حكايه ابن 1
حكايه ابن 1
غاده : يووووووووووووووه انت مبتزهقش ابدا
كريم : الحمد لله اخييييرا رديتى عليا
غاده : ايوة رديت عليك عشان اقولك و الله لو ما بعدت عنى لاعملك بلوك و هقول لبابايا علي كل حاجه و هخليه يوري باباك رسايلك ليا و هيا كلها عندي و شوف بأه انت هيحصلك ايه
كريم : يا غاده انتى ليه مش عاوزه تصدقي انى بحبك ,.
غاده : و مالو ما تحبنى
كريم : يعنى انتى موافقه انى احبك
غاده : هوا الحب بالاستئذان و لا انا يعنى لو قلتلك لا مش موافقة هتبطل تحبنى
كريم : امخال ايه المشكله بأه
غاده : الحب نفسه مش حرام يا كريم .. الحرام هوا التصرفات اللي مع الحب .. لو بتحبنى بجد يبقا اصبر لغايه ما ربنا يكرمك و تعالي اخطبنى
كريم : بس انا لسا هخلص الجامعه السنة دي .. لسا هستنى كل ده
غاده : و الله .. امال عاوز تصاحبنى كل ده
كريم : مقصدش انا بس …
غاده : روح يا كريم الله يسهلك سلام
اغلقت غاده المحادثه و هي تتألم فهى بدورها تشعر بإنجذاب نحو كريم و لكن هيهات ان تتراجع عن مبادئها ..
كريم (في نفسه) : مش هسيبك يا غاده غير لما اوقعك و انا وراكى و الزمن طويل
ـــــــــــــــــــــــــــــ
يوسف : السلام عليكم
يحيى : و عليكم السلام و رحمه الله و بركاته
يوسف : ازيك يا استاذ يحيى
يحيى : بداية كدا نرفع الالقاب .. متهيألي كدا احنا في سن واحد
يوسف : الحقيقة انا اكبر منك شويه
يحيى : عرفت ازاي
يوسف : منار حكتلي عنك كتير
يحيى : انت عاوز ايه من اختى بالظبط
يوسف : بص يا يحيى انا عارف انت بتفكر ازاي و صدقنى اي شاب مكانك هيفكر كدا .. بس صدقنى و الله انا براعي ربنا في اختك زي ما تكون اختى بالظبط
يحيى : و الله ياخى انا مش عارف استجدعك ولا اخاف منك
يوسف : في الحالتين هيبقا معاك حق
يحيى : الغريب ان انا مرتاحلك مش عارف ليه
يوسف : القلوب عند بعضها
يحيى : انا هستأمنك علي اختى يا يوسف
يوسف : و انا هكون أد الامانه ان شاء الله
يحيى : بس بشرط
يوسف : عارفه .. واوعدك و الله هراعي ربنا فيها كإنها اختى بالظبط و هلتزم معاها الحدود و مش هجتمع انا و هيا في مكان لوحدنا
يحى : و انا مضطر اصدقك
يوسف : و انا اوعدك مش هخيب ظنك فيا
يحيى : طب هيا دلوقتى من غير باسبور ولا فلوس ولا اي حاجه
يوسف : متحملش اي اهم .. انا معاها
يحيى : يعنى اديك الامان
يوسف : جربنى
