حب غير مسموح دارين ج الاخير

الحلقة الثانية عشر
شمس راحت تقعد علي تربيزة فاضية
يجي شخص من وراها
الشخص:تسمحيلي اقعد معاكي ياشمس؟
شمس تلتفت علشان تبص
هتبرق وهي مرتبكة ومش عارفة تقول ايه!!
شـمــس بضيق:اتفضل يا نادر
نادر يقعد معاها علي الترابيزة
نادر بابتسامة وانبهار بشكلها:احم احم الف مبروك
شـمــس بابتسامة صفراء:الله يبارك فيك…عقبالك انت وانسة نيرة
نادر بحزن وضيق:اه… شكرا
شـمــس:قولي صحيح امال فين الانسة نيرة؟؟هي مجتش معاك؟
نادر باحراج:لا مجتش معايا
شـمــس بتنهيد:خسارة
نادر اضايق من اسوب كلامها الغامض والغير مفهوم ده
رنا كانت عمالة بتبص عليهم من بعيد ومبسوطة
رنا ف سرها:ايووووة…كده تمام اوي خطتي مشيت صح
Flash back>
نادر ف اوضته متعصب لان شمس مردتش عليه
“خلاص عنها ما ردت وانا ايه الي يهمني يعني ما تتفلق”
يدخل عليه ماجد
“ايه مالك؟؟شايط كده ليه؟”
نادر وهو يحاول ان يهدا:مفيش انا كويس يا ماجد
ماجد:لا انت مش كويس….ممكن تحكيلي بقي فيه ايه؟
نادر:معلش يا ماجد بعدين بقي انا تعبان جداً دلوقتي
وفجأة نادر يجيله اتصال علي الموبايل من رقم غريب
يجيب نادر علي الهاتف
نادر:الو ايوة مين؟
رنا:انا رنا يا نادر زميلتكوا ف الشركة
نادر:اهلا يا رنا ازيك؟
رنا:الحمدلله تمام
نادر:خير ف حاجة؟
رنا:بص ياسيدي طبعا انت عارف ان فرحي بكره
نادر:اه طبعا…الف مبروك
رنا:لالا مينفعش الف مبروك كده ف الموبايل انت لازم تيجي تحضر الفرح
نادر:احضر الفرح؟؟
رنا بخبث:ايوة طبعا….ده حتي شمس هتحضره
نادر باهتمام:شمس؟؟؟اه طبعا طبعا جي
رنا:ماشي مستنياك يا نادر
نادر:سلام
رنا:سلام
نادر ف سره:الحمدلله دي احسن فرصة علشان اقدر اعتذرلها فيها علي الي حصل والي نيلته نيرة
Back
شـمــس ف سرها:ياربي انا مكنتش عايزة اشوفه…ايه الي جابه ده؟
شـمــس بابتسامة صفراء:ممكن بس اقوم دقيقة بعد اذنك
نادر بشك:اتفضلي
شـمــس بابتسامة صفراء:اشكرك
تنهض شمس من علي الكرسي وتروح ل رنا تاخدها من ايديها ف الكوشة
شـمــس:تعالي هنا عايزاكي
رنا:ف ايه يا شمس؟
شـمــس بغيظ:بقي دي عاملة تعمليها فيا ايه الي خلاكي هزمتيه؟
رنا باستهبال:هو مين؟
شـمــس:انتي هتستهبلي؟؟انتي عارفة كويسة اني اقصد نادر
نادر قاعد عمال يبص عليهم وهما بيتكلموا
رنا:والله بقي انا مغلطش زميلي وعزمته ثم انا قولتلك اني عزمت الشركة كلها
شـمــس بتوعد:ماشي يا رنا
رنا:ثم انتي زعلانة ليه؟؟عادي يعني
شـمــس:لا مش عادي….انتي عارفة اصلا ايه الي حصل؟
رنا:لا معرفش…حصل ايه؟
شمس تاخدها من ايديها
