مريم 1

-ممكن تيجي معايا دقيقتين ؟ عايزة أقولك حاجة مهمة !

زفر “عثمان” قائلًا :

-نانسي ! حقيقي.. بجد. أنا تعبان جدًا.. مش قادر أناهد معاكي في أي حاجة

نانسي باستعطاف : بس دي حاجة مهمة أوي.. أنا مش هاخد من وقتك كتير. مش هاتعبك و الله أنا عارفة إنك تعبان !

شكلها المسالم و طريقتها اللطيفة أوحت إليه بأنها ربما تريده كي ما تحل أخيرًا الصلة التي تربطها به، لعل موت عمه أيقظ بداخلها الجانب الحسن النقي الذي عهدها عليه …

هذه الفكرة وحدها التي شجعته و دفته لقبول طلبها، ليشير لها باللحظة التالية لتتقدمه تجاه غرفتها… انفرجت أساريرها و مشت أمامه

إل أن وصلا عند الغرفة، أغلقت “نانسي” بابها، ثم استدارت و بدون مقدمات ألقت بنفسها بين ذراعيه متمتمة :

-وحشتني أووي يا عثمان. أوووي.. خمس تيام بحالهم مشغول عني !!

أهكذا يخيب أمله أسرع مِمّ تتوقع ؟ لم يتوقع هذا أصلًا …

-إيه الموضوع المهم يا نانسي !!! .. هتف بخشونةٍ

دفعها بعيدًا عن أحضانه برفقٍ حازم و هو يستطرد منذرًا :

-إتقي شري الساعة دي يا بنت الناس. لو عندك حاجة مفيدة قوليها.. أنا أساسًا على أخري و مش مستحمل !

ابتسمت و هي ترفع كفها الصغير نحو وجهه العابس، مررت أناملها فوق جبهته الواسعة.. وصولًا إلى شعره الكستنائي الناعم و هي تتغونج قائلة :

-أنا حاسة بيك يا قلبي.. و عارفة الظروف إللي بتمر بيها العيلة كلها. و أكيد مش عايزة أتقل عليـ آ ا …

بترت عبارتها حين قبض على أناملها بأصابعه القاسية قبل أن تغوص عميقًا بين خصيلات شعره ..

كتمت آهة ألم و غطت عليها فورًا بابتسامة رقيقة، بينما يصوّب إليها نظراته القاتمة المتبلّدة، ثم يقول و هو يعيد يدها إلى جوارها ثانيةً :

-نانسي ! إنجزي من فضلك.. أنا مش فايقلك نهائي

رفرفت “نانسي” بأهدابها الطويلة و هي تسحب نفسًا عميقًا و تزفره على مهلٍ، تجاهلت تحذيراته كلها و تقلباته المزاجية.. رمت بذراعيها حول عنقه و قربت جسمها منه كثيرًا …

-أنا لازم أقولك ! .. غمغمت بخفوتٍ و أنفاسها الدافئة تتردد على بشرته و قسماته المشدودة

-تقوليلي إيه إخلصي !! .. هتف بحدة

نانسي بفتورٍ : في حاجات كتير حصلت و إنت غايب. هما لحد دلوقتي مخبيين عليك.. بس مش عارفة ليه. إنت من حقك تعرف

زفر بقوة و صاح بنفاذ صبر :

-كلمة كمان مالهاش لازمة و هاخرج عن شعوري.. إنطقي و قولي إللي عندك بسرعة !