ياسين ج الاخير

-أهلا يا آنسة .. ابتسمت بسعادة وهي تقترب أكثر منه وتمد كفها لكي تلمسه الا ان عبير ركضت ووقفت أمامها وهي تقول بصوت خشن: -معلش يا آنسة أصله لسه متوضي مينفعش تلمسيه…. -أنا حابة اشكره … نفخت عبير بضيق وقالت: -شكرك وصل خلاص يالا لو سمحتي روحي من هنا وجودك هنا ميصحش .. ثم دفعتها قليلا نحو الباب حتي أخرجتها ..وكم تمنيت وقتها أن تقتـ لها …لقد شعرت بالغيرة علي أمير!!! ………. في منزل رانيا …

برضه بتتجاهلي أمك يا رانيا ومش عايزة تكلميها .. قالتها رابحة بحزن وهي تنظر الي إبنتها التي ترتب البيت …رغم انها عادت من عملها للتو الا انها لم ترتاح وأخذت ترتب المنزل … تركت رانيا المكنسة بتعب ونظرت الي والدتها وقالت: -العفو يا أما بس زي ما أنتِ شايفة الشغل فوق راسي وانا بحاول اوفق بين شغل برا وشغل البيت والطبيخ والغسيل …أنا حاسة ان طاقتي بتخلص يا أما… -تعالي يا بنتي …تعالي .. قالتها رابحة وهي تفتح ذراعيها لكي تأتي إليها أبنتها …

اطاعتها رانيا وذهبت إليها ثم جلست بجوارها ووضعت رأسها علي ساقيها وقالت بتعب: -أنا تعبانة أووي يا أما …تعبانة أووي… ربتت والدتها علي شعرها وقالت :

-وايه اللي تاعبك ؟! ازدردت هي ريقها وقالت: -حاسة ان مفيش حاجة معايا ماشية مضبوط يا أما …حاسة الدنيا كلها ضدي …حاسة اللي بحلم بيه مش هحققه…وعندي أحاسيس عايزة أتخلص منها …قلبي و.اجعني أووي يا أما …وحاسة اني هفضل أتو.جع احد أخر يوم في عمري …

نظرت رابحة الي ابنتها بحزن …ليتها تستطيع ان تمحو الحزن عن وجهها …ابنتها تستحق ان تكون سعيدة …قلبها يعتـ صر من الأ.لم وهي تراها في تلك الحالة …صحيح الأيام السابقة تصرفت بشكل بشـ ع معها ولكنها ندمت علي الأمر …كانت رانيا محقة …ابنتها الصغيرة استطاعت ان تقف في وجه عمها…استطاعت ان تقول ما عجزت هي عن قوله …ما خافت هي ان تقوله…ابنتها كانت أكثر شجاعة منها …وهي حقا فخورة جدا بها … ربتت رابحة علي شعر ابنتها وقالت:

-ليه حاسة أنك هتتو.جعي…كل ده عشان الدكتور ؟!د رفعت رانيا وجهها وتصاعدت الدموع لعينيها البنية -بحبه …بحبه يا اما ..مش بإيدي والله قالتها وعينيها البنية تلمع بشدة بفعل الدموع -انسيه يا قلب امك …ده مش من توبنا…ده دكتور متعلم وصاحب مستشفي …..وأنتِ…أنتِ عاملة نظافة في المستشفي بتاعته…ده لما يتجوز هيتجوز دكتورة مش عاملة نظافة …فوقي يا بنتي ابوس ايديكي …أنسيه يا رانيا …تحررت دموعها وشهقت قائلا: -صدقيني بحاول أنساه مش قادرة…بحاول اقول إن مش ليا…مش من توبي لكن مش عايزة استوعب ده …مش قادرة ابطل احبه وبفكر اسيب الشغل …