سداسي وقعوا في الحب

اسكريبت_كامل
_انا جمعتكم كلكم النهارده عشان اقولكم قراري انتوا السته خطوبتكم الاسبوع الجاي
كلهم بصوا عليه بذهول خطوبة مين رد زين پصدمه
_وه كيف الكلام ده يا چدي
كمل اياد پصدمه اكبر _ قصدك ايه بالكلام ده يا جدي
بس اسر ضحك وقال _ اكيد بتهزر يا جدي صح
ساد الهرج في المكان بس الجد خبط بالعكاز بتاعه وقال
_لا مش بهزر يا دكتور اسر كلامي صح جدا انتوا التلاته هتتجوزوا البنات التلاته
في الوقت ده قامت چيهان بذهول _ حضرتك تقصدنا احنا وانا من ضمنهم يا جدي
هز راسه وبهدوء وقال_ طبعا قصدي عليكم وانتي اول واحده يا بشمهندسه انتي ناسيه أن ابوكي الله يرحمه وصاني عليكي وبقيتي زي ملك و سلمى
قامت سلمى من مكانها بعصبيه _ ازاي يعني يا جدي تقرر عننا يعني ايه اصلا كل واحد حر في اختياره
الجد زعق وقام وقف _ انتي بتعلي صوتك عليا يا استاذه نسيتك نفسك ولا ايه ولا خلاص عشان سبناكي تكملي تعليم وتوصلي لمكانتك دي مش هنعرف نتكلم معاكي
ردت سلمى بهدوء _ انا اسفه يا جدي بس القرار ده غلط
رد الجد وقال وهو بيبص ل زين_القرار ده صح جدا ولاد عمكم اولى بيكم ودي عادتنا من زمان ولا نسيت يا زين عادتنا انت الوحيد اللي عشت في الصعيد وعارف العادات دي
رد زين بتنهيده _انا نسيت خالص الموضوع ده يا چدي حضرتك عارف ان الدنيا اتغيرت وكل واحد بيختار حياته مش بالطريجه دي واصل يا چدي
هز الجد راسه بنفي وقال _ لاء هي الطريقه دي الصح وعشان تمسكوا الشركه وتتحكموا فيها توافقوا على قراري يا اما هبيع كل املاكي وهتبرع بيها وانتوا مش هيكون ليكم حاجه
بصوا ل بعض بذهول وهو مصډومين ازاي جدهم يقول كده قاطع سكوتهم

صوت جدهم
_مسمعتش رايك يا ملك ولا عندك اعتراض زيهم يا استاذه
بصتله پخوف واتكلمت وهي قلبها بيدق _حضرتك يا جدي انا مش عندي اعتراض بس
رد عليها باستفسار _بس ايه
ردت ملك بخوف_ حضرتك مقولتش مين هيتجوز مين
بصلها وابتسم بهدوء_ البشمهندس زين هيتجوز البشمهندسه چيهان
زين بصلها بذهول وچيهان بصتله پحده وقالت
_ انا مستحيل اتجوز الھمجي ده
قام زين من مكانه بعصبيه _ مين ده اللي همچي لمي نفسك عشان مزعلكيش
قامت چيهان وقالتله _ تزعل مين و
زعق الجد بصوت عالي_ اسكتوا انتوا الاتنين مش عايز اسمع الكلام ده خليني اكمل كلامي وانا كلامي مش اختيار ده أمر
رد اسر بهدوء _ اقعد يا جدي العصبيه مش كويسه عشانك وهنعمل اللي انت عايزه
سند الجد وقعد وبصله _ انت اللي مريحني يا دكتور ربنا يريحك
اتنهد وقال _ اياد هيتجوز سلمى و انت يا دكتور اسر هتتجوز ملك
اياد بص ل سلمى پصدمه وبعدها بص بسرعه على ملك واتنهد بحزن في الوقت ده بصت سلمى عليه واتنهدت بتعب لما لاحظت نظراته دي أما ملك ف بصت ل اسر واتنهدت بارتياح وابتسامه بسيطه اترسمت على وشها قامت سلمى بعصبيه وقالت
