلك الحاقدة التي توارت بأحد الأركان البعيدة وهي تهمهم وتلعن حظها إلى أن لفت نظرها وقوف شخص يتوارى مثلها و يترصد ما يدور وبفطنتها تعرفت على هويته فهو يقف مهزوم ...فقد راقبت نظراته المتألمة التي استشفت بكل وضوح أنها تقطر بقهرته وحسرته على تلك التي تتعلق بذراع طليقها ويتوسط ابنائها؛ فنعم هي محقة فهو لم يتخيل ولم يتوقع بأبشع كوابيسه أن سيذوق من نفس الكأس الذي أذاقه لها، فالآن فقط شعر بنفس شعورها، فكان يختبأ خلف أحد السيارات بتلصص ويتجنب أن لا يراه أحد يراه كي لا يتشفى به، فكان متهدل الكتفين تحاوطه هالة من الخيبة والخسارة التي يستحقها، ولكن كيف لساخط مثله تقبل خسارته فقد ثارت ثائرته وهو يرى الأخر يشاكس اطفاله التي تكاد البسمة تشق و جههم أثناء مساعدته لهم لدخول سيارته فما كان منه غير أن يشعر بالدماء تفور برأسه ويقرر أن يعكر صفوها وإن كاد يندفع نحوهم ردعته يد قوية هدر صاحبها بأنفاس لاهثة: -كويس إني كلمت أمي وسألتها عن المكان علشان كنت متأكد إني هلاقيك هنا زمجر "حسن" غاضبًا وحاول دفعه عنه: -سيبني يا "يامن" صمم "يامن" وهو يدفعه معه غير عابئ بعصبيته: -أهدى الله يكرمك وتعالى معايا أعترض هو ودفعه بصدره لكي يتركه: -مش عايز اهدى سيبني وهنا صرخ "يامن" بوجهه لكي يفيقه من غفوته: -يا اخي بطل غباء بقى خلاص بقت مراته وعيالك أنت بنفسك وافقت يعيشوا معاها هتروح تعمل إيه متبقاش غبي وتضحك الناس عليك تبدلت ملامحه الثائرة وتهدل كتفيه بإنهزام بعد أن استوعب الأمر، ليجذبه "يامن "من جديد ولكن تلك المرة لم يعترض بل سار معه وعينه مازالت مُتعلقة بهم بقلة حيلة و بملامح بائسة متحسرة. لتحين من" هاجر"بسمة ساخرة بعد أن رأت المشهد كاملًا وأدركت أنها ليست الوحيدة التي حصدت ثمار الندم بعد خسارتها الجاسمة. -------------- توقف بسيارته تحت البناية التي يقطن بها وقال ما أن اطفأ المحرك وينظر لذلك الذي يسند رأسه بإنهزام على زجاج النافذة -"حسن" صلِ على النبي واطلع لبيتك وابنك وبلاش تحسس مراتك بحاجة وتخرب على نفسك همس "حسن" بنظرات ساهمة: -أنا السبب يا "يامن" أنا اللي وصلت بينا الحال لكده حاول "يامن" مواساته قائلًا: -متلومش نفسك خلاص اللي حصل حصل واهو ربنا عوضك وعوضها وإذا كان على ولادك متقلقش هما في أمان معاها والدكتور شكله ابن ناس ومحترم واكيد هيحطهم في عينيه ليعقب "حسن" بنبرة بائسة: -يرضي مين ولادي يتربوا بعيد عني -"حسن" لو كان وضعك غير كنت قولتلك خد ولادك لكن مراتك هتنغص عليك عيشتك وحتى ولادك مش هيرتاحوا وصدقني ده انسب حل ليهم وكفاية أن "رهف" عمرها ما قصرت معاك ولا فكرت تحرمك منهم وهنا طفرت مخاوفه: -خايف ولادي يكرهوني وينسوني لما يعاشروا التاني انت مشوفتش بيعاملهم إزاي - مش هيحصل انت ابوهم ومفيش قوة في الدنيا هتقدر تغير ده وهي اكيد مش هتسمح بكده دي في عز ما كنت منيل الدنيا بعمايلك كانت بتخاف على صورتك قدامهم وهي اللي بنفسها اللي كانت بتقربهم منك وتحنن قلبك عليهم زفر" حسن "انفاسه المثقلة دفعة واحدة وهو يشعر أن حديثه بمحله ولكن ماذا يفعل بتلك الهواجس التي تنهك عقله من نحوها...