حكايه ابن 1
حكايه ابن 1
يحيى : تعاهدنى قدام ربنا ؟؟
يوسف : اعاهدك
ــــــــــــــــــــــــــ
في صباح اليوم التالي
في الردهه امام شقتيهما
يوسف : يا صباح العسل
منار : صباح الخير يا جو
يوسف : كويس انك خلصتى بدري
منار : عيب عليك
يوسف : طب يلا يا فالحة عشان اوصلك و اعملي حسابك ان انا هاجى اخدك كمان ..
منار : كمان
يوسف : ايووون و مش هسيبك تمشي لوحدك في الشارع انتى ناسية انك من غير باسبور ولا ايه
منار : اه صح
يوسف : طب يلا انزلي قدامى
في السياره ..
يوسف : امسكى
منار : ايه ده
يوسف : خلي الفلوس دي معاكى
منار : يوسف …
يوسف : ولا كلمه
منار : بس اصل
يوسف : هاااا
منار : طيب خلاص
يوسف : اه صح استاذ محسن هييجى يتعشي معانا النهارده
منار : محسن ؟
يوسف : الراجل اللي كان معاكى لما شنطتك اتسرقت
منار : اه افتكرته كتر خيره و الله انا لازم اشكره
يوسف : منا عشان كدا عزمته
منار : الراجل ده فيه حاجه غريبه اووووي
يوسف : ايه ؟؟
منار : شكله مش غريب عليا ابدا و كإنى اعرفه او قابلته من زمان
يوسف : متشغليش بالك بتحصل معانا كلنا
منار : لا لا بجد انا حاسة انى اعرفه بس ازاي معرفش
ـــــــــــــــــــــــــــــ
عادل : علا يا علا
علا : ايوة يا بابا
عادل : ما تعزمى صحبتك عندنا بكره علي العشا
علا : بابا دي تانى مرة تطلب منى الطلب ده
عادل : اسمعي الكلام يا بنت
علا : انتو عاوزين منها ايه بالظبط
عادل (بارتباك) : و انا هعوز منها ايه يعنى انا عاوزك تقربي منها اكتر و كمان اخوكى معجب بيها .. مش يمكن نخطبهاله
علا : اطمن يا بابا منار مبتطيقش ابنك
عادل : هتطيقه و هتحبه كمان .. لازم يحصل
علا : اوفففف .. عن اذن يا بابا انا اتأخرت ع الصف سلام
عادل (في نفسه) : ماهي هتقع يعنى هتقع برضاها او غصب عنها
علا ( في نفسها ) : انا مش مرتاحالك يا بابا .. يا تري انت عاوز من منار ايه
#الحلقة (12)
علا : صباح الخير يا مونى
منار : صباح الخير يا لولو
علا (بغمز) : امال مين المز اللي كان بيوصلك ده
منار (بارتباك ) : ده ؟ لا ابدا دا جاري و صديق ليا و …
علا : ههههههههههههههه خلاص خلاص مالك وشك احمر كدا ليه
منار : ولا احمر ولا حاجه .. يلا بينا عشان المحاضرة
علا (في نفسها) : يا رب اللي في دماغي يكون صح و تبعدي خالص عن سكة ابويا و اخويا
ــــــــــــــــــ
غاده : صباح الخير يا خالو
