حكايه 3
حكايه 3
رقية : لو إشتغلت مع أم علي هتاخد بايد بعض و مش هنتعب و هنا خرجت نهر و قالت : و أنا هساعدكم .
ردت وردة بنت محمد باستسلام لأنها اكبر من نهر و كانت تريد العب لكن ٱتحرجت لما نهر قالت هتساعدهم فقالت : وأنا كمان بس هنلعب بعد ما نخلص .
نهر بفرح : أنا هروح أغسل وشي و أجي والأولاد كمان قالوا هيساعدوا و فعلا نضفوا البيت و علقوا أفرع كهربا و رتبوا كراسي في حوش البيت و قدامة و كنسوا قدام البيت وطبخوا كل هذا و انتهوا الساعة واحدة ظهرا .
الأولاد والبنات وأحفاد أبو إبراهيم رشوا مياة أمام البوابة و الحوش الامامي كي تلطف الجو و لعبوا خارج البيت وكي ينتبهوا علي الكراسي الموجودة خارج البيت
رقية بتعب : ممكن بقي نريح شوية ؟
إنتصار إستني إحنا أكلنا العيال نأكل لقمة و ننام رقية لا أنا جعانة نوم الحاجة خديني معاك يا بنتي .
محمد خبط و دخل عاوزين حاجة ؟
رقية : لو سمحت قول للولاد و البنات ميرحوش في حتة أو يدخلوا يلعبوا في الحوش أو السطح بلاش قدام البيت .
محمد : ما تقلقيش أنا هقعد برة اراقبهم.
رقية : طيب هنجهز لحضرتك حاجة تاكلها.
محمد : لا اكلت مع أخويا في الشقة ريحوا إنتم شوية وأنا هاخد بالي من العيال.
دخلوا الاوضة الكبيرة كان فيها صور لأحمد و رقية و نهر و هي صغيرة الحاجة أول ما دخلت شكلها إضايق و رقية علي طول عرفت السبب و قالت : معليش نسيت أشيل الصور لاننا ما دخلناش الأوضة دي وأحنا بنروق أنا اسفة .
الحاجة : و هتشيليهم النهاردة بس ولا علي طول .
رقية : كنت هاشيلهم إحتراما لحضرتك و مصطفي لكن مش علي طول اليومين دول بس لأن نهر متعلقة بابوها و بتحبة و انا مقدرش أحرمها منة و هو ميت حضرتك فاهماني يعني أكيد حضرتك لك صور مع زوجك و مش ممكن تشيلها لأنها ذكري للعيش و الملح و ذكري لاولادك .
الحاجة : بس مصطفي ممكن يزعل و أي راجل برضو لو في نفس مكانة هيزعل .
رقية : علشان كدة رفضت أننا نعيش هنا علشان لما نهر تشتاق لأبوها تجي هنا و تعيش ذكرياتها أنا كنت بحكي علية كتير لها و هحكي لما نكون هنا بس .
الحاجة: بتفهم : ماشي يا بنتي جميعهم النهاردة و بكرة و قبل ما تمشي من هنا و انت رايحة الكوافير حطيهم تاني .
رقية : حاضر:
رقية وإنتصار ناموا في الأوضة الكبيرة و الحاجة نامت في الأوضة الصغيرة و رقية ضبطت المنبة علي ساعتين نوم و قامت ندهت علي نهر و وردة حمتهم و لبستهم و أخدت شور بعدها صحت إنتصار إلي كان باين عليها التعب وإنتصار شافت البنات نظاف إية دة حميتي العيال وأنا نايمة والله شاطرة أنا كمان هتحمم وأبقي أصحي الحاجة .
