مذكرات عاشق الكاتبة صفاء حسنى من الفصل 11/14

مذاكرت عاشق الصفحه الحادى عشر الكاتبه صفاء حسني حنين كانت قاعدة على طرف السرير، شعرها لسه مفكوك ونظرتها شاردة ناحية الباب، بتفكر في اللي حصل امبارح. وازي ابنها اتاخد منها فى لحظة يدخل حسام من أوضته، لابس قميصه الكحلي وبيربط الكرافته على عجَل، بس عينيه وقعت عليها. ابتسم ابتسامة خفيفة فيها تعب وسهر، واقترب منها وهو بيقول بصوت هادي: حسام: – صباح الخير يا حنين... لسه صاحية دلوقتي؟ قامت حنين (بابتسامة خفيفة وقفلت الدفتر قبل ما ياخد باله وخرجت ليه وسألته ): – اي حاجه اعملها ليك ضحك بخفة، ومد إيده يعدّل ياقة القميص: حسام: – ما هو انا قولت بدل اعمل دوشة ل مراتى. لاقيتك صاحي وبعد لحظة سكون بسيطة، بص حواليه وقال: حسام: – ممكن تعمل قهوة ؟ نفسي في فنجان كده يعدّل مزاجي قبل ما أنزل الشغل. قامت بهدوء ووضعت طرح على الدفاتر من غير ما ياخد بالله وطراحة على رأسها وقالت: حنين: – كنت ناوية أعملها دلوقتي... ثواني وهتكون جاهزة. وهي رايحة على المطبخ، سمعت صوت خطواته وراه، التفتت له وقالت باستغراب: حنين: – في إيه؟ مش قلت هستناها تجيالك؟ ابتسم وهو بيقرب منها، صوته ناعم لكنه فيه حنية باينة: حسام: – لا، حبيت أشوفك وإنتي بتعمليها... بفتكر ولدتك وبابا لما بشم ريحة القهوة منك غير أي قهوة تانية. اترحمت عليهم الله يرحمهم بخجل وهي بتقول: حنين: – طيب يا سي حسام ، اقعد في الصالة وأنا هجيلك بالفنجان. قعد على الكرسي، وحط إيده على وشه وهو بيتنهد، باين عليه التفكير. رجعت بعد شوية بكوباية القهوة على صينية صغيرة، قربت منه وحطتها قدامه بهدوء. حنين: – خد بالك منها، سخنة أوي. قام وهو بيشرب آخر رشفة، حط الكوباية على الترابيزة، وبص لها قبل ما يخرج وقال بنبرة فيها دفء واهتمام: حسام: – خلي بالك من نفسك النهاردة، وارتاحي شوية... كفاية سهر وقواضي. صحتك يا حنين؟ وخالي بالك من ريم حنين (بصوت واطي): – حاضر مسك ايديها ب حنان انا عارف انك موجوعة من بعد ما ابنك روح بس صدقيني هانت – ما تشغليش بالك بحاجة، كل حاجة هتتصلح... فاهمة؟ سكتت لحظة وبعدين هزّت راسها بإيماءة صغيرة. انا اسفة انى مسمعتش كلامك زمان فلاش باك – في مكتب حسام: حنين (بنبرة حازمة لكن مليانة خوف على حازم): "طيب هات القضية وأنا هترفاع عنها يا عمو حسام." حسام (يقف ويده على خصره، ملامحه مش مقتنعة): "بقولك عمّه صالح هو اللي وراها، تقوليلي امسك القضية؟ طبعا لأ!" حنين (عينيها تلمع بغضب مكتوم): "انت ناسي عملوا معنا إيه؟ هو والا أبوه نسيت بفضله بقيت ظابط قد الدنيا، وجى تخاف من نائب مرتشي وحرامي؟" حسام (يبتسم بمرارة): "وانتي نسيتي إنك اتبرعتي بدمك لحازم؟ ومسبتيهوش ولا يوم لحد ما فاق وخرج؟" حنين (بصوتها المتوتر ودموعها على طرف عينها): "دي حاجة... ودي حاجة تانية يا عمي. دي جريمة قتل! واحد عايز يخلص من ابن أخوه عشان ياخد كل حاجة تخصه. إزاي نسكت؟ على الأقل ياخد حقه!" حسام (يهز راسه بتعب ويقعد على الكرسي): "انتي بتتعبى نفسك، نسيتي قضية التعويض؟ حصل فيها إيه؟ فضلت وراه شهور!" حنين (بإصرار ونبرة متحدية): "على الأقل دلوقتي بياخد راتب محترم يعيش منه بعد ما استولى عمه على المصانع وكل حاجة!" حسام (بحزن أبوّي وصوت منخفض): "انتي مش قدّهم يا حنين... أنا أكبر منك ب 8 سنين، وعارف آخرتها. هتخسري." حنين (تنتفض واقفة، ونظرتها متحدية): "أنا قدّها يا عمي... أنا مش حنين أم ضفاير!" (يسود الصمت في المكتب، صوت نفسها العالي هو اللي بيكسر الهدوء... والفلاش باك ينتهي.) نظر لها حسام متفكيرش كتيرة انا متأخر ولما ارجع نتكلم خرج وهو بيقفل الباب وراها، وفضل صوت خطواته بيختفي على السلم... لكن ريحته ولسه بتتردد في المكان، عاملة جوّ دافئ ومليان حنين. هدأت أنفاس "حنين" بعدما أغلق "حسام" باب خلفه، انحنت "حنين" وسحبت سجادتها، وفي اللحظة اللي مدّت فيها إيديها تدور على القبلة، كانت دمعة نازلة من غير ما تحس. كانت بتحاول تستخبى من وجعها جوه السجود، يمكن ربنا يسمعها ويهدي قلبها اللي مش عايز يرتاح. رجعت تكمل فتحت الدفتر "عارف إني السبب في كل اللي حصل معاكي... لأنك قررتي تساعديني. وقتها إنتي وعمك لما اكتشفتوا إن عمي هو اللي ورا الحادثة، بدأ يلعب بيكم لحد ما بقيتوا إنتوا الضحية. بس حبي ليكي كان أكبر هدف خسرته في حياتي. عارف إنك بعد ما تخرجت، روحتي تدريب في مكتب محامي مشهور، وفتحتي قضية التعويض ليا من النادي، عشان الحادثة كانت بين الجامعة والنادي. بس الإدارة رفضت، وقالت طالما بره النادي يبقى هما مش طرف. فضلت وراهم بشهور من العزيمة والإصرار، لحد ما وافقوا على التعويض. بس كان الشرط... أستلمه من النادي المركزي اللي مشرف على النادي دا، وكان في إسكندرية. شوفي يا حبيبتي، القدر مصمم يوديني هناك دايمًا. كان لازم أروح وأكشف هناك، يتأكدوا إنها كانت إصابة أثناء التدريب أو بعده، ومع فحص الكاميرات الخاصة بالجامعة والنادي، عمك حسام عرف إن العربية كانت قاصدنى يعني في حد بعت مخصوص يتابعني من أول ما خرجت من البيت لحد الحادثة... بس للأسف، السواق اختفى، وبعد فترة اتقفلت القضية. كنت مش فاهم حاجة، بس حسيت إن في حاجة غريبة حصلت قلبت مسار الموضوع... وبعدها، انتي سبتي المكتب دا." --- حنين (تقرأ والسكون يملأ الغرفة، وصوتها يرتجف): "فعلاً... حصل حاجات." بتقفل عينيها، وبتبدأ تفكر في اللي حصل وقتها، وصوتها الداخلي تمسح دموعها وتكمل قراءة الدفتر، وصوت حازم يرجع من تاني، وبيملأ الغرفة بصوته المبحوح: --- حازم (من الدفتر): "في يوم شوفتك بتعيط في حضن والدتك... مكنتش فاهم ليه، بس قلبي وجعني. كانت "حنين" قاعدة على طرف السرير، عينيها محمرة من كتر البُكا، وإيديها بتترعش وهي ماسكة طرحتها. الجو في الأوضة كان خانق، والساعة بتدق كأنها بتعد الوقت اللي بيقربها من مصير مش عايزاه. دخلت "وفاء" أمها بخطوات هادية، لكن وجهها باين عليه القلق، حاولت تتكلم بنعومة وهي تقرّب منها: وفاء: – مالك يا بنتي؟ مش المفروض تكوني مبسوطة النهارده؟ ده يوم كتب كتابك يا حنين... رفعت "حنين" وشها بسرعة، ودموعها كانت بتنزل من غير إذن، صوتها اتكسر وهي تقول: حنين: – مش عايزة أتجوز يا ماما... اتفاجأت "وفاء"، قربت منها وهي مش مصدقة الكلام اللي سمعته، وقالت باستغراب ممزوج بالخوف: وفاء: – ليه يا بنتي؟! أبوكي بيقول الشاب ممتاز، وابن صاحب الشركات صالح... في إيه؟ أخذت "حنين" نفس طويل كأنها بتحاول تجمع شجاعتها، وبصت في عيني أمها المليانة طيبة وقالت بوجع: حنين: – ماما، أنا مش عارفة إزاي أتجوز واحد مش بحبه... وليه السرعة دي؟ كل حاجة بتحصل فجأة كأنها مؤامرة مش فرحة! تنهدت "وفاء" وهي تحاول تهديها، حطت إيدها على كتفها بلُطف: وفاء: – مش كنتي موافقة يا حنين؟ إيه اللي حصل؟ جاية النهاردة تبكي في يوم كتب كتابك! نزلت "حنين" راسها وهي تمسح دموعها بعصبية، صوتها كان بيترجف بين الانكسار والخوف: حنين: – أنا ما كنتش موافقة يا ماما... هما اللي ضغطوا عليّ! ضاقت عيون "وفاء" ووقف صوتها لحظة، كأنها بتحاول تستوعب الكلام، وقالت بنبرة فيها قلق حقيقي: وفاء: – مين اللي ضغط عليك يا حنين؟ سكتت "حنين"، بصت في الأرض، ودموعها نزلت تاني وهي تفكر في التهديد اللي سمعته من صالح... كانت عايزة تقول، لكن الخوف كان أقوى من صوتها. --- انا مش موافقا على الجوازة ده ليه ضغطين عليا وفاء (بنبرة توتر وقلق): "مين اللي ضغط عليكي؟" يدخل محمد (الوالد) بصوت مبحوح من الذنب: "سامحيني يا بنتي... أنا مش عارف إزاي اخد إمضاء على الورق ده. ممكن يدخلني السجن. سامحيني." وفاء (بعصبية وهي بتحاول تبرر): "بتعتذر على إيه؟ الشاب وسيم، محترم، غني، وابن نائب في مجلس الشعب. وانت السبب! هو طالبها منك كذا مرة وانت اللي كنت بترفض." محمد (بحسرة): "عشان بنتي كانت رافضة، بس أبوه أجبرنا...يا بنتى تتجوز ابنه أو ادخل السجن وانا شايف انى ادخل السجن ومشفوش دموعها وفاء (بصوت واقعي باهت): "الشاب وعدني بعد الجواز يحرق الورق اللي ضدك ويكتب الشقة دي باسمها. متكبرش الموضوع." محمد (بمرارة): "يا ريت ما كبرت في شغلي... ولا جينا هنا. ما كنتش غصبت بنتي على الجواز!" ما صدقتش الكلمة... وقعت على وداني زي الصدمة. فضلت أسأل نفسي: مين دا؟ بتحبه؟ أكيد، طالما وافقت. بس ليه كنتي بتعيط ؟ دموعك كانت دليل إنك مش راضية. بس المفاجأة لما ابن عمي أسر ومعاه أمير لاقيتهم عندى أول مرة يعملوها! وجايين يبلغوني بميعاد فرحك عليه..." --- فلاش باك – زيارة أسر وأمير: (صوت طرق خفيف على الباب، يدخل عم سعيد بصوته الهادئ.) عم سعيد: "أولاد عمك صالح منتظرين تحت يا ابني." حازم (يتفاجئ ووشه يمتقع): "غريبة! مش عويدهم حد يزورني... اشمعنا النهارده؟" عم سعيد (بنبرة حزينة): "يمكن كان عندهم مشاغل... كويس إنهم افتكروك." حازم (يتنفس بصعوبة ويحاول يقوم من مكانه): "ساعدني يا عم سعيد، عايز أنزل." عم سعيد (بيزقه بالكرسي المتحرك بحنية الأب): "يا ابني ليه معذب نفسك هنا؟ كنت نقلت تحت أحسن." حازم (بنبرة موجوعة): "وأتحرم من إني أشوفها؟ مش كفاية اتحرمت أكون معاها؟" عم سعيد (بحزن شديد): "اسألها يا ابني، يمكن لو اعترفت بحبك ليها ممكن تقبل تتجوزك." حازم (صوته يختنق): "أنا مقدرش أجبرها تعيش مع واحد عاجز... وللأسف، هي هتتجوز." عم سعيد (متفاجئ): "نعم؟ مين يا ابني؟" حازم (بوجع مكتوم): "مش عارف... خدني تحت بعد إذنك." --- ينزل حازم ببطء على الكرسي، يدخل الصالون وهو شايفهم بعينه المتعبة. حازم (يحاول يبتسم رغم وجعه): "نورتوا المكان، اتفضلوا." أسر (يبص له هو وأمير بدهشة، مش مصدقين إن اللاعب اللي كان حلم ناس كتير... بقى كده): "إزيك يا حازم؟ أخبارك إيه؟" حازم (يحاول يبان ثابت): "الحمد لله بخير، وانت عامل إيه؟ وعمّي؟" أمير (يرد بنبرة مجاملة): "بخير كلهم... ويسلموا عليك." حازم (بهدوء موجوع): "الله يسلمكم... وأمي؟" أمير (يتجنب عينه): "في رحلة بره البلد هي وعمك." حازم (بحزن ويخفض صوته): "يرجعوا بالسلامة... عم سعيد، هات الغداء." أسر (يرفع إيده بلطف): "لا، شكراً... أنا مستعجل. أنا جيت أعزمك على فرحى يوم الخميس اللي بعد الجاي. وعمك هيرجع قبلها هى ولدتك ." حازم (يحاول يخفي ارتعاش صوته): "ألف مبروك، ربنا يسعدك." أسر (يبتسم بغرور خفيف): "لا، لازم تحضر. أزعل لو مجيتش." حازم (بهدوء): "إن شاء الله." أمير (بهمس ساخر): "مش قلتلك مش هييجي؟" أسر (بصوت عالي متعمد): "حقيقي يا حازم، مش ناوي تيجي؟ أنا مش هتنازل عن كلمة موافقتك." حازم (يتنفس بعمق): "حاضر يا ابن عمي... بس ممكن وليد ييجي معايا؟ أنت عارف ظروفي ولسه خارج من عملية." أسر (ببرود): "أكيد. واعمل حسابك... العروسة انت تعرفها." حازم (باندهاش): "مين سعيدة الحظ؟" أمير (هيتكلم، لكن أسر يبصله نظرة تحذير): "ولا نقولك... لما تيجي تشوفها بنفسك." حازم (يحاول يخفي اضطرابه): "إن شاء الله." (يسيبوه ويمشوا، وساعتها وجع قلبه يفيض من عينه قبل صوته.) --- بعد ما خرجوا، رجع حازم بسريره بمساعدة عم سعيد، ودموعه بتسبق كلماته. بص للسقف، ووشه كله كأنه بيصرخ بصمت: "كنت شايفك طول الليل، والدموع في عينيكي مبتنشفش... ووالدك بيتكلم معاكي وهو مكسور..." -- --- كان حازم قاعد على الكرسي المتحرك، ملامحه ساكتة بس جواه دوشة مشاعر، قلبه بيرجع للماضي غصب عنه، صوته واطي وهو بيكتب وكأن كل كلمة خارجة من وجع قديم متخزن جواه. حازم (بصوت مبحوح): "أنا ماعرفتش أسمع حاجة... كنت شايف دموعك بس اللي شفتها، كانت بتنزِل على خدّك كأنها بتحرقني معاها." (ياخد نفس طويل، يحاول يهدّى رعشة صوته، عيونه تلمع وهو بيكمّل كلامه). حازم: "بس فجأة شوفتك بتبصي عليّا لمدة دقيقتين، كأنك بتتكلمي من غير صوت، كنتي بتكلّمي قلبي، وعيونك كانت بتعتذرلي... أول مرة أحس إنك بتترجيني بحاجة، بس مش قادرة تقوليها." (ينزل دمعة ببطء من عينه، يمسحها بيده المرتعشة وهو بيكمل). حازم: "مكنتش فاهم وقتها... ومش عارف إحساسي كان صح ولا غلط، بس لو كان صح، سامحيني يا حنين... كنت خايف تعيشي باقي عمرك مع عاجز زَيّي." (يسكت لحظة، صوته يتهدّى، كأنه بيحكي من جوف قلبه). حازم: "خمسة عشر يوم... كنت بشبع منك، فيهم من ضحكتك، من ريحتك، من وجودك في كل تفصيلة حواليا. كنت بحاول أحفظ كل حاجة فيكي كأنها آخر مرة هشوفها." وكانت هالة معاكى وقتها يتنفس بعمق، وملامحه بتتحول للحزن الشديد وهو بيكمل). قطعت شرودها صوت ريم أغلقت حنين الدفتر ....... فتحت "ريم" عينيها بتعب وتمد إيدها ناحية السرير التاني، ملقتهوش. قامت بسرعة وهي بتقول بنعاس: – انتى فين يا حنين؟ كل ده سايباني نايمة؟ وفين حسام؟ كانت "حنين" وقتها قاعدة على الكرسي جنب المكتب، لابسة لبسها البيتي البسيط، والمصحف مفتوح قدامها، والدّفتر اللي بتقرا فيه دايمًا أسرارها مطروح فوق الورق كأنه شاهد على ليلتها الطويلة. قفلت الدفتر بهدوء، وبصت للصورة اللي جمعتهم زمان، وقالت بصوت مبحوح وهي تقبّل إيد "إياد" الصغير اللي كان نايم جنبها: – انت أجمل حاجة حصلت ليا يا ابني... خرجت بعد كده لريـم اللي كانت بتعدل شعرها قدام المراية. ريم بابتسامة فيها نعاس: – انتى لسه منمتيش كل ده؟ حنين وهي بتخبي تعبها بابتسامة باهتة: – آه، كانت قضية شغلاني شوية... ريم: – هو حسام مشي امتى؟ محسيتش بيه والله... حنين بصوت وديع وهي بتفكر في قبلته الأخيرة: – الساعة اتنين ونص بالظبط... تنهدت ريم وهي بتعدل طرحتها: – آه، مش عارفة مالي، لا عرفت أصحى ولا حسّيت بيه خالص. حنين بابتسامة حنونة: – ولا يهمك، كنت صاحيه وعملت له قهوة وسندوتش صغير قبل ما يمشي. ضحكت ريم بخفة وقالت: – شكراً يا قلبي، هو بكرة إياد يرجع، وتشبعى منه شوية بقى. عينين حنين لمعت وهي بترد بشجن: – آه، مش قادرة أغمض عيني لحظة مش أشوفه فيها... ريم بلهجة فيها دفء: – معلش يا حبيبتي، عندك شغل بكرة ولا فاضية؟ حنين: – لا، أخدت إجازة... هرتاح شوية دلوقتي. ريم: – تمام، نصلي الفجر ونكمل نوم شوية. حنين بابتسامة خفيفة: – أكيد... تتبع مذكرات عاشق الكاتبة صفاء حسنى الفصل 12 الوقت كان ما بين الهدوء والكسل، والشمس مدلدلة خيوطها على الستارة الشفافة. حنين نايمة جنب ريم، والاتنين غرقانين في نوم عميق كأنهم بيهربوا من تعب الأيام. مرت الساعات عليهم من غير ما يحسوا، ولما فتحت حنين عيونها، أول حاجة عملتها إنها بصّت على الساعة اللي على الكومود. اتسعت عينيها بدهشة وهي بتقول بصوت مبحوح من النوم: حنين (بتفاجئ): – الساعة واحدة؟! ازاي نمت كل الوقت ده؟! قامت وهي بتفرك وشها، وقالت لنفسها وهي ماشية ناحية الحمّام: – كل يوم مع “مذكرات عاشق” بيخليني أشتهي النوم كأنها بتسحبني لعالم تاني. أخدت شاور خفيف، الميه كانت دافية بتصحي في روحها نشاط جديد، لبست الإسدال وهي ناوية تصلي وتبدأ يومها. وقبل ما تدخل الأوضة تطمن على ريم، سمعت صوت الباب بيخبط. وقفت لحظة، قلبها دق بخفة من المفاجأة، واتجهت بخطوات سريعة ناحية الباب. فتحت الباب، وشافت سامح واقف مبتسم ابتسامة لطيفة، في وشه راحة وثقة. سامح (بلطف): – مساء الخير... آسف إني أزعجتكم. حنين وقفت لحظة تايهة، مش مستوعبة سبب وجوده دلوقتي، بس بسرعة جمعت نفسها وردّت بلُطف: حنين (بهدوء): – إزعاج إيه؟ اتفضل يا سامح. رفع سامح باقة ورد جميلة 🌸🌼🌹 كانت ريحتها مالية المكان، وقدمها لها بابتسامة هادية، وإيده التانية ماسكة هدية صغيرة ملفوفة بورق فضي أنيق. سامح (بابتسامة): – دي بسيطة كده... ليكي، ودي كمان لحسام وريم. وبالصدفة، في اللحظة دي دخل حسام من باب الشقة، ملامحه فيها تعب اليوم لكن ابتسامته خففت كل حاجة. بصّ على سامح وقال وهو بيضحك بخفة: حسام: – الحمد لله، ما تأخرتش عليك أهوه. ضحك سامح بخفة وهو بيبص له نظرة مليانة مودة قديمة: سامح (مازحًا): – طول عمرك ملتزم في كل حاجة... ما عدا حاجة واحدة بس. ضحكت حنين بخجل، وهي بتشاور بإيدها على الصالون: حنين: – اتفضلوا جوا الأول، القعدة هنا أحسن. اتجهوا كلهم ناحية الريسيبشن، وجلسوا جوّه. الجو كان دافئ وريحته ورد. جلس حسام ورفع حاجبه بابتسامة مستغربة وهو بيبص لصاحبه القديم: حسام: – ها؟ وإيه بقى الحاجة اللي أنا ما التزمتش فيها يا حضرة النقيب؟ ضحك سامح وهو بيحرك راسه بمرح وقال: سامح: – أنت عارف حلم عمري يا حسام. سكت بعدها لحظة، ابتسامته خفتت شوية، ونظراته بقت فيها شجن كأنه بيقصد حاجة أعمق من مجرد مزاح. وحنين كانت قاعدة بتراقبهم في صمت، قلبها حاسس إن فيه كلام أكبر لسه جاى جو القعدة كان لسه فيه دفء بسيط من الونس، بس نغمة صوت سامح وهو بيتكلم خلّت الهوا يتغير فجأة، حسّت حنين إن فيه حاجة مش مفهومة فرفعت حاجبها وسألت بنبرة مستغربة: حنين (بهدوء): – هو في إيه؟ من امتى في عتاب بين الأصحاب؟ بصّ لها سامح بنظرة فيها حنية غريبة، خليط بين حب مكبوت وكلام مش قادر يقوله صراحة، وقال بهدوء: سامح: – أخد رأيك في موضوع، وتقوليلي كنت غلط ولا لأ. اتنفس حسام بعمق وهو بيحاول يقطع الحوار قبل ما يتطور وقال بنبرة حاسمة: حسام: – مش وقته يا سامح. زادت حيرة حنين، وبصتلهم بفضول واضح في عينيها: حنين: – هو في إيه؟ ممكن أفهم ولا أعمل نفسي مش سامعة؟ تنهد سامح، وصوته خرج فيه نبرة خفيفة من العتاب: سامح: – طلبت منه يكلم واحد صاحبنا، كنت ناوي أتقدّم لأخته... بس هو ما نفذش وعده. ضحكت حنين بخفة وهي بتتكلم بعفوية صادقة: حنين: – بجد؟ ألف مبروك يا نقيب! ليه بس مش راضي يتدخل في الموضوع يا عمي حسام؟ ده عمي سامح ألف بنت تتمناه! ضحك سامح بخفّة لكن في عينيه لمعة خفيفة من وجع، وقال وهو بيحاول يغيّر نغمة كلامها: سامح: – رجعنا نقول "عمي" تاني؟! إنتي كبيرة دلوقتي، والفرق بينا ما هوش كبير... تمانية سنين أو أقل كمان. ابتسمت حنين بخجل وهي بتهرب من نظراته وقالت بنبرة خفيفة: حنين: – معلش بقى، خلاص يا حضرة النقيب... ألف بنت تتمناك. اتنهد سامح ووشه اتبدّل للحظة، وقال بصوت خافت كأنه بيكلم نفسه: سامح: – بس أنا بتمنى واحدة بس تكون شريكة حياتي... مش أي بنت. تدخل حسام بسرعة قبل ما الجو يسخن أكتر، وقال وهو بيبص لسامح نظرة تحذير فيها حنية: حسام: – أنا عارف إن ألف بنت تتمناك فعلاً يا ح، بس انت مش عايز تفهم إن البنت لسه خارجة من صدمة... ومش وقت الكلام ده دلوقتي. اتبدّل وش حنين، إحساس الخوف دخل قلبها فجأة، كأنها سمعت صدى صوت حازم في ودنها وهو بيقول: "كل مرة بشوفك بتتكلمي معاه... بحس بغيره بتقتلني!" بصّت حوالين الريسيبشن بسرعة، عينها راحت ناحية البلكونة، كأنها بتدور عليه، قلبها دق بقوة، والخوف مسكها من جوّه. بلعت ريقها بصعوبة وقالت بسرعة وهي بتحاول تخفي توترها: حنين: – ربنا يسعدك يا حضرة النقيب سامح... أنا هستأذن دلوقتي. رفع سامح حاجبه وقال باستغراب: سامح: – رايحة فين؟ خليكي... إحنا لسه بنتكلم. ابتسمت حنين بخفة مصطنعة وقالت: حنين: – علشان تكونوا على راحتكم. رد سامح بسرعة قبل ما تمشي: سامح: – أنا جيت النهارده بخصوص القضية اللي كنتِ طلبتِ مني أبحث فيها. التفتت له باهتمام واضح، ونغمة الخوف اتحولت لفضول مهني: حنين: – بجد؟ وصلت لإيه؟ دخلوا سوا ناحية غرفة الريسيبشن، قعدوا مقابلين بعض، وسامح بدأ يحكي وهو فاتح دفتر صغير في إيده: سامح: – أم الشاب عندها حق... ولما عملت تحريات، عرفت إن اللي حصل كان يوم زفافك بأسَر. تم نقل شحنة للمصنع، والشاب شك فيها وجيه يفتشها... بس جه اتصال من حد قال له إن والدته مريضة. حنين (بتسرح): – آه، هي فعلاً كانت محجوزة في المستشفى. سامح: – صاحبه قال له "روح وأنا هستنى"، وتاني يوم اتقبض عليه بتهمة قتل صاحبه. حنين (بتفكر): – صاحبه مش الفراش؟ سامح: – أيوه، الفراش اختفى اليوم ده، وبعدها شهد ضد الشاب... وبعدها مات هو كمان. حنين (مصدومة): – يعني الشاهد الوحيد مات كمان؟ طب إزاي محدش استخدم دا لصالح المتهم؟ سامح: – دي بقى مش شغلنا، ده شغل المحامي. حنين: – تمام، أستاذ إيهاب عمل لي تصريح زيارة، هاروح أسمع من المتهم بنفسي. سامح (بقلق): – تمام، بس خلي بالك من نفسك يا حنين. حنين (بهدوء): – حاضر... وشكرًا جدًا يا سامح. ف ي الوقت ده كان حسام دخل الأوضة بهدوء، النور الخافت داخل من الشباك، والهدوء مغطي المكان إلا من أنفاس ريم المنتظمة وهي نايمة على جنبها، شعرها مبعثر على المخدة ووشها باين عليه تعب الأيام اللي فاتت. اقترب منها حسام بخطوات هادية، وانحنى عليها وهو يهمس بلُطف وهو بيهزر بخفة: حسام (بحنية): – إيه يا حبي؟ كل النوم ده؟ فتحت ريم عيونها ببطء، صوتُه كان أول حاجة تدخل قلبها قبل ودنها، ابتسمت بخفّة وهي حاسة إنها لسه مش فايقة: ريم: – حبيبي... رجعت إمتى؟ ضحك حسام بخفة وهو بيقعد جنبها على طرف السرير: حسام: – جيت من شوية... سامح كان طالب يقابلني، وبيقول جايب هدية شهر العسل. رفعت ريم حاجبها باستغراب وضحكت وهي بتعدل شعرها: ريم (ضاحكة): – بعد تلات شهور أو أكتر؟ ده بيهزر ولا إيه؟ ضحك حسام بمرح وهو بيحاول يقلّد سامح: حسام: – بيقولك هدية شهر العسل بتكون بعد شهر العسل، وأنا مالي بقى إنكم اتأخرتوا تعملوا شهر العسل أصلًا! ضحكت ريم بصوتها الرقيق وهي بتمد إيدها تضربه ضربة خفيفة على دراعه: ريم: – والله منطق بردو! ضحك معاها، اللحظة بينهم كانت بسيطة لكن مليانة دفء. قرب منها وبصّ في عينيها وهو بيقول: حسام: – تمام يا حبيبتي، قومي خدّي شاور وجهّزي الغدا، وأنا كمان هاخد شاور سريع... عشان ما نتأخرش على حنين. هزّت ريم راسها بابتسامة لطيفة وقالت وهي بتقوم: ريم: – حاضر يا سي حسام، أنا هبقى أسرع منك. ضحك حسام: – أشك! دخلت ريم الحمّام، وبعد شوية خرجت لابسة فستان بيت بسيط بلون هادي، ملمومة شعرها بسرعة، لكن عينيها فيها لمعة حياة. راحت على المطبخ، بدأت ترتب السفرة وتجهز الأكل بخفة ونشاط، وصوت المعالق بيخبط في الأطباق بخفة كأنه موسيقى بيت دافئ. في اللحظة دي، خرج حسام كمان بعد ما خلص، شعره لسه مبلول والمناشف ملفوفة حوالين رقبته، دخل يشوفها وهي شايلة صينية الأكل بابتسامة. وقف لحظة يتأملها... ملامحها المجهدة بس الحنونة، الحنان اللي فيها بيخليه ينسى تعب اليوم كله. ابتسم وقال بصوت هادي: حسام: – دايمًا البيت ليه طعم تاني وإنتي فيه. ردت ريم بابتسامة خجولة وهي بتسحب الصينية ناحيتها: ريم: – يا ريت تفضل شايفني كده على طول. اتقدمت ناحية الريسيبشن، والابتسامة لسه على وشها وهي بتقول: ريم (بمرح): – يلا يا جماعة الأكل جاهز! وراها كان حسام ماشي وهو بيضحك، وبعدهم دخلوا هما الاتنين على الريسيبشن، وكانت حنين في وشهم لسه قاعدة مع سامح، بتسأله عن نتيجة التحقيق، والجو بيتحوّل بين الجد والحنين والقلق اللي لسه في عينيها. “وفي اللحظة دي دخلت ريم بابتسامة وهي شايلة صينية الأكل، ووراها حسام كان هو كمان خلص…” ريم: – اتفضلوا يا جماعة، الأكل جاهز! ابتسم سامح بخفة وقال وهو واقف: سامح: – لا، اعفيني المرة دي... لازم أمشي. ضحكت ريم: – مش عايز تجرب أكل حنين؟ هي اللي عاملاه كله النهارده. ضحك سامح وقال وهو بيغلس بخفة: سامح: – هههه، بلاش... أيام كتير جربت فينا. اتسعت عيون حنين شوية وقالت بنبرة فيها عتاب خفيف: حنين: – كده؟ الله يسامحك. وقامت بسرعة ودخلت أوضتها. اتنهد سامح وقال وهو بيبص وراها: سامح: – أنا كنت بهزر... زعلت ليه؟ حسام: – مش إنت السبب... إياد سافر النهارده وقلبها موجوع عليه. سامح (متذكر): – آه، نسيت... وأنا بتكلم معاها في القضية قلتلها إن الموضوع حصل يوم زفافها. حسام (بابتسامة): – كمان؟ بس قضية إيه دي؟ ريم (بلُطف): – تعالوا بقى على الأكل، واتكلموا براحتكم بعدين. حسام (ضاحكًا): – تمام يا سِت... يا أخي، ابن المحظوظ إنت. سامح (مستغرب): – محظوظ؟ في إيه بقى؟ حسام (بضحكة خفيفة): – ما دام هي قالت "ألف بنت تتمناك" وفرحت ليك، يبقى لسه في أمل. سامح (بصوت هادي فيه حزن): – بس أمل بعيد... بعيد أوي. حسام: – مش عارف ليه... بس حاسس إن في أمل. في الوقت ده كانت حنين في أوضتها، رمت نفسها على السرير والدموع بدأت تلمع في عينيها، يوم ما اتجوزت مسكت الدفتر الا تحت المخدة مفتوح قدامها، والكلمات بخط إيد حازم عاملة زي النار اللي بتاكل في قلبها. بدأت تقرا بصوت واطي وهي بتحس كل حرف كأنه بينغرز في قلبها: "كنت حلوة آوى يا حنين أنا روحت بيتي في اليوم ده... مكنتش متخيل إن سبتك وانك سبت هنا خلاص. قلت لنفسي لا، أنا بحلم... هي موجودة. هفتح الفرندة هشوفك، مقدرتش أقعد. طلبت أروح مع وليد ، ، وروحت معاه بيته. كنت مش قادر أقعد لحظة في الفيلا وانتي مش موجودة قدامي. اتعودت عليكي... واشتقت ليكي. ودعيت ربنا يصبرني على بعدك. كنت مش عارف أغمض عيني، أصعب يوم في حياتي، كل اللي خسرته كوم... وخسارتِك إنتي كوم. حتى أمي كانت هناك... بس مش عارف ليه حسّيت إنها غريبة عني، كنت محتاج أبكي في حضنها... في يوم زي ده." كلمات حازم وجعها كانت بتحرك كل الذكريات اللي حاولت تنساها، دمعة نزلت بهدوء على الصفحة، والدفتر تشرب وجعها زي ما تشرب حبره. تتنهد وهي بتقلب الصفحة، تكمل وليد: مساء الخير يا ست الكل، جبت معاكي حبيبك أهو. الأم: حازم، حبيبي، وحشتني قوي... أخبارك إيه يا ابني؟ حازم: زي ما انتي شايفة يا أمي... بقيت عاجز. الأم: أوعى تقول كده! إنت البطل يا حازم، وهتفضل كده طول عمرك. ومع العلاج، هتكون أحسن إن شاء الله، وصدقني بكرة هتقول أم وليد قالت. وليد (ضاحك): إيه يا حاجة، نسيتيني بسرعة كده أول ما شفتي البطل بتاعك؟ الأم: اخص عليكوا، إنتوا الاتنين غلاوة واحدة يا ولادي. وليد: طب كلمي خالي ييجي بكرة. الأم: حبيب قلبي، خالك جه من ساعة. خرج رجل كبير في السن، ملامحه شبه وليد، شعره أبيض ولحيته بيضا. اتجه ناحيتهم بابتسامة هادية. كمال: هو أنا أقدر أتأخر عن ابني وتلميذي؟ حازم (يتحرك بالكرسي ناحيته): أستاذ كمال... وحشتني جدًا. كمال (بحنان): عيب عليك يا ابني... ويحضنه. حازم: أشكرك يا أستاذ كمال. كمال (بلطف): لا، اسمي خالك كمال. دموع حازم كانت بتنزل على الدفتر، وحنين كانت بتقرأ وكأنها شايفاه قدامها. همست بصوت مبحوح: "ربنا كبير يا حازم... فعلاً كبير، عوضك بأهل وليد." تكمل السطور بخط حازم المليان شجن: رجعت حنين لنفس اليوم كانت راكبة جنب أسر في العربية، عينيها معلقة في الطريق بس عقلها مش معاهم. الفرح خلص، وضحك الناس اختفى، والواقع بدأ يرسم ملامحه. وصلوا الفيلا، كل حاجة فيها فخمة وباردة... حتى الورد اللي على الترابيزة ريحته مش مريحة. دخلت حنين وهي مش عارفة هتبدأ حياة إزاي مع حد مش بتحبه، ولا حتى مرتاحة له. أهلها كانوا فرحانين وبيودعوها بابتسامات، لكن جواها كان في وجع لا يوصف. طلعت على أوضتها، وأسر سابها بحجة إنه يسهر مع إخوته. تبدّل الفستان الأبيض، لبست إسدال بسيط، وقعدت تقرأ قرآن تهدي بيه قلبها. كأنها بتستعين بربنا عشان يطمنها أو يبعتلها علامة. لكن بعد شوية طلع أسر، ملامحه باين عليها السكر، بيضحك وبيتكلم بصوت عالي: أسر: ألف مبروك يا عروسة! ابتسمت حنين بتوتر وقالت: حنين: الله يبارك فيك. الريحة النفاذة اللي طالعة منه خنقتها، فحاولت تبعد. لكن هو ما كانش في وعيه... حاول يقرب منها بعنف. قلبها اتقبض، حاولت تدافع عن نفسها، صوته كان غليظ، وهي كانت بتترعش. صرخت، ودموعها كانت بتغرق وشها: حنين: المفروض أي عريس يكون فايق مش فاقد وعيه كده! لكنه تجاهل كلامها، وتعامل بقسوة كسرت كل حاجة جواها. في اللحظة دي الزمن وقف. الليلة اللي المفروض تكون أجمل ليلة في حياتها، بقت أسوأ كابوس ممكن تمر بيه بنت. بعد ما خلص، وقع على الأرض مغمي عليه، وهي وقفت وسط الضلمة والخراب اللي حواليها. ملابسها ممزقة، جسدها بيترعش، ونفسها مش طالع. تتبع لمّت نفسها بصمت، دخلت الحمّام وهي بتحاول تلم شتات روحها اللي اتكسرت. فتحت الميّه… والمية نازلة وهي بتحاول تغسل وجعها، لكن الوجع كان أعمق من إنها تشيله بمية. صوت الميّه كان عالي، لكن جواها في دوشة أكبر، صوت قلبها الموجوع، وصدى ضحكتها اللي راحت ومارجعتش. لبست لبس بسيط، وسحبت نفسها بخطوات تقيلة ناحية الصالون الملحق بالأوضة. سحبته على السرير… كان نايم زي ميت، مفيش فيه لا إحساس ولا ملامح راجل لسه مكسّر قلبها. قعدت على الأريكة، نظرتها ثابتة على المكان اللي اتكسرت فيه روحها لأول مرة. الدموع نازلة بهدوء، مش دموع وجع بس، دموع خيبة... دموع نهاية طفلة كانت لسه بتحلم إن الجواز فرحة مش وجع. نامت… بس مش نوم جسد، ده كان نوم روح تعبت من المقاومة. نوم أشبه بالإغماء، وكأنها بتقول لنفسها "كفاية". في اللحظة دي، كان الزمن بيمشي من غيرها... والقدر بيكتب صفحات تانية من نفس الحكاية في مكان تاني. في نفس الوقت، عند هالة… كانت أمل قاعدة على الكنبة، ولسه ضحكتها من فرحة الليلة اللي فاتت ما راحتش من على وشّها. أمل بابتسامة واسعة وهي بتشرب الشاي: – عقبالك يا حبيبتي يا رب، الليلة كانت جميلة أوي، حسّيت إن قلبي طار من الفرحة. هالة بابتسامة خفيفة: – بكرة يا ست الكل إن شاء الله. أمل بتتحمس: – أكيد بكرة ربنا يرزقك بابن الحلال اللي يستاهلك يا بنتي. هالة ضحكت وقالت: – بس أنا بتكلم بجد، بكرة فيه عريس جاي. عباس رفع حاجبه باستغراب: – تقصدي إيه يا هالة؟ مين دا؟ هالة: – الدكتور وليد السيد… قابلته هناك وقال لي أبلّغ ماما إنه جاي يطلب إيدي بكرة، وهيتصل يحدد معاد الزيارة. اتسعت عيون أمل من الفرحة، وقامت من مكانها بسرعة وهي تزغرد من قلبها: – بجد؟ يااااه دا ينور من الصبح! عباس بضحكة خفيفة: – استني بس يا ست أمل، الصبح إيه؟ لازم نجهز كل حاجة الأول. أمل: – صح! دا أنا مش هنام، لازم أغير الستاير والمفارش، وأعمل أكل… خليه بعد بكرة علشان نلحق نجهز. هالة ضحكت وقالت بمشاغبة: – فين كان الصبح وفين دلوقتي بقى بعد بكرة يا ست الكل! ضحك عباس وهو بيطبطب على كتف مراته: – فعلاً خلاص… الصباح رباح، وبكرة نشوف. أمل وهي لسه بتضحك: – هو أنا هعرف أنام النهارده؟ هالة في سرها، وهي بتبص لمامتها بابتسامة فيها وجع خفيف: – ومين سمعك يا ماما… عباس: – يلا يا أهل عباس تصبحوا على خير وبكرة إلا ربنا شايفه يكون ...... فى صباح يوم جديد كانت الشمس داخلة من شباك الأوضة بخيوط خفيفة، حنين قاعدة على طرف السرير، عينيها منفخة من البكاء، ووشها شاحب كأن النوم ما عرفش طريقه ليها. دخل أسر بهدوء، بعد ما فاق وبدأ يفتكر الا عماله وشعر إنه بيحتقر نفسه ازى عمل كده وايه السبب. أخد شوار ولبس هدومه ، بيحاول يلاقى يفهم ازى بغباءه خآلها يعمل كده ما هى بقيت بتاعته فيها إيه لو كان صبر ازى خرج عن سيطرته وكأنه حاجه تأنى كانت بتتحكم بيه دخل عليها كانت علي سجادة الصلاة وتنهى الصلاة اقترب منها وجلس على كرسي بجوار المكان – ممكن نتكلم يا حنين؟ ما ردتش، بس نظرتها كانت كفاية إنها تقول “مش قادرة”. قرب منها بخطوات بطيئة، صوته كان فيه ندم حقيقي: أسر: – أنا عارف إني غلطت، وعارف إنك مش هتسامحيني بسهولة… بس والله يا حنين، أنا ما كنتش في وعيي. ومعرفش شربت إيه خالنى بقيت كده رغم إن مش أول مره أشرب أنا بحبك وعمري ما كنت أفكر اجرحك كل حاجة حصلت بدون اردتى وكأنى مصلوب الاردة . حنين رفعت عينيها عليه، ودموعها بدأت تتجمع تاني: حنين: – ما تقوليش ما كنتش في وعيك يا أسر إن كنت . في الوعي أو بدونه… الوجع هو هو. اللي حصل ده مش لحظة، دي حاجة هتفضل محفورة فيا طول عمري. وانت اخترت اول يوم في حياتنا تكون بالطريقه الهمجيه ده سكت، ومسك راسه بأيده كأنه بيحاول يهرب من صوته الداخلي. – كنت عايز تحبيني وتحسي بحبي ،واشيل صورة أجبر ابوى إنها تتجوز منى لكن انا غبي بدل ما اخط اول خط للحب، خطت خط جرح فى قلبها إزاي بعد كده هتبص عليا وأنا السبب في وجعها وتتهد ؟ كنت فاكر إننا نبدأ صفحة جديدة وتسامحنى … كنت عايز أثبتلك إني أتغير . – بس اللي حصل رجعني للصفر عارف إنك بتقول ما بين نفسك دلوقتي إن كأن كل كلامى عن التغيير كان كدب. تنهدت حنين وكأنها بتقوله مش قادره أشوفك دلوقتي… مش قادره أعيش هنا. في اللحظة دي، سمعوا صوت أذان العصر بيرن في أرجاء الفيلا، كأنه بينادي على التوبة… أو يمكن بيعلن نهاية وجع وبداية وجع تاني. طيب حضرتك صلي العصر وانا هصلي وبعد كده نتكلم كان محرج منها أسر وقال تمام هنزل أشرب حاجه رنّ الموبايل في نفس اللحظة، مدّت حنين إيدها بتردد وردّت بصوت متكسر: حنين: – ألو؟ هالة (بصوت متوتر): – ألو يا حنين، آسفة والله بس مش عارفة ألبس إيه! عندي فساتين كتير ومحتارة ألبس إيه لقراية الفاتحة، هصورهم وأبعتلك تختاريلي، ماشي؟ حنين بصت في الأرض، تنفست بسرعة كأنها لقت مخرج من خنقتها: حنين: – لا… متتعبيش نفسك، أنا جاية حالاً. هالة (بقلق): – جايه؟ ليه يا بنتي؟ حصل إيه؟ حنين: – لما أجي هقولك. قفلت المكالمة وهي بتحاول تثبت نفسها، قامت بسرعة من على السرير بدلت هدومها ، ولبست طرحتها ووقفت قدام المراية لحظة، بصّت لنفسها كأنها مش مصدقة اللي شايفاه… وشها حزين، بس جواها قرار إنها لازم تبعد. خرجت من الأوضة. أسر كان واقف مستنيها عند الباب، صوته مكسور: أسر: – رايحة فين؟ حنين (بحزن شديد): – عند هالة… قراية فاتحتها النهاردة. عندك مانع؟ أسر: – في يوم صبحيتك يا حنين؟ ولا بتعاقبيني؟ مش اعتذرت ليكي؟ والله ما كنت في وعيي. حنين (بهدوء موجوع): – أرجوك يا أسر… سبّني أخرج. يمكن أنسى اللي حصل، لكن لو فضلت هنا… كل حاجة هتفضل قدامي. أسر (بيحاول): – طب أوصلك؟ حنين: – مفيش داعي، هاروح بتاكسي. خدت شنطتها وخرجت. كانت كل خطوة بتوجعها، مش بس من أثر الليلة، لكن من كرامتها اللي اتكسرت، ومن حبها اللي مات وهي عايشة. وقفت عند باب الفيلا، لفت تبص عليه لحظة أخيرة، وبصوت خافت كأنها بتكلم نفسها قالت: – “يا رب إديني قوة أنسى…” بعد ساعة وقفت حنين قدام باب بيت هالة، وشها كان متغير، بس بتحاول تبين طبيعية. دقّت الجرس، وبعد لحظات فتحت أمل أم هالة الباب بابتسامة: أمل: – حنين! إيه يا بنتي؟ إيه اللي جابك في يوم صبحيتك؟ قبل ما ترد، جريت هالة لما سمعت صوتها: هالة: – حنيييين! إزيك يا قلبي؟ شكراً إنك جيتي، والله كنت محتاجة وشك النهارده. حنين (بصوت مبحوح وابتسامة خفيفة): – وأنا ليا غيرك يا هالة؟ دي إنتي أختي وصحبتي، ينفع أسيبك في يوم زي ده؟ ضحكت هالة وهي تمسك إيديها وتشدها لجوه: هالة: – تعالي اختاري معايا، عندي هدوم محتارة فيها. تعالي قبل ماما تفضل تسألني مليون سؤال. دخلوا الأوضة بسرعة عشان تهرب من استجواب أمها. ولما قفلت الباب، هالة بصّت لصاحبتها بقلق: هالة: – في إيه يا بنتي؟ مالك؟ وشك مش طبيعي… حصل إيه؟ حنين: (انهارت تبكي بهستيريا) – يا هالة… مش قادرة… هالة جريت ناحيتها، حضنتها بحنية: هالة: – حبيبتي في إيه؟ قوليلي اللي حصل. لكن أول ما حضنتها، حنين صرخت وجع جسمها اتشنج: حنين: – آه… براحة، جسمي وجعني. هالة بعدت بسرعة، ووشها اتقلب: هالة (بغضب ودموع): – هو ضربك؟! حنين هزت راسها بخجل، والدموع نزلت على خدها: حنين (بصوت مكسور): – لأ… أصعب من الضرب يا هالة… سكتت لحظة، والسكوت كان أبلغ من أي كلام، وهالة عرفت وقتها إن الليلة اللي فاتت كسرت صاحبتها للأبد. هالة وقفت قدامها مصدومة، الكلام اللي طالع من حنين كان بيخبط جوا ودانها زي طلقات. صوتها خرج متردد، فيه خوف وغضب وصدمة: هالة: – اوعي تقولي اغتصبك يا حنين؟ حنين بصّت للأرض، وإيديها كانت بتترعش، صوتها نازل من بين شهقات مكتومة: حنين: – بستحياء… آه للأسف يا هالة. هالة شهقت وهي مش مصدقة: هالة: – الحيوان! حتى لو كنتي منعتِ نفسك، مش المفروض يعمل كده! إيه البشاعة دي؟ حنين بسرعة، كأنها بتحاول تهديها وتبررله رغم وجعها: حنين: – لا، الموضوع مش كده… هو مكانش في وعيه. هالة بانفعال: – هو إنتي بتدافعي عنه؟! حصل إيه يا حنين؟ قوليلي من الأول. حنين أخدت نفس عميق، دموعها بدأت تنزل بهدوء وهي بتفتكر كل لحظة وجع: حنين: – أول ما روحنا البيت، طلعت أوضتي، وهو فضل مع أخواته. إنتي عارفة يا هالة إني رفضت أعيش في الشقة اللي في العمارة، واخترت أعيش مع حمايا في الفيلا علشان أقدر أجيب أي دليل يثبت حق حازم… وكمان ماكنش ينفع أعيش قريب من بابا وماما ، وكمان وقدام حازم بعد اللي حصل. هالة بإيماءة حزينة: – عارفة يا حنين، كمّلي. حنين: – لما رجع، كان سكران… ريحة الكحول كانت طالعة منه، وقرب مني، عايز يبوسني بالعافية. استغفرت ربنا وضربته بالقلم يمكن يفوق… بس بدل ما يفوق، اتجنن… اتحول لوحش، ضرب وعنف بكل قوة وأخد مني اللي هو عايزه… بكل قسوة. هالة حطت إيدها على وشها، الدموع نزلت منها غصب عنها: هالة: – يا وجعي عليكي يا حنين… أنا آسفة، أنا السبب، أنا اللي قلتلك تكملي وتدي فرصة. ماكنتش أعرف إنه كده. حنين بصوت مبحوح: – وأنا كمان ماكنتش متخيلة كده، بس المصيبة الأكبر كانت لما صحي. هالة بانفعال: – حصل إيه بعدين؟! حنين: – الصبح، لما صحيت، كان في الجناح. أنا بليل نقلته على السرير، ونمت برة في الصالون. اتوضيت ولبست الإسدال علشان أصلي الظهر، لقيته صحي وبصلي وهو مش فاكر حاجة. قالّي: إنتي نمتي فين؟ وليه الأوضة متبهدلة؟ بصيت على السرير… الدم كان لسه هناك. مع ذلك، ماقدرتش أتكلم. سكتت لحظة وابتلعت ريقها بالعافية: – قرب مني وقال: عملت إيه؟ انطقي! بس أنا كنت خلاص، مفيش صوت بيطلع مني. قلتله: ابعد عني، ولوسمحت طلقني. هالة بصدمة: – وقالك إيه؟ حنين بصوت مكسور: – وقع على الأرض، فضل يقول: أنا آسف يا حنين، سامحيني، أنا بحبك، والله ما كنت في وعيي. وكان بيعيط زي العيل، قالّي: نفسي أتغير، أصلي، أعرف ربنا، أبعد عن القرف اللي بيخليني إنسان تاني. وراح حضني من وسط خصرى، وأنا كنت بتألم من كل لمسة. زقيته، ودخلت الأوضة وقفلت الباب ورايا. ماكنتش قادرة أرد، كنت بس بعيط وأسأل نفسي: إزاي أغيره وأنا قلبي مش معاه؟ قلبي ملك واحد تاني... هالة سابت نفس طويل وهي بتخبط على رجلها بعصبية: – وبعدها؟ حنين: – بعد ساعة، فتحت الباب لقيته قاعد، بيشرب تاني. الخمرة في إيده، والصبح لسه طالع... كان بيضحك، وكأنه ناسي كل اللي حصل. هالة بصوت غاضب وهي مش مصدقة: – يا رب على القسوة! حنين كملت والدموع خنقت صوتها: – لحد ما شافني... قالّي: بتحبيه أوي للدرجة دي؟ مش قادرة تكوني معايا وتسامحيني؟ هالة بحيرة: – مين؟! هو كان يقصد مين؟ حنين بخوف وكسرة: – حازم... كان يقصد حازم. كأنه شايف جوا قلبي، عارف إني عمري ما نسيته. هالة بصوت متقطع من القهر: – يعنى فوق كل اللي عمله فيكي، بيتهمك إنك لسه بتحبي غيره؟! ده مجنون، والله مجنون! حنين: – يمكن لو كان فايق ماكنش قال كده... بس خلاص يا هالة، كل حاجة جوايا اتكسرت. حتى صورتي في المراية مش بقدر أبصلها. بحس إني واحدة تانية… غريبة عن نفسي. هالة مسكت إيدها بقوة، عينيها كلها حزم وحنان: – بصيلي يا حنين… اللي حصل ظلم، بس مش هو نهاية الدنيا. لسه فيكي روح، ولسه ربنا شايفك، ولسه ليكي حق، وحقك مش هيروح طول ما أنا جنبك. حنين غمضت عينيها، والدموع نزلت وهي تهمس: – شكراً يا هالة… يمكن وجودك هو الحاجة الوحيدة اللي مخلّيني لسه عايشة. هالة ضمّتها بحنية وقالت: – وهنعيش يا حنين… وهنخلي اللي ظلمك يندم على اليوم اللي لمس فيكي وجع. بس أوعديني، متسكتيش تاني. في اللحظة دي… السكوت بقى له صوت، صوت حنين وهي بتنهار في حضن هالة، وصوت الأمل اللي بيحاول يتنفس جوا قلب مكسور. --- سكتت هالة، عيونها دمعت، وهي حاسة إن قلب صاحبتها اتكسر فعلاً المرة دي. كل اللي سمعوه بعدها كان صوت بكاها، وصوت أنفاس الاتنين، بيتقطع بين وجع وخوف وغليان. وقفت، سكتت لحظة طويلة، وبعدين قالت لنفسها بهمس حزين: حنين: – يمكن الوجع مش بيموت... بس يمكن بيتعلم يعيش جوانا. .... بعد ساعات حازم ووليد وصلوا عند هالة وبعد الترحيب وليد (بصوت واثق بس فيه رهبة بسيطة): – أنا مش هطوّل عليك يا عمي، أنا بحب بنتك الدكتورة هالة، وأتمنى تكون شريكة حياتي. عباس (بنظرة فخر وهدوء أبوي): – ده شرف لينا يا ابني، أنا مش هلاقي أحسن منك لبنتي الوحيدة. ضحك وليد بخجل بسيط، وبصّ لهالة اللي كانت واقفة بعيد، ووشها محمّر من الخجل، لكن في عيونها كان فيه رضا. كان يوم كله فرحة بريئة، لكن في قلب حازم كان وجع تاني… بيحاول يخفيه بابتسامة، لكنه بيكتم أنفاسه. قرأت حنين آخر جملة روحنا تاني يوم نطلب هالة لوليد، بس أنا كنت محتار... يا ترى هتكوني موجودة ولا لأ؟ نفسي أشوفك، حتى لو آخر مرة قبل ما أمشي. كنت سعيد لصاحبي، وهو كمان لقى ترحيب من أهلها. أغلقت حنين الدفتر بإيد مرتعشة، إيدها كانت بتترجف مش من البرد، لكن من وجع الذكرى اللي خنقتها. بصّت قدامها بشرود وقالت بصوت مكسور: حنين: – كان أصعب يوم ليا أنا كمان يا حازم... يوم اتكسرت جوايا كل حاجة... كرامتي، طفولتي، وحتى نفسي. نظرت حوالين الأوضة، وكأنها بتشوف أشباح ذكرياتها على الحيطان. دموعها كانت بتنزل تاني، بس المرة دي مفيش صوت، كأنها استسلمت... كأنها خلاص بطلت تقاوم. تتبع في أوضة هالة، كانت حنين لسه ماسحة دموعها و بتحاول تبان طبيعية وهي بتختار ليها فستان مع إن جواها كانت منهارة. هالة كانت بتضحك وتتكلم بسرعة عن الفساتين عشان تشغلها... وفجأة سمعوا صوت الباب الخارجي بيتفتح. هالة: - أكيد وليد جه... استني ثواني أشوف. خرجت هالة بسرعة، وحنين فضلت واقفة في نص الأوضة بتحاول تاخد نفس... تحاول تثبت نفسها... تحاول تنسى اللي حاصل من ساعات. وبعد أقل من دقيقة... سمعت صوت رجولي مألوف... صوت كان بيحيي جزء مات جواها. حازم. جاي مع وليد وجايب معاه هدية بسيطة لهالة... لكن وجوده فجأة قلب المكان. هالة دخلت الأوضة بسرعة وقالت بارتباك خفيف: هالة: - حنين... في... في حد عايز يسلم عليكِ. رفعت حنين راسها... وهالة فتحت الباب زيادة... دخلت الاوضة لحد ما دخلتهم الرسبشن وبعد كده جهزت حقيبته عشان تمشي لمحيتها هالة وسالتها رايحة فين قالت حنين - هالة... أنا... أنا لازم أمشي. هالة اتصدمت: - إيه؟ تمشي؟ ليه؟ لسه- لكن حنين ما استنتش. قامت بسرعة، جمعت شنطتها وهي ما تبصش على حازم، لأنها لو بصّت... هتضعف... هتنهار... هتقول كل اللي ممنوع يتقال. وبعد قليل كانت هالة جهزت وخرجت هالة من الغرفة... كان وليد واقف مستني، وعينه بتلمع منبهار بيها. كانت ساحرة بالفستان... جمالها بسيط وراقي، يخطف القلب من غير ما تبذل مجهود. وليد كان نفسه يضمّها جواه، بس حاول يسيطر على نفسه. بدأت قراءة الفاتحة بين وليد ووالد هالة، والجو كان ولبست الدبلة والشبكة والجوا كان مليان فرحة وابتسامة ورِضا. بعدها المجاملات بين أهل هالة ووليد، والضحك رايح جاي، والأكل بيتقدّم. وليد، وهو بصوته الهادي الواثق: - "ممكن يا عمي... هالة تخرج معايا نتمشى شوية؟" عباس وافق بابتسامة: - "ماشي يا ابني... بس أخوها يكون معاها." وليد: - "أكيد... وحازم كمان يكون معنا." حازم رفع حاجبه وهو يضحك بخفة: - "لا أنا؟ أكون عزول بينكم؟ خليني أروح مع الحاجة أم وليد على البيت." وليد قرب منه وهمس: - "يا عم بطل غتاتة... تعالى اقعد مع أخوها، وسيبني أنا وهيا نتكلم شوية." حازم ضحك: - "قول كده من الأول... ماشي يا وليد. الأيام هتدور بينا." نزلوا كلهم... وليد وهالة قدّام، وأخوها مع حازم وراهم شوية. وصلوا الحديقة... وليد وهالة قعدوا تحت شجرة، والنسمة كانت خفيفة بتلعب في شعرها. أما حازم وأخوها قعدوا شوية بعيد... أخوها بدأ يحكي لحازم عن أيام الطفولة... عن حنين، وهالة، وضحكاتهم زمان. --- حنين كانت ماشية بعيد عن النيل، خطواتها سريعة… بس قلبها تقيل. الهوى كان ناشف، كأنه بيزقّها إنها تكمّل طريقها… وإنها تبعد عن أي حد يعرف يقرأ وجعها. لكن صوت عمر فضّل وراها: عمر: – حنين… حنين! مدام حنين… استني بس! وقفت… جسمها ثابت، لكن روحها كانت بتنهار كل ثانية. اتنهدت واستدارت له: حنين: – نعم يا دكتور عمر؟ وقف قدامها وهو بيتنفس بسرعة خفيفة بعد ما جرى وراها، وبص عليها بقلق مش عارف يخبيه. عمر: – انتي مش كويسة… في حاجة مضايقاكي فوق الوصف… وكل اللي انتي حاولتي تخبيه وأنا قاعد جمبك… كان باين. سكت لحظة، وبعدين قال بنبرة أخف: – ومش هسيبك تروحي لوحدك كده. حنين اتوترت… ده آخر وقت محتاجة حد فيه يفهمها. حنين: – دكتور عمر… أنا بخير. ولو سمحت… ما تضغطش عليا أكتر من كده. عمر: – ماشي… بس جواب واحد قبل ما تمشي. انتي زعلانة… ولا مجروحة؟ كلمته دخلت قلبها زي الدبوس، فكانت لازم تبعد فورًا. حنين: – بالسلامة يا دكتور. ومشيت. مرّة تانية… تهرب. لكن المرة دي، عمر وقف مكانه يتبعها بعينه، وبيقول لنفسه: "فيه سر كبير… والبنت دي لو فضلت لوحدها هتوقع." --- ❤️🔥 وفي نفس الوقت… عند الحديقة كان حازم قاعد مع مراد… بس ودانه مش معاه. كل كلمة قالها الولد كانت بتوقع على قلبه زي صدمة. مراد: – وابله حنين كانت عندنا النهاردة… ومشيت قبل ما حضرتك تيجي. الكلمة ضربت حازم… فتح عينه على آخرها: حازم: – إيه؟ كانت هنا؟ إمتى؟ ليه مشفتهاش؟ مراد بكلام طفل بسيط قال: – مشيت من نص ساعة يمكن… كانت زعلانة شوية. حازم حسّ إن الدم بيجري في عروقه أسرع… كأنه اتخبط، كأنه اتفاجئ من اللي عمره ما حب يعترف به: إنه لسه بيحبها… وإنها مجرد ما بتيجي… الدنيا بتتلخبط. بص ناحية هالة ووليد… وبعدين بص لنفسه. – هي كانت قريبة… قوي – ومشيِت… من غير ما تبص في وشي حتى. – بتبعد ليه؟… وخايفة من إيه؟ --- 🔥 في اللحظة دي… كانت حنين خارجة من الشارع اللي على النيل وقفت تاكسي بسرعة… رجعت حنين البيت… دخلت بهدوء، من غير ما حد يحس بيها. ساندت نفسها على الحيطة، نفسها كان مقطوع… الكلام واقف في زورها، وجعها كان جواها… وجع مفيش غير ربنا اللي شايفه. اتوضّت، ووقفت تصلّي… ركعت، وسجدت… وكل سجدة كانت كأنها بتطلع شهقة وجع حابسة نفسها فيها من امبارح. --- طلع أسر من الأوضة، وشه باين عليه قلق… ولما شافها لسه لابسة خمار الصلاة، وقف قدّامها: أسر: – كنتي فين كل ده؟ اتأخرتي ليه؟ حنين بصوت هادي ومكسور: – أنا آسفة… الخطوبة أخدت وقت. أسر بصوت فيه غيرة واتهام: –… هو كان هناك؟ حنين تتشدّ من جوّا: – تقصد مين؟ أسر يقرب منها خطوة، ووشه قرب يبقى قدام وشها: – اللي قلبك وعقلك معااه… حنين اتسعت عينيها بخوف: – مش فاهمة… تقصد إيه بس؟ أسر فجأة صوته يرقّ… ويبقى شبه طفل تاه من أهله: – أنا عارف إنك رجعت من بدري وكنت قاعده مع ربنا سبتيني… ورحتي تصلي… سمعتك وإنتي بتعيطي… وبتتكلمي معاه… هو… هو ممكن يسمعنا؟ أنا عارف إنه بيكرهنا… وإنك كمان بتكرهيني… أنا… نفسي تحبّيني… وهو كمان يحبّني… حنين تقفل عينيها من الوجع: – ليه بتقول كده؟ أولاً… إنت امبارح كنت سكران… ما ينفعش أول يوم في حياتنا يبدأ كده… ده غلط. أسر: – هو المفروض أول يوم يكون إزاي؟ حنين تستجمع نفسها بالعافية: – الرسول ﷺ قال… الزوج يتوضّى، والزوجة تتوضّى… يصلّوا ركعتين شكر لله… ويدعوا ربنا يبعد عنهم الشيطان… لكن من غير صلاة… ومن غير عشا… ومع شرب…؟ أكيد الشيطان يدخل بالبشاعة دي! سكت أسر… وبعدين قرب فجأة، وركع عند رجليها… لف إيده على وسطها وهو بيعيّط زي طفل مكسور: أسر: – أنا… إنسان كويس يا حنين… عارف إني غلطت في حقّك… وعارف إنك اتجبرتي على الجوازة دي… بس… كنت نفسي تحبّيني… أنا بحبّك من زمان… وانتي مش كنتي شايفة غيره… والله هتغير… هكون بني آدم تاني… علّميني أصلي… علّميني ربنا يحبّني… اصبري عليّ… خلي الناس تتشرف بيا مش تكرهني… نفسي… نفسي أبقى زي حازم… كلمة حازم كانت زي سكّينة دخلت في صدرها… بس مسحت دموعها بسرعة ورفعت راسه بإيديها: حنين: – لأ… ما تبقاش زي حد. ابقي إنت… ولو ما عندكش هدف… أو إرادة… عمرك ما هتتغير. أسر: – أنا موافق… أنا معاكي… بس… متسبينيش. حنين: – حاضر… بس تبطّل شرب. وأقصد بالكلام ده كل حاجة تغيّب العقل… خمر… مخدرات… أي حاجة. وبدأت تشرح له بهدوء أحكام شرب الخمر، والعقاب، وإن صلاته لو كان واعي تصحّ بس مش هيتثاب عليها… وكان هو قاعد على الأرض قدّامها… كل كلمة بتقولها… كان بيهز راسه زي طفل واعي إنه غلط. وبعدين قال بصوت صغير: أسر: – طيب… أعمل إيه؟ ــــــــ حنين: ليه بتقول كده؟ أولاً انت امبارح كنت سكران، مكانش ينفع نبني أول يوم في حياتنا كده… انت بدايته غلط. أسر: هو المفروض أول يوم يكون إزاي؟ حنين: الرسول صلى الله عليه وسلم قال: "الرجل يطلب من زوجته تتوضأ وهو أيضًا، ويبدأ الصلاة ركعتين شكر لله، ثم يدعون دعاء أن يجتنبوا الشيطان. أما من غير ما نصلي العشاء أو ركعتين شكر مع الشرب، أكيد الشيطان يدخل بالبشاعة دي." أسر: آسف قوي… مش هتتكرر تاني. علميني أحب ربنا وربنا يحبني. ثم ركع وهو محتضنها، يبكي: أسر: أنا إنسان كويس يا حنين، عارف إني غلطت في حقك في أول يوم معايا، وعارف إنك مجبرة على الزواج ده، لكن كنت نفسي تحبيني… أنا بحبك من زمان أوى، بس انتي ماكنتيش شايفه غيره. صدقيني هتغير وأكون إنسان كويس… نفسي أتعلم أصلي، علميني كل حاجة واصبري عليا… خلي كل الناس تتشرف بيا، مش تنتقد سلوكي… نفسي أكون زي حازم. حنين انصدمت لما جاب اسم حازم، لكن حبت تنفي تفكيره: حنين: أولا لازم تكون نفسك وليك هدف في حياتك، ولو مش عندك ده، استحالة تتغير. أسر: أنا موافق، وهكون معاك في أي حاجة تقولي عليها، بس متسبنيش. حنين: حاضر، بس متشربيش تاني… والمقصود بالخمر مشي الخمر فقط، كمان المراد المخدرات مثل الحشيش والحبوب وكل حاجة تغيب العقل. فشرب الخمر من الكبائر العظيمة والآثام الجسيمة، والخمر أم الخبائث محرمة بالكتاب والسنة والإجماع… ومما جاء من الوعيد فيها قوله صلى الله عليه وسلم: "كل مسكر حرام، وإن على الله عهدًا لمن شرب المسكر أن يسقيه من طينة الخبال." أسر: طيب، أعمل إيه؟ --- حنين: تعالي معايا. أخذتها ونزلت على المطبخ وعملت له لبن بالملح. حنين: خد ده… اشربه. أسر: إيه ده؟ حنين: ده ينظف كل اللي في معدتك من الخمرة. أسر بدأ يشرب وحاسس إنه عايز يرجع، فمسكته حنين وودته الحمام اللي بجوار المطبخ. أسر: (يفضل يتقيأ وهو مش قادر يقف) بعدها طلعت بيه لغرفتهم وسندته في البانيو، ثم فتحت الدوش عليه لحد ما فاق واستحمى. خرجت حنين بعد ما اتأكدت إنه فاق: حنين: هسيبك، أنا خدت شاور وبس، البس ملابسك وانزل تعملي كابتشينو أو قهوة. أسر: حاضر، وشكرًا يا حنين. حنين: على إيه بس؟ خرجت بدلت ثيابها اللي اتبهدلت من القيء، لبست ملابس نظيفة، ونزلت تجهز أكل ومشروبات دافئة. أسر، الشاب الوسيم، شعره المبلل، وارتدى تشيرت لونه أحمر وبنطلون أسود، كان واقف. أسر: انتي بتعملي إيه؟ حنين: بعمل أكل… انت مش أكلت من الصبح، وكمان علشان تقدر تقف على رجلك وتصلي. أسر: مش عارف أقولك إيه… بس وعد، هكفر عن ذنبي ده وهتسامحيني. حنين: إن شاء الله… تعال اقعد. حضرت له بعض المأكولات الخفيفة: سلطة خضراء، جبنة بيضاء، لانشون، وعِيش. أسر: مش هتاكلي معايا؟ حنين: حاضر… واقعدت شاركته رغم إن قلبها بيتقطع من جوّاها. بعد ما خلصوا، طلعوا وبدأت تعلمه إزاي يتوضأ، وحسّست إنه ابن مش زوج. وقفتته جانبها، قرأت الفاتحة ثم السورة الصغيرة، وهو يردد خلفها، ثم الركوع والسجود… وانتهوا من الصلاة. أسر: تعالى نام على السرير، مش تقلقي… أنا طلبت من الخادمة تغير الفرشة ومش هقرب منك علشان تعبان. حنين خايفة، لكنها مطيعة الزوج، ونامت على السرير بجواره. الساعة كانت حوالين الحادية عشر حتى أذن الفجر. صحيت تاني يوم قبل أذان الفجر بدقائق، وبدأت تصحى أسر: حنين: أسر، قوم عشان تصلي. بدأ يفوق أسر، دخل الحمام وحاول يطبق كل حاجة اتعلمها من حنين. وبعدها رجع نام تاني. نزلت حنين حضرت الفطار، وبعد ساعتين اتصلت هالة بها: حنين: الو. هالة: المزعجة بتتكلم. حنين: ألف مبروك يا عروسة. هالة: هههه الله يبارك فيك… عملتي إيه امبارح؟ حنين: بدأت أحكي لها كل ما حدث. هالة: ربنا يعينك ويقويكي… امتحان صعب بس انت مؤمنة وقوية وتنجحي. حنين: يارب. هالة: الفستان عجب وليد جدا. حنين: الحمد لله. كان الفستان وردي، نازل ممشوق على الجسد، حتى الوسط واسع من تحت، وعليه حجاب وردي وبعض المساحيق التجميلية. هالة: بس انتي مشيتي قبل ما يجوا. حنين: كان لازم أمشي يا هالة… لما نزلت شفتهم، بس محدش شافني… رحت عند البيت القديم، قعدت شويه، وروحت على الفيلا. هالة: مش عارفة أقولك إيه… ربنا يصلح حاله يا رب… مادام عايز يتغير ساعديه. حنين: كان سكران لما أرجع أشوف الموضوع… المهم، تعالي نختار مع بعض. حنين: تعالي معايا. وأخذتها ونزلت على المطبخ وعملت له لبن بالملح. حنين: خد ده… اشربه. أسر: إيه ده؟ حنين: ده ينظف كل اللي في معدتك من الخمرة. أسر بدأ يشرب، وحاسس أنه عايز يرجع. مسكته حنين ودخلت بيه الحمام اللي بجوار المطبخ. أسر: (فضل يتقيأ وهي مسكاه لأنه في هذه اللحظة لا يستطيع الوقوف). ثم طلعت به إلى غرفتهم ودخلته الحمام اللي في الغرفة وسندته داخل البانيو. وبعد كده فتحت الدوش عليه لحد ما فاق، ثم استحمى. خرجت حنين بعد ما اتأكدت إنه فاق: حنين: هسيبك… أنا خدت شاور، البس ملابسك وانزلي تعملي كابتشينو أو قهوة. أسر: حاضر، وشكرًا يا حنين. حنين: على إيه بس؟ خرجت بدلت ثيابها اللي اتبهدلت من القيء، لبست ملابس نظيفة، ونزلت تجهز أكل ومشروبات دافئة. خرج أسر، الشاب الوسيم، شعره المبلل، وارتدى تشيرت لونه أحمر وبنطلون أسود. حنين كانت واقفة بتجهز كل حاجة. أسر: انتي بتعملي إيه؟ حنين: بعمل أكل… انت مش أكلت من الصبح، وكمان علشان تقدر تقف على رجلك وانت بتصلي. أسر: مش عارف أقولك إيه… بس وعد، هكفر عن ذنبي ده وهتسامحيني. حنين: إن شاء الله. تعالي اقعد. أقدمت له بعض المأكولات الخفيفة: سلطة خضراء، جبنة بيضاء، لانشون، وعِيش. أسر: مش هتاكلي معايا؟ حنين: حاضر. واقعدت شاركته رغم إن قلبها بيتقطع من جوّاها. أول ما خلصوا، طلعوا وبدأت تعلمه إزاى يتوضأ. حسيت إنه ابنها مش زوجها. وقفتته جانبها، وكانت تقرأ الفاتحة ثم السورة الصغيرة وهو يردد خلفها، ثم الركوع والسجود، ثم الركعة التالية، ثم الفاتحة، الركوع، السجود، وانتهت بالتشهد وكل شيء حتى انتهى من الصلاة، وكانت مجهدة وتعبانة. أسر: تعالى نامي على السرير… مش تقلقي، أنا طلبت من الخادمة تغير الفرشة ومش هقرب منك علشان تعبان. حنين كانت خايفة، لكن طاعة الزوج فوق كل شيء، وفعلاً نامت على السرير بجواره. كانت مفتحة عيونها حتى حسّت إنه فعلاً نام، ونامت. كانت الساعة حوالين الحادية عشر حتى أذن الفجر. صحيت تاني يوم قبل أذان الفجر بدقائق. صحيت حنين وبدأت تصحى أسر: حنين: أسر، قوم عشان تصلي. بدأ يفوق، دخل الحمام وحاول يطبق كل حاجة اتعلمها من حنين. وبدوا يصلون، ثم رجع نام تاني. نزلت حنين حضرت الفطار. بعد ساعتين، اتصلت هالة بحنين: حنين: الو. هالة: المزعجة بتتكلم. حنين: ألف مبروك بالعروسة. هالة: هههه الله يبارك فيك… عملتي إيه امبارح؟ حنين: بدأت أحكي لها كل ما حدث. هالة: ربنا يعينك ويقويكي… هو امتحان صعب، بس انت مؤمنة وقوية وتنجحي. حنين: يارب. هالة: الفستان عجب وليد جدًا. حنين: الحمد لله. كان الفستان وردي، نازل ممشوق على الجسد، حتى الوسط واسع من تحت، وعليه حجاب وردي وبعض المساحيق التجميلية. هالة: بس انتي مشيتي قبل ما يجوا؟ حنين: كان لازم أمشي يا هالة… لما نزلت شفتهم، بس محدش شافني. ورحت عند البيت القديم، قعدت شويه، ثم رحت على الفيلا. هالة: مش عارفة أقولك إيه… ربنا يصلح حاله يا رب… مادام عايز يتغير ساعديه. ترجعت حنين من ذكرياتها على صوت ريم: ريم: مش هتاكلي يا حنين. حنين: لا… مش دلوقتي. ريم: مالك يا حنين؟ مضايقة ليه؟ لكن بعد قليل ، شعرت ريم بدوار ثم فقدت الوعي. حنين: (تصرخ) ريم، مالك؟ عمى حسام، عمى حسام! حنين: ريم حبيبتي، مالك؟ حسام، الحق ريم! جري حسام على غرفة حنين معاه سامح. حنين ارتدت الحجاب فور دخول سامح. سامح ابتسم في سره: انتي ناسية إنك متربّية على إيدي. حسام نقل زوجته بخوف وحب شديد إلى غرفتهم. حسام: حنين، ممكن تتصلي بالدكتور عماد اللي في الدور اللي فوق؟ حنين: حاضر. وضغطت على أزرار الهاتف. حنين: الو… دكتور عماد؟ يرد شاب على الهاتف: الو… مين معي؟ حنين: أنا حنين… اللي تحت… بليز، عايزة الدكتور عماد فورًا… في حالة عندنا. الشاب: حاضر… دقائق وهيجي. ويغلق الهاتف. يظهر الشاب، عيون رمادية، شعره بني، ويبتسم: عماد: أخيرًا عرفت أتكلم معاكي يا حنين. عماد: مين على التليفون يا عمر؟ عمر: آنسة حنين… في حد مريض تحت عندها. عماد: هههه… مدام حنين يا عمر. عمر: عارف… لكنها هتفضل في نظري الآنسة حنين، أم ضفرتين. عماد: طيب… هتنزل أنت ولا أنا؟ عمر: إحنا الإثنين، عشان كانت متوترة ومش وضحت مين المريض. عماد: تمام… جهّز نفسك، وهما هيتفاجؤا إنك رجعت من أمريكا. عمر: مشتاق أشوفه أوى… خطفها مني أسر زمان، ودلوقتي رجعت ليا علشان أعبر عن مشاعري ليها. عماد: أنسي الموضوع… هي عندها مشاكل مع حماها بسبب حضانة الولد ومش فايقة. عمر: تعالي ننزل الأول. بعد عشر دقائق، كان أمام الباب. فتحت حنين الباب: اتفضلي دكتور عماد. فوجئت بعمر. سرحت شويه، وبعدين اتفضلوا. عماد: مين المريضة يا استاذة حنين؟ حسام: اتفضل يا دكتور… زوجتي فقدت الوعي. يدخل الدكتور عماد مع حسام. ويظل عمر ينظر إلى حنين… وأيضًا سامح وحنين ما بينهم. تتبع

مقالات ذات صلة

عشقت فتاة المصنع الكاتبة صفاء حسنى الفصل ٢٣

الحسناء

أنتوا مجانـ.ـين الكاتبة حنان عبد العزيز

وقفت امام المراية

غيبات تمر بالعشق الجزء الثاني الكاتبة مروة محمد البطراوي

هتجوز

اترك تعليقاً إلغاء الرد