الشقه الجديده ج الاخير

اتجمّدت في مكاني. الكلمة نزلت على دماغي زي المطرقة.. اسم بابا؟ عبد الفتاح؟ الراجل اللي مات من 5 سنين، الشريف اللي عاش طول عمره بيشتغل في التربية والتعليم ويربّينا بالحلال، اسمه يتذكر في شبكة غسيل أموال وتهريب مالي بـ 50 مليون جنيه؟!

مسكت في دراع الأستاذ حسام بغل، كنت حاسة إن الرؤية بتظلــ,,ـــــم قدامي: — أستاذ حسام.. انطق! قولهم إن بابا ميت من 5 سنين! بابا عمره ما دخل بنوك ولا أخد قرش حرام! إيه القذارة دي؟! هما بيوصلوا للتزوير لحد اسم الميتين كمان؟!

الأستاذ حسام كان وشه شاحب زي جــ,,ـــــثه، قرب من الضابط ومسك الشاشة بعينين مرعوبة: — يا فندم المحرر ده فيه حاجة غلط! المرحوم والد الشاكية متوفي من يناير 2021، وده إعلام الوراثة وشهادة الوفــ,,ـــــاه الرسمية معايا في الملف! إزاي حساب يتفعل باسمه الصبح ويزيح الملايين دي عليه؟

! العميد حط إيده على الشاشة وطلب من مهندس الاتصالات والجرائم الإلكترونية يفحص المسار فوراً. المهندس بدأ يضــ,,ـــــرب على الكيبورد بسرعة، والجميع في الصالة واقفين مكتومين النفس. — يا فندم الحساب فعلاً باسم المرحوم، اتفتح أصلاً في بنك إقليمي سنة 2019..

وتم استخدام التوكيل الرسمي العام الممنوح من الوالد قبل وفاته بسنة لتفعيل الحساب إلكترونياً صباح النهاردة الساعة 7 الصبح! التفت الأستاذ حسام ليا وفجأة عيونه اتسعت بصدمة رهيبة: — ندى.. هو والدك الله يرحمه كان عامل توكيل عام لأي حد قبل ما يمــ,,ـــــوت؟

! بلعت ريقي بصعوبة، والذكريات بدأت ترجعلي كأنها فيلم رعب: — بابا في آواخر أيامه.. لما تعب في 2019 وما كانش قادر يتحرك يخلص إجراءات المعاش والعلاج.. عمل توكيل إدارة وتعامَلات مالية.. لسامح! نهى الألفي صرخت: — يا نهار أسود! التوكيل!

سامح ما لغاش التوكيل بعد الوفــ,,ـــــاه، وتكتم على وجوده، ورانيا ومعتز استخدموا التوكيل القديم عشان يفتحوا حساب باسم الميت، لأن البنوك والرقابة صعب تتبع حسابات أشخاص متوفيين من سنين إلا لو فيه بلاغ ورثة! معتز البرنس وهو مكلبش ومربوط في الحرس، ضحك ضحكة هستيرية مسمومة بصوت عالي: — فاكرة نفسك كسبتي يا قطة؟

! سامح ده عقرب! كان مأمن نفسه ومأمننا من 7 سنين! التوكيل اللي في إيده يخلي الحساب باسم أبوكي، والتحويلات اللي تمت الصبح هتخلي النيابة العامة تعتبر إن أباكي هو اللي كان الممول الأساسي للشبكة من زمان، وأنتم كفرع عيلة بتغطوا عليه!