“طب تعالي معايا وانا هحكيلك”
نادر وهو قاعد علي الترابيزة نيرة بتتصل بيه
نادر بضيق:ازيك؟
نيرة:ايه انت فين؟
نادر:ف فرح رنا
نيرة:مقولتليش يعني انك رايح
نادر:معلش نسيت
نيرة:طب سيب الفرح وتعالالي علشان نخرج
نادر:اسيب الفرح ازاي يعني؟انتي بتهزري؟؟لا طبعا
نيرة:يعني ايه؟مش عايز تخرج معايا علشان تفضل ف الفرح ده؟وبعدين انت عارف انت خاطب مين؟ازاي تحضر فرح حتة سكرتيرة زي دي
نادر:اولا مش من حقك تتعالي كده علي اي حد ثانيا رنا زميلتنا ولازم نشاركها فرحتها ونبقي معاها والشركة كلها حضرته
نيرة:نادر….عارف لو معدتش عليا دلوقتي حالا ف البيت هيحصل ايه؟
نادر:اسف ….مش هقدر…سلام
ويغلق نادر الخط ف وجه نيرة
نيرة بغيظ وغضب:هاااااااااااا هي حصلت يقفل ف وشي السكة؟ماشي انا هتصرف اما طربقتها علي دماغهم كلهم انا يقفل السكة ف وشي؟ماشي يا نادر
شمس تخرج من المكان الي كانت واقفة فيه مع رنا بعد ما حكتلها علي الي حصل
رنا:انا عايزة افهم بس هو ذنبه ايه؟هي اس البلاوي الي اسمها نيرة دي السبب
شـمــس بارتباك:بصي بقي انا مش عايزة اي علاقة بيني وبينه وكفاية بقي الي حصل
رنا بتنهيد:ماشي انا هروح بقي اقعد مكاني
شـمــس:ماشي
ترجع شمس تاني للتربيزة الي قاعد عليها نادر
نادر عمال بيفكر وكل شوية يفتح بوقه علشان يكلمها بس ميقدرش
نادر بصعوبة:انا كنت عايز اعتذرلك علي الي حصل
شـمــس بسخرية:الي حصل؟؟؟؟الي هو ايه؟
نادر:يعني…..الي حصل امبارح
شـمــس بحدة:لا ابدا الموضوع ده عمره ما ياثر فيا يا نادر ….ده بالنسبالي موضوع تافه
نادر بحزن:فعلا؟؟
شـمــس بثقة:اه فعلا
نادر بحزن وعدم مبالاة:تمام
بنت تيجي عند الترابيزة الي قاعدة عليها شمس
“ازيك يا شمس عاملة ايه؟”
شمس تقوم وتسلم عليها
شـمــس:الحمدلله يا صفاء انا تمام وانتي اخبارك ايه؟
صفاء:الحمدلله تمام
صفاء تبص علي نادر باهتمام
“ازيك يا باشمهندس نادر؟”
نادر:تمام الحمدلله
صفاء بسخرية:سلامي لانسة نيرة طبعا
نادر بابتسامة خبيثة:يوصل طبعا هو انا اقدر انسي اقولها طب ده انا حتي مبقدرش اغيب عنها يوم لازم اشوفها
صفاء:ربنا يسعدكوا
شـمــس بغيظ:طيب يا صفاء روحي انتي بقي سلمي علي بقيت الزملاء
صفاء بخبث:حاااضر
وتمشي صفاء ونادرعمال يبص ناحيتها
شمس راحت تقف ف حتة بعيد عن الترابيزة شوية ونادر وهو قاعد عمال بيبص ناحية شمس
اكرم وصل الفرح
اول ما هيشوف شمس واقفة هيجري عليها بسرعة
اكرم باعجاب:ازيك ياانسة شمس؟
شـمــس بعدم اهتمام:اهلا يااكرم
اكرم:تسمحيلي اقعد معاكي علي تربيزة لوحدنا
شـمــس:لا اصل……..
