حكايه 3
حكايه 3
نهر : صح مام لكن جدو بيحبني بيلعب معايا كتير و أحيانا بيرفض يلعب مع أحفادة لكن أنا بيعلب معايا ويخرج وبنعمل مصايب كتير في تيتة وعندنا أسرار مع بعض من الاخر بحسة جدو فعلا و حضرتك بتقولي لة عمو و بقول لتيتة تيتة علشان مراتة لكن عمو مصطفي مش بحسة بيحبني مش بيلعب معايا مش بيحبك معايا لو أتغير و كان كويس معايا أقول لة بابا لكن بلييييز ماما مش تقولي أقول لة بابا وأنا مش حساها و كمان لازم أشوف أنة بتعامل معاك كويس علشان أقول لة بابا .
رقية بتأثر : يااااة يا نهر إنت كبرتي قوي و بتتكلمي بعقل أكتر من ناس كتير ، أوعدك مش هجبرك علي شيء إلا لو في مصلحتك و هنفضل علي طول أصحاب .
نهر : عارفة يا مام أنا بحبك قوي إنت ديما بتخيريني و بتتكلمي معايا و بتقنعيني أو اقنعك .
رقية : يلا نقول الأذكار علشان ننام .
بعد الاذكار ناموا و افاقوا علي دق بالباب الخارجي قامت رقية نظرت من وراء الشيش و راءت إنتصار و محمد وأولادهم و الحاجة بسرعة لبست وخرجت فتحت لهم .
إنتصار : معليش يا عروسة جايين بدري.
رقية : تنوروا في أي وقت .
إنتصار : بصي يا قمر احنا جايبين شوية حاجات هنحطها في الثلاجة علشان بكرة أنا هطبخها دي هتبقي صينيه الإتفاق بتاعتكم و برضوا أساعدك في الحاجات الباقية إلي هتروح الشقة .
رقية : هي صينية الإتفاق دي بتبقي علي العريس ؟
محمد : لأ بتبقي علي أهل العروسة و إحنا خلاص بقينا أهلك و النهاردة كتب الكتاب في البلد هنا بتكون في بلد العروسة و ان شاء الله المأذون هيكتب هنا فقولت أجيب العيال يلعبوا مع نهر وإنتصار و الحاجة يساعدوك في أي حاجة وإنت أختي الصغيرة أؤمري لو عايزة حاجة .
رقية : تسلموا كلكوا و شكرا علي تعبكم .
انتصار : إنت النهاردة و بكرة تقولي إية المطلوب و إحنا ننفذة يا عروسة ربنا يتمم لكم علي خير فين نهر أومال ؟
رقية: نايمة ما بطلتش أسئله طول الليل.
إنتصار : لو عاوزة تدخلي تنامي أدخلي .
رقية : لأ إزاي و أتحرم من قاعدتكم إنت و ماما الحاجة.
الحاجة : تسلمي يا بنتي بس اليوم طويل و كتب الكتاب المغرب أدخلي ريحي شوية .
رقية : لأ نخلص إللي ورانا و نبقي نأيل كلنا ( نأيل في اللغة الفلاحيإتعني النوم في الظهيرة أو عند اشتداد الحر )
الحاجة : تمام يا بنتي براحتك لكن انت عروسة مش المفروض تتعبي .
