حكايه 3
حكايه 3
مصطفي بدأ يحسن بتأنيب الضمير لآنة كان قاسي معاها و نظر لدرعها و شاف آثار كدمات .
رقية كانت بتحلم بأحمد وهي ساندة رأسها علي صدرة وهو كان بيمسح علي شعرها بلطف وبيقول ::متخافيش إنت قوية مجرد كدمات هتروح إستريحي شوية و شوفي نهر لأنها خايفة هي نايمة و أنا جنبك و نهر كمان .
إبتسمت رقية بسمة أخدت قلب مصطفي إللي كان بيبص لها بإعجاب كانت جميلة جداً حتي وهي نايمة بعد قليل مصطفي نام ورقية فتحت عينها لقت مصطفي نايم خرجت من الاوضة علي طراطيف صوابعها راحت أوضة نهر .
رقية بابتسامة و قبلة علي خد نهر : حبيبة ماما نمتي يا روحي ؟
نهر بتفتح عينها بكسل : ماما وحشتيني قوي .
نظرت باندهاش ماما هو إنت تعبانة ؟
رقية : لما ببقي تعبانة مجرد ما أشوفك بخف تعرفي كنت امبارح قمر
نهر : كل الناس كانوا بيتكلموا علي جمالك إنت يا ماما بيقولوا محجبة بس أجمل من كل العروسات وكلام تاني مش فهمتة.
رقية : الحجاب ملوش دعوة بالوحدة جميلة أو لأ الحجاب بنرضي بيه ربنا ونطيعة.
نهر : اتحجب أنا كمان .
رقية : لأ إنت صغيرة حتي لو اتحجبتي هيقع منك لانك بتلعبي كتير بس ما تعرفيش إنت وحشاني لية كدة ؟
نهر : لإنك إنت كمان وحشاني مام.
رقية : طيب يلا نسخن أكل اكيد جوعتي.
نهر : لا طنط إنتصار اكلتني أنا ووردة ولعبت معاها كمان.
رقية : يعني أكل لوحدي؟
نهر : كولي مع عمو مصطفي.
رقية : نايم .
نهر : بجد طب هاكل معاك شوية ونلعب شوية.
رقية بتمد أيدها لنهر : هيا بنا الي الطعام.
رقية : هااااة تأكلي بسكوت و شاي بلبن إية رأيك ؟
نهر : فية بليلة.
رقية : نعمل يا لو فية قمح لكن مامي تعبانة شوية تحبي نسخن لبن وبقسماط دلوقتي ولو لقيت قمح هبلة شوية وتبقي تكلية بعدين أنا وأنت محتاجين لبن علشان نكون اقوي.
نهر : اوكية ماما.
رقية ونهر أكلوا بقسماط باللبن ودخلوا أوضة نهر لعبوا الي أن صحي مصطفي ونظر حولة و إتجه لغرفة نهر يبحث عن رقية .
مصطفي : ينفع كدة يا ست نهر تاخدي ماما مني من اول يوم.
نهر : حضرتك كنت نايم و قلت نلعب شوية علي ما تقوم اسفة لو زعلت حضرتك.
مصطفي : لا يلا أنا هلعب معاكم بس مش كتير ماشي .
نهر :بجد هتعرف تلعب معانا لعبة البنات دي.
مصطفي : اتعلم .
نهر : ماما البيبي بيعيط يلا ناكلة وبتمسك العروسة تحط في بقها حاجة زي الببرونة الصغيرة وتهدد فيها بعد شوية ماما ممكن تنيمها .
