ودق القلب ٢
ودق القلب ٢
– أتفضلي ياأنسه
ونظرت الي طيفها وهي تردف داخل الغرفه ..وسمعت همسات الأعتراض والحنق
لتأتي حياه وتنظر حولها متسائله
– مالك يامها واقفه كده ليه
فألتفت مها اليها ثم جذبتها نحو مكتبها
– مضيقه ياحياه .. مضيقه اووي
فضحكت حياه علي تعبيراتها وتسألت بدعابه
– ومضايقه من ايه يامها
فقضمت شفتيها بقوه وهي تُطالع الفتيات
– انتي شايفه الدنيا صيام وهم عاملين ايه في نفسهم
وأشارت بيدها نحو غرفة مروان
– أدخلهم ليه ازاي دلوقتي .. انتي مسمعتيش قالوا ايه عليه اول مادخل مكتبه.. ده قالوا عليه عنيه حلوه وجنتل مان ياحياه
فلم تتمالك حياه ضحكاتها ف مها أصبحت مفضوحه بالفعل
تُداري مشاعرها منه ولكن بمفردها او معها يبدء كل شئ بالظهور
فحدقت بها مها بحنق لتعتدل حياه في وقفتها وهي تتنحنح
– انا بقول أرجع اشوف شغلي بقي
وانصرفت من امامها وهي تكتم صوت ضحكاتها
لتخرج أول واحده من غرفه مكتب مروان .. فتتبعها اخري .. الي ان جاء دور اجملهم وأقصرهم في الملابس
فنظرت لها بقوه وهي تهمس داخلها
– مبقاش فاضل غيرك .. اخليكي بعد مين انا طيب
وأشارت اليها بوجه عابس
– أتفضلي ياأنسه
فتمتمت الاخري بدلال : ميرسي
وقررت مها ان تدخل خلفها ولكن انتظرت حتي لا يحرجها مروان
وظلت تنتظر خروج الفتاه الي ان نهضت من فوق مكتبها وجمعت بعض الاوراق
– لاء ماهي كده طولت بقي
وأطرقت الباب ودخلت دون ان تنتظر رد .. لتجد مروان يضحك مع الفتاه بل ويسألها عن بعض الاشخاص الخاصه
فيبدو انها من معارفه
وانتهت المُقابله .. فمدّت الفتاه يدها لتصافح مروان فصافحها بأبتسامه لم يبتسمها لها طوال عملها معه
وأنصرفت الفتاه بدلالها ورقتها بعد أن ودعها مروان وطلب منها أن توصل سلامها لشقيقها ووالدها
ونظر الي مها التي وقفت تُطالعه تاره ثم تُطالع ظهر الفتاه وهي تُغادر
– مها
فألتفت اليه بفزع
– ها .. نعم
وحدق بها بجمود وداخله يضحك علي ملامحها
– في حاجه يامها
فتسألت بغباء : اكيد هتعين اول بنت في الوظيفه
فضحك مروان وهي يُطالعها
– هو فعلا الاختيار وقع عليها وعلي نادين برضوه
فعادت تسأله
– مين نادين ديه !
فرفع قلمه يحركه بين اصابعه
– اللي لسا خارجه قدامك
وماكان منها الا أن أتسعت عيناها بصدمه
– ايه ديه هتشتغل
ثم تابعت بغيره : هي اصلا فاضيه لغير تقف قدام المرايا
فتنهد مروان وهو يكتم أنفاسه حتي لا يضحك