تبص فجأة تلاقي نادر بيبص ناحيتهم بغيظ
شـمــس بابتسامة ماكرة:طبعا اسمح يلا يااكرم
شمس راحت علي ترابيزة مع اكرم واكرم شد الكرسي وقعدها وهي اصلا مش طايقاه
نادر عمال يبصلهم بغيظ مكتوم بس مش قادر يتكلم
———————————–
ف بيت شمس
سلمي قاعدة مع رضوي
سلمي:بصي انا هقوم اعمل شاي…اعملك معايا؟
رضوي:ماشي
سلمي قامت وهي بتمشي اغمي عليه
رضوي بفزع:سلمي!!!!
فوقي فوقي ردي عليا
سلمي مبتردش
رضوي:انا لازم اتصل ب شمس حالا
———————————–
شمس قاعدة مع اكرم علي الترابيزة وهو عمال يتكلم وهي مش سامعاه بيقول ايه !!سرحانة ف عالم تاني
اكرم:شمس؟؟؟
شـمــس:هااا بنكلمني؟
اكرم:من بدري
شـمــس:معلش يااكرم انا مش مركزة معاك واضح ان عندي صداع
اكرم بحزن:ماشي
شـمــس ناحية نادر واول ما لقيته شافاها وهي بتبص ناحية ديرت وشها بسرعة
———————————–
رضوي ف البيت بتحاول تتصل بشمس
رضوي:يالهوووووي…انا نسيت ان شمس موبايلها اتكسر وودته يتصلح وكانت حاطة الشريحة بتاعتها ف موبايلي….وبعدين انا هتصرف ازاي بس ياربي!!! اوووووف
تجري بسرعة ناحية سلمي وهي واقعة ف الارض
“فوقي ياسلمي ابوس ايدك…يالهووووي اعمل ايه بس؟؟”
خرجت بسرعة من باب الشقة ونزلت علي السلم وخبطت ف مصطفي
“ماااالك ف ايه؟”
رضوي:الحقني يا خالو سلمي واقعة مغمي عليها وشمس تليفونها مش معاها علشان بيتصلح ومش عارفة اعمل ايه؟
مصطفي بفزع:ياساتر يارب….طب متقلقيش انا هجبلها الدكتور جارنا الي تحت
رضوي بخضة:طب ونبي بسرعة يا خالو
مصطفي بتلهف:حاضر حاضر
رضوي:استرها يارب
مصطفي يجي ومعاه الدكتور
الدكتور:خير فين المريضة؟
رضوي:جوه اتفضل حضرتك
الدكتور دخلها
مصطفي:متقلقيش هتبقي كويسة
الدكتور بعد ما كشف عليها خرج من الاوضة
رضوي بلهفة:مالها يا دكتور؟
مصطفي:خير طمنا؟
الدكتور بتنهيد:هي…….هي ….هي حامل!!!
رضوي&مصطفي بفزع:حاااامل!!!!!
———————————–
ف فرح رنا وهما قاعدين فجأة..
.
.
الحلقة الثالثة عشر
ف فرح رنا وهما قاعدين فجأة تدخل نيرة الفرح وهي لابسة فستان قصير اوي وبتبص للي قاعدين بقرف
نادر وهي يطرق علي جبينه:ايه الي جابها دي؟يانهار اسووود دي شكلها جاية تبوظ الفرح…..وايه المسخرة الي هي لابساها دي؟؟
شـمــس:هااااااااااااااااا ايه الي جاب وش النكد دي هنا؟؟؟يالهوي
اكرم:مين الي جت؟
شـمــس:اسكت انت اما اقوم اشوف ايه الي جابها!
