زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
سليم : أزاى اللى أزاى
سمر : عشان مش من حقى المنصب
سليم : من حقك عشان هتكونى مراتى
سمر : مراتك على الورق يبقا مش من حقى لما اكون مراتك بجد يبقا حقى
سليم : وانتى عايزه تبقا مراتى
سمر تهز راسها : لا مش عايزه بس الناس هتقول عليا واحدة طماعة اتجوزت رجل عجوز عشان
خاطر فلوسه
سليم بضحك : أنا كده هزعل رجل عجوز انا لسه شباب وانا زى مانتى شايفة مليش حد وأنا هتصدقنى
لو قلت حبيتك اول ماشوفتك
سمر : حبتنى
سليم : حبتك زى فريدة وقولت لنفسى أن ربنا بعتك ليا عشان أغير من حياتى واكفر عن ذنبى فى حق
فريدة
سمر : وانا بصراحة بقيت بحس بالامان معاك
سليم : يبقا هنتجوز ومش هترجعى فى كلامك
سمر: مش هرجع فى كلامى طيب وطلبى التانى
سليم: انا عايزك تنسيهم خالص وتنسى حاجة اسمها الباشا وسهى والاتنين دول هخليهم يختفو من على
وش الدنيا
سمر بشهقة: هتقـ,ـتلهم
سليم بضحكة عالية: ليه انت شايفينى قتال قـ,ـتله
سمر: مش انت اللى قولت
سليم: معنى انهم هيختفوا من الدنيا مش القـ,ـتل
سمر: هى ليها معنى تانى
سليم: الدنياهى دنيتك ودنيتى مستحيل تشوفيهم طول ماانا عايش وقبل كتب الكتاب الصور هتبقى فى
ايدك فى طلب تانى
سمر: لا
سليم: خلاص اطلعى اوضتك ارتاحى علشان بكره تسافرى لاهلك تفاتحيهم فى موضوع الجواز
سمر بفرحة: هسافر بكره
سليم : اه وانا يومين ووهحصلك هناك ونتمم كل حاجة
خرجت سمر من عند سليم وهى مش عارفة القرار اللى اخدته صح ولا غلط وكل اللى هى حاسه انها
فى قرب سليم بتحس بالامان وكأنه أبوه أو اخوها
وعدى الليل وجاه الصبح وصحيت سمر ودعيت ربنا أنه يسهل امورها وتقدر تقنع امها بجوازها من
سليم ولبست ونزلت لقيت سليم خارج من اوضته
سليم: صباح الخير
سمر: صباح النور ياسليم بيه
سليم: فى حد يقول لخطيبها وجوزها المستقبلى يابيه انا أسمى سليم وبس
سمر : بكسوف خلاص ياسليم
سليم : طب يلا افطرى وتعالى نتفق على الكلام اللى هتقوليه لمامتك
نزلو مع بعض واول ماشافتهم فوزية عينيها دمعة لانها افتكرت فريدة لما كانت بتنزل مع سليم
سليم،: مالك يافوزية
فوزية: مفيش يابيه
سليم: طب مش هتباركى لسمر
فوزية: مبروك يابنتى بس على ايه
سليم: انا وسمر هنتحوز
فوزية بصدمة: مبروك ياسمر هانم
سمر: الله يبارك فيكى بس ايه سمر هانم انا سمر وبس
فوزية: بس ميصحش
سمر: لا يصح انا بعتبرك زى امى
