حكايه ابن 1
حكايه ابن 1
في غرفه والدتهما ..
تطرق يارا و مليكة الباب
سناء : اخل
يارا : ماما يحيى عمال بيزعق جامد في اوضته
الام : بيزعق مع مين ؟؟
مليكة : تقريبا كدا يا ماما بيزعق مع منار
الام : مع منار .. ليه حصل ايه
و تذهب الام و البنتين الي غرفه يحيى
تطرق الام الباب و تدخل
الام : مالك يبنى صوتك مسمع الجيران
يحيى : لو سمحتى يا ماما سيبينى دلوقتى
الام : انت بتكلم منار ؟؟
يحيى (بغضب عارم ) : قلت سيبونى دلوقتى مش عاوز اتكلم مع حد
الام : يلا يا بنات سيبوه دلوقتى .. يلا اطلعو .. استهدا بالله يبنى
و خرجت و اغقت دونها الباب
يحيى (لمنار ) : عاجبك كدا يا هانم .. هيا كلمة و مش هتتكسر .. علي اقرب طياره و تكونى هنا
منار : يا يحيى افهمنى بس
يحيى : افهم ايه انتى عارفه انتى كان ممكن يحصلك ايه لولا ان ربنا ستر
منار : يا يحيى
يحيى : مش هسمعك و قولت كلمه و مش هكررها تانى
منار (ببكاء ) : للسف مش هقدر ارجع دلوقتى خالص
يحيى (بخوف ) : ليه حصل ايه ؟؟
منار : باسبوري و كل حاجتى اتسرقت امبارح
يحيى : انتى بتقولي ايه .. امتا حصل ده و ازاي
منار : عشان خاطري اهدا خااالص و انا هحكيلك كل حاجه
ــــــــــــــ
يوسف في شقته يتحدث مع نفسه
– اروح اطمن عليها
– يوسف انت دورك انتهي لحد هنا .. ملكش دعوة بيها بأه سيبها تشق طريقها بنفسها
– اسيبها ؟
– ايوة انت لغاية دلوقتى كتر خيرك اووووي علي كل اللي انت عملته معاها
– لا طبعا انا معملتش اي حاجه معاها لغاية دلوقتى و عمري ما هسيبها لوحدها مهما حصل
– الله دا الموضوع مش زي انت ما بتقول بأه انه انت حاسس انها زي اختك
– قصدك ايه ؟
– قصدي ان انت حبيتها
– انت عبيط ؟ لحقت احبها في اسبوع
– عليا انا بردو الكلام ده
– انت عاوز ايه دلوقتى
– عاوز اقولك ان هيا كمان بتحبك
– اه دا انت هتستهبل بأه
– متقاوحش
– منار مبتحبنيش انت مسمعتهاش وهيا بتتكلم عن الرجاله كانت بتتكلم ازاي
– تفسر بايه يا فالح انها ركنت خوفها منك علي جنب و فتحت لك قلبها
– زي مانا فتحتلها قلبي بالظبط
– ماهو ده اللي انا بقوله
قصدك ايه ؟؟
– قصدي اللي انت فاهمه . لا لا لا .. اللي انت حاسه
– لا مش ممكن صدقنى .. اسمع كلامى منار مبتحبنيش
– طب و انت
– يووووووووه سيبنى في حالي بأه
ــــــــــــــــــ
منار : يا يحيى يوسفلو كان في نيته حاجه وحشه مكانش شافلي شقه بسرعه كدا و ساعدنى اوضبها في اسرع وقت عشان انقل فيها و اسيبه