نيرة راجت تسلم علي رنا ف الكوشة
نيرة بقرف:الف مبروك متتصوريش انا غصبت علي نفسي قد ايه علشان اجي فرحك انتي عارفة بقي ان انا مليش ف الافراح الفقايري دي انا بروح احسن افراح ف مصر
رنا بحزن:شكرا انك جيتي
شـمــس سمعت الكلام الي قالته نيرة واتغاظت من احراجها ل رنا واسلوبها
شـمــس بصوت عالي:اظن ياانسة نيرة ان محدش عزمك اساسا علشان تيجي ولما تيجي ياريت تحترمي الي انتي جاية عندهم ولا انا غلطانة؟؟؟مش كده يانادر؟؟
نادر بخجل:آآآآآ احم اه طبعا
نيرة بعصبية:ماشي انا همشي….يلا يا نادر
نادر بثقة:لا ….انا مش همشي واسيب فرح رنا
نيرة:بتقول ايه؟؟؟؟؟؟
نادر بثقة:الي سمعتيه ….انا مش همشي واسيب فرح رنا
شـمــس تفرح ويظهر علي وشها ابتسامة عريضة
نيرة بغيظ وغضب:ماشي يا نادر
وتمشي نيرة
شـمــس بابتسامة عريضة:شكرا يا نادر علشان كبرت بينا قدامها
نادر ببرود:والله بقي انا حر افضل او امشي انا معملتش كده غير علشان فرح رنا مبيوظش وبسسسسسسسسس انما امشي كلام حد عنيد ومغرور وفاكر نفسه حاجة لا
شـمــس تسيبه وهي متغاظة
نادر يبقي مبسوط اوي علشان كبسها
———————————–
ف بيت شمس
الدكتور بعد ما كشف عليها خرج من الاوضة
رضوي بلهفة:مالها يا دكتور؟
مصطفي:خير طمنا؟
الدكتور بتنهيد:هي…….هي ….هي حامل!!!
رضوي&مصطفي بفزع:حاااامل!!!!!
الدكتور:ايه مالكوا اتخضيتوا كده ليه؟؟هو فيه حاجة؟؟؟
مصطفي بصدمة وارتباك:هااا لالا مفيش حاجة ده من الفرحة بس حضرتك
رضوي مفزوعة ومبتتكلمش
الدكتور:طيب الف مبروك وعلي العموم هي هتفوق من الاغماء ده دلوقتي…اهم حاجة متعملش مجهود وتاكل كويس علشان الجنين
مصطفي بصدمة:حاضر
الدكتور:استاذن انا
مصطفي:مع السلامة
ويمشي الدكتور
مصطفي بعصبية:اختك…..اختك عملت مصيبة….مصيييييييييبة
رضوي:يا خالو اهدي بس دلوقتي احنا ندخلها ونفهم منها
مصطفي بزعيق:يلااااا
رضوي ومصطفي يدخلوا ل سلمي
سلمي بتفوق من الاغماء تدريجيا
“هو ايه الي حصل؟”
مصطفي:وكمان بتسالي ايه الي حصل؟؟
مصطفي يضربها بالقلم
سلمي بفزع:هو ف ايه؟
رضوي بعصبية:ممكن بقي تقوللنا انتي حامل ازاي؟
سلمي بخضة:حامل؟؟؟؟؟؟لالالالالا انا…..
رضوي:انتي ايه حرام عليكي؟؟؟؟عملتي ف نفسك وفينا كده ليه؟؟؟
مصطفي بعصبية:انطقي يا صايعة يالي ملقتيش حد يربيكي…مين الدون الي غلطتي معاه؟؟
سلمي بعياط:انا مغلطتش انا اتجوزت انا وزميلي عرفي ومعايا نسخة من الورقة وكنا عاملين حسابنا كويس ومكنتش اعرف ان هيحصل حمل
مصطفي بصدمة:وازاي تتجوزيه من ورنا؟؟؟؟
رضوي:هو ده زميلك الي كنتي بتحكيلي عنه؟
سلمي:ايوة
مصطفي:انا لازم اقتلك انهارده ….جبتلنا العار والفضيحة
رضوي:يا خالو ابوس ايدك اهدي بس هي اتجوزت معملتش حاجة غلط …الغلط انها عملت كده من غير ما تقولنا ولو عملتلها حاجة دلوقتي اكيد شمس هتعرف وشمس فيها الي مكفيها
مصطفي وهو بيحاول يهدي:فعلا شمس مش لازم تعرف اي حاجة لحد ما نشوف حل ف المصيبة دي…الواد ده لازم يتجوزك رسمي باي شكل
سلمي بعياط:ياخالو صدقني هو لما هيعرف اني حامل هيتجوزني رسمي علي طول …ماجد بيحبني
