مريم ج 3
مريم 3
-هالة !
هل احتدت لهجة والدها الآن ؟!!
إلتوى ثغر “هالة” ببسمة تهكمية و هي ترفع نظراتها لتشتبك مع نظرات أبيها العابسة …
-إيه إللي حصل بالظبط ؟ .. تساءل “رفعت” بجمودٍ
هزت “هالة” كتفيها قائلة ببلاهة :
-إيه إللي حصل يا بابي ؟ في حاجة حصلت ؟!
كز “رفعت” على أسنانه بحنق شديد و كرر :
-هالة ! بقولك إيه إللي حصل ؟ قبل ما تكلميني إمبارح و بعد ما قفلت معاكي.. جوزك عملك إيه و ضړبك إزاي ؟ و إيه معنى كلامك و تصرفاتك معاه دلوقتي ؟ هو مهددك و لا إيه ؟ إنتي خاېفة منه ؟ ماتخافيش يا حبيبتي أنا جيت و عايز أسمع منك كل حاجة. و تأكدي إن حسابه هايكون عسير معايا !
تصنعت “هالة” الدهشة و هي تقول :
-ضـ,ـړب إيه و ټهـ,ـديد إيه يا بابي ؟ بقولك فادي كويس معايا أوي و حنين عليا جدًا.. ده مش بيخليني أشيل كوباية تقوم تقولي بيضـ,ـربك !!
رفعت باستـ,ـنكار منفعل :
-إنتي بتهرجي صح ؟ أومال مكالمة إمبارح دي كانت إيه ؟ مش إنتي قولتيلي بعضمة لسانك الحيوان ضـ,ـړبني و حابسني في الأوضة ؟ و كنتي مفطورة عياط !!!
ضحكت “هالة” بعذوبةٍ، و قالت و هي تعض على شفتها بخجل :
-معلش يا بابي إنت فهمتني غلط و أنا كنت غلطانة لما كلمتك. بس كنت مصډومة شوية.. هو مش ضـ,ـړب ضـ,ـړب يعني. هو كان بيهزر. إنت عارف حركات العرسان دي بقى. مراد كان كده بس مش أوي. بصراحة فادي راجل ماحصلش.. بصراحة أكتر هو راجل أوووي !
ثم قالت معتذرة :
-أنا آسفة بجد لو كنت قلقتك عليا.. بس إنت بتستحملني. طول عمرك بتقوم معايا بدور الأب و الأم ف دايمًا بشغلك بكل حاجة تخصني حتى لو كانت تافهة.. أوعدك مش هاخضك كده تاني
ما زال العبوس يملأ وجهه و هو ينظر إليها بعدم اقتناع، لكنه لم يجد بدًا من مسايرتها.. أولًا و أخيرًا هو لا يتمنى أبدًا أن يُهدم استقرارها مجددًا، لذلك، فلتسير الأمور كما هي، طالما لم يحدث أمرًا جلل …
-إتفضل القهوة يا رفعت بيه !
إنتبه “رفعت” إلى صوت “فادي” في هذه اللحظة.. إلتفت إليه متخلصًا من مزاجه السيئ بلحظة، قابله بابتسامة و هو يقول ملقيًا نظرة بساعة يده الضخمة :
-حبيبي تسلم إيدك. أنا هادوقها بس عشان يدوب أطلع على الشغل.. مع الأسف اجازتي مش إنهاردة زيك !
و ضحك و هو يتناول فنجان القهوة ليرتشف منه القليل بسرعة …
فادي بجدية : ده كلام يا رفعت بيه.. أول زيارة في بيت بنتك و تمشي منغير ما تتغدا معانا على الأقل ؟ مايصحش !
