حكايه 3
حكايه 3
نهر : ماما هو لو جبتي بيبي هتحبية أكتر مني؟
رقية : هحبة قدك لكن هعمل معاة مجهود أكتر يعني مثلا مش هيعرف يعمل حاجة فأنا ههتم بية أكتر لغاني هرضعة وهعلمة ياكل وا أغير لة لو عمل كيكي هنضفة هعلمة يمشي هحمية زي ما كنت بعمل معاك بالضبط وزي ما اي أم بتعمل من الاخر الام ديما بتهتم بكل أولادها بس بتساعد أكتر الضعيف أكتر وأي بيبي بيكون ضعيف فهمتي .
نهر : هااااااااة طبعا فاهمة فيبنت جدو بيبي و بحب العب معاة بس رحتة بتبقي وحشة قوي لما يعمل كيكي يااااع .
رقية : المهم بكرة باذن الله عاوزاك هتساعديني في جمع لبسك كلة الجديد و لبسي كمان للبيت الجديد لكن القديم هيكون هنا و هنبقي نجي هنا من وقت للتاني بس مش كل يوم طبعا البيت دة بتاعك يا نهر و ذكرياتك كلها هنا .
نهر : عاوزة أسألك حاجة بس ما تزعليش .
رقية: اسألي براحتك لما أكون أنا وأنت لوحدنا أسألي و تكلمي براحتك لكن لما يكون مصطفي موجود أجلي السؤال لبعد ما يمشي و نكون وحدنا لأننا بنات زي بعض و أحيانا الولاد مش لازم يعرفوا كل حاجة عننا .
نهر : لما عمو يطلع ينام فوق السطح زي جدو ممكن آجي أنام معاك .
رقية متوقعتش السؤال دة و ضحكت جامد : مين قالك أن جدو بيطلع ينام فوق السطح دة إنت ماطلعتيش هينة ابدأ .
نهر بمرح : لأ ماهو مش جدو لوحدة إللي بيعمل كدة فية ناس تانية بتعمل كدة بس مش هقولك عليهم علشان جدو قالي أن دة سر .
رقية باهتمام : برافو عليك لازم نحافظ علي الأسرار و كدة عرفت أن جدو هو إلي قالك كدة ، و إجابة سؤالك أنا هاجي أنام جنبك لأن مصطفي واضح أنة ما بيحبش حد يدخل أوضتة وأنا عاوزة أبعدكم عن انكم تزعلوا من بعض بس عندي كام سؤال أنا كمان .
نهر ؛ إتفضلي .
رقية : جدو كلمك في حاجة بخصوص مصطفي .
نهر : كتيييييير أولا قالي نفس كلامك إني لازم أنام لوحدي في أوضتي . و أسمع كلام عمو و أعتبرة زي بابا و أكون مؤدبة و اني أعتمد علي نفسي و اعرف العب لوحدي أو أطلع العب مع الجيران الصغيرين بس قدام البيت ما أدخلش بيت حد و أستاذن عمو و حضرتك لو هروح عند حد و حاجات كتيييير قوووي ااااه قال كمان ( و بحزن وصوت مخنوق ) إني أقول لعمو مصطفي يا بابا .
رقية : طب لية زعلانة كدة ؟
نهر : مش عاوزة أقول لة يا بابا هو مش بابا .
رقية : طب ما عمو أبو إبراهيم مش جدو و بتقولي لة جدو و كمان مراتة بتقولي لها يا تيتة و إنت عارفة أنهم مش جدو و تيتة
