حكايه 3
حكايه 3
رقية تاخد العروسة وتهدد فيها ثم تقول : إية رأيك يا نهر نلعب كوتشينه علشان نلعب كنا.
مصطفي : وهي هتعرف تلعب ؟ الكوتشينة عاوزة حساب.
رقية : لا ما أنا بقعد معاها اعلمها من زمان وهي بتعرف تجمع بس علي إيديها بنحط العدد الكبير في دماغها والصغير إيدها وتحسب دي نهر شطورة.
مصطفي : هنشوف.
نهر : بس أنا وماما فريق وحضرتك فريق .
مصطفي بيتظاهر بالحزن : لا دي مراتي أنا وهي فريق.
نهر : جدو لما كان بيلعب معانا كان بقول اثنين بنات بيساوا واحد راجل.
مصطفي بيبص: جدو مين ؟
رقية : كانت بتروح لعمو ابو ابراهيم وكانت هي ومراتة فريق ضدة .
مصطفي : وإنت مابتكونيش معاهم .
رقية : احيانا مراتة كانت تنادي عليا لما تضايق منة ونبقي احنا الثلاثة ضدة ساعتها بنكسبة.
نهر : أيوة لأننا ثلاثة والراجل يساوي اثنين مش ثلاثة .
مصطفي بغمز : لا يا نهر الراجل يحق لة أربعة.
رقية بصت لة بصدمة : يحق صح لة أربعة لو وافقوا يكونوا معاة أصل لازم الموافقة برضو.
مصطفي : اية دة الجميل بيغير ؟
رقية : إحنا لسة أول يوم وبنتعرف علي طبع بعض ومع ذلك بتقول أربعة متوقع إية مني ؟
نهر : لأ أنا مش فاهمة حاجة خاااالص ، اية أربعة طيب حضرتك عاوز نجيب اثنين كمان يلعبوا معانا ولا إية ؟
مصطفي : هنشوف يا نهر بعدين لكن النهاردة ماشي هنلعب اثنين لواحد .
بدوا اللعب نهر ورقية ياخدوا اربع ورقات ويتشاورا وهو اربع ورقات وهكذا .
اول دور هو كسب .
مصطفي: لا دا أنا جامد قوي.
نهر : عادي اللعب مش فورة واحدة بس حضرتك جامد فعلا في اللعب .
مصطفي : يا بنتي أنا مدرس حساااااب طبعا لازم أكون جامد .
لعبوا تاني لكن هذا المرة نهر ورقية كسبوا ونهر قامت تتنطط علي السرير وتقول: والله وعملوها الرجالة ورفعوا راس مصر بلدنا والله وعملوها الرجالة مبروك لمصر ولولدها.
رقية بابتسامة : الرجالة يا نهر؟
نهر : ما عملوش أغنية لما البنات تكسب كلة رجالة واللهي.
مصطفي : فية البنات البنات الطف الكائنات وبيبص لرقية.
نهر : لأ دي للدلع مش للمكسب .
مصطفي : بتفكير اة فعلا اصل الستات مش بتعرف تلعب كويس والأغاني دي الرجالة في الكورة يعني المنتخب الوطني لما يلعب قدم طايرة كدة يعني.كمان البنات ما بتحبش الكورة اصلا
نهر : إحنا بنات و كسبنا واة فعلا انتم بتحبوا الكورة قوي تعرف جدوا مش بيلعب معايا لما يكون فية ماتش.
