ياسين ج الاخير

ضحكت قليلا وأكملت :

-ده غير أني قولت دايما اني هقف في صف مرات اخويا ضد عدي … ابتسمت جواهر لها وقالت : -متقلقيش هحققلك حلمك بإذن الله … ابتسمت ليان ثم ضمتها مرة آخري لتبتسم جواهر بغرابة ..كيف يمتلك عدي شقيقة لطيفة مثلها -شكلكم انسجمتوا سوا ! قالها عدي مبتسما وهو يقترب منهما لتبتعد ليان عن جواهر بينما تجهم وجه جواهر المبتسم …ابتسمت ليان وهي تنهض وتعانقه وقالت: -بيري عسولة اووي يا عدي …أنا حبيتها .. ابتسم عدي بسخرية وقال:

-شايفة أنك انسجمتي مع أختي خالص يا بيري عقبال ما تنسجمي معايا كده … ثم غمز لها -علي جثـ تي الكلام ده. .. تمتمت بغيظ لنفسها ليقول عدي : -بتقولي حاجة يا عروسة .. -لا مبقولش .. قالتها بفظا ظة لتضحك ليان وتقول: -شكلكم كيوت مع بعض زي Tom and jerry دايما بتضايقوا بعض بس بتحبوا بعض … ثم تركتهم وذهبت ليجلس عدي بجوار جواهر ويقول: -ايه رأيك يا بيري تفتكري هنحب بعض في يوم من الايام؟ !

-لا مظنش …أختك بتحلم زيادة عن اللزوم أنا مش بطيقك اصلا . -غريبة ده مكانش رأيك امبارح يعني !! احمر وجهها ليقترب أكثر وأصابعه تتلمس وجهها ويقول: -أمبارح لولا دخول ليان كُنت ه…. نهضت بسرعة وقالت بتوتر : -أنا.رايحة الحمام … ثم ركضت نحو القصر يتبعها ضحكات عدي الساخرة …تنهد وهو ينظر إلي طبق الشطائر امسك شطيرة منها ثم بدأ يتناولها وهو يصفر ويقول: -الصبر …الصبر يا بيري بس …اصبري عليا اخلص اللي ورايا وهفضالك ووقتها هأخد كل حقوقي منك ..ونشوف كلمة مش بتطقيني دي هتطلع من بوقك ازاي تاني !!

ضحك بإستمتاع وهو يكمل تناول الشطيرة ….ففر.يسته على وشك الوقوع في المصيدة …وكم سيكون رائع عندما ينالها ! ……… في منزل أمير … قضمت شفتيها بضيق وهي ترى تلك المائعة قد أعاقت طريق أمير…تلك الفتاة التي أنقذ أمير شقيقتها من ذلك المتحر ش وهي من وقتها تتحجج لكي تتكلم وهذا أزعج عبير كثيرا …تمنت في تلك اللحظة أن تنزل إليها وتجذبها من شعرها وتجمع عليها أمة لا أله الا الله .. أرادت لها فضـ يحة واسعة عديمة التربية تلك …

ولكنها شعرت بقليل من الرضا وهي ترى أمير ينظر إلي الأرض وهو يتحدث معه …لا يرفع وجهه حتي لكي ينظر إليها بينما هي تبتسم له بهيام وتضحك دون توقف … -ايه قلة الذوق دي …سيبيه يا باردة مش عايز يتكلم معاكي …فين كرامتك!! همست عبير بغضب وهي تضــ,,ـــــرب علي حاجز التراس بغضب ….. …… -أنا حاسة أن مهما عملت مش هقدر أشكرك علي وقفة جمب أختي الصغيرة … كان أمير مطرق برأسه يشعر بالحرج بسبب تحدثها معه بتلك الأريحية ..أراد أن يذهب الي منزله بسرعة ولكنه شعر أنه سيكون قليل الذوق …