حكايه ابن 1

اتت والدتها و اخواتها ليحدثوها و هي من داخلها تشعر بذنب كبير انها اخفت الحقيقة عن يحيى في الصباح استيقظت منار لتبدأ اول ايامها الدراسة في جامعتها الجديده

ما ان استيقظت حتى توضأت حتى توضأت و صلت و ارتدت ملابسها ( التى يغلب عليها الطابع الرجالي ) ووجدت يوسف قد قام بتحضير الافطار فافطرت معه ثم طلبت منه ان يعرفها كيف تصل الي “جامعه بوسطن”

يوسف (بابتسامه) : انتى مش عارفه العنوان

منار : لا انا عارفه العنوان . شارع الكومونولث افيينو

يوسف : طيب تعالي و انا هوصلك

منار : لا لا لا مش مستاهلة انا بس عاوزه اعرف اوصلها ازاي

يوسف : انا اصلا رايح هناك تعالي يلا هاوصلك

اوصلها يوسف لكليتها وهم بالنزول معها

منار : انا متشكره جدا يا استاذ يوسف تعبت حضرتك معايا

يوسف : لا ابدا مفيش اي تعب .. تعالي انا هعرفك للكلية من جوا

منار : لا انا هدخل لوحدي متشكرة جدا بجد

ابتسم يوسف و توجه ناحية بوابه الدخول

منار : متقولش انك طالب هنا

ضحك يوسف عاليا و قال : لا يا ستى مش طالب هنا

منار : ولا معيد هنا ؟

يوسف : ولا معيد هنا

منار : امال داخل هنا ليه ..

يوسف : انا معيد في كملية ادارة اعمال و بحتاج لابحاث في القانون عشان ادمجا بالماستر بتاعتى .

منار : طيب اذا كان كدا بأه ممكن حضرتك تعرفنى اروح فين كدا يعنى ..

يوسف : اه طبعا اتفضلي ..

كانت علامات الانبهار ظاهرة علي وجه منار من هذا الصرح الضخم ..

يوسف : تعرفي ان مارتن لوثر كينج اتخرج من الجامعه هنا ..

( * مارتن لوثر كينغ جونيور ولد في 15 يناير عام 1929. . تم اغتياله في 4 أبريل 1968. هو زعيم أمريكي من أصول إفريقية، وناشط سياسي إنساني، من المطالبين بإنهاء التمييز العنصري ضد السّود في عام 1964 م حصل على جائزة نوبل للسلام، وكان أصغر من يحوز عليها. اغتيل في الرابع من نيسان/أبريل عام 1968، اعتبر مارتن لوثر كنج من أهم الشخصيات التي ناضلت في سبيل الحرية وحقوق الإنسان. )

منار : بجد

يوسف : ايوة ..

و فجأت جائت فتاه ناحية منار ..

الفتاه : انتى عربية مش كدا ؟

منار : ايوة

الفتاه : كنت متاكده .. انا علا .. من اصل مصري . و انتى ؟

منار : انا منار

علا : انتى سنة اولي

منار : ايوة

علا : طيب انا اخويا الكبير عماد طالب هنا في سنة رابعه .. تعالي هيفرجنا عليها سوا

احست منار بالانقباض بمجرد سماع اسم عماد .. فهذا الاسم قد اصبح بالنسبة لها رمز الشر و الخداع