مصطفي:مفيش واحد بيحب واحدة يتجوزها من ورا اهلها
سلمي:هو مقدرش علشان عنده ظروف
رضوي:خلاص انتي تتصلي بيه دلوقتي وتقوليله انك حامل علشان نخلص الموضوع ده بسرعة
سلمي:طب وشمس؟
مصطفي:الموضوع لازم ينتهي وبسرعة قبل ما بطنك تكبر وباي شكل من الاشكال اما موضوع شمس فا يحلها ربنا من عنده
———————————–
شمس ف فرح رنا
شـمــس:ياااا انا اتاخرت اوي انا لازم امشي
رنا:ليه ما تخليكي شوية؟
شـمــس:معلش يا رنا اصل الساعة قربت علي 11
رنا:ماشي يا شمس سلام يا حبيبتي
شـمــس وهي بتسلم عليها:سلام والف مبروك يا روحي
اكرم بابتسامة:تحبي اوصلك؟
شـمــس ب لا مبالاة:لا شكرا يا اكرم انا هاخد تاكسي
اكرم بخيبة امل:ماشي علي راحتك
نادر شاف شمس وهي ماشية وقام جري عليها
“تحبي اوصلك يا شمس الوقت متاخر”
شـمــس بخجل:اممممم آآآآ لا يا نادر شكرا
نادر:لا هوصلك مش ممكن اسيبك تروحي ف الوقت ده لوحدك
شـمــس بابتسامة خفيفة:ماشي
وتهب شمس مع نادر
اكرم ف سره:بقي انا اقولها اوصلك تقولي لا انما هو يوصلها تقوله ماشي….اوووووف هي امتي بقي هتحس بيا
———————————–
نادر وشمس ف الطريق ف عربية نادر
شـمــس ف سرها:انا احترت فيك انت طيب ولا مادي ولا بتتعمد تضايقني ولا انت ايه بالظبط
نادر بهزار:طبعا مستغربة ان عندي عربية وكنت راكب الاتوبيس واتنشلت
شـمــس:بصراحة اه
نادر:بصي يا ستي العربية دي كانت بايظة ومحتاجة مصاريف كتير علشان تتصلح اول ما اشتغلت ف شركتكوا قدرت اصلحها من مرتبي
شـمــس:طيب كويس
نادر وشمس فضلوا ساكتين لمدة ربع ساعة وعمالين يبصوا لبعض
شـمــس:قربنا نوصل؟
نادر ف سره:هي مضايقة مني ولا ايه؟
نادر:اه قربنا متقلقيش
شـمــس:تمام
نادر وشمس وصلوا لبيتها ونزلت من العربية
نادر ببرود:تصبحي علي خير
شـمــس بحزن:وانت من اهله
———————————–
شمس تدخل البيت وكان مصطفي وسلمي ورضوي بيتكلموا ف موضوع حمل سلمي
مصطفي:هشششش اسكتوا اسكتوا اهي جت
شـمــس:مساء الخير
الجميع بارتباك:مساء النور
شـمــس:معلش انا اسفة اوي الوقت سرقني ف الفرح واتاخرت
مصطفي بارتباك:ماشي حمدلله علي سلامتك….كان حلو الفرح؟؟؟
شـمــس:اه الحمد لله كان جميل
مصطفي:طيب استاذن انا…..وزي ما اقولتلكوا هااا
رضوي وسلمي:آآآآآ حاضر يا خالوا
شـمــس:قولتلهم علي ايه ياخالو؟
مصطفي:لا ده موضوع كده بيني وبينهم ….متشغليش بالك
شـمــس بشك:ماشي
وتمشي شمس الي اوضتها
“هو ف ايه بالظبط؟؟انا حاسة ان فيه حاجة…ارتباكهم اول ما دخلت ده مش طبيعي”
———————————–
نيرة ف اوضتها
“ماشي يا نادر انت والي اسمها شمس…نهايتك قربت اوي اوي يا شمس وهتشوفي”
وتقوم بالاتصال بشخص ما
“ايوة …هااا كله تمام؟؟زي ما اتفقنا؟؟طيب اما نشوف….سلام”
بعد اسبوع ف الشركة
شمس ونادر علي مكاتبهم
ويجي محي
محي باندهاش:شمس انتي سلمتي اظرف العطاء؟
شـمــس:اه من بدري من الاسبوع الي فات
محي:للاسف جالنا معلومات ان العطاء اتسرب
شـمــس بخضة:ايه؟؟اتسرب؟؟؟اتسرب ازاي؟
ويجي بسيوني بعصبية
“ايوة اتسرب….انا مكنتش اتصور ابدا انك ممكن تعملي كده يا شمس انا وثقت فيكي تقومي تخوني الثقة دي”
.
