لمن القرار 17 الاخير

– أكتر حاجه بتكرهها الستات الكلام عن الوزن والعمر وبيتهيألي أنا ديما بلفت نظرك لموضوع الرياضة يا حببتي وأهميتها وبما إننا عندنا صالة رياضية وجنينة واسعة وإمكانية إشتراكك في أي نادي رياضي تختاري؛ فالموضوع في ايدك أنتِ ، ده جسمك وليكي مطلق الحرية

أتسعت حدقتاها في دهشة من حديثه تنظر إليه بعدما تخطاها وألقى بسترته فوق الفراش متمتمًا

– فتون ممكن ترتبي السرير محتاج أنام

واستدار نحوها متذكرًا شيئًا عليه تحذيرها منه لأنه يعرف عقلها

– صحيح يا حببتي اوعي تاخدي كلامي عن الرياضه وتطبقيه وأنتِ حامل أنا عارفك يا حببتي بتحفظي من غير فهم

هل ينعتها سليم بالغبية؟

سؤال كان جوابه يمنحه لها بأغلاق باب المرحاض خلفه.

لملمت قطع الملابس خاصتها المنتشرة هنا وهناك ثم رتبت له الفراش بوجه محتقن.

– أنا غبيه بحفظ من غير ما افهم يا سليم ، اه ما أنت اكيد بقيت منبهر بي بنت عمك، طبعا أنوثة وأناقه وذكاء

همهماتها أثارت فضوله وقد ألقى بتلك المنشفة التي جفف بها خصلاته الرطبة نحو الأريكة واقترب منها متسائلًا

– فتون أنتِ بتكلمي نفسك تاني

انتفض جسدها فزعًا ورغمًا عنها كان رأسها يرتطم برأسه لشدة قربه منها. تأوه بخفوت بعدما ابتعد عنها يُدلك جبينه

– شكرا يا حببتي كده هعرف أنام كويس

يلومها على ما حدث وهو كان سببً فيه

– على فكرة أنت السبب والخبطه بتاعتي أشد منك

ولأنها اليوم تشعر بالسوء دون سبب أنبثق الحديث من شفتيها قبل أن تنفجر بالبكاء

– أنت من ساعت ما جيت وانت بترمي بالكلام, أنا هسيبلك الأوضة خالص وانام في أي أوضة

القت بالوسادة التي أمامها بالجهة الأخرى عنه حتى تتمكن من إخراج غضبها بشيء

– فتون خدي هنا، مش معقول هنقضي شهور الحمل مع هرموناتك اللي بقت تتغير كل يوم

أتجه نحوها يجتذبه إليه يرغمها على عدم الحركة ودفعِها له حتى يبتعد عنها

– كل حاجه بقيت بعملها مبتعجبكش ولا حتى بتشجعني، قولتلك عايزه اتعلم لغة جديدة قولتلي اتعلمي

ارتفع كلا حاجبيه في دهشة بعد حديثها الذي أذهله

– سبحان الله يا حببتي, وعايزاني اقولك إيه غير كده
– تقولي حاضر ياحببتي هشوفلك أحسن مكان بيتعلموا فيه واحجزلك

للحظات وقف مدهوشًا يُحاول إستيعاب ما نطقته

– قولتلك عايزه اتعلم السواقه، ضحكت وكأنك بتسخر مني ورجعت تتابع شغلك، الشغل بقى عندك أهم مني