_انا مش موافقه على الكلام ده
رد الجد بحده_ وانتي ملكيش راي القرار قراري وانا صدرته خلاص يا استاذه
ردت سلمى بضيق_ازاي يا جدي الجواز مش بالڠصب احنا لينا راي وطالما مش موافقين خلاص كلنا معترضين واحنا مش عايزين شركات كل واحد هيشتغل في مجاله
ايمان_صالح
قام الجد وقال _ طالما معترضين ومش عايزين جواز انا موافق
ابتسمت سلمى و اياد و چيهان بارتياح بس الباقي بص على الجد بقلق وابتسامتهم اختفت اول ما قال
_انا معنديش مشكله كل واحد وحر
بس بما انكم أحرار انا كمان حر هبيع املاكي وانتوا ملكوش حاجه يعني اللي ليه عياده هقفلها ويشوف شغل برا واللي كان هيفتح مكتب محاماه يا استاذه سلمى فده انسيه خالص واللي كان هيشتغل في شركه يبقى هيتحرم منها ويشوف برا بقى
ردت سلمى بذهول _ حضرتك كده بتعجزنا
رفض الجد وقال_انا مش بعجزكم انا بقولكم على اللي المفروض يحصل وهعمله هسيبكم لحد بكرا تفكره وبعدها تقولوا قرراركم بس وقتها انا كمان هنفذ قراري واه لو وافقتوا هتنزلوا تشتغلوا في الشركه مع بعض يلا كل واحد يروح اوضته
كان بيتكلم بتحذير وبعدها بصوا لبعض ومشيوا واسر قرب من جده وقاله
_ تعالى يا جدي ارتاح انت عملت مجهود وده مينفعش عشانك
خده من أيده دخلوا لحد السرير وعطاله العلاج و خرج راح اوضته يفكر في كلام جده كويس
نتعرف على ابطالنا السته
اسر المنشاوي 30 سنه دكتور عنده عياده خاصه بيه جده اللي كان فاتحها عشانه شاب طموح ومجتهد جدا مش في دماغه الجواز ولا الحب كان دائما في دماغه دراسته وشغله وبس
ملك المنشاوي 23 سنه متخرجه من تربية بتشتغل في مدرسة خاصة وبتشتغل في الشركه مع جدها و اعمامها و الاربعه و باباها بتحب اسر جدا من زمان بس يا ترى هيحبها شخصيه رومانسيه وطموحه وطيبه جدا
اياد المنشاوي 29 سنه خريج هندسه دخل كلية الهندسه بإرادة جدو بيحب ملك بنت عمه من زمان بس هي مش حاسه بيه خالص شخصيته مش شايل مسؤولية بيحب الرسم جدا
سلمى المنشاوي 26 سنه خريجه حقوق دخلتها بإرادتها عنيده وطموحه جدا جدا اشتغلت تحت ايد محامي واسمها لمع وطلبت من جدها مكتب ووافق يعمله قبل قراره
زين المنشاوي 33 سنه عايش عمره في الصعيد بعد ما امه اتطلقت من باباه خدته وراحت الصعيد واتربى في الصعيد بس في الجامعه جه وقعد مع جدو وعيلته واشتغل مع باباه في الشركه خريج هندسه عصبي وعنيد جدا جدا
چيهان الچارحي 28 سنه خريجة هندسة باباها جابها الڤيلا ووصه الجد عليها عشان تقعد وتشتغل معاه في الشركه وبعد ۏفاة باباها وامها قعدت معاهم في الفيلا
زين كان واقف بعصبيه وبيكلم نفسه
_ انا همچي واحده زي دي تغلط فيا اني طيب اني هفرچها وعرفها ازاي تكلمني ماشي يا چيهان
