سداسي وقعوا في الحب

_ايه في ايه
قالت سلمى بغيظ_حضرتك قاعده بتضحكي واحنا بناكل في نفسنا
ردت ملك مبتسمه وقالت_وتاكلوا في نفسكم ليه عادي
ردت چيهان بغيظ _ ايه هو ده اللي عادي انتي موافقه تتجوزي اسر
ابتسمت ملك وهي سرحانه _ يالهوي ده انا اتمنى
بصتلها سلمى بدهشه _ هتتجوزي اسر موافقه عليه !
ضحكت ملك وقالت _ طبعا ده انا مصدقت قرار جدك ده
ردت سلمى بدهشه اكبر _ اسر هتتجوز اسر طيب واياد
ردت عليها ملك باستغراب _ ماله اياد مش فاهمه مش انتي هتتجوزيه و چيهان هتتجوز زين
ردت چيهان بعصبيه _ انا اتجوز الھمجي ده
ضحكت ملك بصوت عالي_ وطي صوتك عشان باين عليه مستحلفلك اوي
قالت چيهان پغضب _ يعمل اللي هو عايزه انا براحتي واتكلم زي ما انا عايزه هو همجي ومش بيتفاهم كمان
ردت سلمى پغضب _ وانا كمان مش عايزه اتجوز اياد ولا هو ولا غيره اصلا مش عايزه اتجوز انا
قالت ملك بهدوء _ ماله بس اياد اياد كويس يا سلمى انتي بس محتاجه تعرفيه كويس و زين كويس يا چيهان ادي نفسك فرصه تعرفيه
قالت سلمى وجيهان في نفس الوقت _ مش هدي لحد فرصه ولا عايزه اعرف حد
في الليل چيهان كانت طالعه من الڤيلا شافها جدها اللي كان واقف مع زين
الجد_رايحه فين يا بشمهندسه في الوقت ده
ردت چيهان بضيق _ فيه ورق في الشركه محتاج يخلص هروح اجيبه
رد الجد وقال _ هتروحي لوحدك خدي زين معاكي
ردت بعصبيه _ لا يا جدي مش عايزه حد انا هروح لوحدي
_اسمعي الكلام وخدي زين حتى يساعدك في
الورق ما انتوا نفس الشغل
Eman saleh
كانت لسه هتتكلم بس جدها بصلها بتحذير فطلعت بعصبيه وراحت ناحية عربيتها بس زين وقفها
_رايحه فين انتي
ردت عليه بضيق _ هركب عربيتي
_لاه انتي ماشيه معايا يبقى تركبي عربيتي
ردت بعند _ مش هركب معاك
بصلها زين بعصبيه _بقولك ايه انا مش طايقك اصلا اركبي يا بنت الناس عشان صوتي ميعلاش ونفرج الخلق علينا
_ لا مش هركب معاك ومش هروح معاك وهروح لوحدي
_تروحي لوحدك فين اتچننتي اياك يلا اركبي العربية من غير صوت
ركبت العربيه بعصبيه وقفلت الباب فبصلها بتحذير وركب وراحوا الشركه
اياد كان داخل الڤيلا لقي جدو داخل نادى عليه فراح اياد ناحيته بضيق وزعل قرب منه وقال
_نعم يا جدي
رد عليه جدو وقالوا_كنت فين كده يا اياد
_كنت مع اصحابي يا جدي
كشړ الجد وقال _وبعدين معاك بقى مش ناوي تهتم بشغلك وحياتك بعيد عن اصحابك دول
قالوا بضيق _يعني المفروض اعمل ايه
_تهتم بنفسك وشغلك ها قررت ولا لسه في الموضوع
رد اياد بضيق _ يا جدي سلمى دي متنفعنيش شخصيتها صعبه ومش اي حد يستحملها
رد الجد بجديه _هي دي اللي تنفعك يا اياد مفيش غيرها عشان تكون عارف سلمى كويسه وجدعه اوي ومفيش منها وسيبك من الاوهام اللي في دماغك دي
كشړ اياد وبصله وقاله _ اوهام ايه يا جدي قصدك ايه
_ولا حاجه يا ابني اسندني عشان عايز اخد العلاج بتاعي
ايمان_صالح
اتنهد ومسك ايد جدو وډخله لحد اوضته قي الوقت ده دخل اسر ف اياد بصله بضيق وقال
_ عن اذنك يا جدو انا خارج
سابهم وطلع واسر بص ل جدو بذهول
_ هو ماله ده يا جدو
_سيبك منه واديني العلاج يا دكتور
_حاضر يا جدو
وقف وعطاله العلاج ف جدو سألوا
_ ايه رايك في اختياري ليك يا اسر
بصله بعدم فهم_قصدك ايه يا جدي
_قصدي عروستك ملك
ابتسم بهدوء وقال بجديه _ بنات اعمامي مفهمش عيب وانا مش هعترض على قرارك يا جدي