تنهد "يامن" وربت على ساقه ناصحًا بعقلانية: -ارمي اللي فات ورا ضهرك يا "حسن "وسيبها تعيش...هي تستاهل فرصة تانية و انت اللي اخترت حياتك واتجوزت مرة واتنين وخلفت حاول بقى متكررش اخطائك و تحافظ على بيتك وبلاش تخرب حياة الكل بغبائك...وارضى بنصيبك، مراتك على حسب كلامك طبعها صعب بس بتحبك كان يستمع له بملامح جامدة مبهمة لا يستشف منها اقتناعه من عدمه فكل ما صدر منه أنه أومأ برأسه وببسمة باهتة غادر السيارة ودخل البناية دون أن يعير نداء " يامن" أي أهمية فما كان منه غير يتنهد بعمق قائلًا وهو ينطلق بسيارته: -ربنا يهديك يا "حسن" ويصلح حالك أما هو فقد دلف لشقته ثم توجه مباشرًا لغرفة النوم ليجدها تغط في سبات عميق و الصغير بين أحضانها ليقترب بحركة محسوسة و ينتشله من احضانها ثم يرفعه بين يديه ويتأمل ملامحه التي تشبهه لحد كبير ببسمة حانية متأملة..ثم وضع قبلة حنونة مطولة على جبينه أثناء نومه قبل أن يضعه بفراشه الخاص الذي يقبع في أحد أركان الغرفة... أفاقت هي فور أن أخذ صغيرها من بين أحضانها وظلت تطالعه بإندهاش وتستغرب دخوله للغرفة فهو غاضب منها بشدة بسبب موقفها من اطفاله حتى أنه يتخذ من الأريكة بالخارج مرقد له منذ أيام وهي لم تهتم بإرضائه بل كانت تلبي كافة متطلباته الحياتية كالمعتاد دون حديث يذكر وتعمدت ترك مساحة الكاملة لعقله كي يتقبل الأمر دون أن تتنازل هي. ويبدو أنه فعل فكان يحتضن صغيرها قبل ان يضعه في الفراش الخاص به ويدثره بالغطاء وينظر لها بنظرة منهزمة احزنتها ولكنه ثبتت على موقفها وقبل أن تتفوه بكلمة واحدة كان هو ينزع حذائه ويرتمي على الفراش يحاوط خصرها و يدفس رأسه بحضنها قائلًا بنبرة متعبة واهنة: -احضنيني يا "سميرة"...محتاج حضنك اوي لم تترد للحظة واستجابت فقد ضمت جسده بحنان قائلة وهي تمرر يدها بين خصلات شعره: -انت كويس يا "حسن" لم يجيبها فكان يجاهد كي يقنع عقله بحديث "يامن "الذي مازال يتردد صداه بأذنه فكان الأمر ليس بيسير عليه حتى أنه كان كالمغيب ولم يستمع من الأساس لسؤالها لتكرر هي: -حاسس بحاجة طيب وهنا انتبه لسؤالها وأجابها بسؤال آخر أهب حواسها: -بتحبيني يا "سميرة" تنهدت تنهيدة عميقة مطولة ثم اجابته وهي ترفع وجهه لها بواسطة كفوفها: -أنت جوزي ودنيتي كلها يا أبو علي...