حكايه 3
حكايه 3
الساعة عشرة : قامت رقية مخضوضة و خرجت راحت الحمام و شافت إنتصار و الحاجة في المطبخ .
رقية : يا خبر أنا اسفة راحت عليا نومة.
الحاجة : نوم العوافي يا حبيبتي إحنا اختنا المنبة علشان تناموا براحتكم .
رقية : قومت صليت الفجر أنا و نهر أخدني النوم تاني و عملت إحتياطي أقوم ستة .
الحاجة : ربنا يبارك لك يا بنتي دي وردة مش بترضي تقوم للفجر كويس إنك معودة نهر.
رقية : الفجر بركة و إتعودت من زمان أصلي الفجر.
الحاجة : طب أدخلي إغسلي وشك كدة قدامك يوم طويل إنت جهزتي شنط الهدوم.
رقية : أيوة تحبي أطلع الشنط في الحوش بس أغسل وشي والبس عباية .
الحاجة : هما قالوا هيخدوها علي الساعة 12 و الساعة واحدة هتروحوا الكوافير جهزوا الفساتين بتاعتكم وإنت يا إنتصار جهزي فستان ورد علشان هتروح مع رقية و نهر.
رقية : بس أنا مش هعمل حاجة لنهر بس هسرح شعرها كويس و تلبس الفستان و فية تاج ليها أقول للكوافير يعمل إية لورد ؟
الحاجة : قوليلة يحط لورد تاج من عندة و نبقي نرجعة مع إلي هيحطة لك .
رقية : أنا هلبس حجاب ابيض كفاية.
الحاجة :وردة عاوزة تاج و يلا علشان تلحقي تصحي نهر و تفطروا و تاخدوا حمام يلا يا بنتي
و ذهبوا وطلعوا قمرات مصطفي ما كانش قادر ينزل عينة من علي رقية و لا حتي المعازيم كلة مبهور بجمالها و شياكتها حتي زميلات مصطفي في المدرسة علقوا علي الشياكة و جمال رقية كانت رقية و نهر نجمتي الفرح الحاجة و إنتصار كانوا مقعدين وردة و نهر والأولاد معاهم علي ترابيزتهم و نهر كانت عاقلة و لم تذهب لأمها غير لما رقية طلبت منها تتصور معها و رجعت تاني الترابيزة.
أصحاب مصطفي رقصوا معاة كتير و كان بيرقص و عينة علي رقية واحد من أصحابة عطاة حبوب و قالة : عد الجمايل دي هتخليك اسد .
ضحك مصطفي و قالة :حبيبي نردهالك في الأفراح .
إتوزع علي الناس زجاجة مياة غازية و جاتوة و سندوتشات .
الكل و هو مروح بيحكي و يتحاكي عن جمال الفرح و العروسة و مصطفي همس لمحمد ياخد نهر معاة .
لكن محمد قالة : لأ البنت عاقلة و بلاش تفرق البنت عن مامتها من أول يوم هي أساسا طفلة و هتنام علي طول لأنها تعبت طول النهار و كمان علشان رقية ماتقلقش علي بنتها .
مصطفي مااقتنعش بكلام أخوة لكن قال بعصبية : يا أخي دة يوم بس و هاتوها الصبح دة سواد الليل.
