ياسين ج الاخير

-يعني يا ليان أنتِ متعلمة…مستواكي الاجتماعي قريب من المستوي بتاعي …مثقفة وذكية وأخت صاحبي والاهم أنك شكليا عجبتيني …غير أني بسمع عنك كل خير … يعني العروسة المناسبة ليا واللي أنا اتمناها….. اتمني يكون أجابتي وافية ليكي ولا عندك أي سؤال اتفضلي أسألي ابتسمت وقالت: -انا مبسوطة لأنك خرجت الحب برا المعادلة عشان أنا كمان مش شايفة الحب مهم .. رفع كوب القهوة لفمه وقال بإبتسانة رائعة: -ممتاز يبقي أحنا متفقين …الحب مقر.ف بكل الأحوال …

-فعلا قالتها ثم ضحكت برقة …وهي تشرب قهوتها هي الآخري …بينما من الشرفة كان يراقبهما موسى والحزن يسيطر على ملامحه!! ……………… استغلت فرصة إنشغال عدي مع ضيوفه وانسلت الى غرفة النوم واغلقتها جيدا ثم جلست. هي تشـ عل سيجارتها وتتذكر حديثها مع شريف.. ….. -لا معلش عيد تاني مين ده اللي أخليه يحبني ؟!! قالتها وعينيها متسعة على آخرها…لابد انه يمزح !! هو كتفه وقال: -عدي خليه يحبك … انفـ جرت بالضحك وقالت:

-أنت بتهزر صح …أكيد بتهزر …مين ده اللي يحبني …وبعدين أخليه يحبني أزاي ؟!اعمله سـ حر مثلا!!!ولا اروح ابوس رجليه واقوله حبني يا سعادة البيه وثق فيا ووريني مكان الشيكات . .بقولك ايه يا راجل انت شكلك راجل لاسع وهتودينا في د.اهية الله يخربيتك … اعتصر شريف ذراعها وقال بغضب : -متعرفيش تتكلمي بإحترام …هتبقي طول عمرك سوقية كده حتى بعد ما نضفتك ودخلتك قصر . نفضت هي ذراعيه وقالت: -خد يا عم القصر بتاعك ورجعني لأمي …انت كل افكارك ما شاء الله عليها…كل فكرة أعبط من التانية وانا زي البهـ يمة ماشية وراك …

-طيب أسكتي يا بهمية وخليني أتكلم زعق بها لتنفخ بضيق وتقول: -اتفضل اشجيني …ربنا يستر من افكارك العبقرية بس يارب اخلص من أم الجوازة دي ومنك كمان!! -لو سمعتي كلامي هتخلصي …عاندتي هتلبسي في عدي رشيد طول حياتك وصدقيني وقتها هتمو تي عشان تتحرري منه … وضعت كفها على وجهها وهي تفكر انها هي من وضعت نفسها في تلك الوزرطة العظيمة …ولكنها هزت رأسها وهي تفكر انها ليست نادمة بالمرة على ما فعلته …لقد ساعدت صديقتها وان عاد الزمن ستساعد عبير مرة آخري …هي لم تعتاد على التصرف بأنا نية ..خاصة مع عبير التي اعتبرتها شقيقتها يوما !!!

-أجذبيه ليكي يا جواهر …اجذبيه عشان يحبك…. قالها شريف لتعقد ما بين حاجبيها وتقول : -أجذبه ازاي يعني هو أنا مغناطيس.. -أنا هفهمك.يا جاموسة بس أسكتي … ابتلع ريقه وهو يرتب كلماته كي تقتنع.بها…فهو لن يترك فرصة نجاته تنفلت من بين يديه بتلك.السهولة ابدا.. -أنتِ ست يا جواهر يعني هتقدري بسهولة تجذبيه ليكي…وعدي مهما كان ذكي بس هو راجل ومش هيرفض واحدة بجمالك …