هو أه بنختلف ساعات وبتغظني بتصرفاتك لكن اخدت على طباعك وعارفة اتعايش معاها لاحت منه بسمة ساخرة وتهكم قائلًا: -كل ده كلام كان ممكن تردي بكلمة واحدة يا "سميرة "وتريحيني تدللت عليه كي تراضيه بطريقتها التي تجدي معه: -شكلك عايز تسمعها يا ابو "علي" أومأ لها ببسمة باهتة لم تصل لبنيتاه القاتمة لتهمس وهي تضم رأسه من جديد لحضنها: -بحبك ومش عايزاك تزعل مني علشان انا معذورة و من حقي حانت منه بسمة ممزقة وهو بين احضانها واغمض عينه بقلة حيلة كي ينعم بأحتوائها لحين استكان بهدوء ربما سيحيد عنه في الأحداث القادمة. --------------------- اطمأنت على أطفالها داخل غرفهم التي قام بتجيهزها خصيصًا لهم داخل تلك الڤلا الصغيرة التي وقع اختيارهم عليها واتخذوا منها مَسكن لهم. فحين تأكد من استغراقهم بالنوم سحبها خلفه متلهفًا وما أن دخل بها غرفة نومهم طالعت الفراش بتوتر شديد وهي ترى أحد قمصانها الحريرية التي ضبطهم بذاتها في الخزانة مفرود على الفراش لتبتلع ريقها وتتسائل بتوتر بالغ: -مين اللي طلع ده! أجابها بكل وضوح وعينه تفضح لهفته: -أنا بصراحة عجبني اوي علشان ناعم ورقيق زيك وحسيت إني هيحصلي حاجة لو مشوفتهوش عليكِ…يرضيكِ قطمت شفاهها واخذت تفرك بيدها بخوف من رهبة الموقف التي هي بصدده فكيف لها أن تلبس قميص بتلك الجرأة بأول يوم معه وكيف ستتعامل معه… هي ذاتها تعلم أنها ستتعود عليه وسيندثر خجلها ورهبتها مع الوقت ولكن رغم عنها تشعر أنها حديثة عهدها و تنتابها تلك القشعريرة وتنفض جسدها حين حاوط ذراعها وهمس بأسمها بنظرات تقطر بلهفته وتوقه لها: -"رهف"... قالها وهو يزيح وشاحها ويمرر يده بخصلاتها البندقية، لتتقهقر هي خطوة للخلف وتواليه ظهرها تحاول أن تتمالك زمام نفسها وتتخلى عن توترها لكي تتشجع لمواكبة تلك المشاعر العاصفة التي يلفحها بها، ليتنهد هو ويضمها ليلصق ظهرها بصدره ويهمس وهو يضع قبلة على خصلاتها: -خايفة مني! هزت برأسها و تلعثمت: -مش خايفة بس... ابتلعت باقي حديثها ولم تستطيع أن تعبر عن شعورها، ليتنهد هو ويديرها إليه ليوجه نظراتها المهتزة بتفهم وبنبرة حانية وهو يداعب وجنتها بحنان أسر قلبها: -حبيبي أنا معاكِ وعمري ما هفرض عليكِ حاجة، كفاية إني هبقى جنبك رفعت رماديتها له ببسمة ناعمة تشابه نسمات الربيع في روعة عبيرها فما كان منه غير أن يضمها إليه كي يطمئن قلبه الذي ينتفض بين اضلعه، ويجعله يستكين بقربها، فقد دثرها بين احضانه وهو مغمض العينين بنشوة عارمة، أما هي فكانت مازالت تنتفض لولآ أنه اجلسها معه على الفراش دون أن يفصل عناقه و أخذ يمرر يده على طول ظهرها بحركات حانية مطمئنة خففت من توترها وشعرت بعد بعض الوقت أن كافة افكارها قد بدأت تتلاشى شيء فشيء وكأن شعور النقص المرافق لها استطاعت تعويضه لتوها، ليهمس هو بجوار أُذنها بنبرة دافئة حنونة خدرت حواسها: -"رهف" غمضي عينك واتكلمي من غير تفكير وقوليلي أي حاجة حاسة بيها نفسي اسمعك تنهدت تنهيدة عميقة تنم عن راحة عارمة ثم انصاعت له واسترسلت براحة وهي تبادله عناقه بتلقائية وكأن جسدها يتحرك من تلقائه: -عارف… في حاجات معرفتهاش غير معاك يا "نضال"...