ودق القلب الاخير
ودق القلب الاخير
وأقتربت منه نيره تُقبله علي وجنتيه كالعاده
وعندما لاحظت نفوره الدائم من حركتها تلك ضحكت بدلال
– برضوه هسلم عليك كده ..مهما أعترضت
فتهجم وجه عمران .. وأشار لها بالجلوس
– قولتيلي في التليفون ان موضوع مهم عايزه تكلميني فيه
فحركت نيره يدها علي خصلات شعرها وزفرت أنفاسها ببطئ
– بابا ياعمران مُصمم اني أتجوز .. وكل يوم عريس
وكشرت بوجهها وهي تصف له كل رجل قد تقدم اليها بطريقه ساخره .. وعمران يستمع وداخله يزداد اشمئزاز من تصرفاتها التي لا تعجبه
وأنتظرت ان يتكلم ولكن فضل الصمت
– ايه ياعمران مش هتقول حاجه
فطالعها عمران بجمود وهو يعدل من رابطة عنقه
– كلامي مش هيعجبك يانيره فبلاش
فأقتربت منه وهتفت بدلال
– عمران انت عارف انا قد أيه بثق في كلامك
ومالت نحوه هامسه
– انت رأيك من رأي مش كده
فحدق بها عمران ساخراً وهو يبتعد عنها
– شوفتي اه انتي مستنيه اقولك انك صح
واكمل بجديه : بس انتي مش صح يانيره .. أنا مش شايف سبب مقنع لرفضك لكل اللي بيتقدموا .. تعليم ومكانه وكل حاجه أي بنت تتمناها
فتأففت بضجر : لاء مش معقول انت وبابا وماما .. لاء ياعمران بليز خليك معايا
واخذ ينفخ انفاسه بحنق .. ويطرق بأصبعه علي مكتبه الي أن دخلت نجوي سكرتيرته
– الأجتماع هيبدء يافندم
فنهض وهو يتنفس براحه .. فالأجتماع قد نجده
ونظر الي نيره بأبتسامه هادئه عكس ما بداخله
– أسف يانيره بس انتي عارفه الشغل بقي .. لو حابه تفضلي في المكتب براحتك
وتحرك من امامها .. لتُطالعه هي بهيام
– بحبك ياعمران
(14) الفصل الرابع عشر
وقفت تنتظر خروج سكرتيرته ..وعندما خرجت من مكتبه
أقتربت منها نهي بلهفه
– ادخل
فنظرت لها الأخري بأسف
– مش فاضي يانهي ..تعالي وقت تاني
فحدقت بها نهي بشحوب في هذه هي المره الثالثه تطلب فيها مقابلته علي مدار يومين ولكن الرد ” مشغول”
وأنصرفت بملامح باهته ..وخرج أمجد بعدها دون كلمه
………………………………………………………….
كان عمران يأخذ غرفته ذهاباً وأياباً يُفكر بها .. الي ان سمع صوت طرقات فهتف
– أدخل
فدلفت منيره وهي تتسأل
– نحضرلك العشا يابني
فأبتسم عمران : لاء يامنيره مش جعان
وألتفت منيره بجسدها كي تُغادر الغرفه
– أبعتيلي حياه يامنيره
دلفت منيره للمطبخ تسمع ضحكات حياه مع نعمه وامل
– حياه عمران بيه عايزك
فسعلت حياه وهي تمضغ الطعام ..متسائله بقلق
