الروايه ١

سالم بحدة ليه مش قادرة تصدقى عشان اتجوزت عليها ده ماينفيش ابدا حبى ليها و لا يقلل منه قيراط واحد

شيراز باستنكار ده اللى هو ازاى يعنى مش فاهمة

سالم بحبها و بحب مراتى التانية بحبهم هم الاتنين و ما اقدرش استغنى عن حد فيهم

شيراز بذهول انا اعتقدت انك هتحاول تسيبك من جوازتك التانية دى و

سالم بحزم انا مش هسيب حد فيهم يا شيراز انا بحبهم هم الاتنين

شيراز باقرار انت مچنون

سالم يا ستى اعتبرينى مچنون بس قوليلها انى بحبها و ما اقدرش استغنى عنها و هى كمان بتحبنى احنا عشرة عمر و سنين و حبنا اتعجن باوقات و مواقف كتير عدت علينا مع بعض

انا متجوز نهى من خمس سنين دلوقتى اساليها امتى حست انى اهملتها او انشغلت عنها .. بالعكس وقتى كله كان ليها و ليوسف و لولى لو حد انظلم معايا تبقى نهى هى اللى اتظلمت نهى كانت بتشوفنى ساعتين فى اليوم عمرى ماقضيت معاها ليلة واحدة حتى يوم جوازنا و هى رضيت و عاشت معايا الوقت ده كله من غير اى اعتراض لانها هى كمان بتحبنى

صبرت على وضعها و عمرها ما اشتكت ابدا

هنا شمس قالت پغضب بعد ما خطفت التليفون من ايد شيراز مش يمكن عشان طمعانة فيك و كانت فاكرة ان تحت القبة شيخ و انك هتغرف و تديها .. زى ما جيبتلها العربية و الشقة الاولانية و كمان رايح تجيبلها شقة تانية بملايين و مش عاوزها تصبر طب ما هى لازم تصبر على ما تلم اللى هى عاوزاها

شمس بعد ما خلصت كلامها لقت سالم بيقول وحشتينى .. بس رغم كل اللى قلتيه الا ان نهى مش كده يا شمس نهى بتحبنى وانا كمان بحبها و العربية اللى معاها باباها الله يرحمه هو اللى جايبهالها مش انا ابدا

شمس بصړيخ و لما انت بتحبها بتحاول تكلمنى ليه عاوز منى ايه انا مش فاهمة

سالم بقوة عاوزك عاوز شمس مراتى و بنت خالتى .. عشرة عمرى و حبيبتى

شمس مابقيتش حبيبتك و لا بقيت عارفاك مش انت الراجل اللى اتجوزته انا جوزى مابيسهرش فى كباريهات و يتحزم و يرقص مع اللى الرقاصات

سالم پصدمة ايه الكلام الفارغ اللى انتى بتقوليه ده انا ادخل كبارية و ارقص فيه كمان

شمس بسخرية ايه … ناوى تنكر الفيديو بتاعك عندى جالى مع صورة من قسيمة جوازك و اللى عليها صورتك و صورتها و بياناتكم كلها موجودة .. و الفيدو لسه عندى .. تحب ابعته لك

سالم فيديو ايه و كلام فارغ ايه انا عمرى فى حياتى مادخلت مكان زى ده