حكايه ابن 1

ـــــــــ

جلس يوسف علي مكتب صديقة ريثما يعود صديقة من عمل يقوم به بالخارج ..

امسك يوسف بقلمه و خط هذه الكلمات باللغة العربية الفصحى

“هذا الزائر الغريب ..

ربما للحظات لم اكن راض عن وجوده .. و لكن ريثما رأيتها وحيده في مفترق الطريق لم استطع سوي الشفقة عليها من عالمها الجديد .. تلك العيون العسلية الواسعه التى تجمع بين الجرأه و الحذر .. اراهن انها تخفى انثى حقيقية خلف ملابسها التى تشبه الي حد كبير ملابس صديقي طارق .. اننى لم ارها سوي عده مرات من البارحة الي الان و لكنى لا اعرف سبب انجذابي اليها .. ربما تذكرنى بشقيقتى الراحلة .. ام لان لها سحر خاص يجذب من حولها نحوها ..

من انت ايها الزائر الغريب ”

قاطع شرود يوسف دخول صديقة بيتر و بدئهما بالحديث سويا ..

في مصر ..

كانت سناء تجلس في حديقة الفيلا تحتسي الشاي و تفكر ماذا تفعل منار الان وحدها في الغربة .. حتى دخل عليها يحيى بدخلته المسرحية كالعاده ..

يحيى : ماما يا ماما يا ماما يا مااااماااا

سناء : ايه يا واد حصل ايه ؟

يحيى : ابنك اتقبل في النيابة اخيييييرا ..

سناء : انت بتتكلم بجد مش كدا . احلف انك مش بتهزر ..

يحيى : و الله بجد .. الخبر لسا جايلي حالاا

سناء : مبروك يا حبيبي الف مبروك ..

يحيى : الله يبارك فيكى يا ماما ..

سناء : كدا يبقا مش فاضل غير العروسة يا واد يا يحيى .

يحيى : لسا بدري علي دخولي القفص يا ماما .

سناء : بس يا واد بطل هبل .

يحيى : لسا يا ماما ملقتش البنت اللي ارتاحلها .. بس صدقينى اول ما الاقيها هقولك علي طوووووول ..

ـــــــــــــ

في الجامعه بعد انتهاء الصف ..

علا : مونى تعرفي ازاي تروحى ؟

منار : الحقيقة معرفش بس هسأل ..

علا : تعالي احنا هنوصلك .

منار : لا لا انا هتصرف

علا : اعرفك بس تروحى ازاي و بعد كدا ابقي روحى لوحدك ..

قطع هذا الحديث وصول عماد

عماد : ايوة يا منار تعالي احنا هنوصلك

منار : لأ شكرا

علا : يا بنتى ايه التقفيل اللي انتى فيه ده

منار : انا كدا

علا :طيب المرة دي بس لانك متعرفيش الطريق .. يلا بأه

عماد : انتى ساكنة فين ؟

منار : stuwart street

عماد : ok lets go

ــــــــــــــــــ

في شقة يوسف

يوسف (لنفسه) : يا تري هيا هتعرف ترجع لوحدها

– و انت شاغل بالك بيها ليه

– لانها غريبة و النهارده بالنسبالها اول يوم