.
الحلقة الرابعة عشر
محي:للاسف جالنا معلومات ان العطاء اتسرب
شـمــس بخضة:ايه؟؟اتسرب؟؟؟اتسرب ازاي؟
ويجي بسيوني بعصبية
“ايوة اتسرب….انا مكنتش اتصور ابدا انك ممكن تعملي كده انا وثقت فيكي تقومي تخوني الثقة دي”
شـمــس بفزع:ايه الي انتو بتقولوه ده انا لا يمكن اعمل كده ولا اخون الثقة دي ابدا الموضوع فيه حاجة غلط
نادر جه يشوف الي حصل وبيبص بصدمة ومش عارف يتكلم
اكرم مدافعا:يابسيوني بيه اسمعني ارجوك شمس……
بسيوني مقاطع وبحدة:خلاص محدش هيتكلم نص كلمة ولا يدافع….اظرف العطاء كانت مسؤليتك انتي ومعني انها تتسرب انك……تقدري تقوليلي دفعولك كام علشان تعملي كده؟
شـمــس مدافعة:دفعولي؟؟؟انا عمري ما كنت مرتشية ولا اقبل علي نفسي رشوة صدقني والله العظيم انا معرفش العطا اتسرب ازاي
بسيوني:خلاص انتهي لولا انك كنتي سكرتيرة كفء وشاطرة انا كنت بلغت البوليس وسجنتك…انتي هتخدي بقيت حسابك وتمشي
شـمــس بفزع:بقول لحضرتك صدقني انا……
بسيوني مقاطع:قولت انتهي مفاتيح الدرج كانت معاكي انتي هيكون مين يعني الي عملها …انتي مرفودة!!!!
ويمشي بسيوني
شـمــس بتوسل:صدقوني يا جماعة انا لا يمكن اعمل كده ابدا
كل الموظفين بصولها بصة وحشة اوي ومصدقوهاش
نادر اتصدم فيها ومجبر يصدق فيها كده لان مفيش معاها اي دليل
شـمــس بتوسل:نادر صدقي انا لا يمكن اعمل كده
نادر بحدة:مكنتش اتصور ابدا انك رخيصة ومرتشية كده!!
