حكايه ابن 1

منار : صوتك حلو جدا

يوسف : بجد

منار : اه و الله مين علمك تقرأ كدا

يوسف : والدي .. حافظ للقرأن و معاه اجازه تحفيظ كمان فعلمنى قراته بالتجويد

منار : طب هوا فين ؟

يوسف : دي حكاية طوووويله اوي .. الاول كلي عشان الاكل ميبردش

منار : و اكلك حلو بردو

يوسف : اصل انا وارث طريقة طبخ امى

منار : طب بداية كدا احنا عاوزين نقسم شغل البيت و نقسم بردو المصاريف

يوسف : تمام .. انتى بتعرفي تعملي الاكل ؟

منار (بحرج) : الصراحة لا

يوسف : خلاص يبقا الاكل عليا و التنضيف عليكى

منار : هوا انت دايما بتحل كل حاجة ببساطة كدا

يوسف (بابتسامه) : All the time

منار : طيب و المصاريف

يوسف : بصي خلي الموضوع ده نتكلم فيه بعدين و صدقينى هنتفق ..

منار : ماشي

لحظات من الصمت سادت علي بطلينا .. ثم هم الاثنان بالحديث سويا و ما ان بدئا بالكلام معا حتى انفجرا ضاحكين ..

يوسف : كنتى هتقولي ايه ؟

منار : انت عايش لوحدك ليه ؟

يوسف : لا ابدا .. كنا عايشين انا و بابا و ماما و اختى .. بس بعد وفاة اختى

منار (مقاطعه) : اتوفت ازاي

يوسف (بحزن) : كان عندها القلب و مكناش نعرف

فلاش باك ..

تأتى نورا مسرعه و قد بدا عليها الفرحة

(نورا هى اخت يوسف الصغري الفتاه ذات ال15 عام بملامح اجنبية خالصة )

نورا : ماما انا اشتركت في سباق دراجات

الاب (احمد) : هتعقلي امتا يا نورا

اماندا (الام) : (بعربية مكسره) : فهمينى بالراحة

يوسف : هههههههههههههههههه بنتك عاوزهتشترك في سباق عجل يا ماما

اماندا : طب و ايه المانه

احمد : المانه انى خايف عليها

نورا : متخافش يا بابا اوعدك انى هاخد بالي من نفسي و اكسب المركز الاول كمان

يوم السبق

كانت نورا تكافح جيدا من اجل الفوز بالسباق حتى خارت قواها فجأة و سقطت علي الارض مغشيا عليها

في المستشفي

منصور (الدكتور- صديق احمد و مغربي الجنسية ) : نورا عندها تضخم في عضلة القلب و للاسف الحاله متأخرة جدا

احمد : يعنى ايه يا منصور

منصور : احمد انا عاوزك تتمالك اعصابك عشان نعرف نفكر

احمد : و حياة صداقتنا متخبيش عنى حاجة

منصور : نورا عاوزه عملية زرع قلب في اقرب وقت ممكن ..

احمد : طب و ده هياخد وقت اد ايه ..

منصور : في اقرب وقت هنلافي فيه متبرع

احمد : طب و هنقدر نلاقي متبرع امتا ؟

منصور : انا هقوم بكل الاجراءات باقصي سرعه بس اتمنى ان الوقت يسعفنا