حكايه ابن 1

يوسف (بابتسامة) : روحى معاها

منار : طيب عن اذنك

و بدأت منار اول ايامها في دراستها الجديده

الحلقة (5)

علا : تعرفي ان انا مبسوطة جدا انى اتعرفت عليكى ..

منار (بابتسامة) : و انا اكتر يا لولو .

علا : من زمان نفسي اتكلم عربي مع حد و نحكى و نخرج و نبقا اصحاب .

منار : انتى معندكيش اصحاب ؟

علا : لا عندي طبعا بس انا بحب اللي من مصر اكتر . مش انتى مصريه ؟

منار : اها مصريه .

علا : اعرفك بنفسي بأه يا ستى . اناعلا او لولا او قوليلي اي اسم يعجبك .عايشة هنا من و انا عندي سنتين .. بابايا و مامتى كانوا منفصلين بس رجعوا لبعض و عشنا كلنا مع بعض .. و مليش اخوات غير اخويا عماد بس .

منار : بس انتى شكلك صغيرة يا علا

علا : 19 سنة

منار : انا اكبر منك انا 23

علا : و ايه يعنى ؟

و اثناء حديثهما قاطعهما شاب يبدو عليه اثار العنف و التنمر .. فهو يضع الوشوم وقرط في اذنيه و هيأته مثل هيئه مغنيين الراب .. و لكن هذا ليس هو ما اثار حفيظة منار .. و لكن طريقة سلامه علي علا فقد بادرها بالعناق و القبلات هكذا و امام اعين الجميع ..

ادارت منار وجهها في جخل ..

منار : ايه يا علا اللي انتى بتعمليه ده ؟

علا : ده براد البوي فريند بتاعي

كانت هيئة علا منذ البداية تثير فضول منار فعلا فتاه ترتدي ثياب مكشوفه للغايه و قصيرة جدا و لا يبدو عليها اصلها العربي الا من كلامها

و لكن الان و الان فقط قد تأكدت منار من ان الروح العربية قد طمثت و للابد بداخل علا و حل محلها الروح الغربية و لم يتبقى لعلا من “عربيتها” سوى اللكنة فقط ..

منار (لنفسها) : منار انتى هنا في امريكا .. و الدنيا هنا غير هناك اتعودي علي كدا بأه يا فالحة ..

علا : بس تعرفي ان البتاع ده شكله حلو عليكى ؟

(و اشارت نحو حجابها)

منار : اسمه الحجاب يا علا .. علا انا ممكن اسئلك سؤال ؟؟

علا : اكيد

منار : انتى اسمك علا ايه ؟

علا : اسمى علا عادل المهدي

منار : انتى مسلمة يا علا ؟

علا (بعدم اكتراث ) :مش عارفه

منار(باستغراب شديد ) : مش عارفه ازاي ؟

علا : بابا بيقول اننا مسلمين بس عمره ما قالنا يعنى ايه مسلمين .. انا حتى عمري ماشفت بابا بيصلي و ماما دايما الكاس في ايدها .. فبجد مش عارفه احنا ايه

في خليط من الاستغراب و الستنكار و الشفقة لم تستطع منار ان تنبت ببنت شفة امام حديث علا الصادم .. ما هذه العائله .. الي ان قطع شرودها صوت علا انتى اعلنت عن بدء المحاضرة الاولي ..