احببتك ولكن سهام صادق ٢

الرواية حصرية لصفحة سحر الفيروز و موقع المحتوى.

ملحوظة صغيرة قبل ما نبدء قراءة ، الأحداث دلوقتي فلاش باك، بتحكي عن بداية لقائهم وإزاي حسام حب هنا ونعرف إيه حصل في الليلة اللي خلت هنا متكرهش راجل قد ما كرهت حسام.

رواية أحببتك ولكن
بقلم سهام صادق.

# البــــــــــــارتــــــــــــ الخـــــامــــس

وبعد أن عرّفهم العميد علي ضيفهم الهام، أشار إليه بابتسامة ودودة وقال:

**العميد:** اتفضل يا مستر “حسام”.

تقدّم حسام بخطوات هادئة وواثقة، بينما راحت رنا تراقبه باهتمام واضح، ثم مالت ناحية هنا وهمست لها:

**رنا:** مممممم… اسمه حسام، اسم على مسمى.

ثم نظرت إلى هنا، فوجدتها ما زالت منشغلة بهاتفها وكأن الأمر كله لا يعنيها.

تنهدت رنا بضيق مصطنع وقالت:

**رنا:** طول عمري بقول عليكي طفلة ومش هتكبري أبدًا… صبّرني يا رب عليها.

قالتها وهي تضحك، بينما رفعت هنا عينيها عن هاتفها وردت بلامبالاة:

**هنا:** مالكيش دعوة يا غلسة… ركزي إنتِ ياختي. أنا مالي بيكم، ولا عايزة أسمع أصلًا قصة حياته.

ضحكت رنا وهي تهز رأسها، ثم قالت بإصرار:

**رنا:** ركزي بقى يا هنا، بجد والله هتستفيدي… مش بهزر.

تنهدت هنا، ثم وضعت هاتفها جانبًا واستسلمت لألحاح صديقتها:

**هنا:** ماشي يا ستي، هركز… هو اسمه صحيح إيه؟

رفعت رنا حاجبيها بدهشة مصطنعة:

**رنا:** حسام.

ضحكت هنا:  وإيه كمان؟

**رنا:** بس يا بت خلاص بقى… ، نركز بقى ها.

وبالفعل، بدأت هنا تستمع إلى حديث حسام، وفي البداية لم تكن تهتم كثيرًا بما يقوله، لكن مع مرور الوقت وجدت نفسها منجذبة إلى حديثه دون أن تشعر.

كان يتحدث بثقة، لكن دون غرور، ويختار كلماته بعناية، ويتحدث عن تجربته في عالم الأعمال والنجاحات التي حققها خلال السنوات الماضية.

كانت هنا تنظر إليه بين الحين والآخر، ثم عادت تُحادث نفسها:

**هنا في نفسها:** أول مرة البت رنا يكون ليها نظرة في حد… لا، طلعت بتفهم! وشكله ليه شخصية جذابة فعلًا… لا وكمان أمور!

سرعان ما انتبهت إلى أفكارها، فضحكت على نفسها وهزت رأسها:

**هنا لنفسها:** متفوقي يا هنا! هو إنتِ هتتعدي من رنا ولا إيه؟

وبمرور الوقت، وجدت نفسها تتابع حديثه باهتمام أكبر مما كانت تتوقع.

فحسام لم يكن يتمتع فقط بقدر كبير من الوسامة، وإنما كانت له جاذبية خاصة في طريقة حديثه وثقته بنفسه، الأمر الذي جعل الكثير من الطلاب يستمعون إليه باهتمام.