انتي حقي سمرائي ج ٨ والاخير

تبسمت سمره بترحيب

بينما رد عاصم على الهاتف.
فى البدايه تحدث عمران قائلاً:
أنت فين،روحتلك مكتبك فى الشركه،السكرتيره قالت أنك مجتش الشركه،وأنا خرجت من الڤيلا،بدرى مع عامر وصلته للمطار،ورجعت لهنا عالشركه،هتتأخر على ما تجى،محتاج إمضتك على ملف.

نظر عاصم لسمره التى عادت تنام على صدره،وتبسم قائلاً:لأ أنا مش جاى للشركه النهارده خالص،لو محتاج إمضتى،ضرورى،أبعتلى الملف،عالڤيلا.

رد عمران:مش جاى الشركه ليه،سمره جرالها حاجه؟

تبسم عاصم وهو ينظر لسمره قائلاً:لأ بخير،بس أنا مش جاى،أعتبرنى أجازه النهارده،مش من حقى أخد أجازه.

تبسم عمران قائلاً،بمرح:لأ طبعاً مش من حقك ناسى أنك أكبر الصقور،ولو خدت أجازه لازم يكون فى سبب قوى،بس لو السبب سمره،أكيد سبب قوى جداً.

تبسم عاصم يقول:هو ده فعلاً سبب الأجازه،ها بقى قولى أيه الملف الى كنت محتاج توقيعى عليه،علشان أعرف مدى أهميته؟

رد عمران:الملف الى طلبته منى من كام يوم الخاص بميراث سمره،وأملاكها كلها،الى هترجعهالها.

تبسم عاصم يقول:لأ مش مهم،أبقى هات الملف معاك بالليل،وأنت راجع.

رد عمران:تمام أهو بالمره سمره هى كمان تمضى،عليه،وأبقى أسجله بالمحكمه،فى أقرب وقت،يلا سلام،بلاش أعطلك،وسلملى على سموره.
أغلق عاصم الهاتف دون رد السلام على تلميح عمران،ثم أعاد الهاتف الى مكانه،وعاد مره أخرى يضم سمره بين يديه

نظرت سمره لعاصم قائله:عمران كان عاوز أيه؟

رد عاصم:كان محتاج توقيعى على ملف،بس مش مهم،أنا قولت له أنى فى أجازه.

تبسمت سمره،وهى تلم خصلات شعرها بيدها،ونظرت لعاصم قائله:أنا فاكره لما قبل كده قولتلى،وأنت معايا،بتفصل عن الشغل.

مسد عاصم على وجنتى سمره بيده قائلاً:فعلاً،مش بس عن الشغل لأ بفصل عن العالم كله،وببقى مش عاوز أفكر غير فيكى.

قال عاصم هذا،وأقتنص شفتاها يُقبلها،بعشق جارف، ليُلقى الأثنان العالم خلفهم،ويسبحان بعالمهم،المُزين بالعشق،ليعودا وهم يشعران بالأرهاق،ليغفوا الأثنان،قليلاً

ليستيقظا على رنين هاتف سمره.

صحوت سمره من غفوتها،على صوت هاتفها،أبتعدت عن عاصم قليلاً وأتت بالهاتف،ثم نظرت لعاصم قائله:دى ماما ناديه هرد عليه علشان بتقلق،لو أتصلت عليا ومردتش عليها.
تبسم عاصم،دون رد
ردت سمره
لكن تعجبت من طريقة ناديه فى الحديث حين قالت لها مباشرةً: سمره عاوزاكى تجيلى على المستشفى دى حالاً