ودق القلب ٢
ودق القلب ٢
واكملت سيرها نحو غرفتها حتي تُبدل ملابسها
……………….
أنهت طعامها وجلست تمزح معهم كعادتها ..فهم أصبحوا عائلة لها ..عائله ولدتها الأيام .. ونظرت الي نعمه التي تبدو اليوم جميله ومشرقة الملامح وتسألت بمرح
– جمال هيخطبك مش كده
فضحكت كل من منيره وأمل عليها .. فحركت نعمه رأسها بخجل
– أمبارح قرينا الفاتحه .. وبعد أسبوعين هنجيب الشبكه
وتابعت : دبلتين علي قدنا
فنهضت حياه من فوق مقعدها وأتجهت نحو نعمه الواقفه خلف الموقد تُقلب شئ .
– مبرووك يانعمه .. انا فرحانه اوووي
وحضنتها بمحبه ..ثم قفزت كالأطفال تصفق وتُهلل وتُغني
– يادبلة الخطوبه عقبالنا كلنا
ثم نظرت الي نعمه التي أنفجرت ضاحكه
– مش هي الأغنيه كده ولا أنا غلطت
وتابعت وهي تحك رأسها بتفكير
– منار ديما بتغنيها كده
فتعالت ضحكات أمل ومنيره اللاتي كانوا يكتمون صوت ضحكاتهن وتمتمت نعمه وهي تضع بيدها علي بطنها
– اه بتتغني كده
ونظرت أمل الي منيره وهي تسعل
– أنا لحد دلوقتي مش قادره أصدق انك عشتي طول عمرك بره مصر
فعبست حياه بوجهها وزمت شفتيها كالأطفال
– أتكلملك أنجليزي دلوقتي عشان تصدقي
وبدأت تتحدث بطلاقه .. حتي أقتربت منها أمل ضاحكه ووضعت بيدها علي فمها
– لاء ابوس أيدك أقفلي نشرة الاخبار الأجنبيه ديه
ومر الوقت الي أن شهقت حياه فزعاً مُتذكره أن عمران طلب منها الذهاب اليه ونظرت الي ساعة يدها الطفوليه
– هو عمران بيه في مكتبه
وقبل ان يتسألوا هتفت بمشاكسه :
– مش عارفه عايزني في أيه ..هعرف بس وهقولكم
فضحكوا .. لتقترب من نعمه برقه
– نعمه تعالي معايا عشان خاطري
فطالعتها نعمه وهي تُحرك رأسها برفض وأشارت نحو أمل فذهبت لأمل التي رفضت هي أيضا
وضحكت منيره علي تصرفها الذي يُشبه الأطفال .. وأنتقلت الي منيره وقبل ان تفعل معها مثلما فعلت معهم
نهضت قائله : بس خلاص هاجي معاكي
فأبتسمت وحياه تُقبلها
– أستنيني أعمله قهوته .. عشان تبقي حجه لدخولي معاكي
فضحكت حياه ونظرت الي كل من امل ونعمه بشر .. فضحكوا علي تصرفها
وتمتمت أمل بدعابه
– عمران بيه مش بيعض والله .. ومبيكلش بنأدمين
وأنفجرت نعمه ضاحكه .. لتهمس لها منيره بأمومه
– سيبكم منهم
وأنهت منيره صنع القهوه … وأبتسمت وهي تري نظرات الشر بين الثلاثه
وهتفت بعد أن وضعت القهوه بالفنجان
– يلا ياحياه
فسارت معها وهي تستمع لضحكات كلا من أمل ونعمه .. وألتفت اليهم تخرج لهما لسانها ثم ركضت خلف منيره