إنت خلتني اكتشف ان في حاجات كتير أهم من الحب علشان تقدر تربط مصيرك بطرف تاني وأولها الراحة والثقة والمودة اللي بلاقيها في كل تصرفاتك معايا والرحمة اللي سَكنا قلبك من ناحية ولادي، وضوحك وتفسيرك لكل حاجة ببساطة حتى من غير سؤالي بجد حاجة حلوة اوي عمري ما جربتها وهي راحة البال ورغم خوفي من اللي جاي بس متأكدة أنك هتفضل جنبي وهتقويني… لتفتح عيناها وتفصل العناق متسائلة بعيون متأملة: -مش كده يا "نضال" هز رأسه يؤكد لها بعيون لامعة من شدة سعادته باسترسالها وتسأل بعدها وخضراويتاه تتلهف لجوابها: -يعني افهم من كده أن شعورك من ناحيتي مش مجرد شعور بالراحة بس! مش كده؟ هزت رأسها وابتسمت تلك البسمة التي تلفح قلبه بربيعها واجابته بصدق نابع من اقتناع قلبها بقرار عقلها: -اللي متأكدة منه إن اللي فات قبلك ميتحسبش من عمري... لتتنهد تنهيدة مُسهدة وتستأنف وهي تتأمله وصولًا لعيناه الصادقة التي تهيم بها: - ياريتني عرفتك من زمان يا "نضال"... تزايد وجيب قلبه وكادت البسمة تشق وجهه من تصريحها فما كان منه غير أن حاوط خصرها بتملك وبتمسك شديد وكأنه يؤكد أنه لن يخيب رجاءها ليتنهد براحة عارمة ثم يغمض عينه ويميل يسند جبهته على خاصتها هامسًا: -بحبك يا "رهف"...أنتِ حلم عمري والدعوة اللي ربنا استجاب ليها بعد سنين… ردت بصدق وهي تستند بكفوفها على ذراعيه مغمضة العينين مثله: -لو اللي بحسه معاك ده اسمه حب فأنا محبتش غيرك يا "نضال" فتح عيناه التي دمعت من شدة سعادته ثم همس ومازال يستند بجبهته على خاصتها: -هنعوض العمر اللي فات واوعدك هعمل المستحيل علشان اسعدك هزت رأسها وفرت دمعة من عيناها متأثرة بوعده الصادق ثم همست بثقة وقد تلاشى توترها وخوفها وحل محله راحة عارمة: -متأكدة أنك هتعمل كده... تعالت وتيرة أنفاسه وعينه أخذت تتفرس بوجهها وصولًا لثغرها، لترتبك هي كونها تعلم انه لن يبادر إلا برغبتها كما وعدها، بادرت هي وتشجعت حين تعلقت بعنقه ببسمة رغم رقتها إلا انها كانت اكثر من مغوية بالنسبة له، ليلبي تلك الدعوة منها ويميل عليها يلتقم شفاهها بقبلة شغوفة مُجأجأة بتلك المشاعر الكامنة التي يشعر كل منهم انها مرتهم الاولى في خوضها، فكانت هي تشعر بذلك الكمال الذي عوض نقصها أما هو فكان يشعر أنه النعيم بقربها ويقسم أنه لن يدع شيء يعكر صفو حياتها فسوف يقف بصدد أي شيء يخترق تلك الحصون الأَمنة التي سيشيدها حولها هي وابنائها. ------------- حلقاته برجلاته يوم ورا يوم يبقى بشنبات يتجوز على اد حالاته ويخلف صبيان وبنات ونقولهم من حبنا يا رب يا ربنا انشالله تبقوا ادنا يا رب يا ربنا يا رب يا ربنا تكبر وتبقى ادنا تلعب وتجري زينا آآآآآه...