مذكرات عاشق الكاتبة صفاء حسنى الفصل6/10

الصفحه السادسة .. مذكرات عاشق .... الكاتبة صفاء حسني الطيب ************ تجلس حنين في الفراند، الليل ساكن والنسمة خفيفة بتمرّ على وشها كأنها بتلمس وجعها. نظراتها تايهة ناحية السما، لكن عقلها جوّه الورق اللي بين إيديها. مدّت إيدها على الدفتر، فتحته على الصفحة الجديد قلبها دقّ بسرعة كأنها عارفة إن اللي مكتوب هيهزّها من جواها. بدأت تقرأ بصوت خافت، مبحوح: "حبيبتي... آسف إني قولتلك كل ده دلوقتي، عارف إن اعترافي جه متأخر، بس أنا بحبك... بعشقك يا حنين. كنت براقبك في كل لحظة، عشت معاكي كل فرحة وكل دمعة... كل وجع منك كان بيوجعني أكتر. فاكرة أول دمعة لما والدتك رفضت تدخلي حقوق؟ وقتها حسّيت إن الدنيا ظلمتك، بس برضه كنت قويّة... دخلتي رغم الكل، ووقتها عشقت فيكي الإصرار. كنت متردد أعترف بحبي ليكي، ٣ سنين في الجامعة وأنا ببصلك من بعيد... ولما أخدت القرار، حصلت الحادثة... بقيت قعيد على الكرسي المتحرك، والكرسي ده كان السبب إني أضيعك منّي."وممكن القدر ليه حسابات ثانيه تسكت حنين، عينيها تلمع بالدموع، تمسحها بسرعة كأنها مش عايزة تعترف إنها اتأثرت. صوتها يتكتم وهي تهمس: "عندك حق القدر دايما ليه حسابات مختلفة وبتجبرني على حجات بتكون أصعب منى تبدأ تتذكر، تغمض عينيها... والمشهد يرجع فلاش باك: كانت حنين واقفة في صالة البيت تبكي بعنف، صوتها بيرتعش وهي تنادي: – "عمو حسام، تعال الحقني!" يخرج حسام بسرعة من غرفته، ملامحه فيها قلق: – "مالك يا حنين؟" حنين بعفوية ودموع: – "حاول تقنع ماما، أنا عايزة أدخل حقوق! ده حلمي، يا عمو حسام، زي ما كنت بتحلم تدخل شرطة ومقدرتش." حسام بابتسامة خفيفة: – "إيه المقدّمة دي كلها يا ستي؟" وفاء تدخل بعصبية وصرامة: – "الأستاذة جابت ٩٨٪، يعني تدخل كلية من كليات القمّة، وتيجي تقول حقوق!" حنين بعناد طفولي: – "كنت عايزة أبقى دكتورة زمان، بس خلاص... نفسي أبقى محامية. الدكاترة كتير، لكن الناس المظلومة أكتر." حسام بابتسامة إعجاب خفي: – "طيب، وأبوكي رأيه إيه؟" وفاء بتنهيدة: – "موافق طبعًا، انت عارف بيعشقها دي، مش بيرفضلها طلب." حسام وهو بيحاول يخفف التوتر: – "هو فعلاً كده مع الكل... طيب خلاص، يا (حنين)، أنا هتكلم معاها." حنين تضحك من بين دموعها وتقول برجاء طفولي: – "قولها والنبي، خليني أحقق حلمي، وأنا أوعدك أساعدك بعد كده في كل قضية تمسكها." حسام يضحك: – "يعني أنا أقبض عليهم، وانتي تطلّعيهم؟" حنين ترفع حواجبها بخبث: – "مش تخاف... لو مجرم بجد، هوديه في داهية بنفسي." حسام يضحك بحرارة: – "خلاص يا ستي، موافق. ومرات أخويا كمان توافق إن شاء الله، دي بنت شاطرة وتستاهل." وفاء تتنهد بضيق لكنها ما تردش. محمد يدخل عليهم بابتسامة: – "على فكرة يا حسام، خلاص، تم نقلك للقاهرة زي ما كنت عايز، وهتدخل كلية الشرطة هناك." حسام يندهش وملامحه تضيء بالأمل: – "بجد يا محمد؟ إزاي؟" محمد بابتسامة فخر: – "مجهودك وتعبك ما راحوش على الفاضي، القرار اتوقّع، ومبروك يا بطل." حنين تصرخ بفرحة: – "أهو ربنا عوّضك يا عمو! أنا هبقى محامية، وإنت ظابط، وهنقابل بعض في المحاكم!" حسام يضحك وهو يبص لها نظرة حنان غريبة: – "يا رب يا (حنين)، تكوني دايمًا مبسوطة..." ترجع الصورة للحاضر، وحنين قاعدة في الفراند، دموعها بتنزل بهدوء على خديها، تضم الدفتر لصدرها وتهمس بصوت مكسور: – "طلعت لي من فين يا استاذ عاشق طلعت مش مجهول ؟ لكن ليه دلوقتي؟" مذكرات عاشق – الفصل السادس بقلم: صفاء حسني كانت الضحكة طالعة من قلبهم، جوه البيت اللي كان زمان مليان دفء وأحلام بسيطة. محمد (يبتسم وهو يبص لحسام): = وانت أحلى ابن وأخ، أنا بعتبرك أخو حنين مش أخويا. حسام (بهدوء وعيونه فيها لمعة حنين): = إنت عارف يا بابا... زمان كنت بقولك بابا فاكر، بس لما كبرت وعرفت إن اسمي حسام الدين الدسوقي مش حسام محمد، وقتها فهمت إنك أخويا... مش أبوي. ابتسم محمد بخفة، وبعينه حب وفخر، ضم حسام في حضنه وقال بصوت مبحوح من التأثر: = عارف يا حبيبي... ويارب أكون كنت الأب والأخ اللي يشرفك. حسام (بصدق): = أكيد... إنت تشرف أي حد. حنين (بدفء): = يااه يا عمي، زمان حققت حلمك ودخلت الشرطة... ودلوقتي هتتنقل. أما أنا... حلمي ضاع. بس لو ماما توافق، انت هتبقى ظابط قد الدنيا وأنا محامية، وننشر العدل في البلد. محمد (بابتسامة حزينة): = إن شاء الله يا حنين، بس نشر العدل بقى صعب أوي في الزمن ده... نادر لما تلاقيه بين الناس. نبرة صوته كانت مليانة وجع كأنه شايف قد إيه الدنيا بقت ظالمة. وفاء (بصوت مستسلم): = خلاص يا جماعة، أنا موافقة... وأمري لله. حنين (بحماس): = أيوه كده! هي دي القمر فوفى! وفاء (تضحك بخفة): = بنت! الكل ضحك، محمد وحسام ضحكوا عليهم، والجو كان كله حب بسيط ودفء عيلة حقيقي. ................ تفوق حنين من ذكرياتها اللي فكرها بيها العاشق، على صوت حسام بعد ما خرج في نص الليل، شافها قاعدة في البلكونة، عينيها شارده في السما، ماسكة دفتر قديم ومش حاسة بالدنيا حواليها. ي نفس الوقت كان حازم صاحي في بيته، وساكت في الضلمة، بيسمع الأغنية دي: https://m.facebook.com/story.php?story_fbid=pfbid02QqNWeZ8Jaap2RKPAZo2GuB74RqggrHDBoeMeJRrZHYDbvY9sXdpY7SVXhpRMtMt6l&id=100009478810630 كانت الموسيقى بتوصل خفيفة لودن حنين، بس هي ما بصتش ناحيته... كانت غرقانة في ذكرياتها، بين ألم الحنين ودفتر العاشق. اقترب حسام (بصوت هادي فيه فضول): = إنتي لسه صاحية؟ وبتعملي إيه يا ستي؟ قصة جديدة ولا قضية؟ انتبهت حنين، اتفزعت شوية، وقفلت الدفتر بسرعة. حنين (بابتسامة متوترة): = إنت جيت إمتى؟ محستش بيك. حسام: = إنتي اللي كنتي سرحانة... خبطت الباب كتير مردتيش. أخدت بالي إنك في البلكونة. حنين: = آه معلش... محتاج حاجة أعملهالك؟ قامت بسرعة وهي بتحاول تخفي الدفتر، وبدون ما ياخد حسام باله، حطت عليه قطعة قماش. حسام (وهو يبتسم): = آه، لو مش هتتعبك فنجان قهوة. ريم تعبانة من السفر ونايمة في سابع نومة. ناديت عليها مرة، مسمعتنيش، فقولت ما ضايقهاش. لقيت نور أوضتك مفتوح. حنين (بنغاشة): = ولا يهمك يا حضرة النقيب، تؤمرني بس على شرط... ابعتلي قضية حلوة كده، علشان حنّون حبيبتك تشتغل فيها. حسام (يضحك): = ههههه طول عمرك بتاعة مصلحتك! حاضر من عنيا، قضية سخنة، بس خلصيلي المأمورية الأول. حنين (تضحك): = حاضر يا سيدي، من عنيا. قامت تجهز القهوة، لكن وهي بتغلي الميه، افتكرت الدفتر. نادت عليه وهي بترتب كلامها. حنين: = حسام! حسام: = نعم؟ حنين: = روح صلي العشاء قبل ما تمشي، علشان ربنا يستر طريقك وأنا أعمل القهوة. في اللحظة دي، وهو معدي من جنب الطربيزة، شاف قطعة القماش، رفعها بحركة تلقائية، شاف الدفتر، مسك الغلاف، بس ما فتحوش. ابتسم وقال: = عندك حق... وحط القماش تاني ومشي يصلي. رجعت حنين الغرفة بسرعة، خدت الدفتر بحرص، وحطته في الخزانة، كأنه أغلى حاجة عندها. دخلت المطبخ، حضرت له قهوة وسندوتشات بسيطة. حنين (بحنية): = كل الأول، وبعدين اشرب القهوة. حسام (يضحك وهو بياكل): = حاضر يا ستي، أمرك. خلص أكله، وشرب القهوة، واستودعها ومشي. قامت حنين على طول، رجعت أوضتها، وسحبت الدفتر تاني... قلبت الصفحات لحد ما وصلت للصفحة السادس ............... حازم (من المذكرات): = إنتي عارفة يا حنين... اكتشفت في يوم وأنا بصلي مع وليد وعمّي محمد، إنه طلع صديق بابا. قربت منهم علشان يتعرفوا عليا قبل الخطوة اللي كنت مستنيها، واتكلمنا كتير، وكان يعرف كل حاجة عن بابا، الله يرحمهم جميعًا. حنين (بهمس): = الله يرحمهم آمين يا رب العالمين وأكملت قراة فى الدفتر حازم (يتابع): فاكرة المصيف؟ فاكرة لما شوفتك هناك أول مرة؟ كانت أول مرة أكون قريب منك... بس في نفس الوقت بعيد أوي. الناس كلها كانت بتضحك وبتلعب وبتتصوّر، بس أنا كنت قاعد ساكت، بتفرج عليك وانتي بتتحكي، وبحاول أخفي ارتباكي وقلبي اللي اتلخبط فجأة. فاكرة لما كنا بنلعب بالكورة ع الشط؟ انتي كنتي بتجري بخفة، والموج بيلمس رجلك وانتي بتضحكي، وصوتك كان أعلى من صوت البحر. نظرتنا وقتها كانت بتتكلم... من غير ما حد فينا يقول حاجة، كأن الزمن وقف لحظة، وأنا بس شايفك. كنتِ وقتها في عزّ براءتك، لسه متخرجة من الثانوية، وجاية تحتفلي مع عيلتك. وانا... كنت مجرد جار ليكم، شاب خلص جامعة وبيفكر يبدأ حياته من جديد، بس حياتي كلها وقفت لما شوفتك. فاكرة لما قعدنا ناكل كلنا؟ حسام كان بيهزر، ووالدتك كانت بتضحك، وانتي كنتي بتحطي الأكل في طبقك بخجل كأنك خايفة تغلطي. كل حركة منك كانت بتخطفني أكتر... كنت حاسس إني في مكان غلط، بس نفسي أفضل هناك طول العمر. فاكرة لما وقعت منك العصا اللي كنتي بتلعبى بيها في الرمل، وجيت أرجعها ليكي؟ إيدك لمست إيدي لحظة صغيرة... بس اللحظة دي فضلت محفورة جواي. مكنتش وقتها عارف إن اليوم ده هيبقى أول فصل في حكايتنا، ولا كنت عارف إن النظرة البريئة دي هتفضل تطاردني كل ليلة. من يومها، بقيت كل مرة أشم فيها ريحة البحر أفتكرك... وأفتكر اليوم اللي قلبي اختارك فيه من غير ما حتى تنطقي كلمة. فلاش باك – كان يوم مش عادي خالص، والجو كله فرحة وضحك في البيت. الأب دخل وهو مبتسم وبيقول بصوت فيه حماس: الأب: "يا جامعة لسه بدري على التنسيق، والا في علم الله يتمه... الأهم بقى إن الشركة مطلعانا مصيف في إسكندرية، وكلنا هنروح!" اتجمدت حنين لحظة من المفاجأة، وبعدين صرخت بفرحة طفلة: حنين: "بجد يا بابا؟ هنروح إسكندرية؟! بجد؟!" الأب وهو بيضحك: "أيوه بجد يا ست البنات، جهزي شنطتك، وبلغي مامتك عشان نخلص بدري، العربية هتجي كمان شوية." كانت السعادة مش سايعاها، بتتنطط من مكان لمكان، تجري على أوضتها تلم لبسها المفضل، تاخد الكاميرا الصغيرة بتاعتها وتقول: حنين: "مش هفوت لحظة واحدة من الرحلة دي!" الأم بصت لها بابتسامة هادية وهي بتحط حاجات المطبخ في شنطة صغيرة: وفاء: "خلي بالك يا بنتي من نفسك هناك، البحر مش هزار." حنين: "حاضر يا ماما، بس متقلقيش، أنا هتصور مع النوارس والبحر والسماء كلها!" بعد شوية، وصلت العربية عند باب البيت، والسواق نزل يساعدهم في الشنط. الجو كان مليان نسمة هوا جميلة، وصوت ضحكهم في الشارع كان دافي. ركبوا العربية واتجهوا على الطريق السريع، حنين قاعدة في الكرسي اللي جنب الشباك، النسمة بتلعب في شعرها، وعينيها بتلمع كأنها شايفة الدنيا لأول مرة. الأب وهو سايق بيقول بحماس: الأب: "المرة دي مش هنروح أي شقة ولا شاليه، المرة دي الرحلة مختلفة." حنين: "يعني إيه مختلفة؟!" الأب: "يعني... المفاجأة لسه جاية!" ضحكت الأم وقالت: وفاء: "أكيد عامل فينا مقلب تاني يا حسن!" الأب: "لا والله، المرة دي مفاجأة حلوة بجد." لحد ما وصلوا مكان على النيل، كانت الشمس بتغيب والجو بقى كله لون دهبي جميل، وفجأة حنين شافت مركب ضخم واقف على المرسى، والعَلم بيتمايل عليه. حنين وهي مذهولة: "ياااه ماما شوفي! المركب دي هنطلع عليه ؟!" الأب بابتسامة فخورة: "أيوه يا حبيبتي، دي الرحلة بتاعتنا، رحلة بحرية كاملة من النيل لحد البحر." صرخت حنين من الفرحة، جريت على المركب وفضلت تبص حواليها كأنها داخل فيلم، الموج بيخبط في جسم المركب، وصوت النوارس بيعلو، والهواء بيلعب في شعرها وهي واقفة على السور، ابتسمت الأم وقالت بهدوء: وفاء: "هي دي السعادة الحقيقية يا حسن، لما تشوف ولادك مبسوطين." الأب: "أهو ده اللي كنت عايزه بالظبط... نخرج من جو الشغل والضغط، ونفتكر نفسنا شوية." وفي اللحظة دي، صوت رجل من بعيد ناداهم بابتسامة: "أهلاً وسهلاً... المركب جاهز، والرحلة هتبدأ بعد نص ساعة!" كان هو حازم، الشاب الرياضي اللي شغال في النادي الرياضي التابع للشركة، بيساعد في تنظيم الرحلات، وكان وقتها واقف على المرسى بلبسه الصيفي ونظارته الشمس. نظره وقع على حنين بالصدفة، هي ماخدتش بالها منه... لكن هو وقف لحظة، اتسمر مكانه، وشافها وهي بتضحك وتلف حوالي نفسها من الفرحة، ومن اللحظة دي بدأ الحلم اللى لسه هيحكيه بعدين في دفتره... الشمس كانت بتغني أغنية الصيف، والموج بيضحك ريحة البحر دخلت في القلب قبل ما تدخل الرئة، والدنيا كانت كلها خفّة وفرحة. حنين لابسة فستان بسيط بلون السما، شعرها ملموم، ووشها منوّر ببراءة الطفلة اللي كبرت ولسه جواها روح اللعب. وفاء كانت قاعدة على الكرسي الخشبي جنب الشطّ، بتجهز الغداء في العلب البلاستيك. أما عمها حسام فكان بيتكلم ، صوته فيه نبرة فرحة: "رحلة جميلة يا حازم، وفكرة إن الرحلة تكون على المركب فظيعة ، العيلة كلها هنا، فرحانة " حنين وهي بتمد رجليها على سطح المركب "وسعيد كان المركب بدأ يتحرك بهدوء، وصوت المياه بيتلاطم حوالين الجوانب، والجو كله نسمة بحر منعشة. حسام كان واقف على سطح المركب ماسك الموبايل، بيتكلم وهو مبتسم ومبسوط كأنه طفل صغير طالع في مغامرة. رن الموبايل... بصّ على الشاشة وشاف اسم سامح، صاحبه من النادي. ضغط على زر الرد وقال بصوت مرح: حسام: "أهلاً يا سامح، فينك يا راجل؟!" سامح: "أنا اللى أسألك! فين يا ابني؟ الصوت وراك كأنه بحر!" ضحك حسام وقال: حسام: "هههه بالظبط كده، إحنا طالعين رحلة على مركب تجنن، من النيل لحد إسكندرية!" صوت الموج كان باين في الخلفية، وحنين كانت بتضحك في مكان قريب، وصوتها واصل للمكالمة. ابتسم سامح من الطرف التاني وقال بدهشة: سامح: "بجد؟! إنت ومين يا راجل؟!" حسام: "أنا والأسرة كلها، الرحلة دي تبع الشركة اللي أخويا بيشتغل فيها... هو اللي عازمنا." سكت سامح لحظة، وبعدين ضحك وقال بحماس: سامح: "ياااه يعني كده سايبني في الحر هنا وانتوا في المية والبحر والنسمة دي كلها؟!" حسام: "تعالى يا عم، لسه بدري، المركب لسه على أول الرحلة، لو لحقت القطر الجاي ممكن توصلكم في إسكندرية." هز سامح راسه وقال وهو بيبتسم: سامح: "تمام... أشوف دنيتي وألحقكم هناك، يمكن أغير جو شوية." حسام: "اتفقنا يا نجم، وأنا هكلمك أول ما نوصل، دي رحلة شكلها مش هتتنسي!" قفل حسام الموبايل وهو مبتسم، بصّ حواليه على المركب وشاف أخته حنين قاعدة على الكرسي جنب السور، وشعرها بيتطاير مع الهوا وهي بتضحك مع والدها،وسألته مين يا عموا ابتسم حسام بابتسامة خفيفة: "صاحبي يا ستي، كنا زُملاء في كلية تجارة ولما عرف إن قبلت فى الشرطة قدم هو كمان وبيسألنا أنا فين ، قلتله ييجي يرتاح معانا شوية."قبل ما نبدأ في الكليه وفاء بصوتها الحنون: "أهلا ينورنا يا ابني، البحر من غير أصحابك فاضي." حازم أول ما عرفت انه جي زعلت جدا وحسيت الدنيا اسودت جوى وخصوصا فرحتك لما عرفت إنه جاي عشان كنت نفسي أقرب منك وقتها تتبع الجو كان مشمس والبحر بيبرق تحت ضوء النهار، النسيم بيعدي خفيف على سطح المركب، بيحرك خصل شعر حنين اللي كانت بتطيرها الريح وهي غايبة في عالمها. خرج حازم من الكبينة، طويل، شكله مهندم، يرتدي تيشيرت أبيض ونظارة شمس، وصوته فيه وقار. ضحك وهو يسلم: "نورت الرحلة، وأتمنى تكونوا مبسوطين فيها." ضحك حسام وهو يحضنه، ملامحه فيها بهجة حقيقية كإنه شاف حد عزيز: "جميلة جداً، تعالى أعرفك بالعيلة." لف حازم ناحيتهم، ووجهه تبدل أول ما رأى حنين. كانت جالسة وماسكة كتابًا تقرأ فيه، شعرها بيقع على خدها بخفة، وهدوءها لفت نظره أكتر من أي حاجة تانية. رفع حسام صوته بابتسامة فخورة: "دي بنت أخويا، حنين... نجحت السنة دي وجايين نحتفل بيها." حنين وقفت بسرعة، ووجهها احمرّ خجلاً، ومدت يدها بتردد: "أهلاً بحضرتك..." ابتسم حازم وهو يمد يده برفق، نظراته فيها دفء غريب وصادق: "ألف مبروك يا حنين... النجاح يستاهل بحر وجمبري كمان." ضحكت بخفة، وصوتها كان بيرن زي موجة خفيفة: "شكراً... دي أول مرة أجي مصيف من غير مذاكرة." وفاء وهي تضحك: "هو فعلاً النجاح له طعم تاني لما تشوفي الموج." جلسوا سوياً، الجو كان خفيفاً ومليئاً بالطاقة الجديدة. ضحكاتهم كانت بتتعالى مع صوت البحر، والموج بيغني أغنية فرح صيفية. حازم كان يحاول إخفاء نظرات إعجابه البريئة، لا بعين رجل، ولكن بعين رجل رأى في البنت نقاءً مش متعود عليه. وحنين كانت كلما سمعت صوته، تحس بدقة زائدة في قلبها من غير ما تفهم لماذا. حتى وصلوا الإسكندرية ورست المركبة على شاطئ، وبدأوا ينزلون بعد العصر. رائحة البحر كانت مالية الجو، والرمل بيغوص تحت أقدامهم بخفة. ولحق بهم حازم، حسام كان يمزح معهم ويرش الماء، وحنين تجري وتهرب وتضحك. وفجأة كادت أن تقع من على موجة عالية، لكن حازم مد يده بسرعة وسندها. لمسة خفيفة، لكن فيها كهرباء ساكنة جعلت الوقت يقف لحظة. نظرت إليه بخجل وهي تهمس: "شكراً..." رد بابتسامة هادئة وعينه فيها دفء وحرص: "خلي بالك، البحر مش دائماً أمان." نادت وفاء من بعيد بصوت عالي مليان حنية: "تعالوا يا أولاد، الأكل جاهز!" ضحك حسام وهو ينظر لحازم: "أهو يا سيدي، العيلة كلها مستنيينك على الغدا، تعالى وريهم إنت بتاكل قد إيه." ضحك حازم، لكن في قلبه شيء تغير. لم يكن يعرف أن يصفه، لكن كان حاسسًا أن الرحلة دي مش عادية... يمكن بداية لحكاية، بدأت من لحظة بريئة... على رمل البحر. جاء معهم شاب وسيم — صديق حسام — اسمه سامح. وبصراحة بقيت بغير منه، رغم إني عارف إنه مجرد صديق عمك. بس كنت خايف تكوني بتحبيه 😥 كنت كل مرة أشوفك بتتكلمي معاه، نفسي أكون مكانه. كنت أحس بشيء غريب، وجعي كأنه سكينة في قلبي. ومن اللحظة دي، عرفت إني بحبك بجنون... بعشقك يا حنين. ولما عرفت إنه قريب والدتك كمان، مش بس صديق عمك، وفي يوم عرفت إنهم عاوزين ينقلوا من الصعيد لكلية الشرطة بالقاهرة، حاولوا كتير بس النقل رُفض، لأنه محتاج واسطة. قلت: فرصة! 