حكايه 3

أبو إبراهيم قعد علي السرير وبص لمراتة : بقي يا ولية اسيبك معاهم تنامي .

ام ابراهيم : هو انت فاكرني صنم مش لحم ودم أنا ، يلا ربنا يقومها بالسلامة لعيالها و نروح بقي الواحد مش بيرتاح غير في فرشتة.

أبو إبراهيم نظر لها بغيض و بعدين نظر لنهر : يا منا خايف عليك يا حبيبتي من إلي جاي علي الأقل اخوك لة اهل هيراعوة مصطفي مش هيسيبة .

أم إبراهيم : بصراحة فرق السما من الأرض يا حج بين أحمد ومصطفي .

أبو ابراهيم : لو حصلها حاجة مش هسامح نفسي ابدأ أنا السبب إنها تتجوز كنت فاكرة هيصونها طفاها وطفي بنتها يا رب يقومك بالسلامة يا بنتي .

الدكتور دخل ومعاة كسين دم وبدا ينقل الدم لرقية .

الدكتور : انتو تبع الأم .

ابو ابراهيم : أيوة يا إبني هي زي بنتي وأعز .

الدكتور : طب فين قرايب الأم .

ام ابراهيم : جرا إية يا داكطور ما قولنا ملهاش حد البنية مقطوعة من شجرة لا أب ولا أم ولا أخ ولا أخت .

الدكتور : خلاص يا حجة فهمت انا بس خايف لو مفاقتش خصوصا علي بنتها البنت مش حمل صدمة وواضح قوي ان عندهم سوء تغذية بس عاوز اوضح ان إللي هم فية بيقول إن جوزها مانع الأكل عنهم او صادد نفسهم عن الحياة مش عارف بصراحة .

أبو إبراهيم : و الله يا بني اعمل إللي عليك وزيادة شوية ربنا يبارك لك رقية دي ست هادية واتحملت كتير معرفش موضوع الأكل بس اعرف انها لما تزعل مش بتاكل وأستاذ مصطفي أكيد مش مانعها من الاكل بيحبها بس بيغير عليها جامد .

الدكتور: هعمل كل الي اقدر علية ما تخفش يا حج بس أهم من العلاج والأكل نفسية المريضة فية ستات كتير بيجلها اكتئاب ما بعد الولادة وعلي ما فهمت هي أصلا عندها اكتئاب لدرجة انها مستسلمة لوضعها .

ابو ابراهيم: هتقوم ان شاء الله دي روحها في بنتها مش هتسيبها لوحدها يا ما دقت علي الراس طبول بس اهتم بنهر علشان امها تفوق بشوف في التلفزيون انهم بيفوقوا علي اصوات احبابهم .

الدكتور : فعلا تقريبا دة إلي حصل بليل فاقت علشان سمعت بنتها أصلا العقل دة ربنا وحدة أعلم بية عرفنا حاجات لكن سرة عن رب العالمين انا بس عاوز البنت تنام وتريح شوية لانها من إمبارح ما نمتش وان شاء الله نهر هتكون كويسة .

دخل مصطفي ومحمد

مصطفي : الولد لية ضعيف قوي كدة يا دكتور أكيد لازم يتغذي هيرضع إزاي وامة كدة هو ممكن الممرضة تجيبة يرضع من امة .