زواج من أجل ذنب نيفين عبد السلام ج الاخير

على: طب ليه تتجوزيه

سمر: علشان بحبه

على: بتحبيه علشان فلوسه صح

سمر بدموع : لا والله بس بحس معاه بالامان حنين عليا ساعات بحس أن ابويا أو اخويه حد قريب منى

على: طب مش يمكن احساسك ده علشان بابا الله يرحمه

سمر: بس ياعلى انت اخوى علشان كده انا هكلمك بصراحة

على: اتكلمى عاليا ادخلى جوه

عاليا: ادخل جوه ليه انا مش صغيرة

سمر: عاليا يا حبيبتى وانتى مش صغيرة بس انا عايزة اتكلم مع على لوحدنا

عاليا: حاضر ودخلت لمامتها وسابتهم

على: اتكلمى سمعك

سمر’ : بس ياسيدى من حوالى شهر فات كنت رايحة مع سليم هو اسمه ده نشوف ارض هنعمل عليها

مشروع ساكنىى كبير ارض فى طريق الإسماعيلية المهم شوفنا الارض واحنا راجعين عملنا حادثة

على بخضة: حادثة ايه وانت كويس

سمر: انا زى الفل ادامك حادثة سليم اللى اتصاب فيها بس بحكم أنه كان سايق المهم اتصلت بالاسعاف

ورحنا على مستشفى عملولوا الاسعافات الاولية والحمد لله انها كانت إصابة سطحية المهم بتنا فى

المستشفى وتانى يوم جاءه الاستاذ حسين صديق سليم والمحامى بتاعه واخدنا وراحنا على القصر تصور

عايش فى القصر كبير لوحده

على: انت مش بتقول أنه عنده أربعين سنة

سمر : اه

على : معقول وصل للسن ده من غير مايكون اتجوز

سمر: اه سليم عمره ماتجوز هو عايش فى القصر ده مع داده فوزية والخدم المهم بعد ما وصلنا كان

الدكتور كاتبله أدوية وحقن وانت تعرف أنه عندى فكرة عن الموضوع من ايام بابا الله يرحمه فطلب

منى أن اقعد معه وتابع الموضوع ده طبعا انت ممكن تقولى ليه مكلفش ممرضة هرد عليك لان صعب

يثق فى حد وهو طلب منى أنى ابشار الموضوع ده فعلا فى الفترة قربت منه جدا حسيت اد ايه رغم كل

الفلوس والنفوذ اللى عنده لكن تحس انه ضعيف ومحتاجاه زى ماهو محتاجله

على: محتاجلك ومحتاجاه طب ازاى

سمر: هو محتاج لعائلة يحس انها بتحبه ومستعدة تقف جامبه لقدر الله لو تعب اما فحتياجى ليه حسيت

الامان لم قربت منه حسيت أنه زى بابا حنيته كل حاجة ارجوك ساعدنى واقنع ماما انها توافق صدقنى

انا هكون مبسوطة وانا معاه

على: طب سؤال هو متجوزش ليه كل ده

سمر: وهو شاب ابوه وامه واخته ماتوا فى حادثة من ساعتها وهو تعقد وبضحكة خفيفة من سمر اول

ماشاف اختك عقدته اتفكت

على : طبعا حد يشوف العيون الحلوة ده مايحبهاش

سمر: يعنى هتساعدنى