😏 أنقل حسام... وأسيب سامح هناك. كده أكسب ودّ حسام، وأزيح سامح بعيد عنك. هههه مش شرير أنا... بس حظي وحش، الأستاذ اتنقل معاه. حنين (تضحك وهي تقلب الصفحة): "ههههه يعني ما عرفتش." حازم (يرد في المذكرات): "للأسف، لا. بس أقولك إزاي ساعدته؟ في النادي سألت على حد مهم في كلية الشرطة من الأعضاء، وطلبت منه المساعدة، ووافق من غير تردد. وقتها عرفت قيمة النجاح، وأديته الكارت، وفعلاً بعد فترة شوفت والدك لابس الزي الرسمي في القاهرة، وإنتِ كنتِ واقفة بتبصي عليهم بفرحة." كنتِ بتصفّري وبتقولي: "أوووه! أيوه يا عم، تجننوا بلبس الشرطة!" حازم (يكمل): "سامح قرب منك وقال لك: بجد يا حنونة؟ وإنتي ضحكتي، ولبستِ الكاب بتاعه. كنتِ جميلة جدًا... هو وحسام بيضحكوا وبيجروا وراكي. يااه يا حنين... إحساس الغيرة صعب!" بدأت أحسدهم، أتمنى أكون مكانهم. ولما رفعتِ يدك وقدمتي التحية وقلتي: "تمام يا فندم!" ضحكتي وضحكوا، بس فجأة عينك جت في عيني... وسكتي. ساعتها حسيت إنك حسّيتي بي. يمكن خفتي على زعلي، بس كنت مبسوط إنك وقفتي هزارك مع سامح، وكمّلتِ مع عمك. كنتِ جميلة قوي يا حنين، وضميتي عمك وودعتيه. تمنيت أكون مكانه، علشان أعيش اللحظة دي وآخذ حضنك الدافئ. بس كنتِ زي زهرة وسط صبار كتير... البيت كان مليان شباب: أولاد عمي، والدكتور عماد وأولاده. قلبي كان بيتألم لأني مش قادر أكون معاكي حتى بالصدفة. لكن لما دخلتِ الجامعة... حظي أخيرًا ابتسم. لأن الجامعة كانت جنب النادي. كنت بشوفك وقت الدخول ووقت الخروج كل يوم... كنتِ أميرة خارجة من قصرها، والحاشية قدامها في كل مكان جلسَت حنين على طرف السرير، ضوء خافت بينعكس على وشها، وهي بتقلب في صفحات الدفتر اللي بقى جزء من روحها. كانت عيونها بتمشي على السطور كأنها بترجع تشوف شريط حياتها من جديد، كل كلمة فيه كانت وجع وحنين، وكل جملة كانت بتفتح باب لذكرى. بدأت تقرأ بصوت هادي، ونبرتها فيها رعشة خفيفة... > "أنتِ عارفة، اكتشفت في يوم وأنا بصلي مع وليد وعمي محمد أنه يبقى صديق بابا. لأني تقربت منهم علشان يتعرفوا عليا قبل أن أخطو الخطوة اللي كنت منتظرها، وتحدثنا كثيراً، كان يعرف كل حاجة عن بابا، الله يرحمهم جميعاً." رفعت حنين راسها لحظة، وابتسمت ابتسامة حزينة كأنها بتحاول تهدي قلبها: "آمين يا رب العالمين." رجعت تكمل وهي بتقلب الصفحة بإيدها المرتعشة... > "المهم، جه معهم شاب وسيم (سامح، صديق حسام)، وبقيت بغير منه، رغم إني عارفة إنه مجرد صديق عمك، لكن كنت خايف تكوني بتحبيه 😥😥 وحتى دلوقتي، صدقيني، كنت كل ما بشوفك بتتكلمي معاه وتحكي وتتكلموا، أتمنى أكون مكانه..." كانت كل كلمة بتوجعها، ومع كلمه “سكين في قلبي” دمعت عينيها من غير ما تحس. الصوت جوه سطور الدفتر كان صوت حازم، صوته اللي حافظاه بنغمة حنين. > "ومن هذه اللحظات علمت أني أحبك بجنون، بل أعشقك يا (حنين)!" ابتسمت بخجل رغم الدموع، وهي تهمس كأنها بترد على شبح صوته: "هههههه يعني مش عرفت؟" الصفحة اللي بعدها كانت بداية اعتراف كبير، سطورها مليانة تفاصيل بتلمس القلب: > "آه، للأسف. المهم، أقولك إزاي ساعدته؟ في النادي سألت على حد يكون مهم في كلية الشرطة ويكون من أعضاء النادي، وطلبت منه وفعلاً وافق بدون تردد..." حنين كانت بتعيش كل لحظة وهو بيحكيها. تشوفه في خيالها وهو بيتكلم، وتسمع ضحكته وقت ما بيقول: > "كنتِ بتصفّري وبتقولي: أووووه أيوه يا عم، تجننوا بلبس الشرطة!" ضحكت بخفة، وكأنها فعلاً رجعت لطفلة وقتها. > "كنتِ جميلة جداً، هو وحسام بيضحكوا وبيجروا وراكي. ياااه يا حنين، إحساس الغيرة صعب!..." كل كلمة بعد كده كانت بتوجع أكتر. السطور اللي حكى فيها عن الحادث، عن الغيبوبة، عن الغياب، عن الوجع، كانت زي طعنات ناعمة في قلبها. > "وقعت على الرصيف... لم أشعر بحالي إلا وأنا ملقى على الأرض، وأنتِ كمان نظرتي عليا... عينك كانت مليئة بالحزن الشديد... ابتسمت لكِ ثم أغمضت عيني علشان تكوني آخر واحدة في خيالي..." هنا دمعت حنين بجد. قلبها اتوجع، ونفَسها اتقطع وهي تتخيل اللحظة دي، والوجع اللي عاشه من غيرها. > "لكن أهلك كانوا أعظم أسرة، كانوا على طول يزوروني ويطمنوا عليا، كانت آخر سنة ليكي... تم تخريج حسام وسامح وكانت أول قضيه ليهم قضيتى..." رفعت إيدها تمسح دموعها، وابتسمت ابتسامة باهتة: "عارفه يا حازم..." رجعت تكمل السطور الأخيرة، اللي كانت وجعها الأصدق: > "أصعب شيء أن الإنسان يشعر بالعجز من كل شيء، كأن جسده مثل الأرض الجافة لا تفيد ولا تضر بدون حركة أو حياة، والعجز مش في الحركة بس، ولكن في عدم الحرية إنك تختار الحياة اللي انت عايز تعيشها حتى لو الحياة اللي انت فيها جنة." سكتت حنين لحظة طويلة، بعدين همست بصوت متكسر: "فعلاً..." غمضت عيونها، والذكريات بدأت تجرها لفلاش باك بعيد، صوت أمها بيرن في ودانها: > "مش عايزة أتجوز يا ماما." وفاء (بتحاول تهديها): "ليه يا بنتي؟ أبوكي بيقول شاب ممتاز وابن صاحب العمل صالح؟" حنين (بصوت متوتر): "ماما أنا مش عارفة إزاي أتجوز واحد مش بحبه... وليه السرعة دي؟" وفاء: "مش كنتي موافقة؟ إيه اللي حصل؟ جاية النهاردة تبكي يوم كتب كتابك؟" حنين (بحزن): "أنا ما كنتش موافقة... هما اللي ضغطوا علي." وفاء (بتقرب منها): "مين اللي ضغط عليكِ؟" وساد الصمت... اللقطة انتهت وعيون حنين مليانة دموع، لكن قلبها كان بيحس إنه رجع يسمع صوت حازم من بين السطور... صوته اللي مازال حي جواها، رغم كل الغياب. --- كانت حنين قاعدة في أوضتها، الهدوء مالي المكان، مفيش غير صوت أنفاسها وهي بتقلب صفحات الدفتر القديم اللي كان مخبّي بين ذكرياتها. إيديها بتترعش، وكل ما عينها تقع على سطر، قلبها بيخبط أكتر... وفجأة توقّفت، اتسعت عينيها، والدموع بدأت تلمع، لحد ما نزلت أول نقطة على الصفحة اللي قدامها. تفيق حنين وتقلب الصفحة التالية والدموع ملء عينها... --- حازم (من الرسالة): "لا تبكي، أنا لا أريد أن أرى هذه الدموع، وأسف أنى فكرتك بألم عشتيه، وعارف أنى السبب في كل اللي حصل معاكي، لأنك قررتى تساعديني وقتها انتى وعمك وولدك، ولما اكتشفتوا أن عمى هو اللي كان وراء الحادثة، بدأ يلعب بيكم وبقيتوا انتم الضحية، ولكن حبي ليكى كان أكبر هدف خسرته فى حياتى. عارف إنك بعد ما اتخرجتى روحتى تدربى فى مكتب محامى معروف وفتحتى القضية وطالبتى بالتعويض ليا من النادى، لان الحادثة كانت ما بين الجامعة والنادى، وكدة يكون أثناء التدريب لكن الاداره لم تقتنع ورفضت، قالت مدام خارج النادي إذن ليس لي تعويض لانهم ليس طرف في الحادثة. وبعد شهرين من عزيمتك واصرارك ومتابعتك للقضية وافقوا على التعويض، ههههه بس كان الشرط استلمه من النادى المركزي اللي مشرف علي النادى دا كان في اسكندريه، شوفتي يا حبيبتي الظلم... يعنى واحد مشلول لازم يروح وبعد كدة اكشف هناك ويتأكدوا أنها كانت إصابة أثناء التدريبات أو قبل أو بعد... لا مليش تعويض. وكمان عمك حسام كشف بعد فحص كاميرات المراقبة الخاصة بالجامعة والنادى، عرف أن كانت السيارة قاصدة... يعنى فيه حد بعت واحد يتابعني من وقت خروجي من المنزل لحد وصولي إلى مكان الحادث. لكن للأسف لم يستطيعوا ان يوصلوا إلى السائق أو العربية، وبعد فترة تم غلق القضية. كنت وقتها مش فاهم حاجة، لكن حسيت بحاجة غير... بسبب كل اللي حصل دا غير حياتى، وانتِ كمان مرة واحدة سبتي المكتب ومسار القضية أصبح مجهول..." --- كانت حنين بتقرأ والكلمات بتغوص في قلبها، بتحس بكل حرف وكأنه بينزف من جوه. صوتها خرج مبحوح وهي بتهمس: حنين: "فعلاً إحساسك كان صح... وحصل حاجه." ثم أغلقت الدفتر ببطء، وضمت صدرها بإيديها كأنها بتحاول تحتوي الوجع اللي جوّاها، وعنيها معلقة في الفراغ، ما بين ماضي موجع... وحب لسه ساكنها رغم كل اللي اتكسر. تتبع كان بيكتب حازم، وواضح