شـمــس بعصبية وهي بتضربه بالقلم:اخرس!!!انت بتتكلم عني انا وبتوجهلي اتهام زي ده ….انت الي بني ادم رخيص وزبالة وجريت ورا الفلوس انا اشرف من اشرف مليون من عينتك وبكره الكل يتاكد ان مش شمس الي تعمل كده
وتمشي شمس
اكرم وراها
“استني يا شمس”
نادر مش مصدق نفسه من القلم الي ضربتهوله مش عارف اذا كان متغاظ ولا زعلان انها طلعت كده
شـمــس بعياط وغضب:ايه يااكرم عايز تقول ايه انت كمان؟
اكرم بحنان وهو يمسح دموعها:انا مصدقك يا شمس وعارف انك لا يمكن تعملي كده ومتخفيش وميهمكيش من حد
شـمــس:يعني انت مصدقني؟
اكرم بحنان ورقة:طبعا…..لاني……لاني
شـمــس باندهاش:لانك ايه؟
اكرم ولحق نفسه:لاني واثق ومتاكد من اخلاقك واعرفك اكتر من اي حد وميهمكيش من نادر ولا من حد
شـمــس:انا خلاص مستقبلي ضاع وانتهيت
اكرم بارتباك:اوعي تقولي كده طول ماانا جنبك اقصد طول مااحنا جنبك
شـمــس:طيب انا مروحة
اكرم:هوصلك
شـمــس:لا خليك انت علشان شغلك
اكرم:مش مهم شغلي
شـمــس:معلش……سلام
اكرم بفرح:سلام
وتمشي شمس
اكرم ف فرحة:اخيرا ادتني ريق حلو انا مش مصدق نفسي
———————————–
نادر ف الشركة
لسه واقف مكانه بعد القلم الي شمس ادتهوله
نادر ف سره:انا مش مصدق الي حصل ازاي اقولها الكلام ده؟؟ازاي توصل بيها انها تضربني بالقلم وانا اسكتلها …انا مش مصدق انها ممكن تعمل كده مش مصدق ان هي دي الي حبيتها!!!!ايوة حبيتها متضحكش علي نفسك اكتر من كده ….انت بتحبهاااااا
بس خلاص كل شيء انتهي بكلام غبي منك وبعصبية وعصبية منها لامل خلاص راح انا كان المفروض اسمعلها واصدقها مش اصدق فيها انا اكتر واحد عارف انها لا يمكن تعمل كده ابدا
يفيق نادر من حديثة مع نفسه ليجد اكرم امامه
اكرم بعصبية:انت ايه الي قولته لشمس ده؟
نادر:اكرم ارجوك انا مش متحمل
اكرم:ماشي يا نادر بس لازم تفهم ان شمس دي اشرف بنت ف الدنيا وعمرها ما تعمل كده لاني اشتغلت هنا قبلك وعارفها كويس
نادر ببرود:خلصت دفاع عنها؟
اكرم بحدة:اه خلصت…وابقي افتكر كلامي كويس
———————————–
ف بيت شمس
سلمي ف اوضتها وجنبها مصطفي ورضوي
سلمي حاطة الموبايل علي ودنها
مصطفي:هااا رد؟
سلمي:لا يا خالو مبيردش
رضوي:جربي تاني
سلمي بهمس:اهو استنوا رد اهو
ماجد:ازيك يا حبيبتي؟
سلمي بحزن:انا تمام
ماجد:مالك؟
سلمي:مفيش
ماجد:ها هشوفك امتي بقي؟
سلمي:بصراحة يا ماجد كان ف موضوع عايزة اقولهولك
ماجد بقلق:خير؟
سلمي:ماجد انا حامل!!!
ماجد بخضة:ايه؟؟؟؟؟؟؟ لا انتي بتستهبلي ولا ايه؟معقول يكون حصل؟؟لالا احنا عاملين حسابنا كويس
سلمي:اهو الي حصل والله يا ماجد زي ما بقولك كده صدقني
ماجد ف سره:مش ممكن مستحيييييل
ماجد ببرود:والمطلوب؟
سلمي بصدمة:المطلوب؟؟؟المطلوب انك تتجوزني رسمي طبعا
ماجد بسخرية:طبعا ياحبيبتي هتجوزك زي مااتفقنا كلها اسبوع واتخرج واجي اتقدملك
سلمي بقلق:بس اسبوع……
ماجد مقاطع:متقلقيش بطنك مش هتلحق تكبر
سلمي:طب مينفعش اي حل دلوقتي؟
ماجد:للاسف لا
سلمي بقلق:ماشي يا ماجد
ماجد:سلام دلوقتي
سلمي:سلام
مصطفي:ها قالك ايه؟
سلمي:بيقولي بعد التخرج هيتجوزي وهتكون بطني لسه مكبرتش
مصطفي:انا مش عارف ليه مش مستريح للواد ده وحاسس انه بيلعب بيكي
سلمي:صدقني ياخالو ماجد بيحبني وهيتجوزني
مصطفي:اتمنتي تكون دي الحقيقة فعلا والا العواقب هتبقي شديدة اوي ومش هنتحملها
سلمي بقلق:طبعا
ماجد ف بيته
ماجد ف سره:يادي الوقعة السودا مش ممكن يكون حصل ده مستحيل احنا عملنا حسابنا كويس علي العموم كلها اسبوع بالكتير اوي ومش هتشوفني تاني وورقة الجواز العرفي الي معاها تبلها وتشرب مياتها
شمس ترجع بدرري عن معاد رجوعها
الجميع: ايه ده يا شمس راجعة بدري ليه؟؟؟مش معادك
شمس قررت انها متقولهمش علي حاجة
شـمــس:هااا لا ابدا اصلي تعبت قولت ارجع بدري
مصطفي:ايه سلامتك؟؟تعبانة؟
شـمــس:الله يسلمك….لا ابدا مصدعة بس
سلمي:طيب ادخلي نامي
شـمــس:عن اذنكوا
وتمشي شمس
شـمــس تروح اوضتها وتعيط بحرقة
Flash back>
نادر بحدة:مكنتش اتصور ابدا انك رخيصة ومرتشية كده!!