آآآآه اغنية متوارثة مستوحاة من التراث كان يرددها الجميع بحماس غير عادي وبسعادة هائلة احتفالًا بمولودتهم، فكانت "ميرال" تحمل ابنتها وتسير بها في أرجاء ساحة القصر ويتبعها الجميع بشموع مضيئة من باب التفاؤل بالنور و كرمز للحياه. فكانت "شهد" و"مُحبة" هم من تولوا تنفيذ تلك الطقوس بحذافيرها فقد تولت "شهد" دق الهون النحاسي بجانب الصغيرة وهي توصيها تلك الوصايا الشهيرة: -اسمعي كلام امك واسمعي كلام ابوكِ واسمعي كلام عمتك وكادت تستأنف لولآ أن "فاضل" تدخل معترضًا وهو يحمل الصغيرة ويوجه حديثه لها وكأنها سوف تستوعب ما سيقوله: -متسمعيش كلام حد غير كلام جدو "فاضل"وملكيش دعوة بكلام عمتك قهقه الجميع على حديثه واستحواذه عليها طوال الاحتفال في حين كان هو يضرب كف على أخر ببسمة واسعة قبل أن يهدر "فاضل" بإصرار وعلى وجهه بسمة واثقة: -بتضحك على ايه دي حفيدتي أنا لوحدي ومش هتسمع كلام حد غيري اقتربت "ميرال" منه و وضعت قبلة على وجنته قائلة: - انا كده هغير من "چوري" يابابي أجابها "فاضل" ببسمة حانية: -أنتِ بنتي حبيبتي وأول العين ما رأت يا"ميرال" وبعد أن جلس الجميع وانفض التجمهر من حولهم اعترض "محمد" بمشاكسة وهو يرفع سبابته: -لعلمك بقى ياعمي انا اضحك عليا انت خدت البنت وامها مني وانا ساكت بس علشان بحبك قهقه "فاضل" واجابه بمحبة خالصة: -وانا كمان بحبك يا ابنى ربنا يعلم أن غلاوتك عندي زي غلاوة "ميرال" بالظبط قبل "محمد" رأسه تبجيلًا له ثم قال: -ربنا يخليكِ لينا ياعمي ويديك الصحة ليسترسل "فاضل" بسعادة: -ويخليكم ليا ياولاد أنا فرحتي بيكم متتوصفش وعارف يا ابني أنا بحمد ربنا أنه رزق بنتي بحد زيك وبأخلاقك...انت معدنك نادر الوجود يا"محمد" وأنا فخور أنك جوز بنتي اتسعت بسمة "محمد "من مدحه له ثم قال بأمتنان: -ربنا يجبر بخاطرك ياعمي ويقدرني واكون عند حُسن ظنك دايمًا -انا واثق فيك يا ابني وعلشان كده مأمنك على بنتي وشغلي ليحاول "محمد" أخذ الصغيرة منه قائلًا بخفة: -طب بالنسبة لبنتي أنت مذكرتهاش تراجع "فاضل" خطوتان وابتعد عن حيز يداه قائلًا: -لأ إلا دي...دي حفيدتي انا ولو مش عاجبك اخبط راسك في الحيطة قالها بإصرار حقيقي قبل أن يسير بالصغيرة من أمامه كي يرحب بباقي الضيوف ليهز هو رأسه بلا فائدة ويقول لها: -ابوكِ استولى على البنت تعلقت بذراعه و واسته بعيون راجية: -معلش هو فرحان بيها سيبه يا"حمود"دي كانت امنية حياته يشوف حفيد ليه -على فكرة بقى أنا بهزر انا فرحان لفرحته ومقدر شعوره وتعلقه بيها...