حكايه 3

وصلوا أخيراً المكان كان عبارة عن مركز طبي لعددة دكاترة وطبعا ينفع يدخلوة مصطفي عمل اتصال الأول بالدكتورة لتسهيل الدخول و دخلوا المكان كان حجرة بها سريرين رقية علي واحد و المرفروض السرير التاني لام تانية لكن للصدف مفيش ولادات كتيرة في المركز فنامت أم إبراهيم علي السرير الثاني .المكان مجهز للولادة طبيعي وفيصري و حضاتات مفيش إمكانية لأي لاقسام تانية و كان فية دكتور واحد وممرضة نبطشية ليلية كان لسة صاحي لما مصطفي ومحمد وأبو إبراهيم دخلوا .

الشخص الموجود في الإستقبال إتصل بالدكتور علشان يستقبلهم ويفهمهم حالة رقية .

الدكتور قال لمصطفي إنها لسة في غيبوبة و لو ما فقتش علي الظهر لازم ينقلها مستشفي متخصصة وان ضعفها ونقص جسمها وغالبا انها اتغعرضت لوقعة قوية هم السبب في حالتها و طبعا أكيد لو فاقت لازم يحسن من نفسيتها دخل الدكتور معاهم للحجرة

نهر : عمو محمد الحمد لله إنك جيت ماما كان محتاجة الدكتورة ضروري وأنا معرفش اجيب لها حد .

الدكتور : عاوزة إزاي حبيبتي وهي في غيبوبة !

نهر : لا ماما صحيت وقالت أشوف اي حد ممرضة أو دكتورة بس مشيت لآخر الطرقة ملقتش حد والأبواب كلها مقفولة .

الدكتور : انت متاكدة ؟

نهر : أيوة حتي أسأل تيتة الي نايمة هناك دي قالت عاملين دوشة بس ماما نامت .

الدكتور اتجهة لرقية يشوف صحت فعلا لاقي النبض صغيف وحدقة العين ما بتتاثرش بالضوء.

الدكتور : يا ست يا الحاجة إنت يا ست .

أم إبراهيم قامت بزعيق : إية يا أبو ابراهيم الواحد ما يعرفش ينام شوية .

أبو ابراهيم : إنت جاية تنامي هنا أصحي يا ولية .

أم ابراهيم إنتبهت انها في المستشفي .

الدكتور : هي المدام صحيت فعلا ؟

ام ابراهيم : و النبي يا إبني ما عرف أنا كنت تعبانة و نمت .

نهر : مش حضرتك قولتي اننا عاملين دوشة وعاوزة تنامي .

أم إبراهيم : اييية و النبي أفتكرتة حلم .

الدكتور : يا حاجة مش قولتك ترني عليا لو صحيت .

أم إبراهيم : يا بني بقولك نمت كنت تعبانة طول اليوم واقفين شغل و ختمت بهنا .

نهر : ماما يا دكتور نايمة ولا رجعت غيبوبة .

الدكتور : حاليا نبضها ضعيف محتاجة نقل دم ولدت قيصري وعندها انيميا ودة خطر أنا مش فاهم لية يا أستاذ مش مهتم بالتغذية بتاعها .

مصطفي انفجر من الغضب علي الدكتور : و حياة أمك إنت عاوز تهرب من مسئولية متابعة المريضة لما فاقت كنت فين يا حيلتها .