حكايه ابن 1

محسن : الله الغنى يا عم شكري

شكري : انا ماشي سلام

محسن (في نفسه) : يا رب ساعدنى انى انضف يا رب و اتطهر من كل ذنوبي

ـــــــــــــــ

يوسف : المهم انتى لازم تحكى ليحيى النهارده كل حاجه بالتفصيل الممل ..

منار : اقوله ايه يا يوسف .. اقوله انى قعدت كام يوم مع راجل غريب تحت سقف واحد

يوسف : الله يحفظك

منار : يا يوسف مقصدش ..

يوسف : انا فاهم قصدك بس الاحسن انك تقوليله و متخبيش عليه و خصوصا ان الوضع خلاص اتصلح بسرعه

منار : البركه فيك

يوسف : و يمكن ياستى اكسب لي اخ جديد

منار : انت شايف كدا

يوسف : و انتى شايفه غير كدا

ــــــــــــــــــــــــ

يارا : يحيى يا يحيى يا يحيى

استيقظ يحيى من نومه بصعوبه

يحيى : ايه يا وش عاوزه ايه

يارا : منار عماله تتصل بيك من نص ساعه و انت نايم في سابع نومه

يحيى : طب افتحى اللاب و السكاي بي عبال ما اقوم

و هم لينام مجددا

يارا : فتحتهم من ساعتها .. قوووووووم بأه

يحيى : طيب يا رخمه قومت اهه

منار : شكلك كنت نايم

يحيى : و الله .. ماشاء الله طول عمرك فطنة

منار : و انت عامل ايه

يحيى : مالك يا بت انتى فيه حاجه مديقاكى

منار : لا عادي منا كويسه اهه

يحيى : لا فيه حاجه انتى اختى و انا عارفك .. يلا احكى

منار : توعدنى تهدى و متتعصبش و تفهمنى بالراحة

يحيى : متقلقنيش و اتكلكى

منار : اوعدنى

يحيى : اوعدك يا ستى .. ها .. في ايه بأه ؟؟

ـــــــــــــــــــــ

علا : يعنى انت معجب بمنار بجد

عماد : ايوة

علا : و انا اعملك ايه ؟؟

عماد : ساعدينى انى اوصلها

علا : يعنى هيا مش لعبة زي كل مره

عماد :والله مش لعبة انا معجب بيها بجد

علا : و اخره الاعجاب ده ايه يا فالح ؟؟

عماد : هتجوزها طبعا

علا : هيا حصلت جواز كمان

عماد : امال انتى فاكره ايه ؟؟

علا : لأ بأه دا انت تحكيلي كل حاجه من الاول ..

ــــــــــــــــــــــــــ

يحيى (بعصبية جارمة ) : نعم يختى .. كنتى قاعده مع مين ؟

الحلقة الـ(10)

يحيى (بعصبية جارمة ) : نعم يختى .. كنتى قاعده مع مين ؟

منار : يحيى عشان خاطري افهمنى و اتكلم بالراحة

يحيى : مفيش كلام و مفيش تفاهم .. واضح ان احنا دلعناكى فعلا زى ما ماما بتقول

منار (ببكاء) : يحيى .. انت طول عمرك اعز صديق ليا و عمري ما خبيت عنك اي حاجه

يحيى : اه ماهو واضح جدا .. و الله انا قلبي كان حاسس

منار (ببكاء ) : يايحيى متظلمنيش من غير ما تسمعنى الاول