Back
شـمــس وهي بتمسح دموعها:انا خلاص هعمل زي مااكرم قالي مش هيهمني من اي بني ادم حتي ولو كان مين….وهنسي الي الناس الي باعوني ومصدقونيش
يرن هاتف شمس المتصل رنا
تجيب شمس علي الهاتف
“الووو ازيك يا رنا؟”
رنا:ازيك انتي يا شمس؟؟خير يابنتي صحيح الس سمعته ده؟
شـمــس بحزن:ايوة
رنا:اكيد موظف من الشركة هو الي وراها
شـمــس:خلاص ايا كان الي حصل حصل
رنا:ماشي يا حبيبتي متخديش ف بالك ولا يهمك انتي الف شركة تتمناكي
شـمــس:شكرا يا رنا ….سلام
رنا:استني بس انتي مستعجلة ليه؟
شـمــس:ف حاجة تانية هتقوليها؟
رنا:هو….هو…..نادر عمل ايه لما عرف؟؟؟
شـمــس:زيه زيهم ميفرقش عنهم حاجة
رنا بشفقة:معلش يا حبيبتي ولا يهمك كلهم مش فاهمين حاجة وميعرفوكيش زي ماانا اعرفك
شـمــس وهي تبكي:تعرفي مين الوحيد الي صدقني؟
رنا:مين؟
شـمــس:اكرم
رنا:اكرم؟؟؟اكرم صدقك؟؟
شـمــس:تتصوري
رنا:معلش يا شمس متعيطيش بقي خلاص ليكي عليا ياستي بكره اخرج معاكي نتفسح وهنسيكي الهجص ده كله ايه رايك؟
شـمــس بحزن:انا مليش نفس لحاجة
رنا:علشان خاطري بقي متبقيش بايخة
شـمــس:خلاص بكره هعدي عليكي نروح نتفسح
رنا:ايوة كده يا شموسة فكي بقي خلاص تولع الشركة بلي فيها….يلا سلام بقي
شـمــس:سلام
رنا بعد ما تقفل مع شمس
“معقولة نادر صدق فيها انها ممكن تعمل كده؟؟ وانا الي كنت فاكرة انه…..يلا واضح فعلا انه بني ادم اعمي ومبيفهمش”
———————————–
الساعة ال7 بليل
سلمي ورضوي ف الغرفة
سلمي:انتي مش ملاحظة ان شمس غريبة انهارده؟
رضوي:بصراحة اه بس عادي يعني تلاقيها تعبانة
سلمي:امممممم
باب الشقة يخبط
شمس خرجت من اوضتها علشان تفتح
هتلاقيه اكرم
باندهاش:اكرم؟؟؟
اكرم:تسمحيلي ادخل
شـمــس:آآآآ اتفضل
ويدخل اكرم
شـمــس:اتفضل استريح
اكرم:شكرا
شـمــس:تحب تشرب ايه؟
اكرم:شمس انا مش جي اتضايف
شـمــس باندهاش:امال انت جي ف ايه؟
اكرم بدون سابق انذار وفجاة
“شمس انا بحبك…..تتجوزيني؟؟؟”
…………………………………………………….