حكايه ابن 1
حكايه ابن 1
يوسف : طيب يلا قومى صلي الفجر
الجلقة (8)
عادل : ايوة يا باشا .. عندي ليك خبر بمليون جنيه
الاخر : طلعت هيا صح ..
عادل : طلعت هيا يا باشا
الاخر : انا بجد مش عارف اقولك ايه يا عادل مش عارف اشكرك ازاي
عادل : يا باشا احنا نتمنى رضاك
الاخر : لا دا انت ليك عندي مكافأة كبيرة اوووي بس اللي بتمناه يحصل
ـــــــــــــــــــــــ
في اليوم التالي
تعود منار من الجامعه .. تجد الكثير من العمال في شقتها ..
منار : يوسف يا يوسف
يأتى يوسف من الداخل ..
يوسف : ايوة يا منار
منار : مين دول
يوسف : زي ما انتى شايفة كدا
منار : جبتهم امتا دول ؟
يوسف : النهارده
منار : بالسرعه دي
يوسف : ايوة عشان بكره بإذن الله هننقل حاجتك في شقتك
منار : ماشي
دخلت منار الي غرفتها و هي تسأل نفسها لماذا يريد يوسف نقلها الي شقتها بهذه السرعه ؟
هل فعلت شيئا اغضبه
هل ضايقته دول قصد
اخذت تتسائل كثيرا حتى طرق يوسف بابها
منار : ايوة
يوسف : انتى مش هتصلي العصر ولا ايه
منار : اه اه حاضر جايه
منار ( لنفسها بصوت عالي) : الله .. ماهو كويس اهه امال فيه ايه
توضأت منار و صلت العصر و جلست لتتناول الغداء مع يوسف
منار : هيلحقوا يخلصوا توضيب
يوسف : اه بإذن الله مش ياخدوا وقت
منار : ممكن اسألك سؤال ؟
يوسف : طبعا
منار : هوا انا زعلتك في حاجه ؟
يوسف (باندهاش) : لا خالص ليه بتقولى كدا
منار : اصلك يعنى …
يوسف (بابتسامه ) : مستعجل علي انك تروحى هناك
منار : بالظبط
يوسف : عشان تقدري تقولي ليحيى
منار : طب و ليه مقولوش دلوقتى ؟
يوسف : عشان لغاية دلوقتى يبقا الوضع علي ما هو عليه
منار : مش فاهمه
يوسف : انتى دلوقتى تختاري تقةوليله انك قاعده معايا في شقة واحده لغاية دلوقتى و منتظرين لما شقتك تخلص .. ولا تفضلي تقوليله اناخلاص روحت الشقه الجديده خلاص و الوضع ده خلاص انتهي
سكتت منار قليلا
منار : يوسف انا عمري ما هندم انى قعدت معاك و والله انت ……
يوسف : انا فاهم .. بس يحيى راجل و النخوة جواه هتتحرك
منار: انا بجد يا يوسف مش عارفه اشكرك ازاي علي كل اللي بتعمله معايا ده
يوسف : معتقدش ان خلاص بأه فيه بينا شكر ولا ايه
منار ( بضحك ) : ايه
ـــــــــــــــ
عادل : انا عاوزك تقرب منها شوية يا عماد
عماد : اقرب منها ازاي يا بابا
عادل : تقرب منها و تحاول توقعها فيك