وبعدين فكرة أنه استولى عليها دي هتبقى فرصة هايلة بعد كده علشان ابقى استفرض بيك ياحلو قال آخر جملة بهمس مغري وهو يميل على أُذنها لترفع هي رأسها وتشهق بخفوت وهي تنظر حولها: -"حمود" وبعدين معاك الناس تاخد بالها وبعدين بطل و تعالى معايا نرحب بالضيوف مع بابي و نوزع العلب لم تمهله وقت للاعتراض فقد سحبته معها لأصدقائها الذين انهالوا عليهم بالمباركات الفرحة الصادقة ومن بعدها انشغلت "ميرال" بصغيرتها في حين جلست "نادين" برفقة"نغم" ويواجهها "يامن" و"فايز"من الجهة الآخرى منشغلين بتجاذب اطراف الحديث. فقد مالت" نغم " على أُذنها ونصحتها قائلة: -قوليله واخلصي ردت بتردد: -خايفة من رد فعله -متخافيش قوليلو واتوكلي على الله وإن شاء الله احساسي هيبقى في محله -وافرضي بهدلني وقالي مش وقته -"نادين" ارحميني انتِ متأكدة انه مش هيعمل كده وبعدين انا سايبة "فايز" وقاعدة جنبك من ساعة ماجيت وكلها دقايق وهمشي علشان متأخرش زي ما وعدت بابا سيبيني اروح اتكلم معاه كلمتين دي أول مرة اخرج معاه من غير بابا -باباكِ صعب اوي يا"نغم" ده كتب كتابك و بقى جوزك مفروض يفك حصاره عليكم شوية نظرت لموضعه ببسمة هادئة ثم قالت بتنهيدة: -بابا شايف أن ده الصح وانا بصراحة مقدرش اعارضه علشان أكيد عنده حق وبعدين عارفة إيه اللي مستغرباه بجد؛ أن "فايز" نفسه مش معترض ومتفهم خوف وحرص بابا عليا لأبعد حد ده حتى وافق على اقتراحه وهنروح انا وهو نعتمر بعد الفرح -ربنا يسعدكم يا"نغم "ويتمم فرحتك على خير -يارب يا"نادين" يارب قالتها بتنهيدة حالمة وهي تنظر له لتتسع بسمة "نادين" وتشاكسها: -عارفة لو "ميرال" قاعدة كانت استلمتك زي ما كنتِ بتعملي معاها … فقومي احسن و روحي لجوزك بدل ما اندها ونحفل عليكِ ابتسمت "نغم" وانسحبت قائلة: -لأ وعلى ايه ربنا أمر بالستر…انا هروح وهبعتلك جوزك هزت رأسها وإن اتى هو وجلس بجوارها، قال بريبة: -كنتِ بتتوشوشي أنتِ و"نغم "في إيه أنا مش مرتحالك يامغلباني ابتلعت رمقها وهزت رأسها: -ابدًا يا حبيبي كنا بنتكلم عن "فايز" أومأ وعقب على حديثها: -على فكرة "فايز " طلع حد كويس اوي سَعدت برأيه الذي تغير، وكادت تنطق لولآ سؤاله: -كلمتي امي واطمنتي على الولاد هزت رأسها بنعم وببسمة متوترة حاولت أن تمهد: -السبوع حلو أوي يا "يامن" حمسني اعمل زيه المرة الجاية -المرة الجاية ايه يا"نادين" لسه بدري علشان نفكر زاغت نظراتها وتلعثمت بترقب: -مش بدري اوي يعني ولا إيه... -مش فاهم! تلجلجت وهي تتهرب من نظراته: -أصل... يعني انا… استراب من هيئتها المتوترة وقال بترقب لجوابها: -انتِ ايه يامغلباني اتكلمي! -انا...