من سرده للأحداث إن الغضب ماليه من جوّه، الخط على الورق مهزوز، وكأن كل كلمة بتطلع من وجعه مش من قلمه. اتسند على المكتب، وبدأ يكتب بسرعة كأنه خايف ينسى التفاصيل: "انتي عارفة يا حنين، أنا كمان مريت بأيام ما يعلم بيها إلا ربنا. أولها مرض أبويا، لما عرف إنه عنده سرطان في الدم. بس كان راجل مؤمن، ما يئسش من رحمة ربنا، وطلب من أمي يقضي آخر أيامه في الشقة القديمة. أمي كانت متعودة على العيشة المرتاحة والرفاهية، بس رجعت معاه على مضض وضيق. أبويا كان حاسس بكده." سكت شوية، أخد نفس عميق، صوته في خياله اتكسر وهو بيكمل كتابة: "(بيتنهد بقلب موجوع) أنا روحت معاهم كام يوم، بس جه لي ماتش مهم أوي بره مصر، كان في النمسا... وما شوفتش أبويا بعدها. وما عرفتش إيه اللي حصل إلا لما رجعت. بدأت الخيوط تبان لي." رفع عينه من على الورق للحظة، كأن الذكريات خنقاه، وبعدين رجع يكمل بحروف مضغوطة: "أنا قعدت في النمسا حوالي 5 شهور، وفي الشهور دي أبويا مات... وأمي اتجوزت عمي علشان ما تخسرش العيشة الحلوة والمنظرة. وعمي رشح نفسه في الانتخابات ونجح، وكل حاجة بتاعة جدي وأبويا عمي أخدها بدعم من أمي وعلاقاتها. أكيد تعرفي عمي صالح السيد، عنده 3 ولاد: ياسر، وآسر، وأمير، كلهم أكبر مني. اتجوزها بعد مرات عمي ما ماتت، كانت ماتت قبل أبويا بسنة." وقف لحظة، اتنهد، وضحك ضحكة مرّة وهو بيكتب السطور اللي بعدها: "وأنا عارف إن عمي كان نفسه يتجوز أمي من زمان، مش دلوقتي بس. جدي كان غاصب عمي يتجوز علشان كان طايش ومستهتر. وبرضه، اداله أرض بنى عليها عمارات، ومن ضمنهم العمارة اللي انتي ساكنة فيها. المهم، عمي كان بيكره أبويا علشان أبويا مش أخوه شقيق... من الأب بس. وده حكاية تانية، وممكن تكون الحكاية اللي كانت السبب في كل اللي حصل معايا." رفع القلم لحظة، وبص على السطر الأخير وهو بيبتسم بخفة، كأنه بيكلم نفسه: "تحبي أحكيهالك؟" وبعدين كمل، ضاحك بمرارة وهو بيحرك القلم: "ويبتسم ويرسم ضحكة على الدفتر... هو أنا بفضفض أصلًا ومش عارف إمتى أتجرأ وأبعتلك الدفتر ده. وعشان كده شايفيني جايبلك حتة من الشرق وحتة من الغرب، كل ما أفتكر حاجة بكتبها. اعتبريها مذكرات قصة من القصص اللي بتقريها." كان حازم لسه ماسك القلم، صوته الداخلي مليان حنين وغضب ووجع وهو بيكتب كأن كل حرف بيحفر جوه قلبه: "جدى اتجوز على زوجته، واحكيلك شوية عن جدتى اللي هى الزوجة التانية. جدتي كانت ست بسيطة، من نفس الحتة، من الناس الطيبين اللي بيعيشوا على قدهم، بس قلبها أبيض. جدي اتعرف على جدتي في الشغل، كانت شغالة في المصنع، وجدي كان لسه شاب، والمصنع كان في أوله بعد ما اتخرج من الجامعة. قرر يفتح مصنع تفصيل هدوم، كان وارث قرشين من أبوه وأمه. كانت أم عمي صالح بنت ناس كبار، جدي حبها وهي كمان اتجوزها. لكن هى مكنتش شبهه، كانت ست من المجتمع الراقي، بتحب الشوبينج والسهر، وما كانتش بتهتم بيه، ولا عمرها حست بتعبه ولا شافت شقاه." (ابتسم حازم وهو بيكمل كأنه شايف المشهد قدامه) "وهو بقى يلهي نفسه في الشغل، لحد ما في يوم وهو في المصنع، لقى القماش اللي مش مظبوط، وكان باين إن في غلط في الخامة. طلب من واحد من الصنايعية يجيب حد من المصنع يفهم الفرق ويقارن بين النوع الوحش والنوع الكويس. وفجأة... ظهرت جدتي فاطمة. كانت لابسة طرحة بسيطة، وإيديها فيها أثر الشغل، بس وشها منور بالبركة. كأنها كانت النسمة اللي دخلت قلبه من أول نظرة. وقتها حس كأن الدنيا وقفت لحظة، واتغير كل حاجة في حياته من بعدها." (في اللحظة دي، حنين كانت غارقة في القراءة، عايشة كل حرف بيكتبه حازم كأنه بيتقال قدامها، صوت دق خفيف على الباب قطع شرودها المفاجئ. ارتبكت، بصت حوالينها بسرعة، وضمّت الدفتر على صدرها كأنها خايفة حد ياخده منها.) (كانت حنين قاعدة في هدوء، عيونها لسه متأثرة بكلام حازم في المذكرات، لحد ما سمعت صوت دق على الباب، فقامت بخطوات مترددة وهي بتتمسح من دموعها.) قامت بهدوء، خطواتها كانت بطيئة، قلبها بيدق من التوتر، وبصوت واطي قالت: "يا ترى مين؟" مدت إيدها على المقبض وهي لسه في عالم تاني، بين الماضي اللي بيكتبه حازم... والواقع اللي على وشك يخبط على بابها. حنين: (بصت من العين السحرية وابتسمت أول ما شافت مين) "هالة حبيبتي! إيه أخبارك؟ وحشتيني أوي!" هالة: (حضنتها بحب ودفء) "أنتي أكتر والله. إيه أخبارك إنتي؟ وإيه ريحة الأكل اللي تجنن دي؟" حنين: (ضحكت وهي ماسكة بطنها من كتر الضحك) "هههه! جاية على طمع بقى؟" هالة: (غمزت بعفوية) "حاجة كده يعني." حنين: (مشيت قدامها وبتلوّح بإيديها للمطبخ) "ماشي، تعالي معايا على المطبخ." هالة: (رفعت حاجبها بخفة دم) "لا يا بت، أنا هدخل على البلكونة، وحشتني القعدة فيها. فاكرة أول مرة زورتك فيها بعد ما نقلتي؟" حنين: (ابتسمت بنغمة حنين) "ياااه! حد يقدر ينسى؟ كانت أيام زي الفل." هالة: (ضحكت وهي فاكرة الموقف) "ولما كانت بسنت هتموت على الكابتن حازم، وما صدقتش نفسها لما شافته." حنين: (ضحكت وهي تفتكر المنظر) "آه! كانت هترمي نفسها من البلكونة علشان بس يمضي لها على صورة." هالة: (بحركة تمثيلية) "آه، ولزقت فيكي بس علشان تشوف حازم من البلكونة." حنين: (بتضحك وتخبطها بخفة على دراعها) "وانتي كنتي بتغيري منها أوي، كل ما تيجي عندي تلاقيها لازقة." هالة: (عملت نفسها زعلانة وبصت بعيد) "طبعًا أغير! مش كل يوم عندك! أنا يادوب يومين بس في الشهر كنت باجي فيهم." حنين: (نظرت لها بعينين كلها حب) "بس انتي عارفة إنك أغلى صاحبة وأخت ليا." هالة: (ابتسمت بصدق وهي تلمع عينيها) "أكيد. أخبارها إيه؟" حنين: (تنهدت بوجع بسيط) "بعد ما اتجوزت قطعت علاقتها بيا، وهي أصلا كانت علاقة على الوش." هالة: (باستغراب وهي بترفع حاجبها) "إزاي يا بنتي؟ أنا سمعت إنها اتجوزت أخو آسر." حنين: (ميلت راسها بتفكير) "مين فيهم؟" هالة: (بتفتكر بسرعة) "أظن أمير." حنين: (رفعت كتفها ببرود) "الله أعلم..." (في نفس الوقت، عند الشاب الوسيم، قاعد في أوضته، نور الشمس بيقع على وشه، ماسك الموبايل وبيتكلم بنغمة هادية.) حازم: (بصوت دافئ) "ألو." وليد: (بحماس واشتياق) "يا حبيبي! أخبارك إيه؟" حازم: (ابتسم وهو بيبص على صورتها اللي في قدامه) "لما بشوف ابتسامتها بحس إن الدنيا ملكي." وليد: (ضحك بخفة) "يا عم الحاج! ماشي يا باشا." حازم: (بابتسامة حزينة) "آه، أنا بكون باشا بس وأنا بفكر فيها. آه، صحيح، متشكر أوي يا وليد إنك وافقت إن هالة تبات عند حنين النهارده." وليد: (بجدية رايقة) "يا عم عبيط أنت؟ هالة وحنين دول أكتر من الأخوات، ولازم تكون معاها في الوقت ده، وخصوصًا بعد ما خسرت قضية حضانة ابنها." حازم: (قبض على العكاز بيده بقوة وعينه لمعت بالغضب) "عارف. وأنا برضه مش هسيب صالح إلا لما يتحاسب على كل اللي عمله. مش كفاية أخد أمي وكان السبب في موت أهل حنين وآسر." وليد: (بتنهيدة طويلة) "أنا مش معاك في ده. كفاية ترجع الواد ليها، وتعترف لها بحبك وتاخدها معاك." حازم: (بص على البلكونة بنظرة بعيدة) "لما نشوف الأيام الجاية مخبية لنا إيه." وليد: (بهدوء) "ماشي يا عم، سلام." (قفل التليفون، ومد إيده للعكاز، قام ببطء، وخرج على البلكونة. الهوا خبط في وشه وهو بيشوف من بعيد شقتها، مسك المنظار ووجهه ناحيتها، عيونه وقعت على حنين وهي بتضحك مع هالة. ابتسم وهو بيكلم نفسه بالهمس.) حازم: (بصوت مبحوح) "يا حبيبتي يا معشوقتي. عارف إنك عرفتيني، بس لازم تعرفي كل حاجة من الأول، وليه ما قدرتش أبوح بحبي ليكي قبل كده. حازم، دي حبيبتي حنين، دي الروح والقلب. لما بتكون مع هالة بتنسى نفسها وبتعيش الماضي وبتضحك." (في البلكونة التانية، هالة كانت مستمتعة بالجو وريحة النسيم، وبصت للبحر في البعيد بنظرة حالمة.) هالة: (بابتسامة شوق) "وحشتني البلكونة دي أوي، ليها طعم خاص غير أي مكان تاني." حنين: (بضحكة خفيفة وهي بتحط الشاي) "هههه! أكيد، علشان هنا كنتي بتشوفي وليد، صح؟" هالة: (اتكسفت وعضت شفايفها بخجل) "وقتها كنت خايفة أبويا ما يرضاش أجي عندكم." (وكأن العدوى جات للجميع، وسرحت هالة فجأة في ذكرياتها القديمة...) فلاش باك: هالة: (بصوت طفولي وهي ماسكة طرف فستانها) "بابا، بكرة الخميس، عايزة أروح عند حنين، وحشتني." ممدوح عباس: (ابتسم وهو بيقلب الجورنال) "يا حبيبتي، ما فاتش على نقلهم إلا أسبوعين، وأنا وعدتك هنروح كل شهر." هالة: (بلهفة) "أنت عارف يا بابا إني بعتبر حنين أختي مش جارة ولا صاحبة." ممدوح: (ضحك وهو بيهز راسه) "طيب يا هالة، أنا هتصل بعمك محمد." (دخل أوضة النوم، قعد على الكرسي جنب التليفون وبدأ يتصل.) ممدوح: (بصوت ودي) "ألو." محمد الدسوقي: (بحماس ودفء) "يا صاحبي وأخويا، واحشني." ممدوح: (ضحك بصدق) "وانت أكتر. هنصلي الجمعة مع بعض في السيدة زينب؟" محمد: (بصوت مطمئن) "أكيد، كل جمعة إن شاء الله لحد ما ربنا ياخد أمانته." ممدوح: (بلهفة وقلق خفيف) "بعد الشر عليك من كل سوء. كنت عايز أقولك على حاجة." محمد: (بصوت حنون) "هالة تنور في أي وقت، السواق هيكون عندها من الصبح." ممدوح: (ضحك بخجل وهو بيحك دماغه) "عرفت إزاي؟" محمد: (ابتسم بثقة) "أنا وعدت حنين يوم ما نقلتوا مش هتقطع علاقتها مع حد من الحتة، وخصوصًا هالة دي، دي توأمها." ممدوح: (ابتسم بدفء) "ربنا يديم المحبة دايمًا." باك (الليل كان ساكن، والقمر نوره خفيف بيعدي من بين ستارة الشباك. البيت كله غرقان في هدوء مريب، إلا حنين اللي كانت قاعدة على الكنبة، عينيها فيها لمعة حنين ووجع.) حنين: (بصت للسقف بتنهيدة حارة وقالت بصوت واطي) "الله يرحمك يا بابا ويغفر لك، طول عمره بيحب يوفي بوعده." (هالة اللي كانت قاعدة قصادها على الأرض، رفعت راسها وابتسمت بخفة حزن.) هالة: (بهدوء دافي) "فعلا، قليل أوي اللي الصداقة بتستمر سنين من غير انقطاع ولا مشاغل في الحياة." (ضحكوا شوية، ورجعوا يفتكروا أيامهم القديمة، فضلوا يرغوا كتير... لحد ما هالة بدأت تتكلم بكلام متقطع من كتر النعاس، وبعدين نامت وهي مسنودة على المخدة الصغيرة على الكنبة.) (حنين بصتلها بحنان، وعدلت الغطا عليها، بس هي ما قدرتش تنام. كانت الأفكار بتلف في دماغها زي دوامة... القضية الجديدة، ابنها اللي بكرة هيكمل أربع سنين، سنة ونص بعيد عن حضنها... الوجع كان بيعض قلبها كل يوم شوية.) (قامت بهدوء، مشت على أطراف صوابعها علشان ما تصحيش هالة، وخرجت من الأوضة. راحت على أوضة أمها وأبوها، النور الخافت خلاها تحس إنهم لسه هناك. وقفت قدام صورتهم المعلقة، ومدت إيديها وهي بتقرأ الفاتحة والدموع بتلمع على خدها.) (بعدها فتحت الشباك، الهوا البارد دخل بهدوء، خلى شعرها يتحرك على خدها. قعدت على كرسي أبوها القديم، اللي لسه محتفظ بريحته، وطلعت الدفتر اللي بقى هو المتنفس الوحيد ليها. فتحته عند آخر صفحة كانت وقفت عندها، ومسكت القلم بس ما كتبتش... عينها كانت بتدور على معنى في السطور.) (في الناحية التانية من الشارع، في شقة مقابلة، كان حازم واقف في العتمة. نور الأوضة عندها لمّح وشها من بعيد. حس بيها كأن في خيط بينه وبينها. خرج من أوضته على الصالة وهو ماسك العكاز، قرب من البلكونة بهدوء علشان يشوفها أكتر. شافها وهي بتقرا في الدفتر، وشفايفها بتتحرك بهمس، فغمض عيونه وتخيل صوتها.) (ابتسم بخفة، وبدأ يتخيل إنه بيتكلم معاها... في خياله كانت قاعدة قصاده، نفس النظرة، نفس الهدوء اللي كان بيخطفه.) حازم: (في خياله، وهو بيهمس لنفسه) "مساء الورد وصباح الفل على أحلى عيون في الكون. هههه، أنا كمان مش عارف أنام ومستني أكمل معاكي قصة حب جدي وجدتي، وإزاي اختار البنت الغلبانة على الست الغنية." (حنين ابتسمت وهي بتقلب الصفحة، كأنها فعلاً سمعته. نظرتها راحت في الفراغ، بس عينيها كانت بتحكي شوق دفين.) حنين: (بابتسامة شقاوة خفيفة) "صباح الفل. اتفضل احكي يا اللي طيرت النوم من عيني." (حازم ضحك بخفة، وهو بيهز راسه من إحساسه بيها.) حازم: (بنغمة مليانة وجع خفي) "هههه، شوية من نفسي. كنت كل يوم بتخيل إني بتكلم معاكي حتى لو في الخيال." (حنين غمضت عيونها لحظة، وبعدين فتحتها ببطء، وهي بتقول الجملة بصوت واهن بس فيه صدق عميق.) حنين: "أنا كنت نسيت الخيال وبدأت أعيش الواقع. ليه رجعتني تاني؟" (حازم حط إيده على صدره، كأنه بيكلمها بصدق مطلق.) حازم: "اعتبريني يا ستي حكاية بتقريها زي زمان." (حنين ضحكت وهي تمسح دمعة نزلت على خدها، وقالت بخفة، بس قلبها كان بيرتعش.) حنين: "احكي يا كابتن حازم." تتبع مذاكرت عاشق قلبت حنين الصفحة التاسعة الكاتبة صفاء حسنى وهي بتقرا، ملامح وجهها كانت فيها شوق وحنين، لكن عينيها وقفت فجأة عند كلمة واحدة مكتوبة بخط راجف، "اعتذر". رفعت راسها وبصت في الفراغ، ثم كملت بصوت خافت فيه وجع: "بعتذر يا حنين وانا بكتب ليك كانت عندي معلومة خاطئة إن جدي تزوج زوجة تاني، لكن اللي فهمته بعد كده إنه اتجوزها بعد موت والدة عمي صالح... هبدأ معاك الموقف اللي عرف فيه جدي بجدتي فاطمة." وأنا دلوقتي بتأمل صورتك اقدمى وبسمع اغنيه هانى شاكر البوم صور أنا عمري في لحظة يمر و الذكريات ألبوم صور في الصورة دي ضحك القمر لما تقابلنا في السفر يا حبيبي شفتك حزين و في كل عين ليه دمعتين ع الصورة دي مرت سنين و يا ريتني أغير في الصور أنا عمري في لحظة يمر و الذكريات ألبوم صور في الصورة دي ضحك القمر لما تقابلنا في السفر يا حبيبي شفتك حزين و في كل عين ليه دمعتين ع الصورة دي مرت سنين و يا ريتني أغير في الصور ليه بالصور أنا برسمك و يكلموني و أكلمك أنا نفسي مرة أفهمك الحب مش ألبوم صور روحي معاك بتونسك واحشني نفسي ألمسك و أحضن إيديك و أنا بحرسك و نعيش سوى من غير صور ليه بالصور أنا برسمك و يكلموني و أكلمك أنا نفسي مرة أفهمك الحب مش ألبوم صور روحي معاك بتونسك واحشني نفسي ألمسك و أحضن إيديك و أنا بحرسك و نعيش سوى من غير صور كان نفسي أحلم معاك لما أعيش وياك هناك و انده عليك و أحضن هواك من غير ما دور ع الصور ياما قلت أنا مش سعيد و ما فيش أمل و لا يوم جديد و أنا حاعمل إيه و إنت بعيد و العمر بيضيع في الصور كان نفسي أحلم معاك لما أعيش وياك هناك و انده عليك و أحضن هواك من غير ما دور ع الصور ياما قلت أنا مش سعيد و ما فيش أمل و لا يوم جديد و أنا حاعمل إيه و إنت بعيد و العمر بيضيع في الصور ليه بالصور أنا برسمك و يكلموني و أكلمك أنا نفسي مرة أفهمك الحب مش ألبوم صور روحي معاك بتونسك واحشني نفسي ألمسك و أحضن إيديك و أنا بحرسك و نعيش سوى من غير صور ليه بالصور أنا برسمك و يكلموني و أكلمك أنا نفسي مرة أفهمك الحب مش ألبوم صور روحي معاك بتونسك واحشني نفسي ألمسك و أحضن إيديك و أنا بحرسك و نعيش سوى من غير صور ارتسمت ابتسامة هادئة على وش حازم وهو بيشرح بصوته إللي هى بتحسي إنها سامعه دايمًا فيه حنية وهو بيحكى وقامت شغلت نفس الاغنيه وهى بتقرا "جدي كان بيحكي لي إنه ما شافش الحب والتقدير والاحترام والحنان إلا معاها. المهم، جدتي فاطمة بدأت تقارن بين العينة." رفعت حنين حاجبها باهتمام وهي بتتخيل المشهد، وصوتها الداخلي كان بيقول: "واضح إنها كانت ست مختلفة عن الكل..." وبصوت تحليلي، كأنها واقفة جوه القصة، قرأت: "ده نوع رديء أوي، ولو استخدمناه اسم المنتج هيقل، علشان المصنع معروف إنه بينتج منتجات بخامات عالية. أما ده فبيستخدم للأسواق الشعبية اللي بتتباع بأسعار رخيصة. أما ده فبينفع للماركات وبييدي اسم كويس ومكسب مش سريع بس مع الوقت هيعطيني عائد مادي كويس. بس مع الوقت هنخسر اسمنا واحترامنا للزبون." اتخيل حازم جده وهو بيسمع الكلام ده، ملامحه مليانة إعجاب، فابتسم وهو بيكمل: "كان الجد مبسوط وهو بيسمع كلامها." (وسبحان الله، الجد اختار النوع اللي هي اختارته، مع إنه كان ممكن وقتها الصفقة تخسر ونسبة نجاحها 40٪، بس هو غامر. وبعد فترة صغيرة عرف إنها مثقفة وجميلة ومحترمة، خلاها مديرة إدارية في المصنع، وكان بيعتمد عليها في حاجات كتير.) تبدلت ملامح حنين بالحزن وهي بتقرا الجزء اللي بعده: "أما جدتي أم عمي صالح كانت بتاخد مخدرات وبتسهر وبتتنطط من ديسكو لديسكو لحد ما اتعودت على المخدرات، وكانت مهملة في عمي وجدي. لحد ما في يوم زودت الجرعة وهي راجعة عملت حادث وماتت. كان عمي صالح عنده 8 سنين." تنهد حازم وكأنه عايش القصة بنفسه، وصوته اتغير لما قال: "كان جدي بياخد عمي معاه بعد موت مراته إلى المصنع. فاطمة كانت بتحب الأطفال أوي، بس ربنا ما رزقهاش بالأطفال من جوازها الأولاني وانفصلت. كانت كل ما تشوف عيل تدلعه. شافت صالح كانت بتقعده معاها وتاكله وتذاكر له. كان جدي بيراقب كل ده وحس بحنانها على ابنه، لحد ما صالح عمي اتعلق بيها وجدي برضه اتعلق بيها وهي كمان حبتهم واتجوزها جدي بعد فترة، وكانت المفاجأة إنها خلفت أبويا وكانت بتعامله زي ما هي ما بتتغيرش مع إنها كانت فرحانة إن الأمل في الأمومة بقى حقيقة." عين حنين دمعت وهي بتكمل: "لحد ما في يوم عمي راح عند قرايب أمه وكان