اتكلم الجد بفرحه_يعني انت موافق على ملك
هز راسه بهدوء _ اللي انت عايزه انا هنفذه يا جدي
_ربنا يريح قلبك يا دكتور زي ما انت مريح قلبي وإن شاء الله هيجي اليوم وتعرف اني اختارت ليك المناسبه جدا
_وانا متأكد من كلامك يا جدي عن اذنك انا رايح اوضتي عايز حاجه
_لا اطلع يا ابني
سابه وطلع اوضته وبعدها أبوه وأمه ډخله عنده ف امه اتكلمت
_صحيح الكلام اللي احنا سمعناها ده يا اسر جدك ناوي يجوزكم ولاد اعمامكم
رد بهدوء_ اها يا امي فعلا
رد أبوه وقاله_ وانت هتتجوز مين
اسر بهدوء_ ملك
شهقت الام وقالت _ واشمعنا انت تتجوز ملك ده انت دكتور قد الدنيا
الاب رد عليها وقال _ مالها ملك إن شاء الله يا ام اسر
_ دي حيالله حتة مدرسة ليه متتجوزش چيهان اهي مهندسه تليق بيك
رد اسر وقال _ مالها يا ماما ملك مش هتفرق عن چيهان مدرسة ولا مهندسة مش هتفرق كتير ده اختيار جدي وانا موافق عليه
رد الاب وقال _ عين العقل يا دكتور ملك طيبه وهاديه على عكس البنتين طبعهم شديد جدك اختارلك الأصلح
ردت الام وقالت _ امال البنتين هيتجوزوا مين
اسر _ زين هيتجوز چيهان و اياد هيتجوز سلمى
شهقت الام وقالت _ بقى ابن فاطمه الفلاحه هيتجوز چيهان المهندسه القمر دي ولا التاني هيتجوز سلمى وانت تقع في ملك دي
الاب بصلها وزعق _ احترمي نفسك بناات اخواتي ميتعيبوش وولاد اخواتي كمان مش عايز اسمع نفسك فاهمه
ايمان_صالح
في أوضة اياد بعد ما قالهم على
قرار جدو
قربت الأم بفرحه
_ والله جدك ده بيفهم سلمى دي مفيش منها مشفتهاش يا ابو اياد وهي بتترافع في المحكمه كانت عامله ازاي بت
ليها شخصيه

بجد
الاب اتكلم بهدوء وقال _ فعلا سلمى كويسه ومتربية بس انت ايه رايك يا اياد
اتكلم بضيق _ انا مش موافق على سلمى دي مش شبهي يا بابا بس جدي مصمم
رد الاب بهدوء_ وانت مشكلتك فيها ايه البت كويسه ومش هتلاقي زيها وبكره تعرف ولا تحب جدك يبيع كل حاجه وانتوا تدوروا على شغل برا يا تلاقوا يا لا فكر كويس يا بشمهندس قبل ما تقول قرارك
في أوضة سلمى كانت واقفه قدام اهلها بعصبية
_ازاي يعني يا بابا عايزني اوافق على اياد
الاب بجديه_اسمعي الكلام جدك بيختار كويس اياد العريس المناسب ليكي
_مناسب ايه يا بابا اياد مش شايل أي مسؤولية ده شخصية لا يعتمد عليها اصلا ازاي هقبل اتجوزوا
_هتقبلي يا سلمى وبعدين ازاي ميعتمدش عليه وهو شايل مسؤولية
_فين المسؤولية دي ده انسان مستهتر
اتكلم الأب بحزم _ وانا قولتلك جدك بكره تقوليله انك موافقه انا سيبتك تدخلي حقوق زي ما انتي عايزه مع إن كنت عايزك تدخلي تجاره ولا هندسه وتمسكي الشركه بس انتي هبله ومش هقرر غلطي تاني هتتجوزي اياد حتى لو ڠصب عنك
الام اتكلمت بهدوء _ البنت عندها حق اياد مش من النوع المعتمد عليه وبعدين هي حقها تختار
الاب زعق وقال_ انا قولت اللىي عندي وكلامي هيتنفذ بالحرف الواحد فاهمين
أما ملك فكانت مختلفه تماما هي كانت فرحانه بأسر و اهلها كمان وافقوا طالما مش هيطلعوا من الشركه شركة المنشاوي ….
تاني يوم اتجمعوا كلهم عند جدهم بعد ما زين بلغ أبوه وهو وافق طبعا مستحيل يضيعوا الشركه من أيديهم الجد كان قاعد وكلهم حواليه مع ابناءه وزوجاتهم طبعا بصلهم وقال
_انا جمعتكم عشان اعرف قراركم بس قبل ما تقولوا