حكايه ابن 1
حكايه ابن 1
احمد : صباح الخير يا دودو
غاده : خالو انا كنت عاوزه اتكلم معاك في موضوع كدا
احمد : تحت امرك يا ستى اتكلمى
غاده : طب تعالى يا خالو علي انفراد
احمد : ده موضوع كبير بأه
غاده : اه شويه
اخذت غاده خالها الي غرفتها و اغلقت دونهما الباب
غاده : خالو انت عارف انا بثق فيك أد ايه
احمد : و انا ان شاء الله ابقا قد الثقة دي
غاده : شوف كدا الرسايل دي يا خالو
قرأها احمد بكل هدوء و اغلق اللاب توب و وضعه امامه
غاده : ايه رأيك يا خالو
احمد : كريم ده مين انا اعرفه ؟؟
غاده : ايوة يا خالو دا ابن اونكل شوقى جارنا ..
احمد : تمام .. بس انا عاوز اسئلك سؤال
غاده : اتفضل يا خالو
احمد : من اللي انا فهمته من الرسايل ان انتى مكنتيش بتردي عليه خالص اشمعنا رديتى عليه امبارح
غاده : بصراحة يا خالو زهقت و كنت عاوزه اشوف اخره
احمد : و شوفتيه ؟؟
غاده : ايوة يا خالو
احمد : هااا شفتى ايه
غاده : شفت ان انا كنت معجبة بواحد حقير مش عاوز حاجه غير انه يتسلي بيا
ابتسم احمد لغاده و اخذها بين ذراعيه
احمد : مامتك عرفت تربي يا دودو
غاده (بفرحه) : بجد يا خالو
احمد : عندك شك في كدا .. كبرتى يا دودو بس ما شاء الله عليكى عقلك ناضج
غاده (بكسوف) : ربنا يخليك يا خالو
احمد : و سيبيلي انا بأه الواد ده انا هعرف اربيه .. و يلا بأه يا جميل روح اعملي فنجان قهوة من اللي مبحبش اشربها غير من ايدك
غاده : بس كدا .. عنيا
ــــــــــــــــــــ
منار : علا بقولك
علا : نعم يا مونى
منار : متيجى تتعشي معانا النهارده
علا : معانا ؟
منار : اه معانا و المرة اعرفك علي يوسف
علا : يا رييييت
منار : طيب تمام هستناكى النهارده الساعه 8
علا : اوووك
منار : طيب سلام بأه عشان يوسف جه ياخدنى
توجهت منار ناحية سياره يوسف الفارهه التى كانت بانتظارها و ما ان دخلت …
منار : ايه ده ؟؟
يوسف : بطاطس
منار : لا بجد حلوووو اووووي الورد ده
يوسف : لواحده كدا
منار : اسمها ايه الواحده دي ؟؟
يوسف (بمزاح) : مش فاكر
منار : بطل بواخه .. بجد بجد حلو اوووووي بس بمناسبة ايه
يوسف : من غير مناسبة .. يلا بأه عشان نروح نشتري شويه حاجات عشان عزومة النهارده
منار : اوووبس
يوسف : ايه في ايه
منار : ان انا نسيت خالص ان استاذ محسن جاي النهارده و عزمت علا صحبتى عندي ع العشا
يوسف : طيب تمام مفيش مشكله ع الاقل عشان منبقاش لوحدنا
