حكايه ابن 1

عماد : بابا انت عاوز منها ايه

عادل : انا مش عاوز منها هيا حاجه

عماد : انا مش فاهم حاجة يا بابا

عادل : و مش لازم تفهم

عماد : و انا عمري ما هعمل حاجه من غير ما افهم

عادل : ميبقاش مخك زنخ .. البنت دي خالها مليونير .. انا مش عاوز منها حاجة .. انا عاوز من خالها ..

عماد : بس منار طيبة يا بابا و متستاهلش منى كل ده

عادل : هوا انا بقولك ائذيها انا بقولك بس حببها فيك و اتجوزها كمان مفيش مانع .. يا واد متبقاش عبيط دي هتفتحلنا طاقة القدر

عماد : انا منكرش يا بابا انى معجب بيها جدا

عادل : يعنى اعتمد عليك

عماد : ماشي يا بابا امرك

ـــــــــــــــ

يحيى : و انتى اخبارك ايه النهارده

منار : الحمد لله و الله كويسه خالص

يحيى : امال شكلك مجهد ليه بس

منار : لا ابدا تلاقي كاميرا اللاب بس هيا اللي مش ظبطانى ..

يحيى : هههههههههههههه يا بت بطلي مقاوحه

منار: المهم انتو وحشتونى اوي

يحيى : و انتى كمان وحشتينا جداجدا .. اسكتى مش اخواتك بقوا بيتعاكسوا في النادي دلوقتى عادي كدا

منار : و مين ده اللي يتجرأ يعمل كدا

يحيى: ما الوحش مشى خلاص

منار : انا وحش بردو يا يحيى

يحيى : هههههههههههههههههههه يا بت بهزر .. بس صدقينى انتى شكلك بجد تعبان

منار : لا ابدا انا بس كنت بنقل حاجاتى للشقة الجديده

يحيى : شقة جديده ؟؟

منار (بارتباك ) : اه شقة جديده

يحيى : ليه .. انتى مش مرتاحة في شقتك دي

منار : اه .. لأ ..

يحيى : اه ولا لأ ؟؟

منار : هبقا اقولك بعدين يا يحيى .. انا همشي بأه دلوقتى و هبقا اكلمك بعدين .. يلا سلامسلام

يحيى : البت دي مالها ايه اللي حصلها .. ربنا يستر

ـــــــــــــــــ

في اليوم التالي .. بعد الجامعه ..

منار : ايوة يا يوسف .. خلاص هوقف تاكسي اهه

يوسف : طيب تمام خدي بالك مننفسك

منار(بابتسامه ) : حاضر يا جو .. سلام

و في نفس اللحظة مرت دراجة نارية عليها شحصان و انتزعت من منار حقيبتها بالعنف و غادرت مسرعه

منار (بصراخ ) : Oh no

شخص : are you ok

منار (بخوف ) : those men stole my bag

شخص : where you from

منار : بلهجة يغلبها البكاء : am not american

الشخص : انتى عربية ؟

منار : حضرتك عربي ؟؟

الشخص : انا مصري

منار : و انا

الشخص : طيب تعالي معايا

منار : علي فين ؟

الشخص : هنروح قسم الشرطة عشان نبلغ عن سرقه شنطتك

منار : المشكلة ان فيها الباسبور بتاعي