ودق القلب الاخير
ودق القلب الاخير
وحركت شفتيها بأمتعاض .. فضحك علي فعلتها
– عايزه أيه ياحياه وبلاش شغل الاطفال ده
فأبتسمت وجذبت يده وهي تتقدم أمامه
– تعالا نعمل أكل وناكل ونرغي
وسار معها وهو يُتمتم بحنق
– حياه انا ورايا شغل
وبدأت تُثرثر كما أعتادت مع نعمه وامل .. وعمران جالس علي احد المقاعد بالمطبخ يعقد ساعديه أمام صدره
ووضعت أحد الأطباق امامه وهي تهتف بحنق
– رجعني مصر مدام مضايق كده
فنظر اليها بملامح جامده وهو يتذكر حديث مروان .. وجذب منها الطبق بعنف وبدء يأكل فيه
فأبتسمت وهي تُطالعه .. وجلبت طبقها وجلست أمامه
فرفع عمران عيناه نحوها ليجدها أخيرا قد صمتت واراد مشاكستها
– تعرفي انك رغايه اوي .. وتجيبي صداع للقدامك
فتغيرت ملامحها ونظرت اليه بألم
– انا عمري ماكنت كده .. بس لما تلاقي نفسك وحيد فجأه من غير أهل ولا صحاب
وطأطأت رأسها نحو طبقها .. ليفهم عمران مغزي كلامها
وحرك مقعده بالقرب منها وأبتسم بحنو لم تعهده منه من قبل
– بصيلي ياحياه
فرفعت عيناها نحوه .. لتجد في عينيه دفئ
– انا راجل عملي ياحياه مبعرفش أذوق الكلام .. أحيانا بقول الكلام من غير قصد او بمعني تاني بكون عايز أنكش اللي قدامي شويه .. وأحيانا بكون قاصد كل كلمه عشان أوقف اللي قدامي عند حده وألزمه حدوده
وتنهد وهو يتأملها بأبتسامه مُحبه
– انا كنت بهزر معاكي علي فكره
وعندما أبتسمت رفع كفه نحو وجنتيها يُداعبهما بلطافه
– انت أتغيرت معايا ليه
فطالعها عمران دون فهم .. لتُتابع بتعلثم
– الأول كنت بحسك بتكرهني وكأنك مجبور علي وجودي في بيتك بس دلوقتي معاملتك
وأرتبكت وهي تُتابع حديثها
– أحم لطيفه يعني
فضحك وابتعد عنها .. وتنفس ببطئ
– أنسي اللي فات ومتفكريش فيه
فطالعته قليلا وحركت رأسها بتفهم ثم تذكرت شئ
– تحب أعملك تشيز كيك
فنهض عمران وهو يضع بيده علي بطنه
– تصبحي علي خير ياحياه
فضحكت وهي تراه يخرج من المطبخ .. وضر……بت كفوفها ببعضها
– أنت الخسران !
………………………………………………………….
كانت نهي تعبث بهاتفها .. تنظر الي المنشورات والصفحات التي تتُابعها علي حسابها الشخصي .. وفجأه وقفت عند أحد المنشورات لتبدء بقراءة احدي القصص المعروضه
وأنهت قرائتها بعد ان عملت أنها قصه حقيقيه .. لتدخل صفحه تلك الفتاه التي تعرض بعض القصص ونهايتها دوما يكون فيها جبراً وعوضاً .. قصه وراء قصه أنهتها وعيناها تدمع مع كل كلمه تقرأها .. أكتشفت أنها ليست الوحيده التي عانت بحياتها فالجميع يُعاني .. الكل لديه جزء بحياته مخـ,ـفي
