حكايه ابن 1

منار (في نفسها ) : معقوله انا لسا جاية هنا اول امبارح بس

يوسف (في نفسه) : معقول انا لسا عارفها من اول امبارح بس

منار : انا حاسه انى اعرفه من زماااان اوووي

يوسف : انا حاسس انى اعرفها من زمان اووووي

منار : معقوله انا امنتله بالسرعه دي

يوسف : معقول انا ارتاحتلها بالسرعه دي

منار (في نفسها ) : بس يا بت بطلي هبل دا زي اخوكى

يوسف (في نفسه ) : بس يا يوسف بطل هبل دي زي اختك

ــــــــــــــــ

احيانا ما تنمو نبته صغيره للغاية في داخلنا .. تقوينا .. تحررنا .. تغيرنا للافضل

نتجاهلها احيانا .. نكذبها احيانا .. و نشرد معها احيانا

و لكننا علي كل حال لا نستطيع و لن نستطيع ان نغير في وجودها اي شئ

لانها .. و بدون مقدمات .. قد نبتت بالفعل ..

ــــــــــــــــــــ

منار : يوسف غمض عنيك

يوسف : ليه ؟؟

منار : غمض يا يوسف

يوسف : اهه

منار :عاجبك كدا .. زي الزفت

يوسف (للبائعه ) : its very nice .. we will take it

منار : انت بتورطنى

يوسف : بالظبط كدا

منار : طيب هاخده ..

في المساء

منار : انا اتهديت النهارده

يوسف : و لسا بكره احنا فاضلنا حاجات كتير اوي لازم نجيبها

منار : طيب تمام

يوسف : تصبحى علي خير

دخلت منار لتنام و هي منذ فتره كبيرة جدا لم تشعر بسعاده مثل التى تشعر بيها الان و ما هي ثوان حتى غطت في نوم عميق

استيقظ يوسف ليصلي الفجر حاضرا

في طريقه الي الحمام سمع همهمات صادرة من غرفه منار .. استوقفته تلك الهمهمات للحظات .. و فجأة صرخت منار باعلي قوتها

نعم .. انها تلك الكوابيس مجددا

طرق يوسف علي منار الباب بعنف

يوسف : منار .. منار .. فيكى ايه .. منار انتى كويسه .. منار افتحى الباب

كاد قلبه ان ينخلع عليها .. ما الذي جعلها تصرخ هذه الصرخة المدويه

دارت الافكار السيئة في رأس يوسف

حتى اعتقد انها مريضة

يوسف : منار .. منار افتحى عشان خاطري

ارتدت منار حجابها بصعوبه و وضعت البالطو علي اكتافها كالعاده و فتحت الباب و وجهها شاحب شحوب الاموات و ما ان رأت يوسف حتى اجهشت بالبكاء ..

يوسف : مالك في ايه ؟؟

منار (ببكاء ) : انا لازم احكى ليحيى كل حاجه

يوسف : هوا انتى .. (و استدرك يوسف الامر ) تمام تمام .. انتى طبعا محكتيلوش .. اهدي يا منار و هنحلها سوا

منار : هنحلها ازاي بس

يوسف : انا هقولك نحلها ازاي

منار : يا ريييييت