ودق القلب ٢
ودق القلب ٢
ونهض من مجلسه .. وهو يتلاعب بأصابعه ثم نظر الي فؤاد طويلا
– قول اللي عندك يافؤاد من غير لف ودوران
فأبتسم فؤاد وداعب شاربه
– مدام عايزني اكشف اوراقي وماله يابن العمري .. انت ابن الغالي برضوه
وتابع بجديه : مدام محمود مات ومش حلته حاجه ولا بينه وبين حسام شراكه .. انا عايز بنته ليا
فأتسعت حدقيتي عمران وهو يستمع لوقاحته
– علي سنة الله ورسوله .. ولا انت كنت فاكر ايه
وضحك بضحكه بغيضه واكمل
– اهي من لحمي ودمي واستر عليها
وداخله يتمني أن تقع تحت يديه ليذيقها معني الذل ويشفي غليله من محمود فيها
وعاد عمران يجلس ثانية
– حياه أمانه عندي
فضحك فؤاد بتهكم : ما احنا أهلها ولا يصح تقعد عندك اوعند حسام وأهلها موجدين .. ده عيب في حقنا واحنا صعايده وبنفهم في الأصول ولا ايه ياابن الغالي
كان مايقوله حقيقه فمكوثها لديه لايصح .. واذا قرر فؤاد وهو يعرفه تماماً جمع عائلتهم فستكون النتيجه لصالحه
وصمت قليلا وهو يُفكر فيها كيف سيتركه تُعاني مصير هكذا تتزوج رجلا بعمر والدها ويبغضه ايضا هو أصبح يدرك ان كرهه لها ليس الا لانه يربطها دماء ذلك ال…
وعندما تذكر انه بين يدي الله ..أستغفر ربه
وفاق علي صوت فؤاد
– روحت فين ياعمران باشا
ولأول مره يشعر عمران بضعف جبهته ..فلو كان حسام فاق من غيبوته لكانوا فكروا بحل سويا
– انت مش شايف ان حياه في عمر ولادك ولا ايه يافؤاد باشا
فألتوي فم فؤاد قليلا .. ثم اكمل عمران بخبث
– انا سمعت انك داخل صفقة ..
وتابع بمكر : اللي شركتي برضوه داخله فيها.. وانت عارف لما شركات العمري بتدخل في حاجه
فشحب وجه فؤاد وهو يفكر بأنه يحتاج تلك الصفقه بشده
– نتفق ياعمران باشا
فحرك عمران رأسه بأبتسامه ماكره بعد ان نجح في وضع الخيوط بيده كما اعتاد
– شركتي مش هتدخل في الصفقه الجديده اللي هتكون مع الحكومه .. وهسيبهالك تاخدها وهساعدك كمان
فتهلل وجه فؤاد وظهرت السعاده علي محياه … فعمران العمري سيتركه يربح بالصفقه بل وسيُقدم خدماته
واكمل عمران عباراته بأسترخاء
– مسألتنيش ايه هو المقابل
فأعتدل فؤاد في جلسته … وتسأل
– ايه هو المقابل
ومدام الصمت للحظات الي أن
– حياه !
………………………………………………………….
نظرت نهي اليه وهو يتناول الفطور الذي اعدته له .. فتلك مهمتها اليوميه من ضمن مهام عديده كمساعدة شخصيه