انا حامل قالتها بنفس واحد وبأندفاع وهي تخفي وجهها بكفوفها تتوجس خِيفة من ردة فعله الذي كان أنه رمش عدة مرات غير مستوعب ما نطقت به و تأهب بنظراته واعاد سؤالها وهو يجذب يدها لكي يكشف عن وجهها: -أنتِ ايه قولي تاني كده؟ قطمت شفاهها بخوف وهي تكرر: -حامل...يا "يامن" نمت بسمة على ثغره لم تنتبه لها حين تسائل بعدم تصديق: -انتِ بتهزري صح! تنهدت بضيق وهزت رأسها المنكسة بلا وقالت كي تخفف وطأة الخبر عليه: -اناعارفة إني وعدتك نأجل لما الولاد يشدوا حيلهم شوية بس معرفش ده حصل أزاي... انا آسفة قالت أخر جملة بخزي كونها أخلت بوعدها بسبب إهمالها في احتياطها ولكنه دائمًا ما يفاجأها بردة فعله فلم يزيدها عليها بل رفع ذقنها بواسطة انامله وقال بتلك البسمة البشوشة الدافئة وهو يكوب يدها بين خاصته: -بتعتذري وبتبرري ليه! اه احنا كنا متفقين بس أنا عمري ما أقدر ألومك ولا اعتب عليكِ دي إرادة ربنا لتتسأل بتوجس: -يعني انت مش مضايق مني نفى برأسه واتسعت بسمته بسعادة صادقة وربت على يدها كي يدعم حديثه المطمئن لها: -بالعكس أنامبسوط جدًا علشان ربنا هيكرمني بحتة كمان منك ولا انتِ نسيتي انا قولتلك عايز نص دستة خمس بنات و ولد وبعدين أمي كانت دايمًا بتقول الولاد لما بيجوا ورا بعض مش بتحسي بتربيتهم والحياه بتترتب بدري لما يكبروا مع بعض لتتسائل وهي تتناوب نظراتها على عيناه تحاول تستشف صدق سعادته: -بجد مبسوط يا "يامن" أجابها بكل ثقة: -بجد ياقلب وروح "يامن" ابتسمت تلك البسمة التي لطالما اوقعته أسير في عشقها واحتضنت ذراعه براحة واسندت عليه رأسها، ليربت هو على يدها ويهمس بمجون وعيناه تفيض فيض بعشقها: -عارفة بقى ايه اكتر حاجة محمساني للحمل ده... تأهبت لإجابته باهتمام ليستأنف هو بغمزة ذات مغزى من عيناه الناعسة: -أن الهرمونات هترجع تاني وهنرجع للتفاوض السلمي والامجاد هتعود نكزته بخفة وقالت بلافائدة: -رخم وبتموت في قلة الأدب وهنا همس بمكر بالقرب من أُذنها: - بذمتك هو في احلى من قلة الأدب دفنت وجهها بذراعه وهزت رأسها ليقهقه هو على حرجها الذي يتأكد انها ستتخلى عنه بعد ايام بفضل حملها. وهنا كان ختامها؛ فقد نال كل من ابطالنا ما يستحقه بعد أن تلاشى الغمام عن بصيرتهم وادركوا اخيرًا أن لا توجد خطايا بريئة بل الخطيئة تظل خطيئة مهما تعددت مبرراتها… تمت. بقلم ميرا كريم.

مقالات ذات صلة

احببتك ولكن سهام صادق ٢

وعد وعلي الجزء ٤

كامل الأوصاف الكاتبة صفاء حسنى الفصل ١/٢/٣

فَتىً سرق خُبزًا ليُنقِذ أُمَّهُ المُحتضِرة — وبعد دقائق فقط، جعل قاضٍ أميركيٌّ القاعةَ كلَّها في موقعِ المُتَّهَمين

عزيز وغاليه بقلم سهر محمد ١

جوزي مراهق 2

اترك تعليقاً إلغاء الرد