عنده 12 سنة، ودخلوا في دماغه إن جدي هو السبب في موت أمه علشان كان مهملها وسايبها وقاعد مع عشيقته، كانوا يقصدون جدتي فاطمة. وكان الهدف من ده لأن جدي خلال سنتين بقى رجل أعمال معروف لأن الاستقرار في الأسرة ومحبة جدتي فاطمة له وتعاونها معاه كانت بتعمل وتهتم بجدي وبابا وعمي." ضغطت حنين بإيديها على الورق وهي بتكمل القراءة، وصوتها بقى فيه غُصة: "أما أهل أمه كانوا طمعانين، كانوا عايزين يكون تحت وصيتهم، وجدي يصرف عليه في الظاهر وعليهم في الباطن، وفي يوم من الأيام يورث كل حاجة. وفعلا بقى عمي يكره بابا ويضربه، ويعامل جدتي على إنها مرات أبوه، حتى أصبح عمره 16 سنة وذهب إليهم، ومن هذا اليوم بقى بيكره بابا لأن بابا كان متفوق وملتزم، كان واخد الطيبة وحب الناس، وكان بيروح مع جدتي كتير إلى حي السيدة زينب وتعلق بيه. لكن السبب الأكبر في كره عمي لأبويا هي أمي." سكتت حنين لحظة، نزلت دمعة على خدها وهي حاضنة الدفتر كأنه آخر ما تبقى لها من حكايات العمر، ونظرت إلى الفراغ انت بتحكى عشان تبرار لي الا عمله عمك معايا ومعاك لكن أنا مش أتنازل اكشفه سامحنى يا حازم وبعد شوية نامت وهي شايلة الدفتر على صدرها. مع أول ضوء للشمس، صحيت الساعة ٦ على صوت هالة العالي وهي بتنده بغضب من أوضة تانية: "إنتي فين يا حنين؟!" رفعت حنين راسها بنعاس وارتباك، وبصت حواليها كأنها رجعت من عالم تاني... قامت حنين ببطء، ملامحها فيها أثر السهر والتفكير اللي ما نامش، حطت الدفتر في درج المكتب بتاع أبوها، وسكّرته كأنها بتحمي سر كبير، وبعدين خرجت ودخلت الحمام، وشها كان هادي والمياه الباردة بتروي وشها المتعب، اتوضت وهي بتحاول تهدي قلبها اللي مش راضي يهدأ. وبصوت عالي من ورا الباب، نادت: > "أنا هنا يا هالة، بتوضى، دقايق والفطار هيكون جاهز." صلت فرضها بخشوع وسكون، الدموع كانت محبوسة جوه عينيها بس ما نزلتش، وبعد ما خلصت صلاة، خرجت على هالة اللي كانت قاعدة في الصالة مستنياها. قالت هالة وهي بتبص لها بعتاب واضح في ملامحها: > "انتي كنتي فين؟ مش هتبطلي اللي بتعمليه ده؟ تسبيني أنام وتروحي تقعدي مع نفسك." ردت حنين وهي بتخفض راسها وبتحاول تهديها بصوت فيه اعتذار حقيقي: > "يا حبيبتي، لا والله، ما جاليش نوم بس." نظرت لها هالة بشك، حاجبها مرفوع وكأنها بتحاول تقرا اللي في دماغها: > "والله؟ أنا حفظتك، ووليد باعتني علشان ما تحسيش بالوحدة، ما يعرفش إنك بتعشقي الوحدة." اتنهدت حنين وهي بتحاول تبرر بهدوء، وصوتها فيه دفء: > "ما اسمهاش وحدة، اسمها بحب الهدوء." ضحكت هالة بتهكم وهي بتقلب عينيها: > "والله؟ يعني أنا دوشة ومصدعاكي؟ طيب أنا ماشية." مدت حنين إيدها بسرعة، عينيها فيها استعطاف وهي بتقول بنبرة ندم: > "استني يا مجنونة، أنا ما قصدتش." ضحكت هالة بخفة وهي بتمسك إيدها: > "عارفة يا حبيبتي، بس أنا لازم أروح لأمي قبل ما أروح المستشفى." قالت حنين بإصرار واضح، وهي بتحاول تكسب ودها: > "طيب نفطر وأجي معاكي." هزت هالة راسها وهي بتبتسم بموافقة بسيطة: > "تمام." (بدأت حنين تحضر الفطار، كل حركة منها فيها حنية واهتمام، بتحاول تطرد التعب اللي جواها، وبعد ما خلصوا فطار...) قالت حنين وهي بتلم الأطباق بخفة: > "استني يا حبيبتي، أنا جاية معاكي." ضحكت هالة بخفة وهي بتعدل شنطتها على كتفها: > "يا بنتي، كان وليد عدى عليا وأخدني، ليه تتعبي نفسك؟ ولا علشان تصالحيني؟ لا يا ماما، الصلح ده ما ينفعش." قربت حنين منها بخطوة، عينيها فيها دفء وحنية، وصوتها طالع بإصرار ناعم: > "طيب حقك عليا، أنا أساسًا هروح على القسم اللي في السيدة زينب يعني ما فيش تعب، أنا جاية معاكي لمصلحة." ضحكت هالة بفضول وهي بترفع حاجبها وبصوتها الخفيف اللي فيه شقاوة: > "آه، قولي كده، جاية لمين يا ترى؟" قالت حنين بصراحة وهي بتزفر بهدوء كأنها قررت تواجه: > "قسم السيدة علشان آخد معلومات عن قضية وأعرف إن كانت ملفقة فعلًا ولا لأ." انتظرت هالة لحظة، وبصوتها اللي فيه نغمة تذكير قالت وهي بتتأملها: > "قضية سالم ابن أم سالم بياعة الخضار، صح؟ بس إنتي قلتِ هترفضيها." وضحت حنين وهي بتتكلم بهدوء وعقل، كأنها بتحاول تقنع نفسها قبلها: > "كنت عايزة أخلص القضايا القديمة وأركز على استعادة ابني من صالح ومراته، بس القضية اللي في المصنع، عايزة أمسك أي حاجة أضغط بيها عليهم." نظرت لها هالة بغضب خفيف، نبرة صوتها فيها لوم أكتر من عصبية: > "من أمتى بتستغلي حاجة الناس لمصلحتك؟" تنهدت حنين وهي بتحط إيديها على الترابيزة قدامها وتتكلم بتبرير صادق: > "لو هو بريء هساعده أكيد، أما لو فيه أي شبهة هأكون مسكت أي غلطة على صالح." رفعت هالة نظرها ليها، وقالت بصوت حزين فيه تساؤل حقيقي: > "فين حنين أم قلب طيب؟" سكتت حنين شوية، وبعدين بصت لها بنظرة كلها وجع وكسرة قلب، صوتها طالع مبحوح وهي بتقول: > "ماتت من اليوم اللي ضغط فيه على أبويا علشان اتجوز ابن صالح، ولما كشفته أنه السبب في حادثة حازم حاول يخلص مني، بس القدر كان أقوى منه. وجعه على ابنه لكن وجعني على أبويا وأمي معاه، وبرضه ما سكتش، فحاول يوجع قلبي وأخد إياد ابني في لحظة انهياري ومرضي." قربت هالة منها وربتت على كتفها بحنان وصوتها فيه مواساة صادقة: > "خلاص يا حنين، انسي الماضي، ابنك جاي النهارده، لازم تكوني مبسوطة." --- ردت حنين بوجع وهي عينيها مليانة شجن، وصوتها فيه وجع أم موجوعة من البُعد: > "آه، إن شاء الله هناء هتجيبه على الساعة 7، ولازم أخلص كل حاجة النهارده." قالتها وهي بتزفر تنهيدة طويلة، وبصت قدامها في الفراغ كأنها شايفة صورت ابنها من بعيد، كملت بصوت مبحوح: "بقيت أنا اللي بشوف ابني برؤية، مش جده... مين أحق بابني؟ الأم ولا الجد ومراته؟ بس أقول إيه... ربنا منتقم." اقتربت هالة منها بهدوء، ومدت إيدها وربتت على إيدها بحنية، عينيها كلها تعاطف وقالت بلطف: > "ماشي يا ستي، قربنا نوصل. أنا هنزل هنا وإنتي كملي على القسم وبعده السجن، مش عارفة إزاي بتستحملي كل ده." هزت حنين راسها بابتسامة باهتة وهي بتحاول تخفي تعبها، وقالت بنبرة فيها صلابة رغم الوجع: > "اتعودت يا قمر، المهم، عاملة إيه مع وليد؟" ضحكت هالة بخفة، عينيها فيها لمعة سخرية ودهشة في نفس الوقت، وقالت وهي بتبص لها: > "لسه فاكرة يا أختي؟ نفسي أعرف إيه اللي كان شاغلك إمبارح، ما كنتيش معايا." سرحت حنين وهي بتبص من الشباك، كأنها خرجت من اللحظة كلها، وعينيها غابت في ذكريات مؤلمة، وبصوت شبه الهمس قالت كأنها بتكلم نفسها: > "كنت مع مذكرات عاشق." نظرت لها هالة باستغراب وهي بتضحك بخفة وقالت وهي بترفع حاجبها: > "بتقولي إيه؟ فيلم ده ولا حكاية جديدة؟" استفاقت حنين من شرودها بسرعة، وابتسمت بخجل وهي بتحاول تغير الموضوع: > "ما تاخديش في بالك." قالت هالة وهي بتهزر بنبرة خفيفة لكنها بتحاول تخفي قلقها عليها: > "تمام، سلام يا صاحبة القلب الجامد." ضحكت حنين وهي بتهز راسها وقالت بابتسامة فيها مزيج من المرارة والفخر: > "أنا صاحبة القلب الجامد، ماشي يا ستي، سلام." (نزلت هالة عند أول الشارع، وفضلت حنين سايقة بهدوء، وشها ثابت لكن جواها دوامة من المشاعر، بتحاول تجمع شجاعتها قبل ما توصل القسم.) بعد شوية دقايق، وقفت العربية قدام القسم، نزلت وهي شايلة شنطتها، خطواتها فيها ثقة بس عينيها فيها حذر. دخلت عند الضابط وقالت بنبرة رسمية فيها احترام: > "ممكن أقابل العقيد سامح؟" رفع العسكري نظره ليها وسأل وهو بيعدل الكاب على راسه: > "نقول له مين؟" ردت بابتسامة بسيطة ونغمة هادية: > "المحامية حنين محمد الدسوقي." قال العسكري بسرعة وهو بيكتب الاسم: > "دقيقة." (دخل العسكري أوضة المكتب، وهناك كان فيه شاب حوالي 35 سنة، طويل القامة، ملامحه قوية وعيونه حادة كالسيف، صوته عالي وهو بيزعق في العسكري.) قال سامح وهو بيخبط بإيده على المكتب بعصبية: > "مش قلت لك 100 مرة ما تدخلش قبل ما أطلب منك؟ مش شايفني مشغول؟!" اتلخبط العسكري وابتدى يتأتأ بخوف، وهو بيقول بسرعة: > "أصل فيه محامية بره عايزة تقابل حضرتك." رد سامح بحدة وهو بيبعد الملفات بعصبية: > "مش فاضي أقابل حد." قال العسكري بخضوع وهو بيحاول يهرب من غضبه: > "حاضر." (سمعت حنين صوته من بره، صوتها اتغير وهي بتهمس لنفسها، عينيها فيها خليط من الحنين والضيق): > "آه، نسيت، ده بقى أكتر إنسان عصبي في الكون رغم قلبه الطيب. مش وقته يا عم سامح، أنا محتاجاك." رجع العسكري ليها وقال وهو بيحاول ما يبصش في عينيها: > "رفض يقابل حد يا أستاذة." ابتسمت حنين بسخرية خفيفة وهي بترد بنغمة فيها لا مبالاة مقصودة: > "ما يهمكش." (العسكري مشي وهو بيكلم نفسه بصوت واطي، وهو طالع من المكتب): > "هروح أجيب له قهوة وأرجع يكون هدي شوية." (وقفت حنين بره الباب، إيديها متشابكة، وصوت خطواتها على البلاط كان مسموع، كل ثانية بتعدي كأنها ساعة، مستنية اللحظة اللي الباب يتفتح فيها...) --- في قسم الشرطة... الجو تقيل، ريحة السجاير مالية المكتب، وصوت الأوراق اللي بتتقلب بيكسر سكون المكان. الصول وقف عند الباب، بص لسامح اللي باين عليه الغضب مكتوب على وشه، وقال ما بينه وبين نفسه وهو طالع: "أروح أجيب له القهوة وأرجع، يمكن يكون هدي شوية..." فضلت حنين واقفة بره، عيونها بتلف في المكان وهي بتحاول تمسك أعصابها. كانت سامعة صوته بيعلى جوه وهو بيكلم حد في التليفون، وصوته بيطلع من جوه المكتب زي الرعد: سامح (بعصبية): "يعني إيه يا ابن الـ... دا يستفزك يا حسام ويبهدلك بالشكل دا؟ هو فاكر إن الحصانة البرلمانية دي هتحميه؟ إنت غلطان، مش اتصلت بيا ليه؟" حسام (من السماعة): "سيبني شوية يا سامح، هو قرب يقع متقلقش... الحصانة اللي متحامي بيها هتقع قريب، بس حنين تعبت أوي بعد وفاة الحاج والحاجة، ومش عايز أزود عليها." سامح (بحنق): "هما فاكرين نفسهم إيه؟ أخوك ظلم البنت دي، دا يوم جوازه كان مأساة... البنت بعد ما كانت زهرة متفتحة بقت دبلانة." حسام (بهدوء): "على العموم أنا راجع بكرة، وعلشان كده اتصلت بيك... تتصل بحنين وتكون معاها. واسألها إن كانت اتفقت مع حد هيجيب إياد." سامح (بصوت واطي بس مليان قهر): "هي متنفعش تروح تجيبه لوحدها؟" حسام (بتنهيدة): "للأسف، هو بيتهمها إنها هتقتله علشان كده أخد عليها تعهد إنها ما تدخلش البيت." سامح صرخ فجأة، والقلم طار من إيده: "يتحرق هو وبيته! ماشي يا صالح الكلب، ليك يوم!" حسام (مهدّي): "اهدأ يا سامح، احنا مش عايزين تهور... والله العظيم ما كنت عايز أسافر، بس هي اللي أصرت، قالتلي نغير جو أسبوع... بس كان غلطة." سامح (بحزن ممزوج بالاحترام): "هي دي حنين... تمسح دموع أي حد حتى وهي بتتألم. وكان عندها حق... إنت اتجوزت، وأخوك وزوجته اتوفوا، وبعدها قضية الحضانة... مراتك ليها حق عليك." حسام (بنبرة خجل): "عندك حق... هي طول عمرها بتخاف عليا. بحس إنها أختي مش بنت أخويا." سامح (بابتسامة حزينة): "فعلاً والله..." حسام: "سلام دلوقتي علشان ما أعطلكش، أنا عارف القسم كله فوق راسك." سامح: "هو فعلاً فوق راسي، بس لمّا ترجع بالسلامة، ليك عندي حساب مفتوح." قفل سامح الموبايل، ورمى نفسه على الكرسي وهو بيزفر بقوة. رفع راسه للسقف، وصورة حنين وهي بتعيط زمان رجعت قدامه كأنها بتتحرك في ضباب الذاكرة. فلاش باااااك: (من ٨ سنين فاتوا) المكان: ملعب تدريب صغير تابع للشرطة، صوت الصافرات والتدريبات، والغبار بيملأ الهوا. حنين، وهي عندها ١٧ سنة، كانت بتجري ناحية سامح اللي وقتها كان عنده حوالي ٢٥ سنة. حنين (بلهفة): "عمو سامح، الحقني!" سامح (واقف بيضحك): "في إيه يا حنين؟ حصل إيه؟" حنين (متضايقة): "صاحبك دا جنني! مش آكل من الصبح، وطول الوقت تدريب في تدريب!" سامح (ضاحك): "حرام عليك، أنا قلت بيقبض عليكي!" حنين (بتعب): "أنا بجد خايفة عليكم... من التدريب الكتير دا. المكان بقى زي جيم، بس عنيف أوي!" سامح (بيهديها): "تعالي يا حنين، وأنا هفهمك... إحنا لازم نتدرب كويس علشان نحمي بلادنا من الأشرار... علشان البنات الجميلة اللي زيك يعيشوا في أمان." مسح دموعها بحنية، وهي بتبصله ببراءة، ولسه في ضحكتها الطفولة والطيبة اللي كانت زمان. رجع تاني للحاضر. اتفتح الباب فجأة، ودخلت حنين بإيدها صينية فيها قهوة. ابتسمت بخفة وقالت وهي بتحطها على المكتب: حنين (بمزاح): "سمعت إنك متعصب ورافض تقابل المحامي الزفت اللي بره... قلت أجيبلك القهوة يمكن تهدى شوية." سامح قام من مكانه بسرعة، وكأنه شاف شمس وسط ظلمة، وقال بانفعال فيه فرحة: سامح: "حنين! يااه من كام سنة ما شوفتكش... بس بتحلوي كل يوم يا بت انتي!" حنين (بضحكة خفيفة): "بت؟ ماشي يا حضرة العقيد... شكراً، بس بجد محتاجة مساعدتك." سامح (باهتمام): "خير يا حنين؟ إيه اللي جابك بعد كل الوقت دا؟" حنين (بمزاح يخفي وجع): "هتقتلني ولا إيه؟ أنا جايه بخصوص قضية قديمة، من سنة ونص حصلت هنا." بدأت تحكي له تفاصيل بسيطة، وإزاي الشكوك حوالين حادثة العربية مرتبطة بالقضية. كان سامح مركز معاها، صوته بقى هادي وهو بيقول: سامح: "يعني عايزة إذن زيارة، مش محامية صح؟" حنين: "بالضبط." سامح: "تمام، ليَّا صديق في مصلحة السجون، هكلمه وأظبطلك ميعاد زيارة." حنين (بامتنان): "شكراً جدًا... ولو في معلومات عن الملف كمان يبقى جميل." سامح (بابتسامة): "أكيد، بس استني... النهارده إياد جاي، صح؟" حنين (بتفاجؤ): "عرفت إزاي؟" سامح (بهدوء): "من حسام طبعًا، قاللي أكون معاكي النهارده... هو راجع بكرة." حنين (بصوت منخفض): "إن شاء الله يرجع بالسلامة... وما يحصلش حاجة وحشة." سامح (بحنان): "رايحة فين دلوقتي؟ استني نخرج نتغدى سوا." حنين: "كنت ناوية أروح أزور متهم تاني وأعتذر له، هيستلمه إيهاب مكاني." سامح (مستعطف): "مش النهارده، أرجوكي يا حنين، لحسن أقبض عليكي!" حنين (ضاحكة): "لا، الطيب أحسن، حاضر يا عقيد سامح." ضحك وقال: سامح: "نروح على فين يا قمر؟" حنين (مازحة): "أرجع أقولك يا عمو؟" سامح (بتهكم لطيف): "خلاص، آسف يا أستاذة!" عمل لها تحية عسكرية، وضحكت هي بخفة: حنين: "هههههه... كده كتير! نروح على النيل، بعشقه." سامح (بصدق): "وأنا بموت فيكِ وفي ضحكتك... ومستني حسام يرجع ويبلّغك طلبي بالزواج." حنين (متفاجئة): "روحت فين يا حضرة العقيد؟" سامح (مبتسم): "هه، معاكي." خرجوا سوا من القسم، راكبين عربية سامح في طريقهم على كافيه على النيل... بينما في نفس اللحظة، كان القدر بيجهّز لقاء تاني، مختلف تمامًا... لقاء هيقلب حياتهم كلهم. كان حازم قاعد قدام الكاميرات، المذيعة اللبنانية "رهف" قدامه، والهواء بيطاير خصلات شعرها وهي بتضحك بخفة: (رهف وهي بتعدل شعرها) "ممكن بعد إذنك استراحة ربع ساعة ونكمل اللقاء؟" (حازم بابتسامة مجاملة بس عيونه تايهة بعيد) "مفيش مشكلة." بمجرد ما زاحت الكرسي، عينه وقعت فجأة على عيون حنين اللي داخلة الكافيتريا مع سامح، كانت واقفة ببساطة، شعرها ملموم ووشها فيه هدوء غريب، نظرتهم اتلاقت في لحظة... الدنيا كلها سكتت. (حازم بصوت خافت كأنه بيكلمها في سره) "اوعي توافقي... أرجوكي، اقري الرسالة الأول." (حنين بتقطب حواجبها باستغراب وهي ترد في سرّها) "أوافق على إيه؟ مش فاهمة." (حازم بيكتم أنفاسه، صوته مليان رجاء مكتوم) "يارب... مش يفتح موضوع الجواز معاكي، أنا بعشقك بجنون، ولو وافقتي... أهرب من كل الدنيا المرة دي." دمعة خفيفة خانته ونزلت، وهي شافته، قلبها اتقبض. (حنين وهي تبصله بحيرة ووجع داخلي) "يا ترى ليه بيعيط؟! حزين كده ليه؟ ولا علشان شافني مع سامح؟" سامح كان بيتكلم، لكن هي ما كانتش سامعة غير صوت قلبها. (حازم بعينه اللي مليانة وجع) "انتي مش فاهمة حاجة... ده هيخدِك مني وللأبد." (سامح بضحكة خفيفة وهو يلاحظ سرحانها) "سرحانة في إيه يا حنين؟" وبعدين لفّ عينه ناحية الاتجاه اللي كانت بصاله، وفجأة اتفاجئ: "إيه ده! مش ده ابن عم أسر؟ الله يرحمه... الكابتن حازم؟ كويس اتعافى أهو." (حنين وهي بتحاول تسيطر على ارتباكها) "آه، واضح كده." (سامح بيرفع حاجبه بدهشة وهو بيتكلم بنغمة ساخرة) "عجيبة والله... هو لسه باقي كويس وبيمشي مع واحدة كده؟! بس دي... صاروخ." (حنين بتقطب ووشها يشد) "عفوًا؟ بتقول حاجة؟" (سامح وهو يهرب بالنظر) "هه... لا، ولا حاجة. تشربي إيه؟" (حنين وهي تحاول تسيب جو التوتر) "لا كفاية كده، أنا هروح ألحق أجهز الأكل لإياد." (سامح بنبرة رجولية وهو يحاول يفرض وجوده) "نشتري أكل جاهز من أجمل مطعم في البلد." (حنين بتزفر ووشها بيشد أكتر) "إزاي يعني؟ هو أنا مكسّاحة؟ ولا موت؟" سامح اتغيرت ملامحه فجأة، العِرق في رقبته شد، وصوته خشن: "انتي بتكلّمنِي كده إزاي؟!" (حنين بدهشة وهي ترفع حاجبها) "في إيه يا عمو سامح؟ أنا بتكلم عادي." (سامح صوته بيعلى مرة واحدة والعصبية بتخرج من ملامحه) "ألف مرة قلتلك أنا مش عمّو، فاهمة ولا لأ!" ومسك إيدها بعنف. (حنين تصرخ وهي تسحب إيدها) "آااه! إيدي! إنت مالك يا حضرة العقيد سامح؟!" سكت لحظة، وشه اتبدل، العصب اللي كان مشدود فَكّ، (سامح وهو يبعد إيده بسرعة) "آسف... آسف يا حنين، بس طريقتك في الكلام عصبتني." (حنين وهي تبصله ببرود) "واضح إن حضرتك متوتر، بس أنا كلامي كان عادي جدًا... نأجل الغدا ليوم تاني أحسن." (سامح وهو يزفر ويهدي نفسه) "طيب... حاضر." من بعيد، حازم كان بيتابع المشهد كله بعينه، حزين وسعيد في نفس الوقت، حزين لأنه شايف الشخص اللي بيحبها بيتعامل معها بعصبية، وسعيد... لأنها حطت حدود واضحة ما بينهم. خرجت حنين من المكان، وبعد شوية، كان حازم بيكمل اللقاء مع رهف. (رهف وهي بترتب ورقها بابتسامة) "وفي نهاية الحلقة، بنشكر الكابتن حازم الحائز على بطولات عالمية..." (حازم وهو يرفع رأسه بهدوء) "ممكن أجاوب دلوقتي؟" (رهف بدهشة خفيفة) "أكيد، اتفضل." (حازم بنظرة مليانة وجع وحنين) "منتظر حبيبتي تحس بيا، وأكون ظلها... وتكون ظلي." (رهف بضحكة مفاجأة) "يعني معنى كده في قرارات ارتباط؟" (حازم بابتسامة حزينة) "آه... لو هي بس قرت اللي في قلبي... ووافقت." (رهف بضحكة مبتهجة) "وااو! 😂😂 طلعت رومانسي كمان! عايز توجهلها إيه كمان؟" (حازم صوته بيرتعش وهو يهمس) "بحبك... وهفضل أحبك طول العمر، حتى لو ما حسيتيش بيا... هفضل العاشق المجهول." تصفيق، أضواء، ابتسامات مصطنعة... لكن جواه كان في حرب. رجع حازم البيت، وقلبه بيتقطع دخلت حنين الشقة بخطوات بطيئة، رمت شنطتها على الكنبة، وسندت راسها على الحيطة. نَفَسها كان تقيل، وعنيها شايلة وجع مش مفهوم... كانت لسه شايفة مشهد حازم وهو بيعيط قدامها، ومش قادرة تمسحه من خيالها. (حنين وهي تكلم نفسها بنبرة متوترة) "ليه حسيت إن الدموع دي مني أنا السبب فيها؟ هو حازم بقى كده ليه؟ ولا أنا اللي بقيت بحس زيادة؟" قامت تمشي ناحيه الدولاب، فتحت الدُرج اللي في آخره، طلعت دفتر قديم ، اللي كان مدّيهولها حازم زمان وقالها: "ده أول يوميات كتبتها بعد ما قابلتك." قلبها خبط أول ما شافته. قعدت على السرير، وبدأت تقلب صفحاته بإيدين بيرتعشوا. (حنين بصوت خافت وهي تقرا) "النهارده شُفتها تاني... كانت بتضحك، ضحكتها وجعتني قد ما ريحتني. بحاول أبطل أحبها... بس كل مرّة بشوفها ببدأ من الأول." دمعة نزلت من عنيها من غير ما تحس، حطت إيدها على الصفحة كأنها بتلمس صوته بين السطور. (حنين بنبرة متكسرة) "ليه يا حازم كتبت كده؟ طب ليه ما قلتليش وقتها؟ كنت أعرف إزاي إنك بتحبني وأنا فاكرة كل ده هزار؟" رجعت تكمل قراءة: "أنا بتمنى اليوم اللي تبصلي فيه وتفهمي من غير كلام... إن كل بطولة كسبتها كانت علشانك، وكل خسارة وجعتني كانت من بعدك." قلبها اتعصر، دموعها نزلت أكتر. مسحت خدها بإيدها بسرعة، وقامت تلف في الأوضة زي التايهة. (حنين وهي بتحاول تهدي نفسها) "هو بيقصد إيه لما قالّي 'اقري الرسالة قبل ما توافقي'؟ رسالة إيه؟ هو ممكن يكون كتبلي حاجة فعلاً؟" بصت ناحية شنطتها اللي رمتها من شوية، قامت بسرعة، فتحتها، وبدأت تفتش فيها زي المجنونة. وفجأة... إيدها لمست ظرف أبيض صغير، مكتوب عليه بخط إيده: "اقريها قبل أي قرار." قلبها وقع. الوقت وقف. سمعت صوت دقات قلبها كأنه طبلة في ودانها. قعدت على الأرض، والظرف بين صوابعها بيرتعش. (حنين وهي تهمس بخوف) "يا ترى كاتب إيه يا حازم؟ ولو اللي متخيلاه صح... حياتي كلها هتتقلب." فتحت الظرف ببطء... طلعت ورقة مطوية بعناية، بخط إيده. ابتدت تقرا، وصوته كان بيجيلها في خيالها وهو بينطق كل كلمة. (صوت حازم في ذهنها - بنبرة هادية فيها وجع) "لو الرسالة دي وصلتلك، يبقى أنا خلاص فقدت السيطرة على اللي جوايا... يا حنين، أنا بحبك من قبل ما تفهمي يعني إيه حب. كنتِ دايمًا النور اللي بيطلعني من أي ظلمة، بس أنا كنت جبان، خفت أقولك... وخفت أخسرك زي ما خسرت كل حاجة تانية." (حنين تبكي بهدوء وهي تلم الورقة على صدرها) "يا وجعي منك يا حازم... ليه كنت ساكت؟ ليه خليتني أعيش غبية كده؟" (الليل ساكن، ضوء خافت جاي من الشباك، والهدوء مكسور بأنفاس حنين التقيلة وهي بتبص في الفراغ) قامت حنين تبص من الشباك ناحية نفس المكان اللي شافته فيه النهارده، بس المرة دي، نظرتها كانت مختلفة... كان فيها اشتياق، خوف، وحيرة، كل المشاعر اللي كانت مدفونة جوّاها اتجمعت جوّا نظرة واحدة. جلست على طرف السرير، نظراتها تائهة وصوتها مبحوح من كتر التفكير، دموعها محبوسة على طرف الجفن كأنها مستنية كلمة علشان تنزل. قدامها هالة، بتحاول تبان متماسكة، بس رعشة إيديها الصغيرة كانت فاضحة خوفها، ووشها فيه لمحة غضب مش مفهوم مصدرها من وجع ولا من قلق. (ترجع حنين بذاكرتها لمشاهد متقطعة من الماضي...) حنين (بصوت واطي ونظرة مليانة شجن): "كنت منتظره يجي ويتكلم... لكن مقالهاش، كنت بحس من نظراته إنه بيقولها." (الزمن يتبدل في خيالها... والمشهد القديم يبدأ قدامها كأنه بيحصل دلوقتي) --- ريم (بصوت دافي): "حمد الله على السلامة." حسام (بنظرة تعبانه بس فيها حنية): "الله يسلمك يا حبيبتي." (وبعد لحظات قليلة، يدخل رجال بوشوش جامدة وياخدوا إياد) حنين (بصوت مبحوح وهي بتجري ناحيتهم): "سيبوه شوية... أرجوكم!" أحد الرجال (ببرود): "دي أوامر البيه." حنين (بتنهار وتركع على الأرض، تبكي بحرقة): "أرجوكوا... ده ابني... سيبوه، أرجوك!" حسام (واقف بيتماسك بالعافية، صوته متعصب): "كفاية يا حنين! الموضوع مش في إيدينا دلوقتي." (الصورة تتكسر فجأة... كل حاجة بتختفي، وحنين تفوق على صرخة عالية وهي بتنده) حنين (بتصرخ وهي فزعة): "إياد!! بابا!! ماما!!" (يجرو عليها بسرعة، ريم تمسكها وتجيب ميه، تسقيها وهي مرعوبة) ريم (تهمس في ودن حسام بخوف): "أنا خايفة تجيلها الأزمة تاني... شفت مرعوبة إزاي وبتعيط؟" حسام (يحاول يطمنها وهو ماسك إيد حنين): "متخافيش... هي بس كانت بتحلم. أكيد حلمت بالحادثة... كانت قدام عنيها ومقدرتش تعمل حاجة. اعذريها وخلي بالك منها." ريم (بقلق): "انت خارج تاني؟" حسام (بيتنهد وهو بيلبس الجاكت): "هرتاح ساعتين وهخرج، عندي مهمة ورايح القسم أسجل حضور... عاوزة حاجة؟" ريم (بهدوء حزين): "سلامتك... بس الناس اللي خدوا إياد زمانهم جاين." حسام (بيحاول يطمنها بابتسامة خفيفة): "أنا موجود، متقلقيش." --- (حنين تستوعب إنه حلم... تاخد نفس طويل، حضن ابنها إياد بقوة كأنها بتسترجع الحياة، لعبت معاه، ضحكت من قلبها، وفطرته بإيدها، وبعدين نزلت مع ريم تساعدها في الغداء... ساعتين وهي بتحاول تشبع من ابنها) (يدق الباب، يدخل أمير - عمه - بابتسامة باهتة، يمد إيده ياخد إياد) حنين (بحزن): "ماما أنا عايز أقعد معاكي." حنين (بصوت بيترعش وهي بتحاول تبان قوية): "جدو بيحبك أوي يا حبيبي، وعد... أول ما أخلص شغلي هاخدك نلعب ونلف الدنيا سوا." إياد (بنظرة بريئة): "بجد يا ماما؟" حنين (تبتسم ودمعة خفيفة تهرب منها): "بجد يا حبيبي، اسمع كلام عمو أمير وعمو ياسر ومتزعلش حد، تمام؟" إياد (بيهز راسه): "حاضر." حنين (تبص لأمير بشكر خافت): "شكرًا إنك في صفي يا أمير." أمير (ينظر لها بنظرة جامدة فيها حزم): "أنا مش في صف حد... لحد ما أوصل للحقيقة. وأيًّا كان مين السبب في موت أُسرة... هنتقم منه. ولحد ما أعرف... ابن أخويا مش هيكون ضحية لحد فيكم." حسام (يرد بهدوء): "واحنا عايزين كده." أمير (بنظرة حادة): "اللي فيه الخير يقدمه ربنا... سلام." حنين (بهمس): "سلام." (تجري تقف في الفرَندة، تودّع ابنها بعنيها وهي بتلوّح له، قلبها بيتقطع، وفي نفس اللحظة، حازم كان واقف بعيد، بيبص عليها بحزن وألم مكبوت...) --- (بعد ساعة من الصمت، الكل على السفرة، بيأكلوا في سكون ثقيل...) حسام يستعد للخروج، يلبس ملابسه، ريم تقرب منه بخطوات هادية، تشيم ريحة العطر على جسمه، وتلمسه بخفة. ريم (بصوت ناعم): "خلي بالك من نفسك." حسام (يبتسم بخفة، وبنظرة فيها شوق): "إيه رأيك نكمّل وبعدين أروح؟" (يحملها برفق، يرميها على السرير بحنان، يبدأوا لحظات من الحب الحلال اللي بينهم... لحظات فيها دفء، تفاهم، وتوافق، كأنهم بيثبتوا إن الحب الحقيقي مش بس شغف... لكن أمان وسكينة بتخلي الحياة تمشي على نور.) تتبع

مذكرات عاشق الكاتبة صفاء حسنى الفصل6/10

مذكرات عاشق الكاتبة صفاء حسنى من الفصل 5/10

اترك تعليقاً إلغاء الرد

مقالات ذات صلة

روايه نوفيلا جديده

ابني وسىرير أخته

من أجمل القصص 👇

تضحيه عاشق

روايه جامده وجديده 1

هذه الطفلة أصبحت ملكة جمال سوريا تحمل الچنـ,,ـسية اللبنانية ولكن حققت شهرتها في مصر وزوجها فنان شهير!!

اترك تعليقاً إلغاء الرد