كان واقف بعصبيه في اسطبل الخيول دخل عليه اياد وبصله باستغراب
_ مالك بتكلم نفسك ليه يا زين
رد زين بحده_سبني في حالي يا ايد انا فيا اللي مكفيني
رد اياد بدهشه _ طيب براحه بس كل ده عشان قرار جدك
قال زين بحده_ لاه مش جرار چدي انا اللي مضايقني البومه وردها الماسخ اللي اسمها چيهان عليا
ابتسم اياد نص ابتسامه _ طيب براحه يا ابن عمي مش كده وانا اللي كنت مفكر انك زعلان من قرار جدي
رد زين وقال _ انا كنت زعلان بس دلوقتي مش فارق معايا انا كل اللي في دماغي ازاي ائدبها عشان بعد كده تقول عليا همچي
Eman saleh
بصله اياد بقلة حيلة وكان خارج ف زين قاله
_ استنى يا اياد انت كنت چاي لي
رد اياد بضيق_ كنت جاي اتكلم معاك ونشوف حل بس انت كمان متضايق فهخرج برا
_لا استنى يا اياد تعالى نخرچ برا ونتكلم مع بعض
خرج اياد وزين وبعدها بصله زين واتنهد
_ انت زعلان من قرار جدك صح
رد اياد بضيق _ انا من وقت ما اتولدت وهما بيفرضوا عليا رأيهم اتعلمت وجيت
اختار
كلية فنون جميله جدك قال لا هندسه وتشتغل معانا في
الشركه
الرسم مش هيأكلك عيش تقف وتساعد في الشركه كمان وافقت بس دلوقتي يتحكم فينا ويجوزنا ڠصب عنا ده مش عدل
زين ابتسم وقاله _ وانت زعلان عشان هتتچوز سلمى
رد اياد بضيق _ انا زعلان عشان بيتحكم فينا يا زين
رد زين وقال _ على فكره يا اياد چدك بيفكر صح لما لقاك شاطر وچبت مجموع دخلك هندسه عشان تمسك الشركه وانت كمان ما انت اتعلمت الرسم وخدت كورسات وچدك قالك هيفتحلك مرسم و سلمى بت عمك مش عفشه دي محترمه واحنا عرفينها زين المشكله بس انها عنيده وعصبيه شوية بس انت تقدر تتعامل معاها زين
Eman saleh
كان اياد هيتكلم وبعدها سكت هيقولوا ايه بيحب ملك اللي لو جده نفذ كلامه هتبقى مرات اسر ابن عمه !
اياد سابه وطلع الڤيلا وهو طالع قابل اسر بصله بضيق وكان مكمل بس اسر وقفه
_رايح فين يا اياد
رد بضيق وهو مش بيبصله_طالع اوضتي يا دكتور فيه حاجه
_فيه حاجه ! ودكتور ! تبقى متضايق مالك زعلان ليه
رد اياد بدهشه _ زعلان ليه! انت مشوفتش كلام جدك وقراره
ابتسم اسر وقال _ ماله قرار جدي عادي بنات عمنا مش وحشين يعني
رد اياد بضيق _ يعني انت موافق على جوازك من ملك
قال اسر _ ملك ولا غيرها مش هتفرق معايا انا كده كده مفيش حد في دماغي وبنات عمنا كلهم محترمين ومتربين على ايدينا وعارفينهم وعلى فكره سلمى كمان كويسه يا اياد ولا انت في دماغك حد
قال اياد بزهق وضيق_ مش في دماغي حد حتى لو فيه خلاص بقى راحت
سابوا وطلع واسر بص عليه باستغراب وقال _ ماله ده
أما عند البنات كانوا متجمعين التلاته سلمى وچيهان بيمشوا بعصبيه أما ملك قاعده سرحانه ومبتسمه سلمى بصتلها بغيظ وزعقت
_ ملك
ملك بصتلها بخضه