حكايه ابن 1
حكايه ابن 1
يوسف : لا يا حبيبتى ان شاء الله ربنا مش هيزعل منك .. و بعدين انتى لسا صغيرة
ابتسمت نورا بوهن و اغمضت عينيها و قالت : ماما لبسينى طرحة
خلعت اماندا حجابها من فوق رأسها فظهر شعرها الاشقر من خلفه و وضعته علي رأس نورا
امسكت نورا بيد يوسف
نورا : شكلي حلو
هز يوسف رأسه بمعنى نعم و لم يستطع النطق
نورا : بابا ماما قربوا
اقترب احمد و اماندا من نورا فطبعت قبله علي خد كلا منهما ثم همست في اذن يوسف : هتوحشنى يا جو
و فجأة فلتت قبضة نورا علي يد يوسف و اسلمت الروح الي بارئها
وجدت منار الدموع تنهمر من عينيها بدون ان تشعر فمسحتها مسرعه
منار : يوسف انت بتعيط
مسح يوسف دموعه بسرعه
منار : انا اسفه انا .. انا ..
يوسف (بابتسامة ) : بتتأسفي علي ايه
منار : انى فكرتك
يوسف : انا منسيتش عشان افتكر
منار : تعيش و تفتكر .. طب و والدك و والدتك راحو فين
يوسف : بعد مو…..ت نورا بشهر واحد بابا و ماما راحوا يحجوا و ماما حبت المكان هناك اوي و قعدوا هناك فتره كدا و ماما اتوفت و اندفنت هناك و بابا رجع علي اسكندرية و مرضيش ييجى هنا تانى .. و زي ما انتى شايفه كدا يا ستى انا قاعد هنا لوحدي
منار (بمحاوله المزاح ) : احم احم نحن هنا
يوسف : ههههههههه اسف مبقتش لوحدي
منار : ايوة بحسب
قامت منار و رفعت الاطباق لتقوم بغسلها و اثناء توجهها الي المطبخ
يوسف : انسة منار انا ممكن اطلب منك طلب
منار : طبعا
يوسف : انا ممكن اعتبرك زي نورا
وضعت منار الاطباق من يديها و قالت بدهشة و فرحة معا : يا خبر يا استاذ يوسف دي حاجه تشرفنى
يوسف : يبقا من غير استاذ بأه
منار : و انا من غير انسة بأه
ابتسم يوسف معلنا الايجاب
منار : و انا من لنهارده هاعتبرك زي يحيى اخويا بالظبط
يوسف : طب حيث كدا بأه ممكن اسئلك سؤال
منار (بانهماك في غسل الاطباق ) : اتفضل
يوسف : انتى بتلبسي كدا ليه
وضعت منار يديها في خصرها بطريقة طفولية
و قالت : ايه وحش
يوسف : اه
منار : نعم
يوسف : اه وحشفي ايه
منار : انت صريح اوي
يوسف : و اكذب ليه .. لبسك نفس استايل لبس طارق صاحبي بتفكرينى بيه بالظبط
منار : انا عارفه و عاوزاه يبقا وحش
يوسف :طب ممكن اعرف ليه ؟؟
سرحت منار قليلا و تذكرت منار لقطات من الماضي الاليم فاغمضت عينيها و فتحتها مسرعه و كانها تنفض تلك الذكريات من ذاكرتها
